الموضوع: بخصوص الفيزه الى نيوزلندا

ياشباب انا واحد ابي ادرس في نيوزلندا دراسه جامعيه يعني حق خمس سنوات تقريبن ولا مره رحت نيوزلندا
الفيزه اطلعها من وين من السعوديه ولا اذا جيت هناك ؟؟؟؟؟؟؟

مواضيع عشوائيه ممكن تكون تعجبك اخترناها لك:

• محتااار ياناس ساعدوني
• كره القدم في أوكلندا
• ¯`· نيوزيلاند صور ¯`·
• إجازة طلاب البعثة في
• ممكن مساعدة عن الدراسه
• ياشباب استفسار ضروري
• استفسارات عن مدينة الحلم أوكـــلاند
• استفسار بخصوص السفر لنيوزلندا والله يوفق كل من يساهم بمعلومه ويجعلها في موازين حسناته
• كم احتاج من مبلغ يشمل التذاكر والسكن والمواصلات والمصاريف في نيوزيلندا
• اي شيء ؟
• العرب المسافرون ممكن تساعدوني باستفساراتي
• تخصص العلاج بالأعشاب
• لـغـه الأم
• اخواني الاعزاء إستفسار عن مدينة هاميلتون
• الى الاخ العزيز الحنون
• وزارة التعليم العالي تعلن غداً المرشحين للمقابلة الشخصية لبرنامج الابتعاث
• معلومات عن الدراسه لاهنتوا
• تاخير تجديد الفيزة و احتجاز الجواز
• سنة الفاونديشن؟
• استفسار خطوط الكاثي باسيفيك

رح لحي السفارات في الرياض ... بعدين السفاره النيوزلانديه .. ومن هناك يعلمونك كل شي

المشكله اني في الشرقيه بالظبط في الجبيل يعني مشوار اي واحد عنده معلومه لا يبخل علينا يعني اخاف اروح الرياض وتطلع روحتي مالها داعي

المشاركة الأصلية كتبت بواسطة alsulayman


المشكله اني في الشرقيه بالظبط في الجبيل يعني مشوار اي واحد عنده معلومه لا يبخل علينا يعني اخاف اروح الرياض وتطلع روحتي مالها داعي




مشوار ؟؟؟ :114:

هذه لمصلحتك اخوي .. مو لمصلحة لأحد غيرك ... اذا تبي توصل لهدف معين ابذل مجهود .. مافيه شي يجيك وانت جالس في بيتك

اتوقع لو تستخدم الهاتف يكون افضل لانه سوف يفي بالغرض وتعلم منهم كل شئ عن طريق الهاتف

من غير ماتضرب مشوار في حدود 550 كيلو

عليك بالهاتف وسوف تتضح لك الصورة كاملة وعلى فكرة كل سفارة يوجد بها موظف عربي حتى يرد على المتصلين الذين لايجيدون لغة دولة السفارة

المشاركة الأصلية كتبت بواسطة السائح المتزن


اتوقع لو تستخدم الهاتف يكون افضل لانه سوف يفي بالغرض وتعلم منهم كل شئ عن طريق الهاتف
من غير ماتضرب مشوار في حدود 550 كيلو
عليك بالهاتف وسوف تتضح لك الصورة كاملة وعلى فكرة كل سفارة يوجد بها موظف عربي حتى يرد على المتصلين الذين لايجيدون لغة دولة السفارة



فعلا اخوي كلامك سليم .. لكن التلفون راح يعطونه كلمه أو كلمتين وخلاص .. بس لو يروح لهم راح يعطونه ورقه فيها متطلبات الدخول لنيوزلاندا للطلاب السعوديين ... ورقه متطلبات الأمور البنكيه ... ورقه للمحظورات التي تدخل البلد ... يعطونه كتلوجات عن اشهر الجامعات .. كتلوج عن أشهر معاهد اللغه .. كتلوج عن اهم الاماكن السياحيه ... هذولي سفاره يروجون لبلدهم اقتصاديا .. وتهمهم الامور هذه كلها ..

عاد الراي لصاحب الشأن :101:

مع اني غير خبير بس صرنا نعرف شوي هههههههه


اخوي ما تقدر تطلع الفيزة من الرياض انا مكلمهم قبل كذا ويقولون احنا ما نطلع الفيز من السعودية واذا تبي تطلع الفيزة تروح لهم بالامارات في دبي الظاهر او ترسل لهم الجواز والطلبات في DHL دي اتش ال وتطلع خلال 14 يوم تقريبا
بس تأكد ورد خبر

--------------------------------------------------------------------------
••.•´¯`•.•• ( المملكة العربية السعودية ) ••.•´¯`•.••

الحي الدبلوماسي
صندوق بريد: 94397
الرمز البريدي: 11693 الرياض
هاتف رقم: 7988-488 (1 966+)
فاكس رقم: 7912-488 / 4349-463 (1 966+)
ساعات العمل: السبت - الأربعاء 0800 - 1530 ظهراً
السفير: H.E. Mr Jim Howell
------------------------------------------------------------------------
••.•´¯`•.•• ( الإمارات العربية المتحدة ) ••.•´¯`•.••

قنصلية نيوزلندا
الطابق رقم 15 - برج آي بي أي - طريق الشيخ زايد - دبي
صندوق بريد: 23165
هاتف رقم: 7500-331 (4 971+)
فاكس رقم: 7501-331 (4 971+)
القنصل العام: Mr Gavin Young

مكتب الهجرة النيوزلندي
الجناح 1502 - الطابق رقم 15 - برج آي بي أي - طريق الشيخ زايد - دبي
صندوق بريد: 23165
هاتف رقم: 7031-332 (4 971+)
فاكس رقم: 1390-329 (4 971+)
ساعات العمل: الأحد - الخميس 0830 - 1230 ظهراً
ضابط التأشيرة: Mrs Lyn Carmody
--------------------------------------------------------------------
اتمنى لك التوفيق وعطنى خبر وش بيصير لك

ياناس والله هالبلد قمه بالتواضع والطيبة....تصوروا ارسلت ايميل للسفاره حقتهم هنا في الرياض ابي اسالهم وش سبب عدم وجود سفاره سعودية عندم بينما يوجد سفاره نيوزلاندية في الرياض....لانه حسب علمي المعامله بالمثل....تصوروا الي رد على مسؤول كبير والمختص بشؤون الخليج والشرق الاوسط في وزارة الخارجية؟؟!!!
ورحب فيني وقال كلام محترم جدا وعطاني معلومات مفصلة عن العلاقات بينهم وبين السعودية وتواريخ ومعلومات كثيرة....يعني بامانه صدقوني ارسلوا ايميل لهم واتوقع يرد عليكم الحاكم النيوزلاندي بنفسه!!؟؟

تحياتي.

:بسم الله الرحمن الرحيم
بعد ماانهية الاوراق من وزارة التعليم العالي عشان الابتعاث الى نيوزلندا للدراسه توقعة اني انتهيت بس باقي شغله في الوزارة مدة ساعه او اقل كان توقعي كذا وقمة من النوم الساعه عشر على ان اكون الساعه احدى عشر خالص عارفين ايش الشغله :114 ( امر الاركاب ) التذاكر المهم طبيت عليهم مستانس والضحكه شاقه الوجه :115: السلام عليكم وعليكم السلام اخواني ممكن ورقه على شان التذاكر قالولي ابشر معاك ضمان مالي قلت نعم طبعن( معاي الكرتون تبع الاوراق عشان مارجع للشقه) والله وازنده الورقه طيب معاك ورقة الحاق بالبعثه اي والله معي والله واعطيه كويس عبي هاذي الورقه كويس طبعا الورقه فيها معلومات عني مثل رقم الجواز اسمك من هالسوالف المهم وصلنا الشروط ويوم وصلنا بغيت اطفي :112: من القهر قالو لازم تكون فيزتك جاهزه من وين نجيب الفيزه ياسيد قالي من السفاره:11ight: والله وانا اقمز الى حي السفارات واسال عن السافره النيوزلنديه والله واطب عليهم واستقبلوني 2 هندي في السفاره كيف مادري في البدايه قلت ممكن انا رايح بالخطاء الى سفارة الهند :109: ورجعة اقراء اللوحه الا والله قنصلية نيوزلندا الا الهندي يقول ايش يبغى صديق ايش فيه قلت ابي اسوي فيزه عشان الدراسه في نيوزلندا سالني كم سوال انت مبتعث عن طريق الحكومه واقوله نعم قال معاك اوراق الجامعه واقوله نعم المهم انواع الاسئله واخر شي قالي شوي صديق انا فيه كلم ماما السفيره:109: قلة اوكيه خذ وقتك ويتصل عليها وترد عليه ويعطيني الخط قالت كملت الشروط اللي قالك الموضف قلت اف كورس قالت خله يعطيك رقم السفاره اللي بدبي عشان تكلمهم ويعطونك الشروط والله وهم يكرشوني بعد كل التحقيق:112: والله وانا انطلق للسياره :11ight: واتصل على السفاره:36_13_1: بدبي وترد على وحده اكتنه مزيونه :106: المهم وتقولي ايش عندك واشرحلها بسرعه ايش ابغى حفضة الكلام كامل من كثر ماعيده قالت عطني رقم فاكس عشان ارسلك الشروط كامله والله وانا اطب على اكالمكتبه واخذ رقم الفاكس وترسل الشروط المهم قريت الشروط وهي كالتالي
1- الجواز مع صوره واضحه وساري المفعول 2-الضمان المالي من الوزاره المبتعث عن طريقها
3- سحب نوذج طالب من موقع في الانترنت وتعبئته 4- سحب اوراق كشف المستشفى
5-ورقه من الشرطه تفيد عدم وجود مسبقات 6-ورقة القبول من الجامعه 7-عنوان السكن في نيوزلندا اذا امكن 8-ورقة القرار بالحاق بالبعثه مترجم 9- الجواز السابق مع صوره 10-صور شخصيه 4
المهم بدية بالمغامره الجديده وجهزة الاوراق السهله مثل الجواز والصور ورقة القبول من الجامعه وغيرها المهم بقي ورقة نموذج طالب جامعي من النت والله وادور في الموقع عجزت وانخى الزقرت اللي لغته افضل مني تكفون والله ومعاي وعندك ياولد ونطلع خسرانين المعركه والله وانا اروح لمكتب رحلاة سياحيه وانخاهم المهم ماقدرو وغيره والله فشل كمان ايش تسوي ياخواجه اش تسوي المهم واجلس بشارع جرير افكر وافكر المهم وانا اطب على ذاك المكتب الصغير اللي تحاقره من شكله ومافيه الا موضفين اثنين الموضف السعودي رامي الشماغ وشاهي وتتن والهند ي القهوجي يصلح دفايه بالحر :110: عرفة انا ماعنده سالفه بس قلت خليني اجرب ويوم شرحتله السالفه قال ماعندي خبر عن الفيز نهائي بس اذا تبي احجزلك يم جده او القصيم ابشر غيره مافيه والله وانا ادقه خليليه عنده:110: شافني ورحمني قال لحضه خلني اسالك واحد من الشباب والله ويتصل المهم شرحله الموضوع وصار الرجال يقوله كلام وهو يقول ايوه امه ايه ايوه اوكيه انا صابتني الشفايه:bounce8: المهم سكر وقالي رح لمكتب الفلان هم يسنعونك وانا اطير يمهم واقول لموضف القضيه ويرسلني يم واحد سورررررررري والله ويسحب لي 35 ورقه مابين ورقة مستشفى ورقة طالب وفي تلك اللحضه ومن غير شعور خرجة دموع الفرح والسعاده المهم وبعد 5 ايام من الدبكه ورى الاوراق وانا اعبي ورقة الطالب وباقي ورقة المشفى وادق عليهن بدبي واطلب اسم المشفى منهن وقالولي مافيه الا مشفى واحد نعترف فيه ايش اسمه واتصل عليه واعبي الاوراق من عندهم وبعد 3 ايام استلمت النتيجه ناجح ولله الحمد :24: ايوه باقي ورقة الشرطه من وين اجيبها وانا اخطف رجلي يم الشرطه واقلهم المرثيه تبعي قال لازم تجيب ورقه من السفاره عشان نسوي بصمات :110: وانا ازعل واروح للشقه حزين ودموع الياس مع ايه اختلطة :110: واقرر ذاك القرار لارجعه فيه واجزم مع الشباب واروح لسوريا سياحه وانا ارجع متحمس بغيت انفقع من الحماس :105: واتصل عليهم واقول ابي ورقه للبوليس وقالو مانعطيك وانا اطفي ماعرفة ايش اسوي :112: وانا اقعد انشد واسال ودور خبر ويعطوني رقم طالب في امريكا وانا اتصل عليه بعد 6 ايام واسئله قال الوزاره تعطيك ورقه للشرطه المهم وانا اقمز يمهم والله يقهووني ويعزموني عشان صرت خويهم من كثر مااجيهم وانا اقولهم الورقه قالو رح لفلان وانا اروح واقوله ابي ورقه:11sted_co عشان الفيزاء وقال بزعل ونفس خايسه :ranting2: مانعطي الا امريكا واستراليا وبريطاني وهو يسكرها بوجهي المهم وانا اروح:1279: للمدير حقهم واشرحله السالفه ويكلمهم ويعطوني الورقه واروح للشرطه ابصم وانا اخذا النتيجه واترجمها وانا ارسل اوراقي الى سفارة نيوزلندا بدولة الامارات بدبي عن طريق الدي اتش ال 750 ريال سعودي والان لها اكثر من شهر عندهم كل يوم نبي ورقه الفلانيه نبي ورقه انك مقبول لغه انجليزيه السنه الاولى نبي ورقه من الجامعه ان كرسيك محجوز المهم كملة اليوم اخر الاوراق والله يسرها انشالله وجزاكم الله خير الجزاء وصلى الله على نبينا محمد وعلى اله وصحبه اجمعين ادعولي تكفون ياشباب :36_1_4:في الاخير انصحك تطلع الفيزاء من نيوزلندا اسهلك

حسب من اللي عرفته من المعهد اللي أراسلهم في هاملتون في نيوزلاندا
ان الطلاب السعوديون لا يحتاجون الى فيزا و هم في المطار يعطونك فيزا شرط ان يكون عندك تذكرة ذهاب و أياب

تحياتي

و اللي يبقى يدخل علي برايفت و أعطيه أيميل المسئوله عن المعهد هناك


و هذا الكلام اللي تم بيني و بينها


The last question How can we arrange every thing starting from Visa till departure to Hamilition ???
Meg:
You Don't need any visa. Just buy a return ticket. At the airport, of Auckland, the immigration will give you a 3-month visiting permit, stamped on your passport. For people from Saudi Arabia, no visa is needed to come to NZ.
SAL-Dahmashi:
Excellent but i will arrange the ticket for 2 ways from Saudi Arabia
Meg:
Yes. You can leave the retrun date open for 3 or 6 month open.
Meg:
That way can give you more flexibility about the date you fly back.
SAL-Dahmashi:
Who long far from the capital to Hamiliton ??? and Which air lines you suggeset to take ??


Meg:
Your flight landing airport should be in Auckland, which is the largest city in NZ. Hamiilton is south of Auckland, 90 minutes drive by car. The capital of NZ is wellington.
Meg:
Most Saudi take Singapore, Malaysian or Air NZ. You will stop over either in Sigapore or KL.
Meg:
Go to your travel agency, they will give your more information. Good luck!
SAL-Dahmashi:
Ok , What do you thing a bout the budget for 5 weeks ?? i mean the pocket money for a day ??? i know it is a different from person to person ?? but what do you think ??
SAL-Dahmashi:
Thanks
SAL-Dahmashi:
And i would like to know what is the process for my regestration in your school ?????
Meg:
If just for some coffee, a day is 10 dollars. If you want to buy souvenirs and do travelling, you need much more. You must have visa card, you can pay by visa card. However, to pay our school, we need either cheque or cash, or the Internet banking.
SAL-Dahmashi:
What about paying after i arrived ???
Meg:
No problem.
SAL-Dahmashi:
Good
Meg:
You pay us once you come.
SAL-Dahmashi:
When can i register my self
Meg:
However, you must tell us your flight detail if you want

المشاركة الأصلية كتبت بواسطة q8_78


حسب من اللي عرفته من المعهد اللي أراسلهم في هاملتون في نيوزلاندا
ان الطلاب السعوديون لا يحتاجون الى فيزا و هم في المطار يعطونك فيزا شرط ان يكون عندك تذكرة ذهاب و أياب
تحياتي



اخي كلامك صحيح ... السعوديين لايحتاجون الى فيزا ولكن لمدة اقامة لاتزيد عن ثلاث شهور ... واما الاقامة لاكثر من ثلاث شهور فيحتاج الى الحصول على الفيزة من بلدك ...


تحياتي ...

لكن كما يقول صاحب الموضوع ان الوزارة لاتعتمد بعثتك قبل ان تأخذ فيزا من سفارة نيوزيلاندا وأكيد وانت بالسعودية

السلام عليكم
يا اخي العزيز , لكي تحصل على الفيزا من الشروط الرئيسية
1 لازم تجيب قبول من الجامعة اللي بدك تدرس فيها,ولكي تحصل على القبول شرط انك تتقن اللغة الانجليزية, لانه الدراسه بل الانجليزي, يعني لازم يكون عندك شهادة (التوفل): اذا الجامعة بتقبل فيه, أو شهاده أمتحان اللغة الانجليزية ( الايلتس) و مقبول في كل الجامعات ,ولازم العلامة بنسبه (للايلتس) تكون 6.0 او 6.5 او 7.0 , في بعض الجامعات تقبل ال 5.5 .
2 - الفحص الطبي
3- اثبات بانك عندك المال الكافي لقسط الجامعة واذا دفعت دفعة اولى بكون احسن , اثبات بانك عندك المال الكافي للمعيشه و السكن. واذا كان الدعم حكومي لازم تثبها بورقة رسميه.
4- التذاكر
هذي اهم الشروط.
سؤال النقطه الاولي عندك لانها مهمة جدا

هلا بالشبابي وبكل الشباب

1- الجواز مع صوره واضحه وساري المفعول
2-الضمان المالي من الوزاره المبتعث عن طريقها -------- انا طالع على حسابي وطلعت الان شهادة رصيدمن البنك هل هذا هو المطلوب
3- سحب نوذج طالب من موقع في الانترنت وتعبئته--------ممكن الموقع اللي به هالصفحة
4- سحب اوراق كشف المستشفى ------------ من وين وكيف
5-ورقه من الشرطه تفيد عدم وجود مسبقات-----------من اي مركز للشرطة او الاحوال
6-ورقة القبول من الجامعه----------- بسيطة
7-عنوان السكن في نيوزلندا اذا امكن---------طبعا بيكون مع عائلة
8-ورقة القرار بالحاق بالبعثه مترجم-------- بيكون على حسابي كيف الطريقة
9- الجواز السابق مع صوره -------- كنت مع اخواني وانفصلت الان بجواز مستقل
10-صور شخصيه 4 ---------- من حقة المتوسطة هههههه *ـ*

اخوي محمد المجالي هل شهادة الرصيد تعني
(- اثبات بانك عندك المال الكافي لقسط الجامعة واذا دفعت دفعة اولى بكون احسن , اثبات بانك عندك المال الكافي للمعيشه و السكن. واذا كان الدعم حكومي لازم تثبها بورقة رسميه)


ويعطيكم العافية

الاخ hassaq1
بنسبة للاثبات ( ورقة من الجامعة بانة بقدملك مقعد دراسي و يذكر فيه التخصص الي تبية و المدة الدراسية و الدفعات الي دفعتها للرسوم كرسوم تسجيل ...الخ)
(فاتورة رسمية من الجامعة لرسوم الدراسة التي دفعتها)
( رصيد بنك يثبت انه عندك المال الكافي لدعم نفسك في Newzealand , بما يعادل ال 1000 دولار لكل شهر اذا كانت مدة الدراسة اقل من 36 اسبوع , بما يعادل 10000 دولار اذا كانت مدة الدراسة اكثر من 36 اسبوع) يعني المده 6 شهور 6000 دولار , المدة 12 شهر 10000 , المده سنتان 20000

طيب يصلح اروح اول لمدة 3 اشهر بعدين اجدد وبعدها اعمل الفيزة

الاخ hssaq1
من الممكن ان تيجي زيارة للبلد و تغيرها لفيزة طالب اذا حققت الشروط المطلوبة للفيزا .

يعطيك العافية كذا ممكن اريح للواحد

سبق وان زرت نيوز لاندا

نيوزلاندا لاتطلب تأشيره للسعوديين

ااذا كنت رايح دراسه خذ قبولك معك يطلبونه بالمطار

واذا سياحه خذ حجز الفندق

تكفون لا تتزكوني بلا جواب:110:
أريد أستخرج فيزة طالب من السفارة النيوزلندية
فماذا أفعل وماهي الأوراق التي يطلبونها وهل هناك طريقه سهله لإستخراجها
أرجوكم:110: تجاوبون:110: أرجوكم

المشاركة الأصلية كتبت بواسطة الأفضل

تكفون لا تتزكوني بلا جواب:110:
أريد أستخرج فيزة طالب من السفارة النيوزلندية
فماذا أفعل وماهي الأوراق التي يطلبونها وهل هناك طريقه سهله لإستخراجها
أرجوكم:110: تجاوبون:110: أرجوكم

انت تبحث على فيزه طالب , ما هو التخصص , هل الفيزه لدراست اللغه ؟
عنواني الالكتروني موجود في البروفايل , اذا كنت حاب تستفسر والمساعده راسلني
و بتوفيق

السلام عليكم

والله قفلتوها بوجهي مع ذا الإجراءات وأنا اللي مستانسة إني بروح بعثة على نيوزلندا:106:

أنواع التفكير بالطبيعة والجو الخلاب :101: ولا على بالي ذا السالفة الطويلة العريضة

بعد ماقريت ردودكم أناظر أمي وأقول ::114: يمه ينفع أغير دولة الابتعاث ؟ خخخخخخخخ

قسم تحطمت بنت وماعندي من يطارد لي .. محرم وبطلعة الروح توفر خخخخخخخ

ما أقول الا لاحول ولا قوة الا بالله العظيم

ههههه

انا رايح رايح لو ابليس يوقف في وجهي

راح اخلص الاجراءات وانشاء الله قريب

تحياتي

والله ماني عارف ليش الشباب تفكر انه الاجراءات صعبة , لو تنظر عليها و تفكر , يا شيخ الدولة متكفله في كل المصاريف , يعني ما بدك الدولة شويه تتعبك وتقلك يا اخي الكريم بحق البعثه حضر اوراقك . انا فاهم ان الشباب ما عندها خبره , لاكن والله تعلم الشخص كيف يعتمد على نفسه .