الموضوع: رحلة الى نيوزيلاند اوكلاند

السلام عليكم ورحمة الله وبركاته

مساء صباح الخير ياجماعه ويامسافرين ومسافرون


قبل فتره فكرت اني اسافر في الصيف هذا عشان ادرس انجلش في نيوزيلاند بالتحديد في مدينة اوكلاند وبالتحديد في جامعة اوكلاند.. المهم اني حجزت على طيران كاثي باسيفيك ورحلتي ان شاء الله (June23, 2011)، وحجزت التذكره الكترونيا، وعندي مجموعة اسئله وياليت تجاوبو عليها ﻻهنتم:


* كيف اثبت اذا رحت المطار اني عندي تذكره الكترونيه؟؟ هل اطبع الرساله اللي رسلوها لي على الايميل ويكفي؟؟

* وش معنى بوردينق وكيف اطلعه؟؟

* وش هي اقصى حموله بالكيلوجرام اقدر اشيل معي في الشنط؟

* بنك سامبا اللي في السعوديه اللي هو البنك السعودي الامريكي، يمديني استخدم الصرافه هناك في نيوزيلاند؟

* وين الافضل اصرف دوﻻرات نيوزيلنديه في السعوديه قبل مااروح او اذا رحت ؟؟

هذا الاسئله اللي تجول في خاطري حاليا، واذا عندي زود ابي اسألكم، واكون سعيد جدا اذا تفاعلتو مع موضوعي

وشسمه وشكرا

مواضيع عشوائيه ممكن تكون تعجبك اخترناها لك:

• استفسار وش قصة التسجيل بالملتقى حق الوزارة
• يووم سفري
• الشحن إلى نيوزلاند
• مساعدة في تخطيط رحلة سياحية في نيوزلندا
• وزارة التعليم العالي تعلن غداً المرشحين للمقابلة الشخصية لبرنامج الابتعاث
• مسافر للدراسه انجليزي بنيوزلندا لمدة أشهر
• مواقع المساجد في مدينه اوكلاند في نيوزلاندا منقول
• رايح نيوزلاندا ممكن سؤال
• تقرير عن رحلتي إلى نيوزيلاند
• طلب صغير
• عندي كم سوال ياشباب ارجو الرد
• كاس العالم
• أثر وفاة الملك فهد هنا في نيوزلاندا
• ذكريات طالب كان في نيوزلندا أوكلاند
• أقل مدة للسفر إلى نيوزيلاندا
• ممكن تدخل وتساعدني
• هل روتوروا البلد المناسب؟
• الفزززعــة يا شباب وين الافضل او
• افضل خطوط للوصول الى نيوزيلندا
• نيوزلاند

المشاركة الأصلية كتبت بواسطة safety280
http://www.arabtravelersforum.com/tr...8/#post5560428

السلام عليكم ورحمة الله وبركاته

مساء صباح الخير ياجماعه ويامسافرين ومسافرون

وعليكم السلام وحياك الله معنا بالمنتدى

قبل فتره فكرت اني اسافر في الصيف هذا عشان ادرس انجلش في نيوزيلاند بالتحديد في مدينة اوكلاند وبالتحديد في جامعة اوكلاند.. المهم اني حجزت على طيران كاثي باسيفيك ورحلتي ان شاء الله (June23, 2011)، وحجزت التذكره الكترونيا، وعندي مجموعة اسئله وياليت تجاوبو عليها ﻻهنتم:

بالتوفيق

* كيف اثبت اذا رحت المطار اني عندي تذكره الكترونيه؟؟ هل اطبع الرساله اللي رسلوها لي على الايميل ويكفي؟؟

أعتقد أن التذكرة تجيك مرفقة مع الايميل عليك أنك تطبعها .. والأفضل أنك تتأكد من الخطوط نفسها
لأن البوردنق مايعطيك اياه الا ومعك التذكرة

* وش معنى بوردينق وكيف اطلعه؟؟

البوردنق هو كرت دخول الطائرة .. يكون فيه اسمك ورقم مقعدك بالطائرة ووقت الصعود وغيرها لكن هذا أهم مافيه

تطلعه من كونتر الخطوط اللي بتروح عليها .. وفي مطارات نيوزلندا تقدر تطلعه من الكونتر أو من آلة تدخل عليها رقم التذكرة وتعطيك البوردنق .. لا تخاف بتحصل ناس تساعدك

* وش هي اقصى حموله بالكيلوجرام اقدر اشيل معي في الشنط؟

من 20 وأن كان الموظف متساهل تصل لـ 30 وكسور .. و7 كيلو معك داخل الطيارة
لكن المشكلة بالعوده متشددين بالوزن

* بنك سامبا اللي في السعوديه اللي هو البنك السعودي الامريكي، يمديني استخدم الصرافه هناك في نيوزيلاند؟

ما جربت الصراحه
لكن على كلام الشباب أن البطاقة لو كانت عالمية فراح تشتغل هناك وعلى كل مره تسحب فيها ياخذون عمولة 35 ريال
الأفضل تستفسر من البنك نفسه

* وين الافضل اصرف دوﻻرات نيوزيلنديه في السعوديه قبل مااروح او اذا رحت ؟؟

ما أدري الصراحه .. لكن اللي أعرفه أنك هنا صعب تحصل دولار نيوزلندي

هذا الاسئله اللي تجول في خاطري حاليا، واذا عندي زود ابي اسألكم، واكون سعيد جدا اذا تفاعلتو مع موضوعي

وشسمه وشكرا





حياك الله بأي وقت

وتفضل هالموضوع بتستفيد منه بشكل كبير

http://www.arabtravelersforum.com/travel461640/

الله يوفقنا وياك تروح وترجع بالسلامه
وانا والله ماسافرت هناك بس ناطرين معلومات منك عنهم
وترى على فكره الطيران اسعاره مرتفعه جدا جدا جدا.....

اخوي انا رحلتي بعدك بليله .. الكاثي باسفيك حمولتها 20 كيلو شحن .. و7 كيلو شنطه

ولا تخاطر لانك ماتضمن من راح يواجهك بالمطارات خللك نضامي عشان ماتتوهق

بالنسبه البطاقه خللها عالميه فعلها وتضبط وهذا اللي بسويه باذن الله

البوردينق هي التكت .. يعني تذكره تخولك ركوب الطائره عليها كل معلومات رحلتك من الاف الى الباء

هذا ما اعرف رحله موفقه باذن الله

safety280
حدّي مصــر


هلا والله بالشباب المغامر اتمنى لكم رحلة سعيدة ومفيدة وتأصلون سالمين يارب

ولاتحرمونا من تقاريركم

تحياتي للجميع

جاوبوك الشباب ماقصروا

بس برفع معك السؤال الاخير

كثرة الاراء ياجماعة هل يفضل ندبر دولار نيوزيلندي هنا او نروح هناك ونحول؟ علما الكثيرر يقول خذ دولار امريكي وحول هناك بس مادري وش رايكم الافضل من تجربة ابي او خبرة

المظلوووم ، حدّي مصــر يعطيكم الف عافيه شباب


khr99 ، سوبر دبدوب ،What3v3r شكرا على المرور ويامرحبا الف


اذا عندي اسئله بسأل ان شاء الله بكره

حبيت اسأل عن اول طيران لي من مطار الدمام الى مطار البحرين، ثلاث ساعات ونصف الساعه، ماكانها كثيره شوي..

او الروحه بتكون بالباص مو بالطياره...



سؤال ثاني بعد عندي، الشنطه اذا سلمتها مع العفش في مطار الدمام، هل استلمها في كل مطار واوديها الشحن او ماافكر فيها الا اذا وصلت اوكلاند؟؟


شاكر لكم اجوبتكم مقدما

^^

بالباص

وبالنسبة للشنطه قل لهم وانت بالبحرين ابيها تاصل لأوكلند دايركت وريح راسك

بالتوفيق

مكتوب في الجدول إنه عن طريق الحافلة bus
لو تقدر تروح أنت للبحرين أزين لك من وجع الراس في الباص!
ــــــــــــــ
ما شاء الله عليك يالمظلوووم مجرد سوى تحديث .. إلا ردك موجود!!! ههههه

المشاركة الأصلية كتبت بواسطة المظلوووم
http://www.arabtravelersforum.com/tr...6/#post5582636


^^

بالباص

وبالنسبة للشنطه قل لهم وانت بالبحرين ابيها تاصل لأوكلند دايركت وريح راسك

بالتوفيق




يعطيك العافيه اخي المظلوم؛ حبيت اسأل : بتكون طلعة الباص من مطار الدمام صح؟. *

ما أدري

استفسر من الخطوط نفسها أفضل

ابشركم استفسرت من نفس الخطوط وضبطو اموري زي العسل


شكرا شباب