الموضوع: اسيرالدوحه في كوانزو

السلام عليكم ...

احباءي كيف حالكم ؟؟؟

شلووونكم ؟؟

المهم ... مابي أطول عليكم ...


انا الآن في كوانزو .... وكل شي آخر ألسطه ,,,


بس عندي سؤال الى اخواني أصحاب الخبرة ...

احنا استأجرنا فان ... يكون معانا .. طول الوقت ,,,

بدال الشحططه في سيارتين تاكسي ...


أخبرنا السائق .. بأن أجرته .. داحل كوانزو 450 ياون

والى فوشان ... 500 .. وكذلك شنده ...

صراحة انااشوف اسعاره غاليه ...

مدري .. انتو وشرايكم ؟؟


ساعدونا .. ولكم الأجر ...

ملاحظه : احنا 4 اشخاص (رجال) ومعانا طفلين ...


يعطيكم العافية يا رب

مواضيع عشوائيه ممكن تكون تعجبك اخترناها لك:

• استفسار ضروري ياجماعه ؟؟؟
• استفسارات محيرتني
• للي يبغا يروح اندونيسيا معانا وعنده خبره
• كم تكلفة 15 يوم في اندونيسيا
• عورني راسي من كثر ما افكر ياليت احد يساعدني
• استفساراتي عن التسوق والسكن
• نصيحتكم مسافره اندونيسيا في العيد إنشاء الله
• عاجل ساعدوني في جدول لمدة اسبوعين سفري بعد اسبوع
• ابي جدول لمدة 15 يوم خط سيري جاكرتا و بنشاك و بندوم
• مساعدة للسفر الى اندونيسيا
• اختكم بحاجه لمساعده اول مره اسافر
• انواع الغرف في فنادق اندونيسيا
• السلام عليكم
• استفسار ياشباب
• مساعدتي في جدول الرحلة 19
• مساعده
• هل زيارة باندوق ضرورية
• جدول لشهر العسل ومحتاج ارائكم
• احتاج لكم ابي احد يرتب لي برنامج بسيط
• معقوووول ريال ؟؟؟

اخوي انا اخذت فان صغير

داخل قوانزو 350

وشندا وفوشان 400

ومدينة الاضاءة 600

وفلوس البنزين ورسوم الخط عليه بعد
واذا تبي رقم السواق راسلني
على الخاص

حتى لو تبي صورته هههههههههههههههه

وسواق ممتاز

بس ما يتكلم انجليزي

واذا اشكل عليكم شي بيدق على زوجته وهي تتكلم انجليزي وتتفاهمون معها

وحنا حاضرين

ياليت اخووووي ..

أكون شاكر لك ,,,

أرسله لي عالخاص ...

رقمه هو وزوجته ....

اسير الدوحه
انا اخذت فان وسط كوانزو في اليوم كامل تقريباً 7 ساعات ب 300 رميمبي

ماودي اعطيك الرقم علشان بروح الحين انا واخاف تاخذ الفان حقي هههههههههههههههه

ابشر برسلك الرقم على الخاص وهم بعد ما يعرف انجليزي خلي حق الفندق يكلمه ويتفاهم معااه

وصرر عليه على الفلوس

وصلك الرقم اخوي اسير الدوحة؟؟؟

بشرني كيف الوضع

جزاك الله خير اخوي hhh420

كلمت مارتن ... واتفقت معاه على 400 فاليوم لين فوشات وشنده ...

وميدة الاضاءة \زز باتفق معاه بكره \ززز



وليد ... تسلم وتدوووم اخوووي ......

يا ريت لو نتواصل مع بعض ...

بدزلك رقمي عالهاص ...

المشاركة الأصلية كتبت بواسطة hhh420
http://www.arabtravelersforum.com/tr...4/#post1538154

وصلك الرقم اخوي اسير الدوحة؟؟؟

بشرني كيف الوضع



أبشر ... وش أقول ؟؟

صراحة انت ماقصرت اخووووي

ورايتك بيضا ...


يقولي مارتن انك اتصلت فيه بعد ..

والله اني منحرج منك اخوووي ... ومعرف كيف ارد جميلك ...



جعله الله في ميزان حسناتك ..

آمين يا رب العالمين

لا جميل ولا شي
ويكفيني منك هالدعوة الطيبة
وتروح وترجع بالسلامة

وموفق ان شاء الله

جزاك الله خير

ملاحظات سريعة عالمطاعم ...

السده ... اكله مش بطال ... طلبنا منه بالتلفون ..... وتاخر علينا وايد


سبأ ... أكله ممتاز .... لكن الخدمة تعبانة


الباشا .... أكله تعبان بالمرة ... يستخدم الميكرويف كثيرا لتسخين الاكل ....


وكل يوم راح نجرب مطعم ....


الجو حلو ... روعه ... ممطر ... على كيف كيفكم ...


هذا عالسريع ,,,, والتفاصيل مع تقريري بعد الرجوع بالسلامة ان شاء الله

رجعنا لكم ..

سؤال يطرج نفسه ...

وين أحصل سيارات الريموت كنترول للأطفال ... بس اللي بالبترول ؟؟؟؟


في انتظار مساعدتكم ...

وجزاكم الله خير

يوجد مجمع كله العاب في كوانزوا بس مع الاسف نسيت اسمه بس هو قريب جدا من اسواق الجملة حقت الملابس

حتى تلقاه في سوق الجوالات

هلا والله اخوي وليد ...

زالله الشباب راحوا السوق اليوم ...

وحصلوا اللي يبونه ...

صراحة انا مارحت معاهم .. لاني رحت فوشان ...

بس خليت المترجمه تكلم السايق اللي وداهم ...

بس السوق كبير ... وفيه عدة طوابق .... والمحلات اللي فيها السيارات .. موجوده فالطوابق العليا ...


انا مارحت السوق ... وماشفته .. صراحة..

السموحه اخوي ..

عندي سؤال سريع ...

فنادق هونغ كونغ يالربع ...

نبي فندق فيه شاطئ ونخيل ...

يعني منتجع ...


الشباب ودهم يروحون هونغ كونغ .. ويقعدون فيها كم يوم ...


شاكر لكم عالمساعدة ....

اسيرالدوحه

مساك الله بالخير طال عمرك انا اسف يا خوي ما شفت المسج الا عقب ما وصلت الكويت

كنت اتشرف بشوفتك

بالنسبة لسوق السيارات الريموت اذا شفت كرت مطعم سبأ في سوق الألعاب والقرطاسية بالدور الثالث

راح تحصل كل الي تبيه راح احاول انزلك اسمه

الصراحة كنت مخلي الصور للموضوع بس تستاهل

وسامحني على القصور .

يا إخوان هل في أحد منكم اشترى سيارت تمشي بالبنزين , كم أسعارهم بالمفرد والجملة وكم حبة تكون الجملة ؟

مع الشكر الجزيل

هلا اخوي ..

اللي معاي ... اشتروا سيارة ... على حسب ماعتقد 1500 وكسور ...

مب متأكد من السعر صراحة ..

لاني مارحت معاهم السوق ...

هلا اخوي جمر ...


مالنا نصيب نشوفك اخوي ..

وعلى قولتهم .. الجايات اكثر من الرايحات ان شاء الله ...


يعطيك العافية اخوي ...

ولاهنت ..

المشاركة الأصلية كتبت بواسطة اسيرالدوحه
http://www.arabtravelersforum.com/tr...9/#post1545969

هلا اخوي ..

اللي معاي ... اشتروا سيارة ... على حسب ماعتقد 1500 وكسور ...

مب متأكد من السعر صراحة ..

لاني مارحت معاهم السوق ...



مشكور أخي, بس الله يعافيك تقدر تتأكد منهم عن السعر وذلك للأهمية.

بالضبط معرف والله ..

بس حوالي 1600 ياون ...


وبسأله بكره ان شاء الله واحنا طالعين الى مدينة الاثاث ...

ربي يوفقك اخوي اسير

ولعلك ترجع لاهلك وربعك وانت سالم غانم

ولعل يكون لنا لقاء في كوانزو باذن الله

جزاك الله ألف خير أخوي اباجوري ...

اتمنى اني اتوفق في رحلتي هذي ...

اليوم سويت طلب شراء لبورسلان وسيراميك .. للبيت ..

كمية بسيطه ..

وغدا .. ان شاء الله ... متجه الى شنده ... سأشتري منها شي محدد ..

واحتمال ربعي يشترون شي من هناك ..

والجمعه ان شاء الله .. سأتوجه الى مدينة الاضاءة ,, اللي لين الحين .. معرفت اسمها . ولا عرفت كيف انطقها ...


ادعي لي اخي الكريم ..

محتاج لدعائكم ...

المشاركة الأصلية كتبت بواسطة اسيرالدوحه
http://www.arabtravelersforum.com/tr...6/#post1546426

جزاك الله ألف خير أخوي اباجوري ...

اتمنى اني اتوفق في رحلتي هذي ...

اليوم سويت طلب شراء لبورسلان وسيراميك .. للبيت ..

كمية بسيطه ..

وغدا .. ان شاء الله ... متجه الى شنده ... سأشتري منها شي محدد ..

واحتمال ربعي يشترون شي من هناك ..

والجمعه ان شاء الله .. سأتوجه الى مدينة الاضاءة ,, اللي لين الحين .. معرفت اسمها . ولا عرفت كيف انطقها ...


ادعي لي اخي الكريم ..

محتاج لدعائكم ...




مدينة الاضاءه اسمها جونسان وينطقها الصينيين جوشان

وهي تبعد مايقارب ال90 كيلو عن كوانزو على التكسي من ساعه ونصف الى ساعتين

والسبب ان الطريق مزدحم بالسيارات

هذه المدينه فيها جميع اصناف واشكال اللمبات

لي هناك صديقه حلفت علي الاانها تغديني في مطعم صحارى وبصراحه اكله عجبني:101:

بحاول ابحثلك عن رقمها بين الكروت..البنت عندها معرض فيه انواع واشكال كثيره جدا من اللمبات

وربي يوفقك

تسوي فيني خير اخوووي


ياليت تلحقني برقمها ...


وبعدين ... على كم التاكسي؟؟

واذا اخذت سيارة خاصة .. بكم ؟؟

انا اليوم اخذت سيارة ... لفوشان ..بـ250 ...

اخذناه من جدام عمارة المكتب ...

المشاركة الأصلية كتبت بواسطة اسيرالدوحه
http://www.arabtravelersforum.com/tr...5/#post1546465

تسوي فيني خير اخوووي


ياليت تلحقني برقمها ...


وبعدين ... على كم التاكسي؟؟

واذا اخذت سيارة خاصة .. بكم ؟؟

انا اليوم اخذت سيارة ... لفوشان ..بـ250 ...

اخذناه من جدام عمارة المكتب ...




تفضل

هذا المترجم اللي راح معي اسمه يحيا وهو اللي جابلي السياره مع السائق

13794433116

طبعا الولد يتكلم العربيه والسواق اجودي ماتسمع منه كلمه وحده

انااعطيتهم كل الاثنين 450 رمب وماكاسرتهم لاني حسيت انهم تعبو معي شوي

اضافه ان كل الاثنين مسلمين

عموما انت اتصل فيه وكاسره واتفق معه وقله انا من جهة ابوجوري

وهو يوديك لصاحبة المعرض وللمصانع ايضا

وربي يوفقك

المشاركة الأصلية كتبت بواسطة اباجوري
http://www.arabtravelersforum.com/tr...0/#post1546490

تفضل

هذا المترجم اللي راح معي اسمه يحيا وهو اللي جابلي السياره مع السائق

13794433116

طبعا الولد يتكلم العربيه والسواق اجودي ماتسمع منه كلمه وحده

انااعطيتهم كل الاثنين 450 رمب وماكاسرتهم لاني حسيت انهم تعبو معي شوي

اضافه ان كل الاثنين مسلمين

عموما انت اتصل فيه وكاسره واتفق معه وقله انا من جهة ابوجوري

وهو يوديك لصاحبة المعرض وللمصانع ايضا

وربي يوفقك




يعطيك العافية ...

ولا هنت يا رب ,,,

بس انا مشكلتي .. ان المترجم موجود .. وكذلك السيارة ....


المترجم عن طريق المكتب ...

والسيارة ... عبارة عن فان .... لانه احنا مجموعه ...



لو تعطيني رقمها .. اكون شاكر لك ...

وانا راح اخاول اتصل على يحيى ..

وراح استفسر منه عن صاحبة المصنع ...

وجزاك الله خير

المشاركة الأصلية كتبت بواسطة اسيرالدوحه
http://www.arabtravelersforum.com/tr...0/#post1546500

يعطيك العافية ...

ولا هنت يا رب ,,,

بس انا مشكلتي .. ان المترجم موجود .. وكذلك السيارة ....


المترجم عن طريق المكتب ...

والسيارة ... عبارة عن فان .... لانه احنا مجموعه ...



لو تعطيني رقمها .. اكون شاكر لك ...

وانا راح اخاول اتصل على يحيى ..

وراح استفسر منه عن صاحبة المصنع ...

وجزاك الله خير



والله يااسير اني جالس من اليوم اقلب في هالكروت

لان معي كميه كبيره واكتابتهم ماني عارف افرق بينها لكني لم استطع اخراج رقمها

لكن اتصل في يحيا وماراح يقصر ان شاء الله

انا اشهد انك ماقصرت اخووي

وانا بكلمه بكره ان شاء الله ...


وجزاك الله خير ...

السلام عليكم ؟؟

سألت رفيجي وقالي انه الاسعار تبدأ من 950 لين 1700

يعتمد على الجودة ...

والسيارات مقسمة الى 3 فئات ..

اليابانية ... والتايوانية ثم تأتي الصينينة فالمرتبة الثالثة ...

والمحلات ... هي نقسها اللي ذكرها جمر ....


ورفيجي اشترى احسن نوع .... على 1700 ياون ....

طيب يا اخواني ...


الالواح الشمسية .... اللي تستخدم للطاقة الشمسية ...

وين أحصلها ؟؟

المشاركة الأصلية كتبت بواسطة اسيرالدوحه
http://www.arabtravelersforum.com/tr...8/#post1547078

السلام عليكم ؟؟

سألت رفيجي وقالي انه الاسعار تبدأ من 950 لين 1700

يعتمد على الجودة ...

والسيارات مقسمة الى 3 فئات ..

اليابانية ... والتايوانية ثم تأتي الصينينة فالمرتبة الثالثة ...

والمحلات ... هي نقسها اللي ذكرها جمر ....


ورفيجي اشترى احسن نوع .... على 1700 ياون ....






عساك على القوة يالنشمي والله يوفقك

المشاركة الأصلية كتبت بواسطة ha101061
http://www.arabtravelersforum.com/tr...0/#post1547100

عساك على القوة يالنشمي والله يوفقك



الله يعافيك اخوووي ..

وحاضرين الله يسلمك ...


وعلى فكرة .... مارتن ...

طلع خوش ريال ...


ربعي كانوا رايحين حديقة السفاري اول امس ..

راح ووقف من نفسه واشترى جرايد ..

عشان الخصم ..

ورفض انه ياخذ ثمن الجرايد .....

اخوي اسير الدوحة مشكور على تقريرك الطيب

وعندي استفسار بسيط انا انشالله رايح الصين شهر 11 لنفس الغرض اللي انت رايح له تقريبا
ومدام انك اشتريت البورسيلان والسيراميك ياليت لو تخبرني عن اسعارها اذا ما بعبل عليك

والسموحة

من المفارقات العجيبة اللي شفتها فالصين ...

انهم شعب ... ليس بالهين ...

خصوصا التجار ..

اليوم رحنا مدينة الاثاث ...

وحصلنا طقم كراسي عجبنا ... وقعدنا فوق الساعة نفاصل معاهم ..

وبعدها ... قعدنا نفاصل . .. مع المالك ..

وكان رافض انه يتساهل معانا ...

بس آخر شي .. الحمدلله .. ربكم سهلها ...

وخذينا اللي نبيه ... بالسعر اللي يرضينا ... (( مب اللي بقيناه))

ياليت ياخي العزيز تخبرنا عن اسعار البورسيلان والسيراميك والادوات الصحيه مثل الاحواض والجاكوزي

وكذلك ادوات الاناره , وهل هناك فرق كبير في السعر مع دول الخليج وكذلك الجوده , وهل تشجعني

للسفر لاخذ مقاضي تشطيب العماره من الصين على حسب ما شوفت من الاسعار والانواع والجوده .

نرجو العذر والسموحه على كثر الاسئله.

هلا اخوووي

اول شي ... معذووور ومسموووح ...

واذا انت ماسألتنا فالمنتدى ... وين راح تسأل .. ومن تسأل ؟؟

شوف بخصوص البورسلان والسيراميك ...

ترى السوق كبير .. وفيه التعبان والرخيص .. وفيه الزين الغالي ... وفيه الزين ... مع سعر معتدل

انا شريت بورسلان ... للحوش ... سعر المتر المربع .. 5.3 دولار

من محل مشهوور .. وهو رائد السيراميك والبورسلان فالمنطقة .. عنده 11 مصنع ...

طبعا السعر هذا غالي .. لانه كميتي كانت قليلة ...

والفرق ترى كبير ..

ونعم اشجعك تسافر وتشتري مقاضي تشطيب العمارة من الصين ..

ومهما طلعت الاسعار ...تبقى الصين ارخص من بلداننا ....

أخوي وولد بلادي أسير الدوحة،

أتمنى لك رحلة موفقة، وما وصيك، كثر من الصور

وانا أختك.

مع السلامة:106:.

هلا اختي ام يوسف ...

مشكوورة اختي على مرورج ...

وترقبي التقرير ...

بس الصور ... صراحة .. مب ذاك الزود ...

لاني صراحة مارحت اماكن وايدة للتمشية ...

بعكس ربعي اللي راحوا معاي ...

انا الحين فالفندق ... وهم طلعوا راحوا مدينة شنجن ...

الله يعطيك العافيه علي هاذا المجهود

any time bro

السلام عليكم

لكل شي اذا ما تم نقصان .


كان لابد من العودة الى بلادي الحبيبة ..

وأنا الآن في مطار هونغ كونغ ..

صراحة .... مدري شقولكم .. بس الصور اللي صورتها لزيارتي لكوانزو ..

كلها .. بح ... راحت ...

والسبب بسيط .. نسيت الكاميرا في مطار كوانزو ...

لعله خير ....

عالعموم ... انا راح اجهز التقرير .... وعلى أمل انه سوف يجدون الكاميرا ...

واذا وصلت لي ... ابشروا بالتقرير المطعم بالصور ...


الله كريم ..

ولي عودة بعد وصولي للدوحه ...

خبر مزعج بس الله يعوض عليك وانشاءالله تلقاها

اسير الدوحة
الله يعوض عليك:110:
وعلى العموم الواحد يتعلم وفوائد السفر كثيرة:36_1_42:

أسير الدوحة، أنا لما كنت بشلالات نياجرا، من شدة تدفق الشلالات، كان الرذاذ يتطاير كأنه مطر،

سبحان الله، وأنا أصور بكيمرتي كانون جي 7 ، دخل فيها ماي، وتعطلت الكاميرا وماقامت تصور :110:

تخيل كنت مصورة مناظر كثيرة وصور فوق 100 لكن الحمد لله، وديناها محل كاميرات وصلحوها، والصور

بقت محفوظة:101:. أتمنى تحصل على كيمرتك وعليك بالدعاء:" اللهم يا جامع الناس ليوم الدين،

إجمع بيني وبين ظالتي".

وفي إنتظار التقرير والصور الحلوة:106:

المشاركة الأصلية كتبت بواسطة ha101061
http://www.arabtravelersforum.com/tr...3/#post1567113

خبر مزعج بس الله يعوض عليك وانشاءالله تلقاها



فعلا خبر مزعج ...


وشاكر لك اخوي شعورك النبيل ...

المشاركة الأصلية كتبت بواسطة moaleisa
http://www.arabtravelersforum.com/tr...1/#post1567421

اسير الدوحة
الله يعوض عليك:110:
وعلى العموم الواحد يتعلم وفوائد السفر كثيرة:36_1_42:

وهذا احسن درس لي ...

والسفرة هذي ... سفرة مشهوده ..

وبتعرفون السبب ..

مع نزول التقرير

المشاركة الأصلية كتبت بواسطة Um Yousef
http://www.arabtravelersforum.com/tr...3/#post1569863

أسير الدوحة، أنا لما كنت بشلالات نياجرا، من شدة تدفق الشلالات، كان الرذاذ يتطاير كأنه مطر،

سبحان الله، وأنا أصور بكيمرتي كانون جي 7 ، دخل فيها ماي، وتعطلت الكاميرا وماقامت تصور :110:

تخيل كنت مصورة مناظر كثيرة وصور فوق 100 لكن الحمد لله، وديناها محل كاميرات وصلحوها، والصور

بقت محفوظة:101:. أتمنى تحصل على كيمرتك وعليك بالدعاء:" اللهم يا جامع الناس ليوم الدين،

إجمع بيني وبين ظالتي".

وفي إنتظار التقرير والصور الحلوة:106:

هلا اختي ام يوسف ,,,

ربج كريم ..

والكاميرا .. بح ..

حتى سألت المترجمة .. تسألي في مطار الصين ..
في قسم المفقودات ..

بس مالها أثر ..

والله كريم ...

والكاميرا .. تتعوض .. بالرغم من انها هدية من زوجتي ...


لكن الله كريم ..

بس الصور اللي فيها ... حول 500 صورة ... متنوعة .. من كل بستان زهرة ..

صور سفرتي الاولى للصين ... والسفرة الثانية ...

صور من الالعاب الاسيوية اللي صارت عندنا في ديسمبر الماضي ...

يلا الله كريم ..

وعسى ربي يعوضني بأحسن منها ...

وشاكر لكم جميعا ...

الحمد لله على السلامه

بس ما قلتنا البضاعه والسيراميك وص وإلا لأ .....؟؟؟؟؟؟

وإذا وصل .....هل الكميه كافيه ....؟؟؟؟؟

كانت سفرتك السنه اللي طافت ...؟؟؟؟

شلون الأسعار هالسنه ....2008 ...؟؟؟؟؟

انا ابي اروح 17/ 7 ..... للصين .... وما أدري عن الجودة والسعر .... والشحن ...؟؟؟؟؟؟

المشاركة الأصلية كتبت بواسطة الدروازة
http://www.arabtravelersforum.com/tr...6/#post2083006

الحمد لله على السلامه

بس ما قلتنا البضاعه والسيراميك وص وإلا لأ .....؟؟؟؟؟؟

وإذا وصل .....هل الكميه كافيه ....؟؟؟؟؟

كانت سفرتك السنه اللي طافت ...؟؟؟؟

شلون الأسعار هالسنه ....2008 ...؟؟؟؟؟

انا ابي اروح 17/ 7 ..... للصين .... وما أدري عن الجودة والسعر .... والشحن ...؟؟؟؟؟؟



هلا والله الدروازة ...

الله يسلمك ويعافيك ... ويبارك فيك اخوي ....

خبرك عتيييج اخووووي ...

البضاعة وصلت والحمدلله ...

وبدينا نشتغل فيها ...

وتقريبا خلصنا ...

انا انصحك تزور موضوعي رحلتي الى الصين 2007 ..

وبالنسبة للاسعار ... لاحظت اختلاف بسيط ...

لكن بالنسبة لـ 2008 ... مدري والله ..

ان شاء الله لي زيارة اخرى للصين ... اختمال آخر السنة ..


شرفني في موضوعي ...

اقراه كله ...

واذا كان عندك سؤال ... لاتتردد ...

يعطيك العافية اخوي ..

جزاك الله خير
تسلم علي التقرير والصور