الموضوع: انا ورطانه

انا الان في فرانكفورت وكنا قررنا انه نستأجر سياره لكن نسينا الرخصه

ورفضت شركات تأجير السيارات تأجير السياره بصوره من الرخصه

ماهو الحل ؟

مواضيع عشوائيه ممكن تكون تعجبك اخترناها لك:

• تنبيه للمسافرين لالمانيا مهم جداجدا للسعوديين
• ارجو المساعده للتخطيط لرحلتنا الى ميونخقراميشسالزبورجزيلامسي
• محتاره في فندق ميونخ
• أرجوكم يا خبراء أريد برنامج سياحي لسفرتي
• ممكن جدول سياحي ايام اول مره اسافر ميونخ
• ارجوا منكم المساعدة في طريقة التنقل بين المدن
• رايكم بالفنادق عاجل جدا سفرتي بعد كم يومين
• ابغا فزعتكم
• هامبورغ مدينة الأحلام المفقوده لدى السياح العرب
• رايكم في هالخطة لميونخ
• كيف استخدم ترام ميونخ؟؟؟؟؟
• سكن في قارمش ؟؟ لو سمحتو ضروري سفري الاسبوع الياي
• من ميونخ لباريس
• التأمين الطبي واستخدامه
• السفر بالسيارة من الخليج الى اوروبا
• محتاره في مخطط رحلتي
• ابي فندق حق ميونخ
• موعد التبصيم
• مساعده في شقق ميونخ
• عن مصحة فكتورويت

حاولوا يرسلها لكم واحد من اخوانكم مع واحد جاي على فرانكفورت او اي شركه للتوصيل الاوراق وتكون مضمونه انا ماجربت اي طريقه من الطرق المذكوره بس زميلتي جربت الطريقه الاولى
والا استخدموا المترو وامركم لله والله ييسر لكم امركم

kitty2000 سلام عليكم
لابد من الرخصه اختي العزيزه والسبب هو ليس فقط تقدرون فيها تاجرون السياره من مكاتب الحجز ولو كانت هذي هي المشكله فقط كانت بتنحل بنشوف احد من العرب المقيمين يقدر ياجركم سيارته ولكن المشكله اكبر من هذا لان بالاجازه هذي تقدرون تتلافون كثير من المساكل سواء لا سامج الله ان حصل لكم حادث بسيط او حتى لو تعرضتو لتفتيش من الشرطه ساعتها بتكون مصيبه ان كنتو اتقودون السياره من دون رخصه وهي هذي المشكله الكبيره اللي اقول لك تحتاجون الرخصه
حاولو انكم تجيبونها باسرع وقت وان تعذر عليكم
فساعتها بقدر اقترحلكم اماكن تقدرون توصلوها بالمترو او الاس بان في فرانكفورت وحتى المدن القريبه منها
اكيد بما انكم لكم فتره في فرانكفورت فسنتر المدينه وشارع التسايل والمجمع التسوقي الكبير زرتوه
باقي لكم حديقه الحيوان وكذلك المدينه القديمه والجانب الاخر من فرانكفورت اللي يعتبر الجانب الالماني لان فيه فرانكفورت القديمه بمطاعمها وديورها ومحلاتها وكذلك ضفاف نهر الماين والمتاحف الكثيره الموجوده فيه الايام هذي مثل منتي شايفه الجو رائع جدا
تقدرون تروحون لمجمعات تسوقيه قريبه مثل الماي تاونوس سنتروم وكذلك هيسن سنتروم وغيرهم من المراكز التسوقيه

انا عامله حجوزاتي في زيلامسي وموينخ

هل استطيع الذهاب عن طريق المترو وكم التكلفه

انتظر ردك ولوفي وسيله اخرى للذهاب الى زيلامسي

ان كنتي قريبه في الموقع للان قوليلي متى ناوين تسافر لان ابدخل موقع القطارات واشوف الحجوزات وكذلك خط سير الرحله وكم شخص انتو وهل معاكم اطفال
لان السفر بالقطار هذي المسافه مع اطفال وعفش شوي يكون متعب
انتضر ردك

اختي ابابيل

جزاك الله خير على سرعة استجابتك وبعد تفكير قررنا نمدد اقامتنا في فرانكفورت لحد ماتوصلنا الرخصه بعد 4 ايام ,


اتمنى منك اختي وبشدة مساعدتي في معرفة كيفية استخدام الاندرقراوند نحن على مقربه منه

يعني مثلا فين بوابات الصعود والتذاكر لاننا مانعرف عنها اي شي اعتمادا على السيارة

اكون لك شاكره والله في عون العبد مادام العبد في عون اخيه

الله يعينكم شوفوا هذا التقرير يمكن يفيدكم ..

http://www.arabtravelersforum.com/travel14724/

اسألو الفندق على شان يعطيكم خريطة الفندق ويحدد عليها الاماكن السياحيه ويفهمكم كيف استخدام

طرق المواصلات وترى الموضوع سهل ..

بالتوفيق ..

kitty2000
شوفي اختي
ابشرحلك بالتفصيل الممل طريقه استخدام الميترو
بما انك قلتي انك بتجلسون اربع ايام فحسب عدد الاشخاص تقدرون تقررون هل تشترون تذكره اسبوعيه ولا تقطوها تذكره حقه النهار كامل لتنقبل بالباص او القطار او المترو اللي بنسميه هنا في المانيا اس بان S Bahn ومحطاته تربط كل اماكن ومدن واحياء المانيا وفرانكفورت تحديدا لانها تعتبر قلب المانيا في شبكه القطارات ووسائل النقل لانها فق منتصف البلدات وتذهب لكل المدن مباشرتا
المهم قبل قليل كنت في التسايل واليوم الجو رائع فعلا فيه قليل من الحراره ان وقف الانسان تحت الشمس طبعا انا اقول حراره لاننا متعودين على البرد ممكن انتي يكون انطباعك وشعورك بالجو شكل اخر
المهم في منطقه التسايل توحد على طريفي الشارع محطيت وحده اسمها كونستابلار فاخه والثانيه اسمها هاوبت فاحه وانه اشوفو انو لو تقومون الان بس تقرين المشاركه تلحقين على مكاتب الاستعلامات وشراء تذاكر الاسبان الان ولا تتاخرين لان بيعزلون اليوم سبت وبكرا الاجد مسكرين وما راح اتكون امكانيه شراء تذكره الا من المكاين الالكترونيه الموجوده في كل الاماكن ولكن يبيلها شخص يكون عارف باستخدامها

توجد هناك تذاكر اسبوعيه فان كنتو شخصين فقط تقدرين تشترين تذكره اسبوعيه لشخص واحد فقط لان من حق صاحب التذكره اصطحاب شخص معه دايئما بركوب وسائل النقل وبهالطريقه تكونين وفرتي التنقلات بارحض الاثمان
التذكره الاسبوعيه بكل الاحوال ما يتجاوز سعرها ثلاثين يورو لداخل مدينه فرانكفورت حسب ما اتصور


وهنا بحثت الان عن خارطه الاندرقراوند او الاسبان والباصات حق مدينتي فرانكفورت والافضل تاخذيها من مكاتب شراء التذاكر اساسا موجوده بالاوراق اللي توزع مجاننا



المهم اختي هذي كانت معلومات بسيطه وسريعه كتبتها على امل انك تقرينها بسرعه وتنزلون الان تشترون التذاكر او تلحقون عليها
وحتى ان لقيتوها مسكره انشا الله بتنحل مافي مشكله ردي اكتبيلي