الموضوع: رايكم يهمني يناير

السلام عليكم ورحمة الله وبركاته
اول شي حابه اشكركم على المنتدى الرائع طبعا كان عندي اكاونت وكنت اسأل دايم بس للأسف نسيته
المهم الوالد الله يحفظه قرر يصير رومانسي فجأه وقال ابي نسافر انا وامكم لحالنا سفره حلوه لأول مره
وحدد انها تكون بماليزيا لان من زمان وده يزورها بس محد راضي يروح معاه منا
السفر بيكون ان شاء الله من 14-1-2014
الى 27-1-2014
المدن المقترحه هي
كوالالمبور - لانكاوي - بينانج - كوالالمبور - دبي (لان ترانزيت طويل قرر يجلسون فيها يوم)
اربع ليالي - ثلاثه ليالي - 3 ليالي - ليلتين - ليله

الطيران:
طيران الامارات : على البزنس كلاس 17726 ريال للشخصين - الوالد متحسف عليها لان العادية سعرها 5388 ريال للشخصين :/
الطيران الداخلي:
الماليزية
من كوالالمبور الى لانكاوي : 18-1-2014 ( 13:05 مساء)
من بينينق الى كوالالمبور : 24-1-2014 ( 15:35 مساء )
المجموع : 1060 ريال
من لانكاوي الى بينينق: 21-1-2014
بالفيري بالبحر
الفنادق
كوالالمبور : 4 ايام
احترت بين عدة فنادق : ( الاسعار لـ 4 ليالي )
Traders Hotel Kuala Lumpur = 2760 SR
غرفة نادي مزدوجة مطلة على البرجين التوأم مع افطار
Renaissance Kuala Lumpur Hotel = 2111 SR مع الافطار
the wistren kuala lumpur = 2480 SR مع الافطار - مطل على البرجين
Pacific Regency = 2288 SR - مع الافطار

لانكاوي :
Langkawi lagoon Resort مع افطار = 1920 ريال لـ 3 ليالي

بينانج :
The bayview Resort مع افطار = 1442 ريال لـ 3 ليالي
Park royal Resort مع افطار = 1488 ريال لـ 3 ليالي

كوالالمبور :
لمدة ليلتين من الفنادق اللي فوق

دبي:
رمادا داون تاون : 2000 ريال بعد الاسعار اللي شفتهم بماليزيا صرت اتحسف الفين على دبي

اتمنى احد يفيدني بالرحله هل هي حلوه او تحتاج تعديل وبالنسبه للفنادق
مابي اتفشل عند الوالد وتطلع الفنادق مو حلوه :/
وهل يكفي 35000 ريال شامله الفنادق وطيران البزنس وكل شي؟
وشاكره لكم تعاونكم

مواضيع عشوائيه ممكن تكون تعجبك اخترناها لك:

• استفسار
• مالحل مع السياره ؟
• رحلة إلى ماليزيا
• خدمه في لنكاوي الله لا يهيييينكم
• جدول لشهر العسل
• أول مرة إلى ماليزيا والوضع إقتصادي جداً
• شباب ابغى فزعتكم في افضل الاماكن السياحيه
• ابي رأيكم فنادق لنكاوي
• هل ألعاب صنواي لاقون مفتوحه يوم الثلاثاء
• ماريكم في الفنادق مشورتكم
• مجموعة اسئلة ابي لها اجوبة ساااعدوني
• طريقة التنقل كيف؟
• عمل جدول للرحله و اختيار الفنادق؟
• موقع لحجز الفنادق رخيص ولكن
• لمساتكم الأخيرة لاهنتم
• استفسار لرحلة شهر العسل
• بعض الاستفسارات ياليت الكل يدخل
• نداء الى اصحاب الخبرة والمختصين في ماليزيا ارجو مساعدتي
• ارجو المساعده حجز الفنادق جدول سياحي
• الجهات المختصة لحل مشاكل السائحين في ماليزيا

اختي الكريمة السلام عليكم
بالنسبة لاختيار الفنادق يعلم الله كلها فنادق حلوة وجميلة وبالنسبة للمبلغ يكفي وزود باذن الله
موفقين والله يديم المحبه

عليكم السلام / صباح الخير

التذاكر جدا غالية و فرق كبير ما بين الدرجة السياحية و درجة رجال الاعمال !

ممكن المبلغ المدفوع للتذاكر يستفاد منه لاختيار فنادق راقية او لاطالة عدد ايام الرحلة الى ماليزيا

المهم ..

من رأيي البرامج المثالى لزيارة ماليزيا لمدة 12 يوم كالتالى :

2 يوم سيلانجور ( فندق الصنواى لاقون )

3 يوم لنكاوى ( منتجع برجايا ) شاليه بريمير على الماء

3 يوم بينانج ( منتجع قولدن ساندز )

4 يوم كوالالمبور ( فندق تريدرز )

* الذهاب الى مرتفعات جنتق صباحا و العودة مساء

اذا كان هناك مجال للتغيير راح يكون هذا البرامج جدا مريح لوالديك

رحلة موفقة

فرق الطيران 12500 اظن كثيرة جداً لرحلة الطيران
توفير هذا المبلغ يجعل الرحلة كلها 5 نجوم
لا ارى داعي الدرجة السياحية جيدة

شكراً لكم
وان شاء الله راح يتم الحجز على السياحية للتوفير

السلام عليكم ورحمة الله وبركاته

كتبت لكم موضوع قبل كم اسبوع ان الوالد والوالده بيروحون ماليزيا
المهم تغير المخطط وبنروح كلنا عائله مكونه من 6 اشخاص اغلبنا بنات
المهم تم حجز الطيران والفنادق
الرحله بتكون ان شاء الله
كوالالمبور 4 ليالي
بينانج 3 ليالي
كوالالمبور 3 ليالي
دبي ليله

طبعا الرحله قصيره لضيق الوقت وبداية الدراسه للفصل الثاني بس الحمدلله بتخرج هذا الترم ان شاء الله مافي مشاكل

المهم

الفنادق اللي حجزتها ابي اخذ رايكم فيها لان الموضوع اللي قبل ماكنت اعرف ماليزيا كويس والحين قريت وعرفت احسن
كوالالمبور 4 ليالي ( تريدر هوتيل ديلوكس على البرجين)
بينانج ( جولدن ساندس ديلوكس على البحر )
كوالالمبور 3 ليالي ( جو ماريوت ديلوكس )

عندي بعض الاسئله اتمنى ما ازعجكم
افضل طريقه للوصول الى بينانج غير الطياره لان مزعجه نوعا ما وودنا نشوف الطريق
انا سمعت في باص في آي بي او شي زي كذا
او سياره أي شي يكون كويس

ثاني شي اختي تبي العاب وين نقدر نروح العاب خصوصا سكرو الالعاب اللي الكل يروح لها؟

ثالث شي صن وي لاقون ينفع نروح له ونرجع بنفس اليوم ؟ وينفع لنا احنا 3 بنات كبار

رابع شي تعبت وانا اقرا عن شريحة الجوال وما اعرف ايش افضل
ابي شريحة للنت نانو للايفون لزوم الانستقرام والواتسب

أي اخر شي يقولون حر ورطوبه؟
هل حر قوي بهالوقت يعني نقدر نمشي ولا بنفطس من الحر ؟
اقصد بعد 10 ايام سفرتنا ان شاء الله 14-1

وشكرا لكم مقدما ادري ماراح تقصرون
واذا فيه اسئله بعد ماراح استحي بجي اسأل

" ادعولي بالتوفيق باختباراتي اخر اختبارات بحياتي ان شاء الله "

تم دمج استفساراتك عزيزتي ونرجوا منكِ الإلتزام بقوانين المنتدى

ووضع جميع استفساراتك في موضوع واحد وسوف تأتيك الإجابة بإذن الله

موفقين عزيزتي ..

ربي يوفقكم ............. رحلتنا قبلكم بيومين

بالنسبة للفيري ما احد يمدحة
لاني اردت احجز وتراجعت بعد مشورة الاخوان
واستبدلتها بالطيران خطوط آسيا




وبالنسبة لفندق باراك في بينانج ما يمدحونه
لو استبدلتيه بالهوليدي ان الشاطي او شانغريلا


بالنسبة لكوالا فندق تريدرز يمدحونه وانا حجزت فيه مع الافطار
هذه مجرد راي مني والراي لكم


الاخوان ما قصروا معنا ربي يسعدهم


تسافروا وترجعوا بالسلامه

تم دمج استفساراتك عزيزتي ونرجوا منكِ الإلتزام بقوانين المنتدى

ووضع جميع استفساراتك في موضوع واحد وسوف تأتيك الإجابة بإذن الله

موفقين عزيزتي ..





اسفه ما انتبهت
شكرا وننتظر الاجابه

المشاركة الأصلية كتبت بواسطة kalikth
http://www.arabtravelersforum.com/tr...8/#post8158998

ربي يوفقكم ............. رحلتنا قبلكم بيومين

بالنسبة للفيري ما احد يمدحة
لاني اردت احجز وتراجعت بعد مشورة الاخوان
واستبدلتها بالطيران خطوط آسيا




وبالنسبة لفندق باراك في بينانج ما يمدحونه
لو استبدلتيه بالهوليدي ان الشاطي او شانغريلا

بالنسبه للفندق انا حجزت جولدن ساندس تبع شانقريلا وهو من افضل الفنادق
بالنسبة لكوالا فندق تريدرز يمدحونه وانا حجزت فيه مع الافطار
هذه مجرد راي مني والراي لكم


الاخوان ما قصروا معنا ربي يسعدهم


تسافروا وترجعوا بالسلامه



مشكور اخوي
الله يسلمك

انتظر راي البقيه

وأيااك يارب

تسافرون وترجعون بالسلامة

انتظر ردكم
ما بقى شي على السفر 8 ايام وانا مارتبت كل شي