أريد وصف مجمع الخليج مساعدة

**ahmedali** · 01-31-2015, 05:52 PM

السلام عليكم ورحمة الله وبركاته

مساء الخير ، يوم الثلاثاء الماضي جلست أدور بالبحرين حوالي 5 ساعات لين أفتر راسي محد يعرف يوصف بالبلد حتى التاكسي مايدل وخذا فلوس عالفاضي ، أبي فزعتكم أريد وصف دقيق وممل من الجسر للقادم من السعودية للبحرين لمجمع الخليج اللي مقابل مصنع البيبسي اللي بالسلمانية اللي فيه مركز المساج المحترف الصيني شياتسو ، أتمنى وصف دقيق وممل وإن حصل بالصور أو حتى إحداثية الموقع على جهاز قارمن يكون أفضل .

مواضيع عشوائيه ممكن تكون تعجبك اخترناها لك:

**ahmedgaper** · 01-31-2015, 05:53 PM

ياأخوة مافيه أحد يدل الموقع ؟؟؟

**ahmed2** · 01-31-2015, 05:53 PM

اللي اعرفه ان المجمع قريب من مستشفى الطب النفسي ومستشفى السلمانيه ..

لكن بالضبط ماعندي فكره عنه ..

ممكن تطلب الاحداثيه من هالموضوع ..

http://www.arabtravelersforum.com/travel414030/

**ahmed2** · 01-31-2015, 05:53 PM

ركز معاي في الشرح وان شاء الله ما تضيع
اول ما تيجي من على الجسر خلك ماسك الخط لا يمين ولا يسار ( سيده ) على طول
بتاخذ وقت بس خلك ماسك الخط لا تركب كوبري ولا شي إلى أن بتشوف انصار جاليري على يمينك ومنتزه عين عذاري على يسارك ( واضح من الألعاب )
الحين خلك ماسك يمين الشارع بتشوف كوبري امامك لا تركب فوق الكوبري خلك يمين كأنك بتنزل تحت الكوبري
بتجيك اشاره ( بتلاحظ على يمين الاشاره ماكدونالدز ويم يم تري ) المهم الاشارة تاخذك لثلاث اتجاهات يمين ياخذك انصار جاليري الوسط مجمع الخليج واليسار يرجعك السعودية تحمل تمسك يسار وترجع مشكله
المهم الحين انت ماسك وسط كأنك تقطع الكوبري ( كروس ) خلك ( سيده ) على طول بتشوف بعد شوي على يمينك مستشفى الكندي وبتجيك اشاره ضوئية على يسار الاشارة بيتزا هوت ولاميزون دو كافيه
تاخذ الاشارة وعلى طول لا يمين ولا يسار ( بس خلك ماسك يمين احسن قبل الاشارة )
المهم الحين انت عديت الاشارة بتشوف على يمينك اشارة لصالون نهله وقهوة زيزينيا وقاعة مرمريز بعد شوي بتشوف دخله على يدك اليمين ( ما ادري تسمونه في السعودية شارع فرعي او محلي )
المهم ادخل يمين اللي على يسارك مستشفى الطب النفسي وبعد شوي بيجيك دوار صغير خذ يمين
المبنى اللي على يسارك مبنى حكيم الطبي واللي بعده مجمع الخليج للاستشارات الطبية
والحمد لله على السلامة ، واذا ضعت بنتحر هههههههههه عقب هذي الشرح