الموضوع: رحلتي الى هونج كونج لمدة اسبوعين

بسم الله الرحمن الرحيم

في البداية احب اشكر هذا المنتدى وبالصراحة في منتديات ثانية بعد استفد منها قبل ما اسافر.:24:

قبل سفري الى هونج كونج قالت صديقتي ادخلي على هذا المنتدى واح تستفيدين وفعلا والله استفدت كثير وعجبني رحلة بو مروان :24:

واخذت العناوين وتحمست كثير للسفرة وقلت لازم اشتري كاميرا عشان اصور وكان في داخلي كذا تنافس اني احط اجمل اللقطات وانا اليوم حابة اكتب عن رحلتي الى هونج كونج بالصور وان شاء الله تعجبكم الصور بس ابي تشجيع منكم وحماس :113:

والله اني من يوم ما جيت وانا احاول اصغر في الصور ومب عارفة :112: واول ما تعلمت شلون اصغر الصور على طول دخلت اكتب التقرير

يلا مع التقرير:11ight:

كانت رحلتي يوم 13-7-2007 وتقريبا كنا هناك اسبوعين وكانت الرحلة عائلية مع اخواني واختي واعيالها والوالدة طبعا ورجعنا يوم الجمعة تاريخ 27-7-2007 وانا استانست في الرحلة كثير

اقلعت الطيارة الساعة وحدة ونصف الفجر تأخرت شوي في الأقلاع ووصلنا هناك الساعة تسع ونصف بتوقيت الدوحة يعني الساعة ثنتين ونصف الظهر عندهم و 8 ساعات بالطيارة والكل نام بالطيارة

وهذا كان موعد الاقلاع

http://www.7m7.org

وهذي الصورة واحنا في الجو اول ما طلع الصبح

http://www.7m7.org


واخيراقربنا نوصل :109: والله كنت مستانسة اول ما شفت هونج كونج من الطيارة:115:

وهذه الصور قبل نزول الطيارة


http://www.7m7.org

http://www.7m7.org

http://www.7m7.org

:101:انزلت الطيارة بالسلامة والحمد لله وهذا مطار هونج كونج


http://www.7m7.org

ومطار هونج كونج كبير وايد والله مطارهم راقي وعجيب اول ما تنزل من الطيارة تمشي مسافة لين توصل

الى القطار وبالقطار ياخذك عند ختم الجوازات

وهذا القطار

http://www.7m7.org


بس اول ما وصلنا الطابور اش طوله :105:

وصارت سالفة مع اختي وزوجها واعيالها:110:

احنا خلصنا بسرعة بس اختي وزوجها واعيالها اخروهم يمكن ساعة في التدقيق على جوازاتهم:110:

مدري وش السالفة بس جلسنا ننتظرهم واخذنا العفش وخلصنا وهما لسه يدققون على جوازاتهم

يلا اخيرا خلصوا وطلعنا من المطار الى الفندق

انتظروني مع التكملة :24:

مواضيع عشوائيه ممكن تكون تعجبك اخترناها لك:

• عندي وقتين للسفر ومحتار فيهم
• إستفسار عن التكاليف؟
• الخبر الأكيـــد لمــن يســأل عن التأشيــره
• حجزت الفندق ودفعت جزء من المبلغ
• سؤال تجاري اذا سمحتم
• دخول اندونيسيا و الخروج
• محتار السفر بين ماليزيا و اندونيسيا
• خبراء الصرف في إندونيسيا أريد مشورتكم بارك الله فيكم
• استفسار حول جزيرة اير أرجو المساعدة
• الاقمشه في اندونيسيا
• رحلتي الاولى الى اندونسيا
• سائق يتكلم عربى لسوربايا شهر
• طلب أستفسار سريع عن إندونيسيا
• حيرة اكثر شي
• مساعده شركات الاتصالات ؟
• رحلتي في غسطس اريد بعض النصائح
• رحلتي الى اندونيسيا احتاج مساعدتكم
• استفسار هام لرحلة اندنوسيا ❤️مشكورين
• اي واحد راح لاندونيسيا يدخل
• توضيح للمناطق في بالي

:24:

الحمدالله على السلامة اهم شي استانستو

الله يعطيك العافية على الصور انا يوم نزلت المطار ماشفت القطار كانو خاشينة يمكن

هههههه

يالة عاد نبي نشوف التقرير الباقي الله يوفقك

ايش نوغ الكاميرا ؟

لووووووووووووووول فشلة نزلت الموضوع مرتين لان اول مرة ما نزلت الموضوع ما طلع عندي وانقهرت وكتبته ثاني مرة والله تعبت بس يلا المشرف خله يمسح الموضوع المكرر ويهون التعب

تسلم اخوي دحنوش على مرورك

خخخخخخخخخخ صج ما شفت القطار يمكن لان المطار كبير انت نزلوك عند مبنى ختم الجوازات مباشرة

والكاميرا هي كانون ديجتل 7 بكسل

بس حد يقولي شلون اكمل التقرير ترى انا جديدة وما اعرف يعني اكمل هنا بس اختفت عندي هذي الوجوه الكاركتيريه وينها ابي احطها مع التقرير احلى

مرحبا اهم شي انك استانست ................. على فكره هذا الطااابور مب اول مره هونج كونج بكبرها طواابير و زحمه .............. هههههههههههههههههههههههههه

واللة شوقتينا للتقرير بسرعة كملي التقرير ما فينا صبر

الحمد لله علي سلامة الوصول ومتابعين ان شاء الله الي آخر التقرير

الحمدلله على سلامتكم

ماشاالله احلى كاميرا مع احلى دانة

شوقتينا للصور

متابع معاك

بارك الله فيك بنتظار بقية التقرير

طيار الحب انا هناك تعقدت من شي اسمه طابور في كل مكان طابور :112:

وهم عادي عندهم وعندهم طوله بال وشعب في حاله واحنا في الطابور صوتنا طالع واعيال اختي يسون العجب :109:

بس شوارعهم انا ما شفت زحمة ابد منظمين جدا

يسلموووووووووو طيار الحب على مرورك ومنور الصفحة

وهاب الكويت مرورك اسعدني ومنور الصفحة

والحين وصلنا للفندق بس احنا جلسنا في كولون وهي جزيرة تابعة لهونج كونج يعني حتى اقرب من لما تكون في الشارقة تروح لدبي ما كنا نحس بالزحمة ابد وكنا هناك مستأجرين سيارة كبيرة وفيها مواصلات كثيرة مثل الباصات والقطارات بس احنا اخذنا سيارة خاصة لان معنا اطفال

وكنا حاجزين الفندق من قطر فندق شنقريلا وهو خمس نجوم الليلة اعتقد 1250 تقريبا وهو قريب من كورنيش كولون كنا نروح مشي للكورنيش ومحطة القطار كان جنبنا

http://www.7m7.org

وهذا الفندق من الخارج

http://www.7m7.org

وهذا اللوبي حق الفندق

http://www.7m7.org

http://www.7m7.org

واااااااااااااااو واخيرا وصلنا الى الغرفة بعد التعب :106:

وهذي هي الغرفة

http://www.7m7.org

http://www.7m7.org

وثاني يوم من الصبح يتصلون علينا الفندق و كل يوم الصبح الساعة 8 حق الفطور

وهذا مطعم الفندق الي نروح نتريق فيه

http://www.7m7.org


http://www.7m7.org

وهنا اختي حاطة فطور حق اعيالها هنا وعافية يا اعيال اختي :106:

http://www.7m7.org

وهنا بعد ما خلصوا بالعافية على قلبهم :106:

http://www.7m7.org

وبعد ما خلصنا من الفطور رجعنا للغرفة وفتحت الستارة وشفت مناظر حلوة من النافذة وهذي اول صورة

لكوفي شوب تحت الفندق


http://www.7m7.org

وهذي مناظر حلوة وايد من الفندق على البحر :101:


http://www.7m7.org

http://www.7m7.org

وهنا ما اروع المنظر مع السحب

http://www.7m7.org

انتظروني مع التكملة عندي وايد صور :106:

:110::110::110::110::110:

والله قبل ساعة قعدت احمل صور واكتب وسويت له رد سريع بس ما طلع ليش كذا يسير معي هذي ثاني مرة يصير معي كذا والحين يعني لازم اكتب من جديد واحمل الصور مرة ثانية :110:

انزين امري لله

اول شي اخوي طيار الحب انا اتعقدت هناك من سالفة الطابور كرهوني في الطابور كل مكان طابور

وهم عندهم طوله بال وصوتهم ما يطلع واحنا مسوين ازعاج في الطابور واعيال اختي يسون العجب :109:

بس شوارعهم والله منظمة ومب زحمة واحنا هناك كنا ماخذين سيارة خاصة مع سواق لان معانا اعيال صغار بس الي يروح بدون اطفال يقدر يستخدم الباص او القطار وانا ركبت القطار مرتين وراح بعدين احط لكم الصور :106:

يسلموووووووووو طيار على مرورك ومنور الصفحة

وهاب الكويت و ابو كرام و kyoto مروركم اسعدني ومنورين الصفحة :106:

انتظروني مع التكملة

اخت دانة

اذا كتبتي الموضوع وخلصتي سوي نسخ للكل قبل ادراج الموضوع

ثاني شي طولي بالك شوي الظاهر الاتصال عندك بطيء او عندك مشكلة في تحديث الصفحة

ومشكورة على الصور الحلوة

لازلنا متابعين معك وبانتظار المزيد

مرحبا أخت دانة واله بداية رائعة وجميلة الصور اللي نزلتيها، كم كانت درجة الحرارة وقتها وهل في أمطار؟
متابعنك وبالتوفيق.

تسلم Abu Karam على متابعتك لتقريري وان شاء الله تعجبكم الصور واشكرك على النصيحة

يلا بكمل

رحنا ثاني يوم الى بيك peak ورحنا زي ما قلت بالسيارة وخذ منا وقت يمكن 35 دقيقة وهناك على البيك في مول وفي برج وفي متحف الشمع مكان روووووعة :24:

اول شي رحنا على المول تمشينا وبعدين دخلنا على البرج


http://www.7m7.org

وبعدين صعدنا الى اعلى البرج وهذي المناظر من فوق البرج بس انا مقربة الصورة


http://www.7m7.org

http://www.7m7.org

http://www.7m7.org

http://www.7m7.org

وبعدين في هاليوم طلعنا ونسينا نروح الى متحف الشمع وهو في نفس المكان وانا كنت ماخذه المعلومة من هنا ان في متحف الشمع في بيك

ورجعنا يوم غير لنفس المكان عشان نروح على المتحف نسأل السواق وين بالضبط المتحف يقول ما يعرف :105:

ونسأل الصينين بعد ما يعرفون وانا متاكدة ان في متحف الشمع :112:

زي ما قلت لكم والله استفدت من هذا المنتدى وايد و تدرون الاجانب السواح والله يعرفون احسن من اهل البلد هذول الصينين كله يهزون راسهم بس :108: وبعدين شفنا وحدة امريكية وسألناها هي الي قالت لنا مكانه بالضبط في البرج

وبعدين دخلنا على المتحف بس ما اذكر سعر التذكرة كم

وهذا المتحف اسمه نفس اسم متحف الشمع الي في لندن بس الي هنا على اصغر بس حلو

http://www.7m7.org

وهنا مع الشخصيات الي في متحف الشمع


http://www.7m7.org

http://www.7m7.org

http://www.7m7.org

http://www.7m7.org

http://www.7m7.org

http://www.7m7.org

وهنا خلصنا من متحف الشمع والمكان الي اسمه بيك

واليوم تعبت انتظروني بكرة ان شاء الله مع صور ديزني لاند :24:

هلا ومرحبا فيك اخوي بو شرف شوف هناك الجو عندهم غريب في غيوم وفي شمس وحر شوي في نفس الوقت يعني شهر 7 الي احنا رحنا كان حر شوي بس مب زي الحر الي عندنا

يعني الي يبي يروح هونج كونج لا يروح شهر 7 حرام على الطبيعة الي عندهم والمناظر الحلوة يعني يكون براد يكون احلى ومدري والله درجة الحرارة كم بالضبط بس كان حر شوي

بس في الليل الجو حلو

الأخت أحلى دانة قطر

الله يعطيك الف عافية على التقرير المميز وبإنتظار المزيد
وخصوصاً اني الان في قوانزو ورايح لهونج كونج بعد بكرة ولا اعرف شي
بس مواضيع الاخوان أفادتني وانشاء الله استفيد منك بعد.

تحياتي ..

هلا والله بخويتي العزيزة، يا أحلى دانة:36_3_9:

ما شاء الله ، شهالتقرير الحلو؟ شكلي باغير

سفرتي من أمريكا الى هونج كونج، هههههه

يلا ناطرين التكملة:101:

إختج أم يوسف:109:

تقرير شيق وممتع لمدينة تنبض بالحياه

واصلي اختي

وكنت اتمنى لو انك حملتى الصور ع معرض الصور في العرب المسافرون حتى لا تفقد مستقبلا

دمتي بخير

ما شاء الله تقرير حلو
احنا في انتظارك لان السفر قرب

وش اهم الاسواق والاماكن الحلوة الي لازم نزورها

دانة قطر

بداية تقرير رائعه جدا

انا حاجز الكرسي الاول ومتابع

اخوي ensaaaan منور الصفحة ومرورك اسعدني

اختي حبيبتي um yousef والله انج نورتي الصفحة والله يوفقج في رحلتج بكرة الى امريكا

خليج على امريكا :24: وترجعين لنا بالسلامة ونشوف تقريرج الحلو

اخوي عبدالعزيز منور الصفحة ومرورك اسعدني

ما كنت ادري بخصوص تنزيل الصور ان في هنا ليش ما قلت لي قبل :36_11_13:

بجرب في الصور الباقية

ام فرح نورتي الصفحة بمرورج العطر

واكيد راح اقولكم عن كل الاماكن الي رحتها

ابا جوري منور الصفحة ومرورك اسعدني

تابعوني بكرة مع ديزني لاند

شكرا لكي على التقرير الرائع
ونتمنى أن تكون الصور القادمه أكبر قليلا حتى لا تفقد جمالها

اخوي ابو ضرار مرورك اسعدني واليوم كبرت الصورة شوي

اخوي عبدالعزيز حملت الصورة من هنا بس ما عرفت شلون اسوي نسخ عشان احط الصورة في الموضوع

وبرجع وبحمل الصورة من مكان ثاني :105:

يلا بكمل الموضوع

اليوم الثالث رحنا على ديزني لاند :36_1_13::36_1_13:

طبعا قالوا لنا لا تروحون يوم السبت والاحد لان راح تشوفون زحمة عجيبة والتذاكر تكون اغلى

بس لما رحنا يوم غير بعد شفنا الزحمة الزحمة هناك ورانا في كل مكان :36_1_28:

في شي لما تروحون على ديزني تأكدوا منه حق الي يبي يروح اكثر من مرة اعتقد تدفع قيمة كأنك رايح مرتين بس حق سنة مش متأكدة بس تأكدوا من هالموضوع بدل كل مرة تدفع

المهم رحنا على ديزني متأخر العصر الساعة خمس تقريبا وصلنا :36_1_4:

كنت ابي اروح بدري عشان اقدر اشوف كل شي

بس قالوا بدري شمس وحر :36_1_47:

وهذي الصورة اول ما وصلنا على ديزني :115:

http://www.7m7.org

مكان حلوووووووو كثير ورائع لازم تروحون على ديزني


http://www.7m7.org

ديزني الي في هونج كونج على اصغر يعني اصغر من ديزني اللي في فرنسا



وهذول شخصيات ديزني واذا بغيت تصور معاهم عاد انتظر الطابور اللي اش طوله :112:

http://www.7m7.org


http://www.7m7.org



http://www.7m7.org

http://www.7m7.org

وهنا قسم الطرزان

http://www.7m7.org


وركبنا هنا في مركب وخذ فينا جولة حلووووووووة :101:

وشفنا الحيوانات طبعا مب حقيقية بس كأنها صج حتى اعيال اختي خافوا على بالهم صج :109:

وكذا واحنا ماشيين بالمركب ومرة وحدة كذا تطلع النيران مسكين واحد من اعيال اختي خاف ونزل تحت يغمض عينه وانا ميته ضحك :36_11_6:

وهذي هي الصور


http://www.7m7.org


والفيل هنا يرش علينا الماي بخرطومه :109:


http://www.7m7.org


http://www.7m7.org


http://www.7m7.org

http://www.7m7.org

http://www.7m7.org


طبعا كنا رايحين متأخر وبسرعة صار الليل وهذي النافورة الحلوووووووة انا مصورتها وانا طالعة

http://www.7m7.org



http://www.7m7.org

وكذا خلص يومنا بس اول مرة رحنا على ديزني ما قعدنا لين اخر شي واحنا طالعين عند السيارة نشوف الالعاب النارية رحنا ثاني مرة وكنت حاطة في بالي اصور اكثر بس تدرون اش صار

صورت صورتين الا خلص عندي الجارج :36_1_4:

بس الي يروح على ديزني لازم يشوف الالعاب النارية

ثاني مرة احنا شفناها روووووووووووووووعة مع صوت موسيقى رسوم ديزني مع القلعة والالعاب النارية

منظر في غاية الروووووووعة والالعاب النارية تكون الساعة تسع بالليل قبل ما يسكرون

انتظروني مع تكملة رحلتي :24:

ولو يا اختي

تفضلي هالرابط راح يساعدك في كيفية رفع الصور ووضعها بالموضوع

http://www.arabtravelersforum.com/sh...d.php?t=136716

دمتي بخير

صورجد رائعه احلى دانه


كمان متابعين لك

اخوي عبد العزيز ان شاء بشوف وبحاول

اخوي ابا جوري مرحبا بك

يلا راح اكمل لكم الرحلة

هذا اليوم كان يوم السبت وقلنا نروح مشي يعني نتمشى ونستكشف

مشينا لين وصلنا عند المتاحف متحف الفضاء والدخول فيه مجاني الا اذا تحضر عرض وكان بعد في متحف الفن بس ما دخلنا

والمتحف تقريبا قريب من الفندق الي احنا فيه

http://www.7m7.org

وبعدين رحنا صوب الكورنبيش وصلنا هناك وكان ذاك اليوم الجو رااااائع

http://www.7m7.org



انتظروني مع تكملة هاليوم وهو يوم السبت

صور جميلة اخت دانة

بالنسبة لمتحف الفضاء يستاهل الواحد يزوره ولا عادي؟

وسؤال ثاني: سمعت يوم السبت يكون فيه ألعاب نارية + مهرجان الأضواء على الساعة 8 بالليل لمدة ربع ساعة.... عسى صورتي لنا كم صورة لهالمناظر

رائع يادانه

والاحلى منظر العرايس ياحليلهم

متابع لك

احلى تقرير يااحلى دانة قطر . بس ماقلتيلنا عن انواع المطاعم ؟؟؟

أخت أحلى دانة قطر
أرجو المعذرة على تعديل المشاركة وذلك لكي تتناسب مع قوانين المنتدى
وشكرا على التقرير الرائع :101:

Abu Karam مرورك اسعدني وبخصوص متحف الفضاء اذا انت تحب عالم الفضاء راح تستانس هناك

بتشوف كل ما يتعلق بالفضاء اشوفه يستاهل انك تزوره

وبخصوص الالعاب النارية اكيد صورت ما افوت انا شي :24:

وراح اتكلم عنه بعد شوي

ابا جوري مرورك اسعدني ومنور الصفحة

وهاب الكويت مرورك اسعدني ومنور الصفحة وراح اتكلم بعدين عن المطاعم

ابو ضرار :110: الصور كانت حلوة

منور ابو ضرار واللي تشوفه صح اكيد هو الصح :24:

يلا بكمل يوم السبت

وبعد ما مشينا وصلنا عند برج الساعة وهو برج قديم لسنة 1921 طبعا ونكون هنا وصلنا لمنطقة الفيري

وهذا هو البرج

http://www.7m7.org

وبعدين رحنا لفيري ستار

http://www.7m7.org

وركبنا العبارة مرتين مرة خذنا جولة ورجعنا وفي هذا اليوم رحنا الى جزيرة LAN TAU ISLAND بالعبارة


وهذي هي العبارة


http://www.7m7.org

ومن الداخل


http://www.7m7.org

وهنا اول ما وصلنا الجزيرة شفنا العالم حاطه سياكلها عند المحطة اكيد اجازة والعالم رايحة تتمشى

http://www.7m7.org

وهذي هي الجزيرة فيها شاطئ وطبيعة حلوة :surf


http://www.7m7.org


http://www.7m7.org


ومع المغرب تقريبا رجعنا ونزلنا من العبارة ورحنا على الكورنيش عشان نشوف الالعاب النارية


http://www.7m7.org


بس يلا ركض بروح اجيب الصور الي فيها الالعاب النارية وارجع لكم :097:

رجعت :1224:

اكمل لكم يوم السبت :101:

هنا على الكورنيش كل يوم بالليل من الساعة 8 الى 8 ونصف مهرجان الاضواء

وفي يوم السبت في نفس الوقت من 8 الى 8 ونصف مهرجان الالعاب النارية :50055:

مناظر راااااائعة

وهذي صور لمهرجان الاضواء والالعاب النارية


http://www.7m7.org

http://www.7m7.org


http://www.7m7.org

http://www.7m7.org


http://www.7m7.org


http://www.7m7.org

http://www.7m7.org


http://www.7m7.org

http://www.7m7.org


وطول ما انت تمشي في شارع النجوم تشوف كذا على الارض طبع لليد مع التوقيع اعتقد انها لممثلين


http://www.7m7.org

http://www.7m7.org

انتظروني مع جبل القرود و تصبحون على خير :36_1_50:

تقرير حلو والصور احلى واحلى .....بالتوفيق

مشكوووووووررررره يا احلى دانه قطرررررر
صور رائعه من جد حمستينسي للرحله خصوصا شكل اذوقنا زي بعض
انا رايحه انشالله مع زوجي و اولادي باخر اغسطس وكنت متردده لكن بعد موضوعك تحمست
شككككككككككككككرررررررررررررر بانتظار باقي التقرير و الصور و خصوصا معلومات عن هاربر ستي

هلا والله أختي دانة قطر أنا عندي استفسار بسيط انا انشاء الله رح اكون بهونج كونج لمدة اربعة ايام ابتداء من تاريخ 8/9/2007 بصراحة انا محتار جدا بالنسبة للسكن في البداية انا قلت احجز الفندق من المطار بس اشوف الجماعة هنا يقولون الافضل ان الواحد يحجز من ديرته انا بصراحه محتار لان اول مره اروح هونج كونج وابي اسكن بفندق حلو ومريح انا دخلت على موقع اسيا روومز شفت اسعارهم بصراحه شوي مبالغ فيها ابي منك ولا عليك امر تعلميني شرايك احجز الفندق من المطار ولا من الرياض قبل ما اسافر وبعد ابيك تعلميني شالفنادق اللي تنصحين فيها مشكورة مقدما

ريما 2007 الأحلى هو مرورج العطر ونورتي الصفحة

اختي lamyao تسلمين على مرورج العطر ومنورة الصفحة

بس صج هي بلدة تستاهل الواحد يزورها حلوووة واهم شي معك اطفال هناك صج زحمة

بس امان حتى السواق الباكستاني كان يقول لنا لا تخافون على الاطفال هنا امان

مرة انا عطيت كاميرا الفيديو في يد ولد اختي عمره 6 سنوات ورحنا على سوق شعبي

وطلبنا الايس كريم ولما خلصنا ومشينا مسافة الا الحلو ناسي الكاميرا على الطاولة :105:

ولما رجع اخوي بسرعة الكاميرا مكانها ولا حد مسكها يعني دوله فيها امان :24:

اخوي Mad_lion143 تسلم على المرور ومنور الصفحة وبالنسبة للفنادق احنا حجزنا من قطر

وفي بداية التقرير انا كاتبة عن السعر ووين المكان

وانا اشوف انك تحجز من ديرتك احسن وشفت فندق انتركونتنتال مكانه رائع جدا وهو خمس نجوم

يطل على الكورنيش مباشرة في كولون وبالتوفيق

يلا بكمل الرحلة

في هذا اليوم رحنا الى جبل القرود :36_1_33:

والقرود كذا منتشرة في كل مكان ومسكينة بنت اختي الصغيرة كانت ميتة من الخوف

بس اقولكم الصج انا بعد كنت خايفة :109:

وهذي صور القرود :biggrin:


http://www.7m7.org

http://www.7m7.org

http://www.7m7.org


وهذول السواح الظاهر عندهم بسكويت ولاحقينهم القرود :109:

http://www.7m7.org

يمه وهذا القرد يخوف


http://www.7m7.org


خايف ياخذون من عنده البسكويت

http://www.7m7.org

بس ما طولنا كثير لان بنت اختي اللي عمرها 8 سنوات كانت تصيح وايد :110: كانت خايفة

وكان ذاك اليوم عيد ميلادها وكانوا يشاغبون معها يقولون لها بهذي المناسبة جينا هنا الى جبل القرود

وهي مسكينه تصيح :109:

وبعدين عشان ابوها يراضيها رحنا على مول عشان تتزلج بنت اختي هناك :36_7_13:

وهذا المول وايد حلووووو فيه تزلج على الجليد وفي محلات كثيرة ماركات

والمول هذا اعتقد ما يكفي زيارة وحدة انا رحت على هذا المول 3 مرات

وهذا اسمه

http://www.7m7.org

وهنا كان عرض على التزلج


http://www.7m7.org



http://www.7m7.org


http://www.7m7.org


http://www.7m7.org

وهنا لما خلص العرض العالم دخلت تتزلج وبنت اختي يحليلها بعد راحت تتزلج وكانت مستانسة :115:


http://www.7m7.org

وبعدين رحنا نتسوق

http://www.7m7.org

http://www.7m7.org

وهذي الصورة عشان خاطر بنت اختي هي قالت لي صوري هالصورة عجبتها لان فيها ايس كريم :115:

وهذي الصورة طبعا كانت على احد المحلات

http://www.7m7.org

واحنا نتسوق خليتهم شوي وكانت معي بنت اختي وقلت بروح اشترلي وحق ينت اختي ايس كريم

ورميت الاكياس الي في يدي على الارض تعبت من المشي :097:

وقعدت اكل الايس كريم


http://www.7m7.org


بس انا للاسف رحت وايد مولات بس ما سجلت اساميهم كنا نسأل الفندق وهم يدلونا على الاماكن


رحنا على مول كبير وايد هو مكان كبير يضم اكثر من مول وهو في كولون خذ منا من الفندق بالتاكسي

لهذا المكان يمكن عشر دقايق واعتقد واحد من المولات اسمه اوشن اذا قلتوا حق راعي التاكسي

اوشن هو يعرف قولوا مكان للتسوق

وبعد ما رجعنا للفندق بالليل رحنا على مطعم وهذا المطعم انا عرفته من هنا من هذا المنتدى

وهو مطعم جمبو

انتظروني مع مطعم حمبو :36_1_51:

ياسلام عليج يا بنت قطر انا اتعجب من الناس الي زاروا هونج كونج كلهم قالوا اربعة واثلاث ايام تكفي لكن من كلامج تحتاج هونج كونج اسبوع كامل

مشالله عليك

بس غريبة تصوير اللعاب النارية كذا

مب واظحة ليش

وبارك الله فيك واتحفيما بالباقي صرحة تقرير جدا رهيب

بارك الله فيك

ياسلام يااحلى دانه تقرير ولااروع
بس حبيت اسالك كيف مستوى الاسعار فى هونق كونق كسكن ومعيشه وتسوق
والجو حار ورطب مثل اجواء ماليزيا وسنغافوره

مساء الخير على الجميع :106:

وهاب الكويت اعتقد 3 ايام شويه وخاصة اذا معك الأهل يعني اسبوع اعتقد يكفي بس احنا قعدنا اسبوعين

وهلا ومرحبا فيك

دحنوش ايوة التصوير هناك عند الاضواء والالعاب النارية مب واضحة :105:

لأن لما كنت اصور والوضع على اتوماتيك ما كانت تظهر الانوار اللي على المباني

فرحت صورت على الوضع العادي يمكن عشان كذا وانا بعد كنت متضايقة من التصوير بالليل

ما كانت تضبط معي الصور :112:

هلا ومرحبا فيك

الراسية الأروع هو مرورج العطر وبالنسبة للسكن انا كتبت في بداية تقريري عن الفندق اللي سكنا فيه

وعن سعره وبالنسبة لمستوى المعيشة هي غالية شوي يعني اذا رحتي على ديزني او كذا اماكن سياحية اكيد الاسعار تكون اغلى بالنسبة لبرا

واسواقهم بعد غالية واذا انتي من محبين الماركات فهناك تشوفين ماركات كثيرة

والجو عندهم حر شوي واحيانا رطوبة بس ما اعتقد كل الاشهر كذا

وهلا ومرحبا فيج اختي الراسية

يلا بكمل :114:

مثل ما قلت لكم بالليل رحنا على مطعم جمبو :36_1_51:

وهو مطعم حلوووووو وايد الموقع وجو المطعم رااااائع جدا :24:

بس لا تتأخرون على المطعم لان بعد العشر والنصف اعتقد خلاص ما يستقبلون الزبائن

وهذي الصور للمطعم

http://www.7m7.org

http://www.7m7.org

http://www.7m7.org

وهنا مدخل المطعم

http://www.7m7.org


http://www.7m7.org


والمطعم يتكون اكثر من طابق وفي كل طابق يختلف ديكور المطعم من الداخل

وهذا المكان اللي احنا قعدنا فيه


http://www.7m7.org

والحين جا وقت الأكل :113:

وراح ارويكم وشو طلبت انا :36_1_51:

طبعا طلبنا كله اكلات بحرية

وهذي الشوربة فيها اكلات بحرية


http://www.7m7.org


http://www.7m7.org

http://www.7m7.org

وطبعا اخر شي الحلووووووو

http://www.7m7.org


وانتظروني بكرة مع اوشن بارك وهي اكبر من ديزني بكثير :24:

والله شي...


مشكورة وبنتظار الأوشن بارك

اسعار التذاكر - طريقة الذهاب لها - اسعار المواصلات - اوقات الدوام - افضل وقت لزيارتها - كم تبعد عن فندق شانقريلا تقريبا

ويعطيك العافية

اختي أحلى دانة قطر اول شي الحمدلله على السلامة ان اول مره اطلع على هذا التقرير الرائع والصور الجميله وتستحقين كل الشكر بصراح انتي على اسمك وشوقتيني مره لزيارة هونق كونق اناعند رحله الى الصين انشاء الله ولي مره على هونق كونق , وفي انتضار المزيد عن رحلتك .

أحتي دانه بصراحة ألف عافية على هالتقرير العجيب وناطرين الباجي لا طولين علينا

وكما عهداناك احلى دانه لازلتي احلى دانه

متابعين لك يابطله

دانة قطر... مبدعه وربي مبدع
يعطيج ألف ألف ألف ألف أللف ألف ألف عافيه ياااااااااااااااااااارب
تقرير رووووووووووووووووووووووووووووووووووووووووووووووووو وعه
وحيل إستفدت منه
وإكتشفت إن عندي معلومات عن هونغ كونغ

لأن أنا بروح هونغ كونغ و كوانزوو إنشاء الله

بس بصراحه إخترعت على سالفة إن الأسعار جدا غاليه

1-يعني ما أعتقد إن الماركات أسعارها تختلف من دوله لي دوله... يعني أعتقد إنها موحده

2-هل الأكل غالي؟؟؟؟

3- أتمنى تعطينا أمثله على غلى الأسعار

4-هل تذاكر دخول الأماكن السياحية غاليه؟

5- هل سنعتمد على الميترة في أغلب مواصلاتنا؟

6-هل سوقهم حلو؟.... وخاصة للشباب؟

أتمنى الرد

وشكرا

ملاحظه.. أنا أسأل عن الأسعار علشان أعرف كم لازم آخذ معاي

ولأني من عشااااااااااااااااااااااااق التسوق

محمد من الكويت

المشاركة الأصلية كتبت بواسطة meetzgreet
http://www.arabtravelersforum.com/tr...3/#post1470203

دانة قطر... مبدعه وربي مبدع
يعطيج ألف ألف ألف ألف أللف ألف ألف عافيه ياااااااااااااااااااارب
تقرير رووووووووووووووووووووووووووووووووووووووووووووووووو وعه
وحيل إستفدت منه
وإكتشفت إن عندي معلومات عن هونغ كونغ

لأن أنا بروح هونغ كونغ و كوانزوو إنشاء الله

بس بصراحه إخترعت على سالفة إن الأسعار جدا غاليه

1-يعني ما أعتقد إن الماركات أسعارها تختلف من دوله لي دوله... يعني أعتقد إنها موحده

2-هل الأكل غالي؟؟؟؟

3- أتمنى تعطينا أمثله على غلى الأسعار

4-هل تذاكر دخول الأماكن السياحية غاليه؟

5- هل سنعتمد على الميترة في أغلب مواصلاتنا؟

6-هل سوقهم حلو؟.... وخاصة للشباب؟

أتمنى الرد

وشكرا

ملاحظه.. أنا أسأل عن الأسعار علشان أعرف كم لازم آخذ معاي

ولأني من عشااااااااااااااااااااااااق التسوق

محمد من الكويت




أذا أنت من عشاق التسوق أذهب لكوانزو من دون تردد

صباح الخير على الجميع :115:

اخوي Abu Karam بالنسبة اسعار التذاكر انا ما اعرف بالضبط لان مش انا اللي كنت ادفع :109:

والله رحت اسأل لك قالوا لي ناسيين :105:

بس سعر التذاكر في اوشن ارخص من ديزني وحتى المشروبات في اوشن ارخص من ديزني

وبالنسبة لطريقة المواصلات احنا كنا ناخذ دايما سيارة خاصة يعني متى ما نبي نروح مكان نتصل على

السواق يجي وياخذ علينا على حسب المشوار مثلا لما رحنا على اوشن او ديزني خذ منا

على الذهاب والعودة ما بين 250 او 300 ريال قطري يمكن 500 دولار هونج كونج بس طبعا للي يقدر يروح

بالباص او القطار ممكن يعني دولة فيها كل التسهيلات بخصوص المواصلات

والدوام والله ما عرفت متى يسكرون لان رحنا هناك بس مرة وحده

وتبعد من فندق شانقريلا الى هناك امممممم :114: انا اللي اتذكر كل طلعاتنا بالسيارة ما كانت تاخذ

وقت طويل اكثر الطلعات كذا تقريبا نصف ساعة

هلا ومرحبا فيك

Sadus و

طيوبة و

ابا جوري

مروركم اسعدني ومنورين الصفحة

اخوي meetzgreet انا ما اقصد ان الماركات هناك اغلى اللي اقصده لما تدخل مول كبير البضائع

كلها ماركات يعني مثلا احنا بقطر عندنا في المولات مستويات في الماركة وفي التقليد المتقن اللي ارخص

بس هناك تحس الغالب كلها ماركات وكل انسان على حسب ظروفه واذا انت تحب الماركات

بتشوف هناك كثير وبالنسبة كم تاخذ معاك فلوس انا بالنسبة لي اخذت مبلغ وكلها طارت :105:

بس بعدين استخدمت بطاقة الفيزا يعني لا تحاتي تقدر تستخدم في المولات الكبيرة بطاقة السحب اذا كانت فيزا

وبالنسبة للأكل مثلا كنا ناخذ من ماكدونالدز سمك فيليه سعره نفس اللي في قطر

وكنا ناخذ من عند الباكستاني سندويش شاورما بـ 50 دولار هونج كونج وفي مكان ثاني بـ 40 دولار

وبالنسبة تذاكر الدخول هي ديزني معروفة في كل مكان انها غالية

بس اوشن ارخص واذا تبي تركب العبارة في البحر التذكرة تكون رخيصة جدا

وبالنسبة للمواصلات سهلة جدا وانا ركبت القطار مرتين وراح ااحط لكم الصور

هلا ومرحبا فيك

والحين راح اتكلم عن اوشن بارك :surf

هي حديقة كبيرة جدا جدا اكبر من ديزني بكثير وفي قسمين

قسم اللي تحت في المنطاد وفي دب الباندا وفي شوية العاب للأطفال

والقسم الثاني تروح له بالتلفريك تطلع فوق وفيها العاب كبيرة وتخوف وفيها العاب مائية وفيها عرض للدلافين

بس انصح اللي يبي يروح على اوشن ما يروح لما الجو يكون حر كثير :36_1_47:

لأن اليوم اللي احنا رحنا فيه كان حر ورطوبة :105: وزحمة :112: ما لعبنا ولا لعبة

ما قدرنا نوصل لأي لعبة والله شوفوا هي حديقة راااائعة وتستحق انها تروحون لها مرتين مرة وحدة

ما تكفي بس اهم شي الجو يعني قسموا الزيارة لها على مرتين ولا تستعجلون على الالعاب كلها

وهذي الصورة لحظة الوصول


http://www.7m7.org

وهذي الصور لدب الباندا وانتظرنا هنا طابور اش طول :112:

بس اخر شي استانسنا لما شفنا الباندا :101:


http://www.7m7.org


http://www.7m7.org


وهنا كانت فرقة تعزف الموسقى الصينية وهم نادوا على اعيال اختي عشان يعزفون :109:


http://www.7m7.org


وهنا رحنا صوب التلفريك عشان نروح القسم الثاني لما رحنا على طول ركبنا

بس في النزول والله اطول طابور اشوفه في حياتي :110: امرنا لله لازم نستحمل يعني انا شفت فيهم

طولة بال عجيبة وصوتهم اللي ما يطلع يعني على الزحمة ما تسمع ازعاج

http://www.7m7.org

شوفوا الزحمة :36_11_10:


http://www.7m7.org


وهذي السكة الحديدية لقطار الموت اللي معهم اطفال كبار راح يستانسون في اوشن اكثر

لان فيها العاب كبيرة وتخوف


http://www.7m7.org


وهذي الصورة لعرض الدلافين

http://www.7m7.org

وخلصنا من اوشن بارك

انتظروني مع تكملة الرحلة :106:

طبعا الواحد لازم يروح لاوشن بارك بدري عشان يخططها بالطول والعرض

بس ودي اعرف في الصباح بدري يفتحون؟

ويالله متابعين معاك

يالله يادانه لاتطولين علينا ترنا على ناررر نبغى بقيه الرحله
حتى عيالي كل يوم يسألوني عنك حطت دانه صور جديديه

المشاركة الأصلية كتبت بواسطة lamyao
http://www.arabtravelersforum.com/tr...9/#post1471319

يالله يادانه لاتطولين علينا ترنا على ناررر نبغى بقيه الرحله
حتى عيالي كل يوم يسألوني عنك حطت دانه صور جديديه




ههههههههههههههههههههههههه

وصرتي مشهوره يادانه..اخاف تروحين المره الجايه تحصلين نفسك محنطه في تمثال مع المشاهير:101:


متابعين لك وربي يوفقك


لمياء الله يحفظهم لك يارب

يعطيك العافيه على التقرير الافضل بنظري:113: فعلا كفيتي ووفيتي لكن لا تطولين والله شوقتينا من جد:101:

مبدعه والله
يعطيج الف عافيه

اختي دانة قطر حاب اعرف اذا في مطاعم عربية في هونج كونج؟ ومشكووره

Abu Karam اشكرك على متابعتك لتقريري

وبالنسبة للسؤال متى يفتحون اوشن في وقت الصباح للأسف ما اعرف لأن احنا رحنا على العصر تقريبا

وحياك الله

lamyao الله يخلي لج عيالج وسلمي عليهم وهذي الباقة مني لهم :36_3_11:

ومنورة يا الغالية

ابا جوري كذا مرة وحدة صرت مشهورة هههههههههههههههههههه

حياك الله


Mr. wael و meetzgreet هلا ومرحبا فيكم

وحياكم الله

ابو سهيل في مطاعم باكستانية وتركية بس عربية والله احنا ما شفنا

وحياك الله


يلا بكمل :101:

في هذا اليوم قالي اخوي اش رايك نروح نجرب القطار ونروح على السوق الشعبي القديم

هو يحب كذا يروح على كل مكان وأنا مثله :101:

وراح تستغربون من المكان اللي رحنا له بتقولون هذي هونج كونج الدولة الراقية المتطورة :109:

بس اول شي راح ارويكم محطة القطار يلا نشوف

محطات القطار عندهم رااائعة جدا وسهلة والخطوط واضحة

http://www.7m7.org


وهنا تضغط بصبعك على المكان اللي تبي تروح له ويظهر كم المبلغ اللي تحطه وتشوف اللون وشو

وتمشي عليه يعني سهلة احنا اول ما رحنا ما ضيعنا ابد كان سهل جدا


http://www.7m7.org


وهنا احنا ننتظر القطار

http://www.7m7.org

وصل القطار :101:


http://www.7m7.org


وهذا هو السوق الشعبي لا تستغربون منه مثل ما قلت لكم و فيه كل شي يبيعون لحوم وسمك وفواكه وخضار وملابس

وأدوات كهربائية وكل شي فيه رخيص جدا

بس الناس هناك حتى غير مدري تحس دمهم ثقيل ويتكلمون بعضهم بعصبية ما عجبني المكان

ما قدرت اتحمل وطلعنا بسرعة

http://www.7m7.org

http://www.7m7.org

واشترينا هذي الفاكهة اللي احبها واااايد بس لحد يومكم هذا ما اعرف وشو اسمه اللي يعرف يقولي :109:


http://www.7m7.org

انتظروني مع التكملة :115:

لازلنا معاك على طول يادانة....

ماصورتي القطار من داخل؟

صراحة فرق بين محطة القطار ونظافتها وتنظيمها وبين سوقهم الشعبي اللي يسد النفس

وبالنسبة للفاكهة هذي سلمك الله اسمها للاسف ماعرفه (طيب اسكت!!)

متابعينج يا دانه قطر

ما شاء الله من أوفى التقارير عن هونج كونج
وقد خرج بنا من الجو التجاري الى السياحي
و أظنه أجمل في هذه الأيام الحارة
ملحوظة صور المطعم لم تظهر

شكرررررررررر يادندونه قطر
وهذي تحيه من الصغار لك:36_1_33::36_1_39:
و باتظاااارك :x1:

صباح الخير يادانة بغيت اسئلج عن الجزيرة شنو فيها بالضبط هل تسوى انروحلها؟
او بس فيها تمشي ؟
وبالنسبة لجبل القرود انتي اول عضوة ذكرتي المكان واول مرة اسمع عنة اهو المكان بعيد ؟
واي طريقة مواصلات يفضل اروح عن طريقها؟ ابي ردود واضحة وصريحة لانة انا معي طفلين اقل من خمس سنوات
وتعرفين الوضع اشلون يكون مابي اروح واتعب معاهم مع انة اهم راح يستانسون مع القردة بس حبيت استفسرررر