اخ صريح اللي جالس تمر فيه وتسال عنه وتستفسر عنه وقالق جدك هو ماكان مؤرقني ..

انا الان ادرس بنيوزلندا ونفس الامر عشان الجامعه يعني مارحت بعيد الهدف واحد

طبعا انا رايح لشهرين راح شهر وباقي شهر .. رحت لهالديره ومابجعبتي هو افلام وسنه تحضيريه كامله عديتها بجداره

ولغه تعتبر لطالب سنه تحضيريه جيده كنت محطم نفسي قبل ما اروح ولا ودي اعطي نفسي اكبر من حجمي على شان ما اتحطم بعنف

قابلت كثير سعوديين اصناف كثيره منهم فيهم اللي له سبع شهور ولغته مو افضل مني الا بشي بسيط وفيهم ابو ثلاث شهور اللي لغته افضل من ابو سبع شهور

انا اعتذر من حساس على التداخل ولكن بالنسبه لي انا خضت التجربه الموضوع موضوع كيف تتكللم وكيف تتعللم لما تاخذ كل شي من الصفر هذا بالنسبه لي غلط الواحد لازم يسافر ولا يبدا من البقينر او الماراحل الاولى على الاقل تكون عندك خلفيه جيده عن القرمر لانه عصبب اللغه وكل تركيز تحديد المستويات بالمعاهد وبالاختبارات الصعبه هي قرمر !!

ويانا رجال بالمعهد ياصيرح يقولون الشباب ان الكتاب مايطيح من يده .. يحفظ ويسمع ويصم كانه مصري حارم نفسه من الطلعه ولا يسولف كثير يتكللم انجلش لكن مو بالشكل المطلوب وهذا بالنسبه لي اكبر خطا افضل طريقه للشخص لما يحفظ الكلمه على سبيل المثال انه يحفظ السبيل والمعاني اللي تعنيها كللها ويتخيلها واخر شي البرونانسييشن حنا العرب اطلق ناس نتكللم ولكن مشكلتنا كل الكلمات اللي نروح نشوفهم ينطقونها غير لدرجه اننا مانفهمها والله اني تميت خمس دقايق اتفاهم مع الهوم ستي عن كلمه كلر تخيل كلمه بسيطه محد يجهلها ولكن كيف ينطقونها بالمعاميه هنا المشكله وخصوصا لاحطيت لهجه النيوزلنديين السريعه والي ياكلون الحروف فيها !!

المهم يالغالي انا الحين مرتاح ما اذاكر ولا شي لكني اشوف بدون المعهد وسوالفي الكثيره مع العيله اشوف افلام بترجمه انجليزيه وهذي مفيده جدا جدا جدا واقرا كتب اطفال بو ميتين صفحه وهذي تقوي الريدينق واكتب الكلمات الجديده واقراها يوميا واحاول اعرف طريقه نطقها الصحيحه وفيه طرق كثير تسهل اللغه يمكن تلقاها باليوتيوب وهي لها وزن علمي كبير جدا

اتمنى لك التوفيق واسف على السمته المجنونه اعذرني .. كنت هنا من قلب الحدث

مواضيع عشوائيه ممكن تكون تعجبك اخترناها لك: