الموضوع: مسافر أنا وعائلتي الى المانيا نهاية اكتوبر وبداية نوفمبر

إخواني انشاء الله مسافر أنا وعائلتي معي 3اطفال الى المانيا من 27اكتوبر ولمدة 12يوم
محطة الوصول فرانكفورت ورايحين على بادن بادن لمدة 3ايام وبعدها عندي يومين ما دري وين بروح وبعدها بروح ميونخ ارجو مساعدتي
افضل مدينه اروحلها بعد بادن بادن ولمدة يومين وافضل تكون بين بادن بادن و ميونخ ويكون فيها ترفيه للاطفال تكفون الفزعه تراني عضو جديد
واحتاج فزعتكم يا خبراء المانيا ومشكورين.....۔
*

مواضيع عشوائيه ممكن تكون تعجبك اخترناها لك:

• جدول سياحي لدول اوروبامساعدة
• استفسار
• بالصـــور المتعـــــة الحقيقيــــة في السفر للبـــــــلاد الأوروبيــــة
• ناشيونال ولا سكست
• مسافر للعلاج في هايدلبرغ المانيا واحتاج خبرتكم
• دليل المطاعم في ميونخقارمشسالسبورغزيلامسي و إنترلاكن
• الفيزا الالمانيه
• ترتيب المدن وخطة السير والتنقل ؟؟
• عاجل موعد سفرنا قرب
• برنامج يوم في ألمانيا من ثنايا الذاكرة
• استفسار ياليت تساعدوني سفرتي قريبة
• رحلتي في الصيف أحتاج مساعدتكم
• مين اللي زار دوسلدورف Düsseldorf
• خبراء اوربا رحلتي الاوربيهمساعده
• اقتراح منطقة ريفيه قرب ميونيخ و رايكم بمخططي
• برنامج سياحي لثلاث ليالي
• ابغا اعرف
• الأفضل فرانكفورت أم ميونخ ؟؟
• ابحث عن عنوان واحداثيات الاوت ليت في ميلانوا
• وش رايكم بسعر التذاكر ؟

ممكن تشوووف تقريري باتوقيع ( رحلتي الي المانيا )
كاتب فيها عن بادن بادن و ستراسبورق و رست مالة الالعاب و زيورخ بسويسرا و التقرير مكل فيه
حتى الان ما خلصت منه حياك فية و بعدها ان شاء الله تكووون خبير
و التقرير فية صور و فيديوو

طبعا بكل تأكيد اختيارك لبادن بادن اختيار جيد خصوصا انك تبحث عن ترفيه الاطفال فاليورب بارك الشهيره تبعد عنها ساعه بالسياره وهي ملاهي ومنتزه ضخم يفتح الساعة 9 صباحا ويغلق 6 مسائا وفي الصيف مايكفيك يومين لان فيه زحمة شديده ولكن في فترتكم اتوقع يوم كافي ونظامه تدفع تذكره دخول وبعدها العب الين تشبع ولكن عيبه الزحمة بالصيف كما ذكرت يعني ممكن توقف طابور على لعبه اكثر من ساعه (خصوصا العاب قطارات الموت والمغامره وهي كثيره ) ومن اكبر عيوبه ان الالعاب المشهوره ما تصلح للاطفال اقل من عمر 7 سنوات وبعضها 10 سنوات وهم يعتمدون على الطول 80 سم 100 سم واخطر لعبتين لا يدخلها من هم اقل من 120 سم طبعا يوجد العاب بديله وكثيره ولكن اقصد بالعيوب ان الكبار ودهم يركبون هالالعاب ولكن معهم اطفال وما يقدرون يخلونهم لوحدهم واذا ركب احد الوالدين وبقي الثني فلن يستمتع وبشكل عام البارك ممتع للجميييييييييييييع واتوقع انها تكفي كترفيه للاطفال

تنتقل بعدها الى كونستانس على حدود سويسرا وتبعد عن بادن بادن اقل من 3 ساعات وحاول تاخذ الطريق الذي يخترق الغابات السوداء لانه ممتع ويعتبر فرجه وتمشية وممكن تمرون شلال الراين على حدود سويسرا لانه على طريقكم والمسافة الكليه لهذاالطريق 180 كم فقط ولكن لانه طريق محلي (غير سريع ) ياخذ نفس وقت الطريق السريع الذي مسافته 265 كم ويمر شتوقارت

ومنطقة كونستانس منطوقعها استراتيجي فهي قريبة من اماكن طبيعية بداخل سويسرا هذا غير بحيرتها وقربها ايضا من حدود النمساء وقرية برقينز وكونستانس تبعد عن ميونخ اقل من 3 ساعات 226كم مسافة معقولة بتلك المناطق الخلابه واذا ايامك كثيرة بمينوخ يفضل زيادة ليلة ثالثه تحياااااااااااااااتي

اناا قترح كونستانس كذلك فيها سي لايف اكواريوم ومول لاغو سنتر وبحيره كونستانس وممكن زياره زيورخ وشلالات الراين
لازم تعرف انه الجو بارد جدا جدا جدا وممكن يكون فيه ثلوج وانت معاك اطفال

اشكركم إخواني على سرعة الاستجابة
وانا جالس تخطيط للرحلة وعندي اسفسار
عن كوستانس الي ذكرتوها مشكورين وش افضل أوتيل اسكن فيه هناك وكم تبعد عن زيورخ
وهل فيه اماكن حلوه نتغدى فيها وحنا رابحين ميونخ
ولا تبخلون على أخوكم بالمشورة اذا احد عنده اقتراح ثاني

جزاكم الله خير

هذي خيارات السكن في كونستانس

http://www.booking.com/hotel/de/riva...ml?aid=1329869


فندق رائع


http://www.booking.com/hotel/de/cons...ml?aid=1329869


http://www.booking.com/hotel/de/viva...ml?aid=1329869

فندق ممتاز


http://www.booking.com/hotel/de/boar...ml?aid=1329869


شقق جديده


http://www.booking.com/hotel/de/apar...ml?aid=1329869


شقق مجربه


نصيحتي لك في اوروبا لاتدور على مطاعم اعتمد على الطبخ واذا مابغيت اعتمد على ماكدونالدز اوبرجر كنج او اي مطعم عالمي اما العربيه والهنديه غاليه واكلهم الحمدالله على انلعمه

طبعا جزيره الزهور في كونستانس غالبا راح تكون مغلقه لانه مكتوب بموقعهم تقفل 23 اكتوبر لكن اتمنى انها ماتقفل وتقدر تزورها

لازم تعرف انه برد جدا جدا الجو ويومين قليله على كونستانس و3ايام قليله على بادن بادن لاتنسي عندك ايام سفر

المشاركة الأصلية كتبت بواسطة ابومشعل الرياض
http://www.arabtravelersforum.com/tr...2/#post6215470

اشكركم إخواني على سرعة الاستجابة
وانا جالس تخطيط للرحلة وعندي اسفسار
عن كوستانس الي ذكرتوها مشكورين وش افضل أوتيل اسكن فيه هناك وكم تبعد عن زيورخ
وهل فيه اماكن حلوه نتغدى فيها وحنا رابحين ميونخ
ولا تبخلون على أخوكم بالمشورة اذا احد عنده اقتراح ثاني

جزاكم الله خير



دامك اقتنعت وقررت على كونستانس فعندك الاخت دموع خبيره بتلك المنطقه وما راح تقصر معك دايمن رايتها بيضاء وربي يجزاها خير تحياااااااااااااااااتي

إخواني السلام عليكم
أبغى رايكم في فندق هيلتون بارك الي في ميونخ للعائلات وكيف الخدمات الي يقدمها وموقعه بالنسبة للي معه عائله
واذا تنصحوني بفندق ثاني افضل منه من فئتي 4-5نجوم من ثلاثين اكتوبر لمدة اسبوع الله يجزاكم خير و مشكورين
مع العلم أني مستأجر سياره

فيوليتك - دايم- دموع الوجد
اشكركم إخواني على تعاونكم وما استغني عن مساعدتكم وآراءكم و نصائحم ودمتم*

تبغى فندق من 30 اكتوبر الى اي تاريخ؟؟
وكم اعمار اطفالك الثلاثه؟؟
فندق هيلتون بارك يبعد عن السنتر 2 كيلو و700 متر واقرب محطه مترو تبعد 600 متر عن الفندق
والسياره داخل ميونخ ماراح تفيدك ابدا الا اذا بتروح اماكن قريبه من ميونخ وليس داخل ميونخ لان السنتر صعبه السواقه فيها