الموضوع: طلب لإهل الكويت الطيبين

ياريت تقولون لي متى الأماكن ذي تفتح و أسعار تذاكرها.
حديقة الحيوان
الأكوا بارك
المتحف العلمي
المتحف الوطني
النافورة الموسيقية
المدينة الترفيهية.
و إذا في أماكن ثانية ياريت تذكرونه .
ومشكورين مقدما على أي رد.

مواضيع عشوائيه ممكن تكون تعجبك اخترناها لك:

• ممكن أحد يفيدني بخصوص اصطحاب الخادمة الى الكويت؟؟
• «طيران الإمارات» تطرح عروضاً على رحلاتها من الكويت
• حديقة الشعب
• مطلوب فورا شاليهات للايجار
• اين اجد خريطه لطرق الكويت و منشأتها
• هلا بالغاليات لبس بيت
• وين مطعم سلك اند سبايس ؟ رشح لنا مطعم صيني
• استفسار وطلب مساعده
• دلوني على السفارة السويسرية في الكويت
• سوال ياهل الكويت عن الشاليهات
• تحديث الصفحة ██ أيــــام قـضـيـتـهـا فـي الـــكــــويــــت██
• سؤال لأهل الكويت و المختصين هل ؟
• فندق و منتجع شاطئ النخيل
• موفينبيك البدع لا تقربه
• مشكلة مع طيران الجزيرة افيدوني
• استفسار عن المحلات التجاريه افيدونا يا اهل الكويت ؟
• مساعدتكم مطلوبه
• أسعار الفنادق بالكويت
• صيف العائلات بالكويت يشمل الخليجين
• توبليرون في بيزيتاااا

ياهلا اختي سنفوره اذا كنتي تريدين اماكن الترفيه فهي كثيره اذكر منها:-

- منتزه الشعب الترفيهي
- المركز العلمي (رائع جدا )
- حولي بـارك
- عالم المارينا
- كويت ماجيك
- شوبيز
-المسيله بيج
- المدينه الترفيهيه

اذا ارتي التفصيل فيمكنك التجول بهذه الموضوع
[web]http://216.120.228.124/vb/showthread.php?t=14864[/web]

مشكور يا خوي على ردك لي . قريت موضوعك إلي ذكرته .أوايد عجبني
وياريت تذكر لي متى تفتح هل الأماكن و أسعار تذاكرها .

سلام
مدينة الترفيه تفتح بالصيف من 5 مساء الى 1 صباحا
يومي السبت و الاثنين للنساء فقط و سعر تذكرة 2,500
باقي لايام 3,500
بس روحي حق اي جمعية و آخذي تذكرة بي 2,750
و سموحة

مشكور يا خوي
الحمدالله وقته مناسب
يناسب جو الكويت

بالنسبة للأسواق فإن الدوام في المجمعات الحديثة من العشره صباحا وحتى العاشره مساء عن المطاعم والمقاهي حتى منتصف الليل

وبانسبة لأمكان الترفية وهي حتى الواحدة صباحا

والأسعار رمزيه لاتتعد ديناران ونصف فقط

مشكور يا مسافر .
وبعتبارك خبير في هل موضوع ، حبيت أسألك عن النافورة الموسيقة
متى تفتح وكم سعر التذكرة وموقعها.

مرحبا سنفوووووره
الاماكن الترفيهية
1- المدينه الترفيهيه في منطقه الدوحه تفتح من 5 مساء الى 12 ليلا السعر 2500 تذكره شامله
2- حديقه الشعب على البحر مقابل مجمع احواض السباحه تفتح من 5 - 12 وسعر تذكره الدخول نص دينار واذا فيها حفله دينار وباقي الالعاب تشترين تذاكر عشان تلعبين بالالعاب لانها موتذكره كامله - وفي نوع ثاني من التذاكر تلعبين 18 لعبه ب 2500 تشترينها من اى جمعيه
3- حديقه حولي بارك مقابل فرع حولي تفتح من 5-12 وكل لعبه لها سعر تذكره
4-الاكوابارك - المدينه المائيه بالقرب من ابراج الكويت على البحر وهي عباره عن العاب وحمامات سباحه - يوم الثلاثاء للنساء فقط تفتح من الصبح لغايه الليل وسعر التذكره 3000 واذا شريتيها من الجمعيه ارخص
5- قريه المسيله المائيه في منطقه المسيله بالقرب من نادي المسيله نفس الاكوابارك ولكن يوم الاثنين للنساء فقط
6-حديقه الحيوان في منطقه العمريه حاليا مغلقه للتحسينات ولكن سعر تذكرتها 250 فلس
7- النافوره الموسيقيه في العاصمه سعر التذكره دينار للشخص ونص دينار للطفل وكل يوم خميس حفله من الساعه 7 لغايه 11
8- صاله التزلج بالقرب من النافوره ايضا في العاصمه تفتح من الصبح من الساعه 10 ولغايه 11 ونص- وكل فتره يدخلون ناس جدد وسعر التذكره دينار ونصف مع الحذاء تزحلقي على راحتج ولمده ساعه ونص لكل فتره وفي صاله خاصه للنساء
9- ملاهي شوبيز في السالميه على البحر تفتح من 5-12 ولكل لعبه تذكره
10-المركز العلمي على البحر بعد اشاره شوبيز مفتوح من الصبح وسعر التذكره 3000 دنانير للسينما ذات البعد التالث يعطونك نظارات لمتابعه الفلم وهناك متحف الاكواريوم ايضا سعره 3000 دنانير وفيه قاعه الاستكشاف للاطفال ايضا ب 3000 دنانير
11-منتزه الخيران للشاليهات في منطق الخيران ( يتكون من مجموعه من الشاليهات المتنوعه الاحجام وصاله للالعاب التسليه مثل البولنج والبلياردو والجيمز وهناك مدينه ملاهي صغيره وايضا تأجير الدراجات وركوب الخيل والأبل والحنطووور ومع المقاهي والمطاعم والسوبر ماركت والحمامات السباحه المختلط منها ومنها خاص للنساء -الشاليه اللاستوديو 120 دينار لمده 3 ايام - والشاليه العادي 150 دينار والشاليه الملكي يتراوح بين 200-250 دينار وتقدرين اتروحين زياره للمنتزه بدون ماتحجزين شاليه ولكن تدفعين رسوم عند البوابه للشخص 3000 دنانير وللطفل دينار ونص
12-السينماااااااااا
في المجمعات التجاريه وسعر التذكره 2500 في مجمع الفنار بالسالميه-المهلب في حولي 2500-المارينا مول على البحر بالسالميه 2500-سوق شرق على البحر2500 -بلازا في فندق بلازا 2500-السالميه عند جمعيه السالميه 2000-مترو بالفروانيه 2000- غرناطه -في منطقه خيطان2000 وفي مجمع ليلى سعر التذكره 5 دنانير لانها افخم سينما -ويقدم مع التذكره بيبيسي وبوب كورن مجانا واوقات العرض بالجرايد او على بداله السينما

مشكور يا خوي ...
والله أنك كفيت ووفيت
الله يعطيك العافيه

الله يعافيك -حاضريين للطيبين

السلام عليكم

لكل من سيأتي إلى الكويت

هناك معطم شعبي شهير وأنصح بزيارته وهو مطعم يسمّى بدر البدور في منطقة بنيد القار

وستدعون لي