الموضوع: مشكلة عند حجز فندق بأوكلاند

السلام عليكم يالربع

بصراحة انا الليلة قاعد اقلب وحالتي حالة مع الفنادق في موقع بوكينق لكن مادري الصراحة المعايير المناسبة لاختيار فندق مناسب

علما اني ابي الفندق بوسط الديرة cbd ويكون لمدة ليلة وحده بس لانه بيكون لليلة الاولى لوصولي بعدها بروح هوستيل اتعبر فيها لمدة اسبوع

لكن المشكلة ياجماعة اني بوصل بدري الصباح ! ونظام كل الفنادق الي حصلتها مافي دخول (شيك ان) الا اقل شي بعد 2 الظهر

وش الحل يالربع

صعبة احجز ليلتين حق مدة 6 ساعات وصعبة برضوا وين اروح من الفجر الى الظهر ؟!

ياليت اللي مر بالشي ذا او يقدر يساعد يفيدنا

تعرفون الواحد جاي من سفرة طويلة جدا ووده ينحر الفندق وينام لكن النظام ماساعدنا

وشكرا لكم

ياليت الرد عاجل لاني بحجز خلاص جازم ان شاء الله واللي يرشح اسم فندق معين يكون افضل بكثير انا ماعندي مشكلة ادفع الى حول 180 دولار لليلة زي كذا بس الفندق يصير محترم وفخم لانه ليلة وحده وحقت التعب يعني

مواضيع عشوائيه ممكن تكون تعجبك اخترناها لك:

• والله شي يقهر طالب سعودي ينصرق في نيوزلندا عيني عينك
• أحداث رحلتي إلى
• رحلة البحث عن المستقبل في نيوزيلندا أرجو الدخول من أهل الخبره
• اسعار سكن العائلة هااام
• تكفوووون يأهل الخبرة
• يامشرفين ويا أصحاب التقارير لاهنتوا دقيقة أبي كم سؤال منكم
• رمضان
• جامعة اوكلاند مساعدة تكفون
• ×°`°× استفساراتك السياحية والدراسية في نيوزيلاندا ×°`°×
• الي رايح استراليا علشان يدرس بكالوريوس طب الرجاء الدخول للاهمية
• تنبيه خاص لأخواننا العائدين من نيوزلاندا
• أثر وفاة الملك فهد هنا في نيوزلاندا
• أفضل جامعة في نيوزلندة محاسبة
• رأيكم و هداية الله
• سؤال عن ترانزيت اكتر من ساعات يحقلي فندق ولا لا ؟
• من كراشسيرش تحايا
• صحيح ولالا يااوكلاند
• استفسار خاص عن بطاقات الاتمان في نيوزيلندا
• اريد التحويل الى دولة اخرى الرجاء ارشادى كيف؟
• الاداره العامه للمدارس السعوديه بالخارج

اقترح عليك اخوي تشوف تروح من بيتكم مواصل
وتعبي نوم بالطيارة بما إنك بتوصل الصبح لنيوزيلندا
وراح يروح الوقت مابين المطار وإلى وسط أوكلاند
وأطلع تمشى ساعتين ثلاث وروق راسك بكفي وأستعد لقيلولة بالفندق على الساعه ثنتين


وفيه خيار أنك تاخذ شقة يومين عشان تطلع عليك بسعر ليلتين قريب لسعر الفندق لكن أتوقع ماراح ترتاح بالشقة مثل راحتك بالفندق

وعلى حد علمي أن بالسعودية تقدر تاخذ ِأي فندق او شقة مفروشة من بعد الساعه سبع الصباح لين بكرى الساعه ثنتين
يعني أكثر من أربع وعشرين ساعه

لكن ما أدري اذا هالنظام عالمي أو لا




وما أملك إلا الدعاء لك بالتوفيق

وعسى الله يوفقك ويسهل أمرك

وأزيدك من الشعر بيت

الخروج الساعة 10 صباحا في فنادق نيوزلاندا .


وفقك الله .

خيالك الله يرضى عليك يالغلا

فعلا كنت مفكر زي كذا لكن مادري وش الظروف تصير عليه تقريبا الوصل راح يكون باذن الله ان الله يسر على 6 الفجر

يعني قدامي حوالي 8 -9 ساعات لين وقت الفندق

المشكلة ياخوك الاغراض اتوقع رايح يكون معي شنطتين وين اوديهم ! والا مب مشكلة اقدر اشغل نفسي الى الليل لو تبي بس القش اللي معي

يعني الله يستر ماندري وش يصير

ونظام السعودية يالبى السعودية بس ههههههههه على مزاج السعودي يعني تمشي الدنيا على كيفك طالما انك على ارض ابو متعب تطلع شبر عنها خلاص ههههههههه لازم تضبط عمرك

فعلا مسافر متزن الخروج 10 صباحا نظام غريب ياخي اقل من 24 ساعة سكن !! مسخرة هههههه



-------

يعني الان خيارين اما اخذ سكن ليلتين واصير دافع ليلة كامله وانا بسكن بس 6 ساعات من هذي الليلة

او أشغل نفسي الى وقت الظهر من الفجر

اللي عنده اقتراحات بخصوص الوقت اللي ممكن اقضية خلال الفترة ذي واغراضي وين اوديهم ياليت يفيدنا


شاكر للجميع تفاعلكم

هذا نظام عالمي في جميع الفنادق بعض الفنادق الثلاث نجوم ومايكون وقت سيزون ممكن يتساهلون فيه
اخ خيالك تعرف اعرف واحد ماسك خط من الرياض لمكه وناوي ياخذ عمره ويرجع لما خلص العمرة راح الفندق وقال ابي حجز لمدة 6 ساعات اريح وبعدين قموني امسك الخط وتحسبونها لي ربع يوم وافقو عندنا مافي مشاكل كل شي سهل

طيب مافي اي اقتراح أقضي فيها 6 ساعات ؟؟؟؟

يعني ممكن ألتهي بالمطار الى ساعتين بس بعدها؟

ووالشي الثاني الاغراض اللي معي مافي اي مكان ممكن نصرفها فيه لين يجي موعد السكن ؟

عندي لك راي

حلو وبيقضي على وقتك الفاضي


خلهم يحولونك لمسار رقم 4 هع


اكثر شي عرفته بالمنتدى عن نيوزيلندا هو مسار رقم اربعه
احسه معقد السعوديين



كان بتاخذ تمر ولا اي أكل فعزالله منتب واصل الفندق الا الساعه ثنتين .. من غير شر ان شاء الله



مكتوب عندي بالتذكرة الوصول عشر و 45
عاد مدري هي صباحاً او مساء
او بتوقيتهم أو لا ؟

ياليت تفيدني دام صار عندك خبرة

هههههههه أجل بعبي ثيابي تمر نتسلى معهم شوي ههههههههه

طال عمرك 10 و45 دقيقة غالبا تكون صباحا

لانه لو بالليل يكتبون لك بنظام 24 ساعة

يعني لو 10 بالليل يكون مكتوب 22:45

شكل رحلتك قريبه الله يسهل علينا جميع

وبالنسبة للتوقيت

بالتاكيد توقيت المطار اللي توصل له او تقلع منه دايم يربط التوقيت هكذا