الموضوع: أبغي أستأجر سيارة من ميونخ عاجل

السلام عليكم ورحمة الله وبركاته..

لو سمحتوا علموني كيف أستأجر سياره من مطار ميونخ علما تاريخ وصولي الى المطار تاريخ 29-9 الساعه 6ونص الصبح والعودة من مطار ميونخ 8-10 وحبيت أستأجر سيارة بي ام دبليو أو مرسيدس عدد الأشخاص 3 وطفل رضيع ومب عارف كيف احجز ممكن اتعلموني كيف وشو أحسن شركة تأجير سيارات.

مواضيع عشوائيه ممكن تكون تعجبك اخترناها لك:

• برنامجي بين ألمانيا وسويسرا والنمسا نصائحكم ياخبراء
• بخصوص الطيران الخطوط الالمانية
• شنجن المانيا استفسارات
• خط رحلة من باريس الى ميونخ بالسيارة
• تـم استلام الظــرف اليوم وموعد المقابله السبــت لاصدار التأشيره
• حنا الان في دوسيلدورف وتايهين
• تكفون احتاج مساعدتكم في السكن
• استفسار لابوعمر
• احتاج شقق في بادن بادن
• اي اوتيل اختار في بادن بادن
• مساعدة عاجلة
• مساعده المانيا وفرنسا ولا ادري وش ابدى فيه
• كاتبه كل شي بدفتر ونيبت آخذه ساعدوني لاهنتو
• ارجووو المساعده باقرب وقت
• مجرد سؤالين ؟؟
• احداثيات مدينة غارمش الالمانية
• ارجوكم ساعدوني فرنكفورت وميونخ
• مواقف السيارات بالقرب من مارين بلاتز في ميونخ
• السادة الافاضل أرجو المساعدة ألمانيا هامبورج
• صديقي يملك سيارة وسأسافر لألمانيا وسيعطيني السيارة أتجول بها ؟؟؟ هل هناك مشكلة

وعليكم السلام ورحمة الله وبركاته

عن تجربة سكست شركة ممتازة انا الان في ميونخ لكن استاجرت من مطار فرانكفورت

طبعا طلبت مرسيدس ولمن وصلت مافيه عملوا ترقيه لحجزي وعطوني بي ام دبليو الفئة الخامسة اخر موديل فل كامل نفقيشن طبعا ماعجبتني ابي سيارة اصغر ...
وهذا موقعهم http://www.sixt.com

وترا عملية الاستئجار سهله جدا مافيها تعقيد وبالامكان تخلي الدفع بعدين بدون ماتسجل اي معلومات للبطاقة الائتمانية
مطلوب رخصة محلية + رخصة دولية + جواز السفر + بطاقة ماستر او فيزا وطبعا ورقة الحجز من موقعهم

اذا عندك طفل رضيع يجب طلب كرسي للطفل وطبعا تلاقي اختيار اثناء عملية الحجز من الموقع ضع علامه على كرسي للرضيع وطبعا يحتسب باليومية عليك حسب معلوماتي

عموما الموقع يبين كل شي وسهل جدا

بالتوفيق *

تسلم اخويه وان شاء الله بحجز منه وهل المرسيدس ارخص من بي ام دبليو.

مزيون ابو ظبي انا استاجرت سياره من ميونخ من شركة هيرتز وعطوني بي ام 730 الحجم الكبير


ومتطلبات استجار السياره

يسلمونك السياره بانزينها او ديزلها فل ولازم تردها بانزينها او ديزلها فل مثل ما سلموك السياره تردها مثل ماكانت بالبنزين او الديزل لازم تعبيها فل ولا راح يغرمونك

1/ اجازه دوليه+ اجازتك في بلدك رخصه دوليه ومحليه يعني 2/ماستر كارد او فيزا عشان يحجزون ملبغ التامين وكان تعاملهم راقي شركة هيرتز طلعت علي السياره مدة اسبوع كامل علما استلمتها من ميونخ وسلمتها في فيينا 290 دينار كويتي يمكن بدرهم 3700 درهم اماراتي وانصحك بالاستجار من هاذي الشركه وتقبل مروري

سكست اللي في مطار ميونخ جدا كويسين

انصح بشركة سكست و توني ماجر منهم بتقريري
( رحلتي الي المانيا) حياك فيه يشرفني مرورك

المشاركة الأصلية كتبت بواسطة مزيون أبوظبي
http://www.arabtravelersforum.com/tr...4/#post6183318

تسلم اخويه وان شاء الله بحجز منه وهل المرسيدس ارخص من بي ام دبليو.



نعم اخوي حسب الفئة انا طلبت من الموقع مرسيدس فئة c يعني الحجم الصغير ولعدم توفرة عطوني بي ام دبليو فئة 5 يعني الحجم الوسط وفيها فرق بالسعر اضافة الى انك لو طلبت مع السيارة نفقيشن راح يحسب عليك باليوم انا افضل تاخذ نفقيشن ( قارمن نوفي ) معك وتركب خرائط اوروبا لسهولة التنقل

خل في بالك مبلغ التأمين اللي راح ياخذوه منك فوق على قيمة السيارة تختلف من شركة لأخرى ,,

انا استأجرت من شركة أسمها Dollar وبصراحة اتفاجأت بمبلغ التأمين أخذوا مني فوق قيمة السيارة 1000 يورو حجز تأمين من الفيزا .. مدتها 9 أيام ..

مشكورين اخواني على المعلومات واتصدقون لين الحين ماحجزت لاني انشغلت اليوم في مشتريات الملابس بس ان شاء الله باجر العصر بروح شركة سكست في أبوظبي وبستفسر منهم.