الموضوع: فزعتكم يالربع في بطاقة صراف الراجحي

السلام عليكم ورحمة الله وبركاته
اخبار الشباب ان شاء الله بخير وصحة

محتاج فزعتكم يالربع ضروووري باسرع وقت ممكن
انا في ماليزيا بالوقت الحالي سلنقور تحديدا وعلى وشك يخلص الكاش اللي معي حاولت اسحب من بطاقة صراف الراجحي ماقدرت دخلت الرقم السري باكثر من طريقة
دخلت 4 ارقام سرية ثم انتر ماضبط
اضفت صفرين قبل الرقم السري ماضبط
اضفت صفرين بعد الرقم السري برضه ماضبط
حاولت باكثر من جهاز صراف آلي ومن ضمنهم الراجحي كلها باءت بالفشل

الفزعه يالربع باسرع وقت ممكن وش الحل هل فيه طريقة للسحب
ولكم مني جزيل الشكر

مواضيع عشوائيه ممكن تكون تعجبك اخترناها لك:

• فزعتكم يا اهل الخبره
• فنادق نظام اكواخ في لنكاوي وبياننغ
• اتمنى المساعده رحلة الى ماليزيا واجهل امور كثثيره
• مساعدتكم لشهر عسل خلال شهر سبتمبر
• ماليزيا
• شهر عسل ارجوا المساعده
• ارجوا مساعدتي ارخص الخطوط من الرياض الي ماليزيا
• محتاجكم رايكم
• إستفسارات تحتاج إلى إجابات
• ساعدوني برنامج مميز للعرسان
• وصلنا للصن واي بيرميد ولله الحمد
• لمن لديهم الخبره في ماليزيا
• مسافر بعد العيد وما استغني عنكم
• ودي اسافر ماليزيا لكن ابي دولة اخرى معاهها
• طلب برنامج سياحي لمدة يوم؟
• استفسار عن
• استفساراتي لشهل عسل في اغسطس
• عاااااااااااااااااااااااااااجل
• تونا وصلنا سلانجور ولله الحمد
• سفرتي لماليزيا ... فزعتكم ياخووووووان

ينقل الى قسم الاستفسارات

( الاسفار )

اخوي اذكر اذا جربت اكثر من 3 مرات تتوقف البطاقه لمدة 24 ساعه عموما جرب بطاقة صراف الشخص المرافق لك واذا ضبطت حول من حسابك لحسابه عن طريق النت واسحب مبلغ كبير مره وحده علشان ترتاح
اذا ماضبطت كلم بنك الراجحي على هذولي الارقام
44 33 92000 (966+)
0096614603333
وراح يصدروا لك بطاقة بديلة وتوصلك بيومين واذا انت عميل تميز راح يرسلوا لك حواله من حسابك وتستلمها ببنك ماليزي فوريا

تحديث لو لاقدر الله قفلت معك من كل جهة مع اني اتوقع تنحل ان شاء الله
كلم احد اخوانك او من تمون عليهم بالذهاب الى تحويل الراجحي او الويسترن يونيون او انجاز تبع بنك البلاد وعمل حواله فوريه لك باسمك المطابق لجوازك واستلمها من البنك الماليزي الوطني بدقايق

وعليكم السلام ورحمة الله وبركاته ..

إضافة إلى ما تفضل به أخونا dr.keif جزاه الله خير وفي رأيي انو التواصل مع البنك هو أفضل حل

أحيانا البنوك توقف بطاقتك عند محاولة الصرف منها خارج السعودية لدواعي أمنية بزعمهم !

لكن من خلال تجربة مرينا فيها قريب مع بطاقة سامبا والرياض وحاولنا بكل الطرق ولم يقبلها أي صراف هناك

ماعدا بنكين ( محلية ومغمورة ) هي اللي قبلت وكنا نصرف منها طول الرحلة

وهي : AFFIN BANK وَ ALLIANCE BANK

والفروع الرئيسية لهذي البنوك في كوالا تصرف 3000 رنقت وليس 1500 فقط

جرب تصرف منهم يمكن تنفع وطمنا أخوي ايش يصير معاك

الله ييسر أمرك ..

بيض الله وجيهكم جميعا ماقصرتوا على سرعة الرد
وان شاء الله تتسهل الامور

بالفعل صادفت هذه المشكلة مثلك شموخ عتيبة بعض البنوك تمشي فيها وبعضها ماتقبل الصرف

أخوي مشاكل بطاقات الصراف خارج المملكة كثيرة أذا ماعندك بطاقة أئتمانية
نصيحتي لك كلم أحد أخوانك وخله يسوي حوالة ماليه بأسمك تستلمها من أي فرع ببنوك ماليزيا
ولاتنسي تخليه يعطيك رقم الحوالة لأن البنك بيطلبها منك بالأضافة الى جوازك كأثبات

بيض الله وجيهكم فردا فردا ماقصرتوا والله واخص بالذكر اختي شموخ عتيبية
الحمدلله سحبت من صرافة affin bank بدون مشاكل
الف الف شكر للجميع هم وانزاح

وتحياتي لكم من الموبايل

ووجهك أبيض أخوي دنيا وآخرة , الحمد لله انو أمورك انحلت وللعلم افين بانك موجود في كل مكان

بينانغ ولنكاوي وصباح ماعدا كاميرون هايلاندز مالقيناه هناك فحاول تحتاط بمبلغ كافي لو كانت في جدولك

فرحنا لك من القلب أخي الكريم لا يعرف صعوبة هذا الموقف إلا من جربه

الله ييسر أمرك وتتهنون بأجمل رحلة بإذن الله ..