الموضوع: فنـــدق اتــلانتس معقـــــووله يكــون كــذا ؟؟

اهـــلا وسهــلا ..:smile:


انا مقرر اسافر لدبي كم يوم وقاعد اسوي بحث عن الفنادق ووميزاتها بغض النظر عن

فندق اتلانتس اللي باصم بالعشره انه راقي ومحترم بالغرف والاجنحه ..

لكن اتفاجئ من مواضيع او ردود بعض الاخوان هنا او بمنتديات اخرى عن صدمتهم بالغرف الخاصه

بالفندق وانها مو في مستوى سمعة ومكانة الفندق ...:114:

ياليت احد يرفق لنا صور له او يعطينا رايه عن الغرف بس بغض النظر عن باقي مرفقات الفندق

مابي اروح فيه واتحسف


تحياتي لكم :smile: ...

مواضيع عشوائيه ممكن تكون تعجبك اخترناها لك:

• استفسار عن اتلنتس ساعدوني
• شقه مكونه من غرفتين ومنافعها ب درهم
• طيران رأس الخيمة تستأنف عملياتها بوجهتين جديدتين إبتداء بـ دراهم فقط
• وطلب بسيط يا اهل الإمارات الطيبين
• دلوني على مطعم
• اشرايكم في هالفندق
• من اشهى مطاعم الافطار في أبوظبي
• لا تخلوني يااهل الامارات
• تكفوون ابغى برنامج سياحي لدبي
• أبغى معلومات عن ملتقى دبي للسفر من يفيدني ؟؟
• محلات بيع البخورالعود امل المساعدة انا في دبي
• مطاعم في ابوظبي
• دبــي دار الحـي
• دبي فلاي ؟؟؟
• مطعم ملوخية بالبرشاء ومطعم جراند ابو شقرة بدبي
• حريق اليوم الثلاثاء في دبي مول بدون أصابات ولله الحمد
• ابي مساعدتكم يااهل الامارات بسررررعه
• سؤال عن الشقق المفروشة
• الوايلد وادي
• اسيفسار عن الباص العجيب؟؟؟؟

يعطيك العافيه يالغالي وماقصرت وانا اخوك موب اختك ههههههههههه

لكن ياليت احد يعطينا تجربه

هلا اخوي

خذ لفه على قسم التقارير وبتلقى كذا موضوع عن اتلانتس

وانا جربت هالفندق وسكنته

عجبني وغرفه حلوه

بس اللي ماعجبهم كانو متوقعين على مااعتقد غرف بثريات كريستال ولحف حرير !!! او حتى تصميم كلاسيكي !!!

ماادري كيف !!!

الغرف متوافقه مع ستايل الفندق كامل !! يعني الفندق عباره عن منتجع ومرافقه الاكوابارك ( الحديقه المائيه ) واحواض السباحه والاكواريوم وغيره !!

يعني بتشوفين ستايل الفندق كله عن الحياه البحريه وحتى الرسمات والديزانات اللي فيه !!

والناس والاطفال طالعين من الحديقه المائيه بشورتاتهم ويقطرون من الماي للغرف !!

وحتى الامن في اتلانتس مايلبسون بدل رسميه سوداء مثل اغلب الفنادق ! بتشوفينهم لابسين قمصان ملونه ومريحه وموحده !! وبعد لبسهم ماشي مع ثيم الفندق :101:

فاللي يدور الفخامه وتصميم الغرف يقدر يسكن في الرويال ميراج مثلا او الرتز ( وحتى هالفنادق تصماميم الغرف متوافقه مع ستايل الفندق نفسه !)

صادقه اليازي ،،


هو ريزورت .. و الريزورت عموماً غرفه تجي بسيطه .. مافيها بهرجه زايده ..

و اللي بيسكن هناك يسكن علشان مرافق الفندق مو علشان غرفه ..

انا الصراحه اسمع الكثير عن اتلانتس .. والصراحه كل حد يمدحه
وان شاءلله راح اجربه بعد اسبوعين ^_6

نفس راي خواتي اليازي ومزون

الغرف بسيطة وحلوة في نفس الوقت


أنا من اسبوع كنت فالفندق... رااائع وكثير استمتعنا فيه.

اتوكل على الله مابتتحسف إن شاء الله.

والله أنا جيته ولفيته كامل ، بس الغرف ما دخلتها ، الفندق راقي ومحترم ، وفيه عظمة من الخارق،،

يعطــيكم الف الف عافيه على هالتفاعل الغير مستغرب ,,,:smile:

انا اللي خلاني ابدا اغير نظرتي للغرف بعد ماشفت هالاجنحه والشقق حسيت بشي خيالي وعجيب

اللي هو فندق Desert Palm Dubai ولا من ناحية الاماكن الاخرى بفندق اتلانتس قلت لكم بغض النظر

عنها وعارف حلاوتها

بس كان استفساري عن الغرف بس

طيب ترشحون الاتلانتس او Desert Palm Dubai ؟؟


بانتظار ارائكم

أخوي ذهاب و عودة ... الفندق فخم بما يكفي بالنسبه لسعره + المرافق المصاحبه له ...

لكن أنا ما ادري كيف الفخامه اللي انت تنشدها !!

هذا موضوع لأخونا ناصر توه كاتبه أمس عن الفندق ممكن انك تطلع عليه http://www.arabtravelersforum.com/travel300517/

السلام عليكم
اذا كان معاك اطفال اتلنتس احسلك اما اذا كنت انت وزجتك فقط فDesert Palm Dubai افضل

ستايل الغرف مثل ستايل أي غرفه بالفنادق الأمريكيه (مثل ديزني وورلد في أمريكا)... تعتمد على العملية أكثر من الفخامهـ...

هاذا الي أنا شفته من الصور و من خبرتي مع هالنوع من الفنادق... ع العموم أنا رايحه أسكن في أتلانتس بعد كم يوم و بشوف الغرف بنفسي...

إذا حاب الهدوء والريلاكس Desert Palm Dubai
(غرفة بمسبح خاص)

مافية مرافق كثيرة ، اعتقد مطعمين فقط ومزرعة الخيول.
وبعيد عن وسط دبي ، في منطقة العوير.





اتلانتس بالنسبة لي أحلى ... لأنه حيوي وفيه مرافق كثيييرة ومطاعم متنوعة

يعــطيــكم الف عــافيه على هالتفاعل ,,, وفعلا الحركه والاماكن والمطاعم اللي باتلانتس رائعه وممتعه

لكن شفت الغرف حقته بتقرير الاخ ناصر الغرفه حلوه ورائعه ولكن لاتصل لحد الفخامه بالفنادق الاخرى

ليس قلة باتلانتس لكن هو اسلوبه وستايله كذا ,,


الف الف شكررر لكم

هلا اخويذهاب وعوده

شوف اخوي اذواق الناس تختلف صح ولا لا؟؟ فيه ناس كانو متوقعين غرف اتلانتس بفخامة غرف برج العرب او قصر الامارات...
هو كا منتجع خرااااااااااااااااااافي وموقع ولا اروع بس الغرف استايلها هادي






المشاركة الأصلية كتبت بواسطة ذهاب وعودة
http://www.arabtravelersforum.com/tr...7/#post3126827

يعطــيكم الف الف عافيه على هالتفاعل الغير مستغرب ,,,:smile:

انا اللي خلاني ابدا اغير نظرتي للغرف بعد ماشفت هالاجنحه والشقق حسيت بشي خيالي وعجيب

اللي هو فندق desert palm dubai ولا من ناحية الاماكن الاخرى بفندق اتلانتس قلت لكم بغض النظر

عنها وعارف حلاوتها

بس كان استفساري عن الغرف بس

طيب ترشحون الاتلانتس او desert palm dubai ؟؟


بانتظار ارائكم

اكيد اتلانتس,,,فيه الفندق الكبير والاسواق والمطاعم والكافيهات والاكواريوم والحديقه المائيه ,,وقريب من المارينا وذا ووك
اما الديزرت بالم في نص البر والحين حر موووت

بنت الشيخ الغالي الله يرحمه ,,,

كلامك سليم ,, ورائع ,,, ومشكلة الديزرت بالم بعد ماقريت الوصف حقه بعيد والله ...

ان شاء الله بنقضي باتلانتس وبفندق اخر يتم البحث عنه

تحياتي لك