الموضوع: عاجل بطاقة الفيزا بليز شباب

شباب

انا حجزت بالمانيا وفرنسا عن طريق البوكنق ودخلت رقم الفيزا حقتي

المهم بعد ما حجزت وطلعت التاشيرات لاحظت انه فية غلط بالاسبلنق حق اسمي

المهم رحت للبنك وقلت له ابي اغير البطاقة وتحط الاسم الصحيح

طبعا الحمد لله قدرت اغير البطاقة وصار الاسم مكتوب تمام على البطاقة بس المشكلة


انهم غيرو الرقم اللي على البطاقة وغيرو الرقم الثلاثي....مع العلم اني قلت لهم لاتغيرونه

السؤال

هل تغيير الرقم القديم اللى البطاقة القديمة الى رقم اخر مثل ماغيرو ... يلغي حجوزاتي اللى بالفنادق ولا عادي


ارجوكم شباب ردوا .... واللى صارت له نفس المشكلة رجاءا انه يفيدني

مشكوووووووووووووووووووووووووووووورين

مواضيع عشوائيه ممكن تكون تعجبك اخترناها لك:

• استفسار عن نظام سيكست لو تكرمتوا
• عروض السعوديه لصيف
• مساعدة ضرورية يااهل الخبرة
• الى الخبراء ممكن تنظيم رحلتي
• ابو عمر خذيت مشورتك وحجزت بس ابي اتأكد الله يجزاكم خير
• للمجربين بخصوص شراء بيت في المانيا ؟
• استفسار عن و و
• أريد خريطة لتنقلات المترو والترام واضحة بالعربي في ميونخ
• حجزت ع الخطوط الالمانيه Lufthansa
• مخطط جديد آراءكم لا هنتوا
• استفسار
• كنت ابقي اسماء فنادق او شقق لزوجين وخمس ابناء صغار في ذلامسي او كابرون - قارمش-براغ
• يا اخوان الي عنده معلومه يفيدني ضروري
• جدول لرحلتي أطلب منكم رأيكم فيه
• مساعدة في اجار السيارة
• ارجوووكم انا الان بألمانيا والقارمن جاب العيد
• رأيكم يهمني ليلة خطة البرنامج
• هل سبق لأحدكم التنقل بالقطار من مدينة في ألمانيا إلى محطة القطار في مطار فرانكفورت ؟
• اخوكم متوهق مو عارف شنو يسوي
• مخطط رحلتي لألمانيا والنمسا بالتفصيل

الاخ كابيتال

اخوي قريت سوالك اكثر من مره واعدت قرائته وبصراحه اعتقد اني ما فهمت المشكله اللي حصلت بالظبط واتمنى اني ما فهمتها صح

اللي فهمته وبسالك عليه انت حجزت فنادق في المانيا وفرنسا وحصلت حجز ولكن بعد ما حجزت لقيت الاسم اللي دخلته في اسم الفنادق يعني اسم الشخص اللي بيحجز فيه غلط عن الاسم المكتوب بالبطاقه فقمت غيرت الاسم بالبطاقه كما في اسم الحجز في الفنادق هل هذا صحيح
هل فهمت المشكله بصوره صحيحه؟؟؟؟؟؟؟

شف اخوي

انا حجزت بعد ما حجزت واكدت الحجز لقيت بطاقة الفيزا حقتي غلط في حروف الاسم بالانجليزي وهم يدققون على هالشي

المهم رحت للبنك ابيه يغير البطاقة يكتب اسمي بشكل صحيح

وفعلا غيروا البطاقة وكتبوا اسمي على البطاقة بشكل صحيح لكن رقم البطاقة غيروه

وانا يوم حجزت كنت حاط رقم البطاقة الاول

هل الشي يغير في الحجز او يلغيه

مشكووووووووووووووووووووووور اخوي اسف على طالة

اخي العزيز البطاقه السابقه سحبها البنك وانلغت وسلموك بطاقه جديده يعني الفنادق الان بكل الاحوال ان وصلت وطلبو منك بطاقتك اللي حجزت فيها فشي طبيعي انت بتراويهم البطاقه الجديده اللي هي غير الاخرى وفي عالم التقنيه والارقام والحجوزات الالكترونيه اي رقم واي حرف يختلف يعني هذا شخص اخر
مبدئيا اقدر اقول لك حجزك قائم لحد الان ولكن على اساس سحب الفلوس من البطاقه القديمه الملغيه فهنا راح يكون سوال اهم من مساله حجزك باقي او لا اللي هو الان هل نظام الفنادق هذي بالحجز انهم يسحبون الفلوس مبدئيا عند الحجز ولا سحب الفلوس بيكون في وقت وصولك الفندق وسكنك فيه
من رايي وزياده في الحيطه والحذر اللي اعرفه توحد هناك مهله لالغاء الحجز قبل اسبوع تقريبا من الرحله فالافضل حتى تامن على فلوسك لان الخوف انهم قامو بحجز مبلغ عدد الليالي اللي حجزتها عندهم ويسحبوها من رصيدك وانت بهالحاله تخسر عدم السكن عندهم وكذلك تخسر الفلوس

كاحتياط حاول ان تتصل بالفندق وتستفسر منهم انك غيرت البطاقه وتبي حجزك يبقى قائم وانت بتسددلهم المبلغ بطريقه يضمنوها فان لاحظت تعاون منهم ابقى على حجزك وربنا يستر اما ان شفت اي تثاقل منهم او اي عرقله فنصيحه يا اخي العزيز الغربيين ما ينلعب معاهم بالفلوس يعني طول ما القانون بصالحهم لا يحللون ولا يحرمون بياخذون الفلوس وبيعتبروها شطاره وربح فافضل شي ان لاحظت انهم يعرقلون الامور اثناء الاتصال في عندك اضن في الايميل اللي ارسلوه لك طريقه الغاء الحجز
وشوف راي باقي الاخوه علهم يكون عندهم تجارب مماثله

ولا يهمك عزيزي

ادخل على ايميلات التاكيد لحجوزاتك من بوكنج

راح تحصل رابط تعديل الحجز

ادخل عليه

راح يفتح لك رابط تغيير بيانات الدفع

قم بتغييرها بالبيانات الجديدة

هلا بك أخوي

شف عزيزي نحن حجزنا بالمانيا سيارة وفندق وفي النمسا ( فينا ) حجزنا فندق بالبطاقة الماستر كارد الاسم بالبطاقة يختلف عن الاسم بالجواز في بعض الحروف زيادة أو نقص كما تعلم عندنا بالسعودية البنك يكتب الاسم من راس الموظف وطريقته

ولما وصلنا المانيا لم يدققوا بالاسم وكذلك في فينا يعني لو تركت الوضع كما كان افضل لك

الان انت غيرت البطاقة معناها البطاقة الاوله تكنسلت وهذا شئ معروف بجميع البنوك انك تغير البطاقة تتكنسل البطاقة السابقة دايركت

على العموم بعض الفنادق ما تخصم الا عند وصولك لها بينما بعض الفنادق تخصم من البطاقة بمجرد بدء وقت الحجز وقبل وصولك لهم وهذه هي المشكله لانه اذا لم يجد مبلغ بالبطاقة او ان البطاقة خطأ او ملغاه يمكن يكنسل حجز الفندق خاصة وقت الموسم والزحمة

يعطيك العافية

اذا كان في الامكان كما قال الاخ عنب توت تقدر تدخل الحجزت وتغير بيانات الدفع فهالطريقه تكون اسلم شي وتقدر بعد ما تغيرها تطبع الحجز الجديد وبمعلومات محدثه صحيحه وتاخذه معك واضن بتكون المشكله انحلت
ولكن ان تعذر تغيير البيانات فياخوي لا تتاخر وتترك الوقت يمشي حاول تتصرف معهم بسرعه يا اما بتاكيد الحجز وعلى بياناتك الجديده او تلغيه قبل الفتره اللي عاطيكياها بالحجز اللي تقدر فيها تغير الحجز او الغائها حتى تضمن عدم سحب المبلغ من رصيدك وعدم استفادتك من الحجز

دخلت على تعديل الحجز الان لكن ما حصلت تغيير بيانات الدفع