الموضوع: مساعده لرحله قريبه جدا جدا

السلام عليكم يا رواد المنتدى الكرام

الرابط التالي كانت المشاركه الاولى لي ولم اجد الاجابات الوافيه فيها http://www.arabtravelersforum.com/tr...8/#post6034598، الآن ثبت لدي يوم الرحله والعوده والخطه الي في بالي وان شاء الله القى مساعده منكم

يوم الرحله 7 - 9 - 2011

الى ميونخ عن طريق ليفتانزا .. اقعد ليلتين ومن ثم الي زلمسي اقعد 3 ليالي ومن ثم الى يوربا بارك اقعد ليله ومن ثم الى باريس الى نهاية الرحله والعوده 18 - 9 - 2011

ويمكن نروح ليله دزني لاند ...


هل تنصحوني باستخدام السياره او القطارات ... هذي اول مره ارووح واول مره استخدم السياره خارج الديره ؟

وبالنسبه ليوربا بارك هل هي كبيره ام صغيره ... وهل تستاهل الواحد يبات فيها ليله و نفس الشغله حق دزني لاند ..


واذا تنصحوني بالسياره ، من وين آخذها اجار .. جربت موقع بادجيت وحطيت التواريخ بس عطاني رساله انه العمليه خطأ

واتمنى سماع ردودكم وماتبخلون علينه

مواضيع عشوائيه ممكن تكون تعجبك اخترناها لك:

• مسافر الى ميونخ ولدي عدة استفسارات آمل الاجابة !!
• بالنسبة للأطفاال في ميونخ وزيلامسي
• وش رأيكم
• محتاره بين لندن والمانيا لمده ايام
• تعبت ابغى قطار ستراسبورغ لميونخ
• رحلتي إلى دوسلدورف
• الاجواء في فرانكفورت
• ممكن مساعده يزاكم الله كل خير ؟
• الألعاب المائية والزحلقية الصيفية والركوب المظلي
• استأجرت سيارة من يورب كار ولكن
• اماكن قريبة يمكن زيارتها
• ماهي الاماكن المميزه بين برلين وميونخ؟
• ما خاب من استشار
• الفيزا اخذها من سفارة النمسا ام سفارة المانيا
• عااجل ياخبراء مره محتاره
• أفضل مصحات ألمانيا لتخفيف الوزن الزائد
• موقع تسليم السيارة في فريسلانق
• محتاجة جدول لسفرتي
• بعض الاسئله ميونخ ، سالزبورغ ، زيلامسي
• بعد اذنكم ابغى شقه بمدينة ميونخ بالشهر

شلونك يالسمي ؟!

اخي العزيز انا بسكن في يوربا بارك ليله وراح اطلع من زلمسي الصبح 8-9 يعني واصل بعون الله بالسياره 3-4 وعلى كلامك اول يوم او مابقى اقضيه بفعاليات المنتزه وثاني يوم نقضيه لعب ومنها الى باريس واذا تنصح نقعد ليلتين في يوربا بارك مافي مشكله

وحبيت اسئل شغله بخصوص هواتف النقاله ، شنو الشركه الي تصحوني فيها وتغطي المنطقه الي بروحلها وفيها خدمة النت للآي فون ؟

شوف المخطط هذا
ليلتين بميونخ ثم 4 في زلمسي ثم ليلتين في اليورب بار ثم ليلتين باريس
على الاقل و لو تغير مخططك عن باريس احسن الا اذا انت ملزم
و شوف تقاريري و ممكن تغير رايك عن مدينة معينة علما بان تقري ايطاليا فية مناطق نمساوية و تقرير سويسرا فية مناطق فرنسية و تقرير المانية في فرنسية و قريبااا سويسرااا
و الله يوفقك

والله ودي بس ..... مجبور على فرنسا

وناطر ردكم يا اخوان بخصوص السياره و التلفون النقال ....

موفقيين

اخوي بالنسبه لملاهي اليورب بارك (منطقة روست ) تبعد عن زل امسي تقريبا 6 ساعات بالسياره لذلك انصحك بالتالي الانتقال بالسياره الى بادن بادن والسكن فيها ليلتين وهي تبعد عن زل امسي 5 ساعات طبعا عند الوصول تقضون باقي النهار تمشية بهذه المدينة الجميله وفي الصباح تذهبون الى اليورب بارك (تبعد ساعه عن بادن بادن وهي تفتح الساعه 9 وتغلق الساعه 6 قبل الغروب بساعتين ) وعند اغلاق اليورب بارك تصبح المنطقة كئيبه لذلك تقضون باقي النهار مع اول المساء في مدينة ستراسبورغ الفرنسيه وهي في الوسط بين اليورب بارك 40 دقيقه بالسياره وبادن بادن 40 دقيقه بالسياره وتتعشون فيها وتتوجهون الى فندقكم في بادن بادن 40 دقيقه وفي صباح اليوم التالي تسلم السياره بمحطة القطار وتنطلق الى باريس (لو كانت عودتك من فرانكفورت كان افضل لانها تبعد ساعة ونصف فقط ) تقرير عن بادن بادن http://www.aboaziz.net/blog/?p=746

وتقرير عن ستراسبورغ http://www.arabtravelersforum.com/travel99802/

وتقرير عن اليورب بارك http://www.aboaziz.net/blog/?p=691

وبالنسبه للانتقال من بادن بادن الى باريس بالقطار الرحلة مدتها 3:41 دقيقه ويتم التغيير بعد عشرين دقيقه في KARLSRUHE HBF وعلشان تفتك من تغيير القطار عندك خيارين الاول تسلم السياره في مدينة KARLSRUHE وهي تبعد نصف ساعه عن بادن بادن وتنطلق بالقطار مباشره الى باريس ومدة الرحلة 3 ساعات وعشر دقائق وهناك رحلة الساعة تسع ونصف صباحا ورحله اخرى الساعه الواحده والنصف صباحا

الخيار الاخر تسلم السياره في مدينة ستراسبورغ الفرنسيه وكما ذكرنا تبعد 40 دقيقة بالسياره عن بادن بادن وتنطلق بالقطار المباشر السريع الى باريس اقل من ساعتين ونصف (وقت قياسي ) والرحلات كل ساعه تقريبا ولكن المشكله ربما هناك ضريبة اختلاف الدول بالنسبه لتسليم السياره وهي تقريبا 800 ريال لذلك الخيار الاول افضل وتحمل ساعه زياده بالقطار وبالنسبه لحجز السياره شوف اليورب كار انا حصلت لك سياره اودي AUDI A3 SPORTBACK NAVIGATION لمدة اسبوع قيمتها 1400 ريال فقط او سياره من نوع مرسيدس MERCEDES-BENZ A-KLASSE بنفس القيمة تقريبا تحياااااااااااتي

اخذ شريحة فودا فون وعندك موقع لتاجير السيارات اسمه easyterra

شكورين يا اخوان

الحين بدت تتضح الرؤيا .....

آخذ سياره من ميونخ المطار ... واروح فيها الى زلمسي ومن ثم يوربا بارك انام فيها ليله ومن ثم الى بادن بادن اما اسلم السياره والى القطار بس شكلي بنام فيها ليله

ودي بحديقة الورد شكلها خيال .... ومن ثم الى باريس ...

سؤال اخير بخصوص السياره ... شلون اختار التأمين الشامل ... بريح راسي من المشاكل والخرابيط والواحد مايدري شنو يصير معاه ؟!

المشاركة الأصلية كتبت بواسطة bin abul
http://www.arabtravelersforum.com/tr...0/#post6067250

شكورين يا اخوان









المشاركة الأصلية كتبت بواسطة bin abul
http://www.arabtravelersforum.com/tr...0/#post6067250


الحين بدت تتضح الرؤيا .....

آخذ سياره من ميونخ المطار ... واروح فيها الى زلمسي ومن ثم يوربا بارك انام فيها ليله ومن ثم الى بادن بادن اما اسلم السياره والى القطار بس شكلي بنام فيها ليله

ودي بحديقة الورد شكلها خيال .... ومن ثم الى باريس ...

سؤال اخير بخصوص السياره ... شلون اختار التأمين الشامل ... بريح راسي من المشاكل والخرابيط والواحد مايدري شنو يصير معاه ؟!



اخوي الله يسلمك انتقل من زل امسي الى بادن بادن مباشره واسكن هناك ليلتين حرام تبهذل عمرك ليليه باليورب بارك وليله في بادن بادن واذا بغيت اليورب بارك فهي تبعد ساعه فقط عن بادن بادن واثناء العوده من اليورب بارك اخر النهار مر على ستراسبورغ انصحك بقووووووووه شوف خرائط قوقل علشان يستقعد راسك وتعرف المنطقه وبالنسبه للسياره سلمها في محطة karlsruhe hbf والتي لا تبعد سوى نصف ساعه عن بادن بادن علشان تحصل رحلة مباشرة الى باريس وتفتك من التغيير تحياااااااااااتي

يعطيكم العافيه ....

واخوي daayem ماقصرت الصراحه فدتني كثيرا باسم المحطه الي اسلم فيها السياره و امسك القطار ..... بس بادن شكلي راح اطوفها لانه الصراحه ماكانت على البال وصعب اغير الخطه

بس اخواني بخصوص التأمين على السياره شلون اسويها ، انا راح اتعامل مع Sixt اذا الله اراد

انا اوصل ميونخ تاريخ 7 وراح اخلي استلامي للسياره من تاريخ 9 يوم الذهاب الى زلمسي ومنها الى يوربا بارك وتسليم السياره في تاريخ 13 ومنها على باريس

1. بس التأمين الشامل مع Sixt شلون اسويه شامل عشان ما احاتي الحوادث والمشاكل الثانيه

2. هل في موقع يعلمني المسافه من مكان الى مكان يعني من يوربا بارك الى karlsruhe hbf

مساك الله بل خير
أنا قبل امس كنت في بادن بادن
الصراحه ماكنت انها حلوه لهدرجه ونص فيها بشده
الستار مالها عجيب ودك ماتطلع منه
اما يورب بارك أنا جيتها يوم واحد
اما التامين من سكست
استأجرت سياره من النت منهم ب 580 يورو
ولمن جيت استلمها من المطار طلبت تامين شامل خذو علي 500 يورو تقريبا

يعني التأمين ماتسويه من النت ؟؟؟ لانه ودي احجز من النت كل شي

انزين شنو تقولهم فل انشورنس ولا لها شغله ثانيه ؟؟؟

وشلون شوارعهم صعبه ولا تمشي .....

تبي تعرف المسافات بين المدن ومواقعها ادخل قوقل ماب http://maps.google.com/ طبعا اول ما يفتح ممكن يفتح على خريطة امريكا لذلك اكتب المانيا بالانجليزي واذا انتقلت الى المانيا اكتب اسم المدينه وراح يحددها لك على الخريطه تعال عندها واضغط يمين ويطلع لك خيارات اختر الاتجاه من هنا ثم روح للمدينة الثانيه على الخريطه وبضغط يمين اختر الى هنا راح يرسم لك الطريق وكم يستغرق والمسافة بالكيلو وتقدر ايضا تحدد مواقع المطاعم والفنادق والاسواق .....الخ على الخريطه تحياااااااااااتي

مشكور حبيبي


التأمين يا شباب التأمين ؟! احد عنده علم بخصوص التأمين شلون اسويه

الي فهمته انه التأمين تقريبا نفس سعر الاجار بس تدفعه هناك .... وهل اختار اطار مطري لأنه شكلهم مطريين الاخوان واحنا للحين بال40

شباب في احد عنده علم شلون ارووح الاوت لت حق ميونخ ؟!

المشاركة الأصلية كتبت بواسطة bin abul
http://www.arabtravelersforum.com/tr...0/#post6073020

مشكور حبيبي


التأمين يا شباب التأمين ؟! احد عنده علم بخصوص التأمين شلون اسويه

الي فهمته انه التأمين تقريبا نفس سعر الاجار بس تدفعه هناك .... وهل اختار اطار مطري لأنه شكلهم مطريين الاخوان واحنا للحين بال40



اخوي بالنسبه للتأمين ابكلمك عن اليورب كار لانها المفضله عندي انت اذا حجزت السياره يعطيك تكلفه تأمين اساسي وبعدين يوضح لك التأمين الغير مشمل بالتكلفه وهو يدفع عند الاستلام وتحصله موضح لك كم بيكلف يعني تقدر تحسب التكلفه النهائية تحياااااااااااااتي