الموضوع: انا اول مره اروح البحرين وايد تفاصيل لبعض الامور

السلام عليكم ...انا باروح البحرين بعد كم يوم ....واريد ان اعرف تفاصيل عند دخول السيارة ....يعني عند الجسر شنو اسوي
ويش اعطيهم ..يعني اعطيهم الجواز او اعطيهم لفلوس بس ....ويقولين بعدين فيه كباين ...ويش اعطي هالكباين ...يعني اوراق السيارة مثلا او الجواز ...كدا يعني ..اريد كل مااوقف ويش اسوي ...الين ماادخل البحرين


اتمنى فهمتوني

مواضيع عشوائيه ممكن تكون تعجبك اخترناها لك:

• رحلة استجمام احتفالا بعيدميلاد
• استفسار لعابري البحرين من المطار
• استفسار عن البحرين بالاسبوع القادم
• أبحث عن شقق فندقية عائلية أتمنى المساعدة
• هل هناك مكاتب تأجير سيارات بالمطار وتكاسي توصل للدمام
• مشروع بحيرة البحرين و فندق فور سيزون مشروع راقي جدا في مرحلة التخطيط
• جايكم يااهل البحرين
• مساعدتكم خمس ايام في البحرين
• عرض لدى بنيان تري
• الغالية البحرين
• مشكلة جوازي
• محل الشويطر بالبحرين
• يومان في البحرين ياأهل البحرين
• مساعدة بخصوص مجمعات واسواق البحرين
• بغيت مساعدتكم ياهل البحرين انا جاي عندكم
• زيارة للبحرين وينك يالغاليه
• الي الخبراء مع التحيه
• الخليج القابضة تطلق مشروعا سياحيا في البحرين
• وين نسكن ؟؟؟
• فندق فينيسيا ابي شوركم

فهمناك حبيبي , وحياك الله في البحرين ,


المسألة بسيطة جداً ولا تحتاج لأي تعقيد !! مجرد إنك تمشي في مسارك والوقفة كلها تعتمد على الزحمة يعني اذا ما في زحمة ما راح تطول دقايق ,

السيارة لابد من أتكون مسجلة من إدارة المرور عندكم ، ولابد من أن تكون السيارة مُلك لك و إذا ما كانت ملكك بالإمكان أخذ تخويل خطي من صاحب السيارة ومن خلاله تطوف ,


المطلوب للدخول إلى البحرين / جواز السفر + بطاقة الهوية + رخصة قيادة وكل هذيلا لازم يكونوا سارية المفعول.

ودرب السلامة.

والله قلت انك ماراح تفهمني ...لان كلامي يبيله تركيز

وانا مااعرف اعبر بالكلام

انا قصدي كل توقيفه ويش اسوي فيها ...مثلا الكبينه الاولا ..ويش راح اعطيه وويش راح يعطيني ...وهكذا

على فكرة الاغلبية مو حافظين ترتيب الاجراءات
اول ماتوصل الكبينة قول لهم وش تبون و اهم بيقولون لك
اعتقد اول شي التأمين

وفي كباين بس تسلم لهم ورقة عطوك الكبينة الى قبلها

الكبينه الاولى راح تدفع دينارين والكبينة الثانية راح ياخذ استمارة السيارة ويعطيك ورقة ويرجع لك الاستمارة الكبينة الثالثة راح ياخذ البطايق او الجوازات ويختم الورقة الي عطتك اياها الكبينة الثالثة الكبينة الرابع راح اشوف الاختام على الورقة الكبينة الخامسة جوازات البحرين وعقبها التفتيش وانت داش البحرين وكلهم ما ياخذون عشر دقايق اذا مافي زحمة

20 ريال اول كبينة في الجسر اول ما تدخل على طول


بعد مسافة وقت ما توصل الجزيرة الي بالوسط تحديدا بعد منطقة المطاعم راح تلاقي كبائن الجمارك راح يطلب منك استمارة السيارة لانك اول مرة تدخل بيها و لازم السيارة تكون مسجلة باسم السائق او عنده تفويض


بعدها الكبينة الثالثة الجوازات



بعدها الكبينة الرابعة جوازات البحرين


بعدها الجمارك راح توقف تنتظر الى ما يقول لك الموظف اي مسار تسلك

توصل للمسار و تنزل من السيارة و تعطيه الورقة حقت الجمارك و الجوازات و تبعد على جنب و طبعا اول شي تعمله تفتح الشنطة


بعدها راح يقطع الورقة و يعطيك نصها و تركب سيارتك و تتوجه للكبينة الاخيرة و عندها تدفع 20 ريال او 15 على حسب طلبك و الفرق بسيط 20 ريال في حالة انه لا قدر الله صار لك حادث او تعطلت سيارتك يتحمل التأمين مصاريف شحنها بسطحة للسعودية


بعدها تمشي شوي و تحصل اشارة تنتظر عندها و بعد ما تفتح تنطلق

مشكوووووووووووووووووووووووور...................الح ين الفكرة وصلت ..........................

ويعطيكم الف عافية ............... وانشاء الله راح انوركم في البحرين ...خخخخخخ

حياك الله الغالي الأخوان ما قصروا , شي أكيد راح تنورنا