الموضوع: ساعدوني الفنادق التابعة للاسواق

السلام عليكم

اخواني واخواتي ابغى مساعدتكم الله لايهينكم

انا رايحه 3 ايام للبحرين مع زوجي عنده شغل وبحكم شغله صعبه اني ارتبط معاه بالدخله والطلعه
فقررنا نسكن بفندق تابع لمركز تجاري كبير
بحيث اني مااضطر اتنقل بالسياره ويكون شامل الخدمات من محلات تجاريه ومطاعم وسينما وترفيه

ممكن تساعدوني باسماء الفنادق اللي تابعه او قريبه جدا من المراكز التجاريه تفادياً للمواصلات؟

وشكرا .....

مواضيع عشوائيه ممكن تكون تعجبك اخترناها لك:

• اهداء من عيال زايد لإخواننا أهل البحرين الكرام
• اين يقع ارض المعارض بالبحرين يا أخوااااااااان
• استفسارات عن السكن في البحرين
• كوفي فيه وايرلس
• سؤال مهـــم؟؟؟
• استفسار عن الفيزا
• الفزعة يااهل الطيب والعود والعنبر
• استفسار للشباب
• تكفون ساعدوني يا أهل البحرين ابي محل تمام للفطور
• زيارة ثانية
• اشلون الجو بالبحرين هل يومين؟
• ليلة من ألف ليلة وليلة في العرين بالس
• الفزعة يا اهل البحرين
• نــــــــداء إلى همــس الليل وكــل يشخـص يعرف الجــامعات المعتمدة
• لاهل البحرين افيدوني
• عاجل جداً مع التحية والتقدير
• اماكن السياحيه
• السن القانوني للسفر
• ماهي منطقة الارينا ؟
• استفسار سريع ؟؟؟؟؟؟

و عليكم السلام مدام جيجي

ما عندك الا فريزر سويتس في مجمع السيف.

له مدخل من داخل المجمع ...

بالنسبه للمجمع فيه كل شي .. تحتاجينه. و مجمع العالي ملاصق له.


فيه خيار ثاني و هو فندق ميركور ... قريب من العالي .

بس الافضل الاول لانه ملاصق السيف ... وثانيا لان مجمع السيف اوسع صدر.

مثل ما قالوا لج مالج الا فريزر سويت الي بالسيف او فندق ميركور الي يقع في نفس الأرض التاعة لمجمع العالي ......بس فريزر سويت احدث

نسيت اقولج فندق الشيراتون تابع للمودا مول بس بتمللين لأن المجمع معظمه ماركات عالمية مثل لوي فويتون وبربريز وفندي الخ الخ الخ وما فيه سينما بس فيه مطاعم بس أكيييييييييييد السيف اشرح والعالي بعد فيه اماكن حلوة والي يميزه المظاعم والكوفي شوبات الي حواليه مثل نينو وجوني روكيت والمطبخ اللبناني ونيو اشيا ومطعم سوشي ما عرفه واهم واحد ليلو كافيه له مدخل من داخل العالي بالقرب من محل جاشنمال لازم تتفطرين فيه مره وتتغدين مره وتتعشين مره بس كله روحوا بدري لأن اوقات الذروة وااايد زحمة ولا تنسين تاكلين الميني برجر المحشو بالفطر و طبق الروزيتو بايتس يمممممممممممميي, بالإضافة الى حلوياتهم الغريبة .

eyesmax
غطيطة

يعطيكم ألف عافية ماقصرتوا
انا شيكت على الاثنين كلهم نظام شقق
كنت ابي غرفه بس.. لان مانقعد حنا الا وقت النوم

زوجي كنه اقتنع بميركور وانا ابي فريزر سويت
عموما مشكورين

أختي أنصحج بفندق ميركيور جراند / رائع جداً وسعره أرخص من الفريزر سويتس وأسفل الفندق شارع يمتد على مسافة تقارب 300 متر من المطاعم الفخمة المتنوعة من شرق وغرب العالم ، وطبعاً الفندق ملاصق لمجمع العالي التجاري ( مسافة مشي 60 ثانية ) ..

بالنسبة للفريزر سويتس في الحقيقة هو أحدث وأفخم من المريكور جراند على اعتبار أنه 5 نجوم بينما الميركيور 4 نجوم / والفريرز يقع في برج أعلى مجمع السيف تجاري والسينما والمطاعم بالضبط تقع أسفله ..

( ولكن )

إذا سكنتي في ميركيور جراند بالإمكان المشي مسافة ( 3 إلى 4 دقايق ) مشي على الأقدام والوصول إلى مجمع السيف ( لأن مجمع السيف ملاصق لمجمع العالي يفصل بينهم شارع صغير ) ..

بالنسبة للشيراتون كذلك متصل مع مجمع ( مودا مول ) وهو أفخم المجمعات البحرينية ولكنه لا يحتوي على وسائل الرفاهية مثل باقي المجمعات يعني في مودا مول محلات فخمة وبعض المطاعم الفخمة جداً ..

أوقات سعيدة.