الموضوع: سوق الـ فلسا

في الكويت ظاهرة رائجة وهي أسواق ال 100 فلس حيث تجدون الكثير من السلع الصغيرة بسعر 100 فلس فقط وهذا يشمل كل ما يخطر على بالكم من الأدوات المكتبة والقرطاسية والملصقات.

بل هناك أحد المحلات يوفر مستلزمات تجميل من مكياج وأكسسوارت و"شباصات" للشعر وأمور منزلية مثل الأسلاك والمقصات والأكياس البلاستيكية، والكثير الكثير.

وأحد الأمور التي أستفيد منها شخصيا هو شراء الجوارب النسائية الشفافة وبسعر 100 فلس فقط وجودتها لا بأس بها أبدا ولا أستحرم رميها بعد استعمال أو استعمالين لأن سعرها زهيد.

وبصراحة من يدخل سوق ال 100 فلس يدخل في نوبة من الشراء :108: وقد يشتري ما لا يلزم لأن كل شيء سعره زهيد :tongue:


المهم
اكتشفت أنه صار في الكويت أيضا سوق ال 50 فلس!
وعندهم تشكيلة من السلع التي لا بأس بها وبسعر 50 فلسا.


السؤال الآن: كم التكلفة الأصلية لهذه السلع إذا كان سعر البيع 50 فلسا!
أطال اللهم في عمر ال Made in China!


وبانتظار سوق ال 20 فلسا!


سؤالي للأخوة في بقية دول الخليج، هل لديكم أسواق مثل هذه وبالأسعار نفسها؟


شكرا

مواضيع عشوائيه ممكن تكون تعجبك اخترناها لك:

• نوادي الكويت الاجتماعية
• صور لبعض الأبراج تحت الإنشاء العاصمة
• حبيت استفسر فقط
• ساعدوني اول زيارة ليه الى الكويت
• طلبتكم طلبات طراره وتتشرط بعد طلبات
• لعنة كلمة عوائل فقط تطاردني من الرياض إلى الكويت جزيرة فيلكا
• تسوق مع فروحه الكويت
• مطاعم لذوي الدخل المحدود
• اعلنهاا صريحة احبك يالكويت
• استفسار عن مهرجان باللكويت
• الدينار كم فلسضروري
• ياهل الطيب الكويت فزعتكم
• استفسار سريع
• تقرير مصور عن مدينة الألعاب المائيه اكوابارك
• ابي عناوين الدقلات الغريبة غير محل نسايم
• اهل توجد عروض مسرحيه في شهر نوفمبر
• نصيحتكم ياأهل الكويت وش افضل منتجع الموفمبيك او سفير المارينا الي ع البحر
• الأسواق الشعبية
• احدث واجمل الصور للكويت
• الفعاليات الثقافية في دولة الكويت متجدد

السؤال الآن: كم التكلفة الأصلية لهذه السلع إذا كان سعر البيع 50 فلسا!
أطال اللهم في عمر ال Made in China!



يمكن فرق العمله اهوا اللي خله السعر 100 او 50 فلس !














سؤالي للأخوة في بقية دول الخليج، هل لديكم أسواق مثل هذه وبالأسعار نفسها؟



انا كويتيه بس مره كنا بالسعوديه و بالتحديد حقر الباطن
شفت محلات يبيعون بـ ريال واحد !!

همبكاااااا قصدجحفر الباطن

بالنسبة للاسواق هذي في صح ب100 و 50 فلس......:24:

بس اهوا ينفع حق اليهاااااال اللي لسانهم طويل (نبي العاب نبي نبي و و و و و وو )
تودينهم وتشترين حق كل واحد بدينار!!! بعد 20 لعبة اذا الوحدة ب 50............
ههههههههههههههههههههه
يعطيج العافية

أختي Ducklet أسواق 100 فلس لها ربح كبير عند التجار

وانا بنفسي ذهبت لأسواق شرق اسيا واكتشفت أن الحبه اللى تنباع 100 فلس درزنها تكلفته 400 فلس

يعنى قيمة الدرزن تباع بعشر اضعاف ، والحمدلله بالأول والأخير اسواق الصين هزت العالم بمنتجاتها

وأسعارها ...انا شريت تلفزيون بلازما قبل سنه( 42 بوصه )بـ 160 دينار والحين أتوقع سعره 120 دينار

وشغال لي الحين 100% ولافي اى اشكال

مشكورة عالموضوع وتحياتي لـــج

ليش مستغربه اختي
لا تنسين انه عملتنا ...الحمدلله....قوية بالنسبة لباقي الدول

الـ 100 فلس تقريبا ريال ونص ولا ؟

عندنا بالسعودية منتشره محلات زي كذا " كل شي بريالين " .. ونفس الطريقة تبيع كل شي من الى
لكن الجوده الله بالخير :108:

اعتقد هذي من اغلى التجاره حاليا..

يعني صكوا على محلاات الذهب والألماس .

ومثل ماقالت ان الدرز اللي قيمة 400 فلس كويتي صناعه صينيه الوحده تنباع اب 100 فلس يعني اضعاف اضعافها ..

ونعيش ونشووف

الكويت متميزه ب 50 فلس زرت الخليج كله ماعندهم مثل اللي عندنا عندهم بريال او ريالين و على قولتج الله يخلي الصين :109:

الدرزن ب 400!
وأنا كنت أقول يا حرام! كيف يربحون.

أطال الله في عمر الصين

شكرا

ابي اعرف وين مكان السوق هذا ؟؟

انزين وين صايره هالمحلات ابو 50 فلس ؟؟؟؟؟؟؟

محلات ام 50 فلس في المباركيه نفس مبنى سوق الخضره و اللحم

وينكم ياجماعه قبل شوي كنت اتصفح هالجرايد الاعلانيه لقيت القطعه 10فلوس و20فلس مو بس 50فلس و100فلس ، بو 10 و20 جديد علي ماصدقته بس اني بنفسي شايفه بالجريده ، سبحان الله ، وشكرا عالموضوع

السلام عليكم بصراحة اول مرة اعرف سوق 50 فلس بالمباركية وعجبني سالفة اليهال اللى لسانهم طويل يبون العاب ههههههههه اى اى هذا خوش سوق اوديهم مو بخل يعلم الله بس ودي اضحك بشوف كل ولد اشلون بيشيل كم درزن من الاعاب وابي ااجر عربانة للاعاب ههههههههه واااااااااااااااااو ومشكورين على المعلومة

السلام عليكم بصراحة عجبني سالفة اليهال اللى لسانهم طويل يبون العاب بصراحة شي السوق حلو من سعرة هههههه بودي العيال للسوق يشترون العاب يعلم الله مو بخل بس بشوف العيال اشلون بيشلون درازن الالعاب بضحك وابي ااجر عربانة للاعاب ههههههههههههه بشوف منظرهم ههههههههههه ومشكورين على المعلومة

يابلاش الله يديم الرخص

بصراحه هالمحلات تفك ازمه
واحيانا تلاقين اشياء شافتها غاليه عندهم
بس اللي يقهر انه هالمحلات ربحا والقايم فيها عماااااااااااااااااااله اجنبيه
ياليت عيالنا يسون لهم هالمحلات

المشاركة الأصلية كتبت بواسطة اكشخ يازين
http://www.arabtravelersforum.com/tr...4/#post1586724

وينكم ياجماعه قبل شوي كنت اتصفح هالجرايد الاعلانيه لقيت القطعه 10فلوس و20فلس مو بس 50فلس و100فلس ، بو 10 و20 جديد علي ماصدقته بس اني بنفسي شايفه بالجريده ، سبحان الله ، وشكرا عالموضوع



:24:

فين تنباع هذي ؟؟؟

والله الله يديم علينا كويتنا.................هالاسواق والله تفك ازمة خاصة بنهاية الشهر وللي عندةيهال...........والسوق ابو 10 و20 فلس طيور الجنة بجميع فروعة ...................وابو 50 الظافر..........وتسلمو علي فكرة الموضوع

ترى في بعد بو عشر فلوووس

بس اظن انه كل هالبضايع اعادة تصنيع للنفيات وانتوا بكرامة

فما انصحكم فيها نهائيا

وسلام

المشاركة الأصلية كتبت بواسطة soso swet
http://www.arabtravelersforum.com/tr...1/#post1840861

والله الله يديم علينا كويتنا.................هالاسواق والله تفك ازمة خاصة بنهاية الشهر وللي عندةيهال...........والسوق ابو 10 و20 فلس طيور الجنة بجميع فروعة ...................وابو 50 الظافر..........وتسلمو علي فكرة الموضوع



فين مكان..... طيور الجنة والظافر؟؟؟:106:

واحد من اخواني يشتغل في الشغلات اللي زي كذا عندنا بالسعوديه من محلات بو ريالين وخمسه وعشره
هم يروحون لمصانع في الصين ويقولون لهم وش يبغون من بضاعه وهناك ماعندهم اي مشكله يصنعون اللي انت تبغي (لان فكرة التجاره الصينيه البيع بكميات كبيره جدا جدا وسعر رخيص جدا)....
مثال بسيط:
عندنا في جده سوق اسمه (سوق الصواريخ ) كله ستوكات مره طلعت مع اخوي وشري منه 15000 جوز حذيان (نعول) ب 2.5 ريال للجوز الواحد تطلع بحوالي = 37500 ريال وفي المحلات اقل شي يبيعون الجوز ب15 ريال .... وقس علي كذا وكله made in china
لكن علي العموم اغلب بضائعهم رديئة الصنع وفيها خطر علي الصحه العامه....

المشاركة الأصلية كتبت بواسطة SAILOR 2007
http://www.arabtravelersforum.com/tr...3/#post1846283

واحد من اخواني يشتغل في الشغلات اللي زي كذا عندنا بالسعوديه من محلات بو ريالين وخمسه وعشره
هم يروحون لمصانع في الصين ويقولون لهم وش يبغون من بضاعه وهناك ماعندهم اي مشكله يصنعون اللي انت تبغي (لان فكرة التجاره الصينيه البيع بكميات كبيره جدا جدا وسعر رخيص جدا)....
مثال بسيط:
عندنا في جده سوق اسمه (سوق الصواريخ ) كله ستوكات مره طلعت مع اخوي وشري منه 15000 جوز حذيان (نعول) ب 2.5 ريال للجوز الواحد تطلع بحوالي = 37500 ريال وفي المحلات اقل شي يبيعون الجوز ب15 ريال .... وقس علي كذا وكله made in china
لكن علي العموم اغلب بضائعهم رديئة الصنع وفيها خطر علي الصحه العامه....



شكرا على التنبيه:101: