الموضوع: رحلتي لكوريا الجنوبيه سنــــ ـــة سيئول اللي ماعجبتني

ياحلو كوريا وياحلو اهلها ،

انا من اكثر المدن اللي اعجبتني سيول

الشعب الكوري من افضل الشعوب اللي قابلتها ودوديين ويحبون المساعده
يعني مانعرف اي شيء كنا بالمترو العالم كلها تتجمع علينا وتعلمنا ههههههه

شعب يحب الحياة والعمل

رحت لها 2012 ورحت معاها جزيرة جيجو رائعه

تقرير جميل جدا وانا حاليا بحجز علي سبتمبر بروح انا واثنين من اخواني ان شاء الله نسلم من الحظ النحس وتعجبهم الديره

مبروك عليكم الشهر الفضيل

والسموحه ادري تأخرت وايد عليكم









المشاركة الأصلية كتبت بواسطة توبليرون
http://www.arabtravelersforum.com/tr...9/#post8162019

كل سنه وعبادي بخير
مو مهم كم خذوا منكم الكوفي الاهم فرحة عبادي ووناسته بهاللحظه
ربي يحفظه ويبلغج فيه وفي عيسى وخواتهم
انزين ام عيسى انتي قلتي عملتي التشيك اوت وين حطيتوا اغراضكم عيل ؟؟
حطيتهم بمخزن الفندق ؟ وهل اخذوا عليكم فلوس والا مجاني ؟

والحمدلله انج ما شريتي من المول تدرين ليش اشلون بتستلمينهم من السوق الحرة بالمطار وهي
صيانة ؟
وشنو يضمن ان الاغراض اللي ابيها ودفعت فلوسها بتوصل كلها
ويمكن تتاخر الطلبيه عن موعد الطيارة
مو حلوة الفكرة .... زين سويتي

واخيراا اقول شكراا على التقرير الصريح والوافي لكل مافي البلد
من زين وشين

بس في شي عذاب شوقتيني ... انا من محبين ملابس البنوتات الصغار
بس نفس حالتج بناتي كبروا وخلاص يشترون بروحهم

يعطيكم العافيه كلكم من ابوعيسى لعبادي والى قارة افريقيا معاج

وانتي بألف خير عقبال ماتفرحين بعيالج يارب
بالنسبه للشنط
هيه نعم تركناهم عندهم في المخزن وبدون أي رسوم
الله يعافيج يارب ان شاءالله ويخليلج عيالج وابوهم
وقارة أفريقيا
يمكن عقب الاجازة الصيف أنزل تقرير جنوب افريقيا
عاد مجهزتنه بالصور والايام وكل شي










المشاركة الأصلية كتبت بواسطة الزنون
http://www.arabtravelersforum.com/tr...7/#post8169227

اختنا ام عيسى
اتحفتينا بالتقرير الجميل
واول شخص اوجهه يكون رأيه مثل رأيي
كل من ذهب لكوريا يمدحها
بعد الوقوف بنفسي بكوريا لم اجد ما قالوا
مع ان رحلتي كانت بابريل وقت الربيع وتكثر فيه الفعاليات

انا وجدت كوريا دولة عادية ولا فيها جديد او شيء مميز إلا جزيرة جيجو
اما الاسواق لم اجد شيء يصلح لنا كخليجيين او كعرب
ملابسهم واذواقهم ليست لنا
وفوق هذا اسعارهم نار




السلام عليكم ورحمة الله
السموحه منج اني مارديت ع مشاركتج لأني انقطعت عن المنتدى شهور بسبب ظروف خاصه
بالنسبه لوجهة نظرج عن كوريا انا مثل رأيج شفتها عاديه وأقل من عاديه لأنها ماتصلح لنا كخليجين بعدها ممهيأه لنا وايد



لكن اختلف معك بالتعامل
انا قليل استخدم التكاسي بل استخدم المترو وبسبب هذا لم اواجه مشاكل او مذله او من هذ القبيل


في نظري استخدام التكسي أفضل من المترو لأنه فيها روائح كريهه
وقبل شهر اخويه رجع من كوريا من مهمة عمل ونفس رآيي بالنسبه لكوريا وللمترو


الشيء المهم الذي طاف عليكم انكم ما تستفسرون من الفندق عن كل شيء
كارقام الباصات او الاماكن والتدوين على الخريطة الخاصة بسيول
من المفترض قبل الخروج تاخذوا معلومات دقيقة ومفصلة عن الموقع المراد الذهاب إليه


هذا يالغاليه ماطافنا وقلتله في تقريري انه دايما نسأل الفندق ورغم انهم متعاونين بس أحيانا أحسهم مايفهمون
ومايشرحلونا عدل
وموضوع الباص اللي ودانا الاوت ليت واللي ودانا مدينة الالعاب هاي كلها من الفندق خذناها
وبسببهم تلعوزنا

اكثر ما ريحني هو خريطة سيول وخريطة المترو

الطعام نفس المشكلة التي واجهتكم واجهتنا
والغريب ان الخبراء بالتقارير لم ينبهوا عن هذة النقطة وهي عندي اهم نقطة

اما ايفر لاند
الذي اعرفه ان هناك بسيول عدة نقاط للباصات تذهب لايفر لاند
وكل نصف ساعة يمر باص اخر يحمل نفس الرقم
اي كل جهة بسيول هناك محطات للباصات منها الباص الذي يذهب لايفر لاند

يعني باليوم يمر اكثر من باص من عند الموقف يحمل الرقم 2200

اتذكر النقطة التي انطلقت منها كان رقم الباص 205 او502 وكان الموقف عند محطة رقم 222 خط المترو اللون الاخضر

المهم ان الرقم الباص الذي كنت اريده شاهدة يذهب قبل وصولي بامتار عن المحطة
وانتظرت نصف ساعة تقريبا ثم اتى الباص الاخر والذي يحمل نفس الرقم


كلامج صحيح بس نحن موظف الفندق مافهمنا
ولا كنا نعرف هالشي وع العموم في رآيي أركب التكسي أحسن أغلى بشي بسيط بس نشتري راحتنا وأهم شي نروح ع راحتنا
وبعدين هالباص الخاص بمدينة الالعاب لازم تحجزينه اذا ماعندج حجز انتي وحظج اذا تحصلين كراسي متوفره

كوريا اعجبني فيها النظام عندهم ملتزمين فيها
كذلك التطور والصناعة

انا اخذت فكرة جميلة من كلام الاعضاء وكذلك بعض المسلسلات
لكن انصدمت بانها بلد عادي جدا

بل ان تايلند او تركيا او ماليزيا افضل منها كطبيعة او من ناحية الاسعار
اكثر ما واجهته من صعوبة هو الحصول على طعام حلال

انصح من يريد الذهاب لكوريا بان يسكن بمنطقة ايتوان لو ان الفنادق التي فيها ليست جيدة

عندي الحصول على الطعام اهم من فخامة الفندق او المنطقة

عندي صور كثيرة وكنت ناوي على تقرير لكن الوقت لا يسعفني

فاكتفيت باعطاء النصائح للمستفسرين

عموما الكلام اوجهه لبقية الاعضاء
ربما ان كوريا لم تعجبني لم تعجب الاخت هدوء

لكن ربما تعجب شخص اخر
كلاً وله ذوق
نحن نقول ما شاهدنا ونقول رأينا
فلذلك لا تحكموا على الدولة من كلامنا

شكرا مرة اخرى لام عيسى على التقرير والذي جلست اتابعه مدة اسبوعين بسبب اني اتابع كل يوم صفحة لانشغالي

كفيتي ووفيتي واشكرج يالغاليه من كل قلبي ع مشاركتج والاضافه الجميله
ورآيج الصريح

أشكرك الجميع ع مشاركتهم وجزاكم الله خير
وبرد ع بعض منكم







المشاركة الأصلية كتبت بواسطة aqatha
http://www.arabtravelersforum.com/tr...2/#post8188742

شخبارج هداوه ان شاء الله الحين احسن ما تشوفين شر .. اجر وعافية


الصراحة احلى شيء احبه .. انج تعطينا معلومات اكثر واكثر ... انا وايد مسجلة معلومات عن كوريا .. طبعا نصها من البرامج الكورية هههههههه ودي اسير الاماكن الي يسيرونها (شفتي الحماس)
بس احب اشوف الناس الي زارو كوريا شو رايهم فيهاا ... انطباعات الناس مرات تكون مهمة خاصة الي مب من اهل البلد

يعني انت ما حبيتها لكن في نفس الوقت كتبت شو الي حبيته من العروض والاماكن المطاعم وتعبكم والاشياء الي لازم نتنبه لها فشكرا ^_^ صدق ما قصرتي معانا انت والاخوة الي يزورون اي بلد
ما اقول الا ربي يرزقج سفرة حلوة تعوضج عن هالسفرة الي ما حبيتها

تصدقين اكره شيء نظام موبايلتهم حتى اليابان اذا في خاطرج تشترين ما يستوي

المبنى 63 Building
هذا من دراما My Girl وانا في خاطري اسيره



يمي يمي يمي انا وايد احب سنكرز لانه كله مكسرات

تصدقين محلاتهم مفتوحة على بعض احس حلو ومب حلو ما تدرين الا وانت داخلة المحل الي جنبج ههههههههه
بس حلو تتمشين بين المحلات

منتجاتهم التجميلية حلوة .. بس الحمدالله عندنا كم محل من عندهم الامارات فيها كل شيء الحمدالله


ما احسها انها مشكلة لنا باذن الله لانه الحمدالله اعرف الاساسيات وصح ليش ما جربت برامج الترجمة تتكلمين بالانجليزي ويترجم لج بالكوري او العكس


تعرفين لانه عندهم نفس الافلام هالخيم الي يشربون منهااا منتشرة وايد وبعدين الاكل ..تعرفين انه اليابان انظف وحتى روائحهم احلى


جنوب افريقيا اوه هذا شيء يديد لي متحمسة

هداوة يعطيج العافية ما قصرتي .. بس بعدي اقول يوم من الايام منو يدري تغيرين رايج ونشوفج في كوريا مع عنوان فرصة ثانية ههههههه

هلا وغلا بالغاليه
اسعدتيني بطلتج
واللهم آمين والله يعوضني عن سفرة كوريا باليابان وتعجبني واستانس فيها
بالنسبه لموبايلاتهم فعلا هاي مشكله
بالنسبه للسنيكرس تصدقين العادي اللي بالفول السوداني هذا أحلى اما اللي باللوز يعني البيذام هذا مب وااو
انا من عشان سنيكرس
ما أعتقد اني بغير رآيي وبكرر كوريا الافضل أجرب بلد جديده وان شاءالله تكون اليابان
الله يعافيج حبيبتي وشكرا لج










المشاركة الأصلية كتبت بواسطة معلمه متقاعده
http://www.arabtravelersforum.com/tr...9/#post8233169

يعطيك العافية ام عيسى طبعا انا من متابعينك وكل تخطيط لرحلة من رحلاتي انت المرجع لها لاني بصراحة استفيد من تقاريرك
ناوية هالصيفية اسافر كوريا وهونج كونج لاستكشاف مناطق جديده لاني سبق زرت ماليزيا وسنغافوره 3 مرات
وطبعا اغلب الدول الاوربيه
وسفرتنا هالسنة كانت رغبة اولادي اللع يحفظهم
وحجزت في سيول نفس الفندق اللي انت سكنتيه لاني اثق في ذوقك وحسيته قريب من كل شي وخاصة اني من هواة المشي
تقريرك ومعلوماتك راح تكوني مرجعي ان شاء الله
الله يحفظك ويحفظ لك ابوعيسى والعيال ويكتب لك الاجر لانك بصراحة انسانة خدومة وحبوبة احبك في الله من غير ما اشوفك وسبحان الله القلوب جنود مجنده



أشكرج من قلبي ع كلامج اللي اسعدني وانا بعد أحبكم واكون سعيده لما افيدكم بشي
والحمدالله اني لقيت قلوب طيبه تحبني شراتكم
واشكر ثقتج فيني وان شاءالله انكم توفقتوا في سفرتكم
نبا الاخبار









المشاركة الأصلية كتبت بواسطة ikramodayani
http://www.arabtravelersforum.com/tr...9/#post8288059

تقرير جميل جدا وانا حاليا بحجز علي سبتمبر بروح انا واثنين من اخواني ان شاء الله نسلم من الحظ النحس وتعجبهم الديره



هههههههههههههههههههههههههههههههه


يعني قصدكم كان حظنا نحس
استغرب من االيعض لما أقول انه البلد ماعجبتني واقول السلبيات يربطون هالشي في النحس
وهالكلام سبق تكرر في تقرير كيرلا اعتبروا البعض انه حظي نحس ولكن
الواقع انه مش حظنا نحس ، صح نحن تصيرلنا بعض المواقف
المب حلوه ولكن رآيي في البلد اعطيكم ياه بتفصيل واذكر ايجابيات البلد وسلبياته
ومن وجهة نظري اقو اذا حبيتها ولا لأ
ولكن ممعنى هذا انه غيري مابتعجبه يمكن يصير العكس
من تقاريري خذوا الفايده منها بس والقرار عندكم في زيارة اي بلد

هداوه جعل من جابك للجنه انا حضي احيانا نحس وانا اشرت علي اخواني انهم يروحون معاي وحمدت ربي انهم وافقوا فودي في هالسفره ماتجيني النحاسه ههههه ورمضان مبارك عليك يارب