اختنا شموخ عتيبه ما قصرت الله يعطيها الصحه والعافيه
لكن احب اعلق على بعض النقاط
ولله الحمد حجزت رحلتي من جده الى كوالا ووصولي كوالا يوم 14 مارس. بعدها انتظار في المطار لمدة 4 ساعات وطيران الى لانكاوي. وصولي للانكاوي الساعه 7 مساء
1- اذا كان الطيران الدولي غير مباشر ،، فاعتقد بيكون تعب عليكم. اما اذا كان مباشر فالامر اهون بكثير ( لكن المشكله تتأخر الرحله الدوليه وتتورط بالرحله الداخليه وما تلحقها )
2- اربع ساعات فرق بين الووصول والاقلاع اعتبره ممتاز .. طبعا اهم شي لا تتأخر الطياره الدوليه .
3- تأكد من رحلتك الداخليه هل هي من مطار كوالالمبور او من مطار الطيران الاسيوي او من مطار صوبانج . ( اذا رحلتك على الطيران الماليزي فهي من مطار كوالالمبور - يعني نفس المطار اللي بتوصل له - ،،، واذا رحلتك على الطيران الاسيوي فهي من مطار الطيران الاسيوي - وتروح له بالباص او التاكسي - ،، اما اذا رحلتك على طيران فاير فلاي فهي من مطار صوبانج وتروح له بالتاكسي )
حجزت في لانكاوي 5. ليالي في فندق (the westin langkawi
1- المده مناسبه من وجهه نظري والفندق فخم
2- يكون افضل لو كان الوصول اول ليله بدري ..
وبعدها بيكون اتجاهي للكاميرون عن طريق طيران لبينانق ومشوار للكاميرون. حجزت في الكاميرون 3 ليالي في فندق(cameron highlands
1- اشوف المده مناسبه لانك تحب الروقان ولانك بتوصل غالبا على المغربيه ،،، الفندق مناسب
2- اشوف انك تاخذ تكسي من مطار بينانج الى فندقك بكاميرون .. ( اسهل لك )
نجي لاسئلتك
1) جوي وجو زوجتي هادئ ونبغى روقان
اعتقد جدولك يناسبك مع ملاحظه التعب في اول الرحله ..
والتعب بيكون في:
1- تعب بدني بسبب السفر والمواصله الى لنكاوي . وخصوصا لو كانت الرحله الدوليه غير مباشره .
2- تعب نفسي لانها اول رحله لك . وهذا طبيعي لكن صدقني اول ما توصل للفندق بترتاح ان شاء الله .
2) الاسواق بنخليها في كوالا.
اكيد
مع اني اشوف ان مافي شي يستاهل الشراء ( اللي عندهم عندنا )
الا اذا قصدك تتمشى ...
3) اكبر مشكله اتوقع بتواجهني هي اللغه فاتمنى سواقين عربي منها يوصولني ومنها يساعدوني لاي حجز او.
صحيح ان اللغه مهمه ،، لكن ما اتوقع انها توصل لحد المشكله ..
يعني ممكن تنحرج ،، ممكن تكره نفسك مثل حالتي خخخ
لكن الامور تمشي وسهالات ...
انصحك تحفظ لك كم كلمه تتوقع انك تحتاجها بالمطار والفندق
اما التاكسي ما يحتاج شي .. انت بس قوله المكان اللي تبغاه وخلاص ..
4) من بينانق لكوالا اتمنى سياره خاصه سواقها عربي.
برائيي تكسي من المطار افضل لك ..
تروح لمكتب التكاسي بالمطار وتعطيه العنوان اللي تبغاه ( اكتبه بورقه ) - اللي هو فندق كاميرون بمرتفعات كاميرون - واطلب منه التاكسي الارخص
اممممم ما ادري كم يكلف بالضبط ،، لكن اتوقع ما يزيد عن 400 ريجنت ..
موفق
رد مع اقتباس
المفضلات