الموضوع: ساعدوني بسافر ألمانيا ؟

السلام عليكم ورحمة الله وبركاته

ابي مساعده وجزاكم الله كل خير ..

بسافر ألمانيا الي مدينة هيدل بورغ تبعد عن فرانكفورت 90 كيلو متر !!؟

اذا احد يقدر يساعدني يعيني معلومات عنها؟

طبيعة جوها الآن ؟

اسواقها محلاتها العربيه؟

صالوناتها النسائيه؟

السوبرماركت؟

أوت لت غذا كان فيها او اقرب اوت لت مجود ؟


وجزي كل ما اعانني خير

مواضيع عشوائيه ممكن تكون تعجبك اخترناها لك:

• الى الاخ ü
• افضل مدينه للذهاب اليها بالقطار من ميونيخ لجوله ساعات؟؟ ارجووكم السفره بكره
• تختلف احداثيات بين اكثر من تقرير؟؟ فما هو الحل؟؟
• ساعدوني بالتخطيط لو سمحتوا
• استفسار عن أماكن السكن قرب المناطق السياحية في برلين
• بالنسبة للاب توب واالالكترونيات في المطار ؟
• اهم موضووع المصروف الكافي لميونخ
• افضل 7 فنادق في بون المانيا 2017
• خبراء ميونخ ابي شقق فندقيه تكفوووووووون
• ارجوا الإفاده في استخراج الشنغن من ألمانيا هل سيرفضونها بسبب قلة مكوثي في المانيا
• ما هو اقرب فندق الي مارينا بلاتز و المطاعم والتسوق في المانيا
• ايش رايكم بخط الرحله؟
• شو احسن شركه تاجير فـي المانيا
• سآعدوني في خطتي لـ النمسآ ، ألمآنيآ ومآهي أفضل الفنآدق
• ساعدوني بترتيب مسار ؟؟
• اماكن قريبه من مدينة بوخوم تنصحوني بزيارتها
• استفسار انا حالياً بميونخ ابي احداثيات تسليم السيارة وبعض الاستفسارات
• استفسار عن استخراج الفيزا
• خبراء المانيا مارايكم في خطة السفر واقتراحاتكم لاهنتم لمدة ليللة
• بخصوص شراء قطعة والسفر بها للسعودية عن طريق المطار

تعتبر من المدن الراقيه في المانيا

ممكن تجدين ما يفيدك هنا

http://www.arabtravelersforum.com/travel434878/

وجزاك الله كل خير ياخوي "علي" ماقصرت الله لايقصر بعمرك

بالله فيدني عن

طبيعة جوها الآن ؟

اسواقها محلاتها مولاتها؟

السوبرماركت العربيه المطاعم؟

أوت لت اذا كان فيها او اقرب اوت لت مجود ؟

مساء الخير

الجواب

1- الاجواء الان حلوه وبارده ممكن تتدخلين على اي موقع متخصص بالاحوال الجويه

2- اهم شارع للتسوق وهو شارع المشاه والاشهر على الاطلاق هو

Hauptstrasse
وهذا الشارع فيه المطاعو والتسوق وفيه مطعم لباني بعد . وهناك عدد كبير من مطاعم التركيه والايرانيه خصوصا الشاورما والاكلات الايرانيه الاخرى .. وبعض المحلات البقالات تنتشر من هذا الشارع وممكن الاستدالال عليه من المطاعم

المدينه تعتبر الاجمل في المانيا وراقيه جدا ونهرها رائع مع المباني الاثريه والحداثه .. بالاضافه الى القلاع والقصور


واخيرا الاوت ليت الافضل الذي بالقرب من فرانكفورت وايضا اسواق فرانكفورت



اتمنى لكم رحله موفقه

كلك ذوق ياعلي ماقصرت الله لايقصر بعمرك

الاوت لت القريب من فرانكفورت شنو اسمه؟

ادري انا وايد غثيتك لكن ياخوي تحملني الله يجزاك الجنة .

عزيزه وغاليه .. مافي تعب اسئلي بدون تردد

الاوت ليت مرفق لج بالتقرير الذي نقلته بردي الاول ..

سؤالي رحلتج علاج ؟؟ وصولج الى مطار فرانكفورت ؟؟

دمتي بخير

اي نعم ياخوي علاج لي انافقط
واخواني 2 مرافقين معي

عفوا لك مالقيته الاوت لت اللي قلت لي عنه؟!!

بسافر المانيا في تاريخ 15-10

انا سافرت قبل هالمره المانيا رحت لهنوفر شمال المانيا برضو كانت للعلاج

ورحت لها سياحه لكن فقط ميونخ اسبوع برليناسبوع وفرانكفورت يوم واحد

والحين رديت لها للعلاج والله يشفيني ويشفي كل مريض

اسفه لك كثيرا ازعجتك معاي

مساء الخير

اسال الله ان يشفيج .. اختيارج لمدينة هالديبرغ وخصوصا مستشفياتها الرائعه خيار موفق جدا جدا ورائع .. انتي ان شاء الله في امان عندهم نظرا لقوة ورقي مستشفياتها


ثانيا الاوت ليت موجد !!!! طبعا بدون علامة تعجب .. هذا اقتباس من الرابط المرفق لج

اشهر اوت ليت ... هو
Wertheim Village
ببلدة Wertheim
ساعه من قلب فرانكفورت

شوفي التقرير


بنتظارج

شفته بوعمر الله لايقصر بعمرك ولابعمر عيالك ياخوي جزاك الله الجنة ياخوي

بالله يابوعمر اذا بخاطرك شي آمرني ياخوي وابشر بعزك

جعلك ذخر ياخوي.

ابيج سالمه وترجعين غانمه .. والله يسهل عليج ويحفظج

انتي اذا احتجتي اي شيئ مهما كان في هالديبرغ او ما حولها .. راسليني وابشري بخير ..بأي وقت وبدون تردد


تمنياتي لج بالتوفيق وترجعين بالسلامه

اشكرك ياخوي وجعلك ذخر والله يبقيك طيب وفعلا
راعيها يابوعمر مانت بمقصر
وجعلنا مانحتاجك الا بكل خير ياعلي

لا خلا ولا عدم

السلام عليكم اخوي علي

بالله بسألك شنو الأفضل لخواني يستأجرون سياره يسوقونها والا بلاها افضل انا خايفه عليهم لان قوانينهم غير قوانينا
اخواني عندهم ليسن دولي ؟!
بس بألمانيا اول مرة بسوقون ؟!

بغيت رايك يابوعمر ؟

مساء االخير

بشرينا على صحتكم ..

اذا لم يسبق لهم القياده في اوربا . ما انصحكم تستخدمونها . خصوصا ان هالديبرغ تعتبر مدينه حديثه اكثر من انها ريف .. وكما معلوم القياده بالمدن اصعب من القياده بالريف .. ما انصحكم .. الا اذا احيانا حبيتو تتطلعو الى اماكن خارج هالديبرغ ممكن ...

دمتم سالمين

هلابك بوعمر

طيبين طاب حالك وفالك ياخوي .. احنا للحين ماسافرنا سفرتنا بـ / 15-10

ان شاءالله ..

جزاك الله خير ماقصرت .

انا خايفه من البررررررررررد الله المستعان وحتي لغتهم ياخوي مايتكلمون انجليزي حدهم متعصبين
يهوشوني ليش ماتتحدثين الألمانية ؟!
واخذ عاد فهمهم انها لغة ثانويه عندنا ووو حالة قطيعه...
علي العموم رايتك بيضا يابوعمر

مساء الخير

من ناحية البرد اذا بتجلسين فتره طويله احسبي حسابج راح تكون الاجواء بارده اكثر واكثر.. اما بخصوص اللغه بتحصلين الي يتكلمون بهالديبرغ ..باللغه الانجليزيه خصوصا اهم الاماكم مثل المطاعم والمحطات بالغالب


اتمنى لكم رحله موفقه

هلا ومرحبا طمنينا على صحتكم


البلاك الخاص باوربا تحصلينه بالجمعيات لوازم العائله اسمه ( البلاك الاوربي ) .. وافضل نوع تحصلينه بمكتبة جرير الي بحولي بمدينة الالعاب ... وباجر اصور لج البلاك واحط لج صورته ان شاء الله اتشوفينه . موجود عندي


ابشري خير ويركب عليه جميع الاحتياجات الطبيه او غيره سواء سكنتي بشقه او بفندق


دمتي بود

الله يجزاك الجنة بوعمر .. طيب وقوة الفولت هناك ياخوي 110 او 220 ؟

المشاركة الأصلية كتبت بواسطة عاليهq8
http://www.arabtravelersforum.com/tr...6/#post6147696

هلابك بوعمر

طيبين طاب حالك وفالك ياخوي .. احنا للحين ماسافرنا سفرتنا بـ / 15-10
ان شاءالله ..
جزاك الله كل خير ماقصرت .
انا خايفه من البرررررررد الله المستعان وحتي لغتهم ياخوي مايتكلمون انجليزي حدهم متعصبين
يهوشوني ليش ماتتحدثين الألمانية ؟!
واخذ عاد فهمهم انها لغة ثانويه عندنا ووو حالة قطيعه...
علي العموم رايتك بيضا يابوعمر



الله المستعان

اختي الغاليه ....

امنياتي القلبيه لكي بالشفاء العاجل والعودة الى وطنك وانتي بأتم صحه وعافيه .

بالنسبة للفولتاج بالمانيا 220 فولت

.

جزاك الله الجنة ياخوي قايد وبارك فيك

مرحبا بوعمر اتمني تكون بخير ياخوي

بالله بسألك بالنسبة لمدينة هيلدبورغ .۔ ماتعرف اذا الاقي عماله منزليه تشتغل بالساعه ؟

فانا بامس الحاجه لخادمه هناك ؟
الأفضل تكون عربيه ؟ او علي الأقل تتحدث الإنجليزيه ؟
الله يجزاك كل خير ياعلي .

الأخت عاليه
السلام عليكم
انا مثلك مسافر للمانيا عمل قريب بس انا بالنسبة لي اول مرة يعني انتي احسن مني ماشاء الله عليك
وماقصر النشمي ابو عمر باجاباته ولا يهون الأخ قايد عناده ههههه وانا بصراحة استفدت من موضوعك
اسأل الله العظيم رب العرش الكريم ان يشفيكي ويردك سالمه

جزاك الرحمن ياخوي حسين وبارك فيك ..

وصلت الي ألمانيا ــــــــــ هايدل بيرغ

إستأجرت شقه ولقيت بقالات عربيه كثيره وأيضا مطاعم عربيه

والحمد لله والفضل له ....... كل شي زين وتمام .

الحمدلله على سلامتج

وترجعين بالسلامه ان شاء الله .۔ والف لا باس عليج .۔

ولا تترددين بطلب اي شيئ

تمنياتي لج بالشفاء العاجل

حمدلله على سلامتج اختى وان شاءالله تقومين بالسلامه

انا ان شاءالله جاى هايدلبرغ يوم الاحد 30\10 اذا تبين شي انا حاضر ....



بس حبيت اسالج عن السكن وين خذيتيه ...؟ وبجم...؟ واذا ممكن تكلمين الي جابلكم السكن يشوفلنا شقه ... اكون شاكرلج .

هلا فيك اخوي مشعل جزاك الله كل خير

اخذت شقه قريبه حيل من مستشفاي وااااااايد اروح للمستشفي علي ريولي

وإحنا ساكنين بالداون تاون السنتر يعني وسط هايدلبرغ

ابشر من عيوني ياخوي :_

اتصل علي هذا الرقم : 00491729799116أبو أيوب هو تابع للمكتب الصحي بألمانيا .

يفيدك بكل مطلباتك ويأمن لك الشقه وكل إحتياجاتك , بس إنتبه ياخوي العطلة عندهم كل نهاية الأسبوع يومين

السبت و الأحد

وهذا رقمي إذا تبي شي ضروري عاليه:- 004917671917219


الجو بارد جدا ليلا ودافي قليل بالنهار .

الله المستعان يشفيلك مريضك ياخوي مشعل

بيض الله وجهك ياخوي علي رايتك بيضا الله يديمك ذخر

مشكوووووره وما قصرتي اختي وعسالله يشفي مريضكم وتردون للديره سالمين

انا ان شاءالله بكلمه اليوم ولا باجر وبشوف شيقول

واذا تبين شي من الديره لا يردج الا لسانج انا جاى الاحد بتيسير الكريم .

ياهلا يك ياخوي والله يسمح دربك ... في بنفس عمارتنا شقق فاضيه وفيه بعد قريب من عمارتنا بعد سكن كله خليجين ...... مابي الا سلامتك مشكور لاهنت ياخوي

وانا برسم الخدمه اعين و عاون كل من يستفسر هنا والفضل كله يعود لآخوي علي له جزيل الفضل

بالله بسألك انت بتجي هنا هايلدبرغ للعلاج والاسياحه؟

عشان اذا للمستشفي Ethianum هذا اسم مستشفاي ودكتوري جيرمان ..

بفيدك بشغله عمارتنا اقرب مسافه للمستشفي .. العمارة مقسمه لجزئين

شقق للعوايل الكبيرة وشقق للعوايل الصغيره ..

وانت برايك تختار المناسب لك .


والناس بالناس والكل بالله

والله يسمح دربكم وتوصلون بالسلامة

غلاء فاحش هنا بـ هيدلبيرغ