الموضوع: لحالي جاي للبحرين

السلام عليكم
شخباركم حبايبي
انا ان شاء الله باجي للبحرين يوم الاحد لحالي
والسبب لحالي للراحه والاستجمام
وش الاشياء اللي تنصحوني اروح لها
يعني مثلا الملاهي المائيه والسيف
عطوني كذا اشياء حق 3 ايام
ووين اسكن فيه
مااحب شي يكون غالي مره ولا ابي شي رخيص مو حلو

مواضيع عشوائيه ممكن تكون تعجبك اخترناها لك:

• أحد يدلني سوق السمج؟؟
• اسبوع في البحرين لشخصين
• فهد دليل المسافر الى دولة البحرين ملف
• إقتراحات من أهل البحرين في رمضان
• السفرالى البحرين بالبطاقه الوطنية السعودية
• بليز بنات البحرين
• سؤال عن مطاعم تقدم الافطار
• مطلوب فندق حلو
• تقريري عن فندق الخليج لقضاء عطلة نهاية الاسبوع
• قرب ذكرى الزواج منتجع بنيان تراي العرين كانت الـرومانسية الحالمة والمنشـودة
• ۩₪» خريطة البحرين الالكترونيه التفاعليه «₪۩
• منتجع بنيان تري بالمعلومات والصور الرائعة
• ما هي افضل اماكن في البحرين
• مساعدة لوجه الله يا أهل البحرين الطيبين
• وش رايكم ؟؟
• ألف ألف مبروك للأخ لورد
• استاد البحرين الدولي مهم
• معلومات عن رحلتي يومين في البحرين
• بحرينيات ادخل لتعرف الحقيقة تقرير مفصل بالصور
• اين اجد السيديات المنسوخه في البحرين ؟؟؟

أخوي أنصحك تسكن في فندق ( فريزر سويتس ) الواقع أعلى مجمع السيف , يعني على أي وقت وعلى راحة تقدر تنزل تتعشى في أي مطعم تحبه أو تحضر أحد الأفلام السينمائية آخر الليل ,

بالنسبة للمدن المائية عندك جنة دلمون المفقودة وهذي بعيدة عن المنامة حوالي 30 إلى 40 دقيقة , وعندك كذلك واهووو وهي مدينة مائية واقعة في مجمع البحرين سيتي سنتر , والسيتي سنتر يبعد عن مجمع السيف حوالي كيلومتر واحد إلى الشرق منه ,

تقدر تحصر زيارتك في هالثلاثة أيام في ضاحية السيف إذا ما كنت حاب تبتعد , أو تقدر تنزل ضاحية العدلية فيها أرقى المقاهي والمطاعم وعندك منطقة الجفير بعد فيها شارع تجاري يزخر بالمطاعم والمقاهي المفتوحة 24 ساعة وهو أكثر شارع فيه حركة بالبحرين بعد منتصف الليل ,

إذا كنت تحب البحر والشواطئ حيث السباحة والاستجمام تقدر تسكن أحد الفنادق أو المنتجعات الشاطئية مثل الدانة نوفيتيل أو اليت سويتس وهم قراب من ضاحية السيف يمكن مسافة 5 إلى 10 دقايق يعتمد ع الزحمة ,

بالعودة إلى فندق ( فريزر سويتس ) الكائن في مجمع السيف , عن طريق الرابط التالي راح تحصل كل المعلومات :

http://www.all-hotels.com/book-hotel...+East/796177/8




أوقات سعيدة وحياكم الله بين أهلكم ,

,

اخوي بحريني الله يعطيك العافيه
انا فكرت في جدول حق 3 ايام
اليوم الاول مجمع السيف والذهاب الى السينما
اليوم الثاني الذهاب الى احد المنتجعات البحريه
يعني استجمام وجت سكاي وسبا حقهم
اليوم الثالث حق الملاهي المائيه

شرايك مناسب؟؟

فيه ستي سنتر أحلى وأكبر وأرقى من السيف ولو دخلته ماراح ترجع للسيف ..
هالمول فيه سينما أحلى من اي مول ثاني .. وفيه كافيهات كثير ..
وفيه بعد واهوو العاب مائيه ..


وفيه جنة الدلمون مدينة العاب مائيه ..
وعندك مارينا كلووب تقدر تروح هناك وتستفسر عن استأجار بوت أو جت سكي ..

واذا تبي سبا ومساج انصحك بالفنادق ..

وسفره موفقه يـارب

أختك