الموضوع: ابي شوركم ونصايحكم

السلام عليكم
اسعد الله اوقاتكم
انا مسافر ويا ابوي واخوي للبحرين بعد اسبوع تقريبا وتعتبر اول مره نزور فيها البحرين
- نبي شقق تناسبنا وتكون قريبة من عيادة الشافعي .
- وصف للعيادة وموقعها .
- مطاعم عراقية مميزة .
- سمعنا بشارع الالكترونيات ونبي نروح له وين مكانه .
- اي نصايح اخرى .
ادري كثرت عليكم لكن سامحوني
شاكر لكم مقدما تفاعلكم
تحياتي

مواضيع عشوائيه ممكن تكون تعجبك اخترناها لك:

• محتاج جدا جدا رأيكم
• الفزعة ياهل البحرين
• يا أهل البحرين ممكن خدمة
• مساعدة لرحلة يوم كامل
• اجراءات دخول البحرين
• ممكن رقم شقق تربل اللي في الجفير
• أفضل شاليهات البحرين
• جـــنـــه دلـــمـــون الـــمـــفـــقـــوده
• المساعدة لعائلة سعودية
• مجمع سيتي سنتر البحرين
• متى تنتهي التخفيضات؟
• انت فين؟
• التخفيضات بالبحرين
• الرايـــــــــــــــــه سويتس
• عطل بجسر الملك فهد يؤخر ألف مسافر
• بسّ استفسآر الله لآ يهينكم
• مخالفه مروريه في البحريين
• فندق الفاتح
• محمية العرين
• الجت سكي في البحرين

الشافعي بمدينة عيسى وهي منطقه تعتبر سكنيه ..


اقرب فندق هو قصر رفيرا وماحوله شي من مطاعم او سوبرماركت ..


ممكن تسكنون بضاحية السيف وتطلعون منها عالهاي وي وتمسكون مخرج مدينة عيسى ..


انصحكم بشقق اللاند مارك فرع ضاحية السيف وللأسف ماعندي اي وسيلة اتصال ..


والمطاعم العراقيه فيه الملح والزاد بشارع المعارض ..


والسموحه انه ماعرف الشافعي بالضبط وين موقعه ان شاءالله حد يفيدك ..

بالنسبة للشافعي في مدينة عيسى

وانت جاي من السعودية، واصل قدام بيجيك مخرج "المنامة وضاحية السيف"اتركه، فيه مخرج بعده اللي هو "مدينة عيسى"
هذا ادخل معه يمين وامشي بتجيك اشارة اتركها بعدها تمشي مسافة ويجيك تحويلة خلك ماشي قدام لحد ما توصل
لدوار، ادخل معه يسار اللي هي ثالث فتحة بالدوار (لأن الدوار يربط خمس شوارع) امشي مع هالشارع(بيكون على يمينك
جامعة البحرين ووزارة الإعلام)واصل لحد ما يجيك دوار خذ يوتيرن معه وارجع امشي شوي بتشوف عمارة الشافعي على
يمينك لكن المدخل جوا الحي، شوف اقرب مدخل للحي وارجع له..وإذا فيه شيء مو واضح علمني

اختي مزون شكرا لك وتقبلي تحياتي

اخوي فيصل شكرا لك وتقبل احترامي

بغيت اسال عن السكن المناسب وين لوجود الوالد معي حفظه الله ولا يستطيع المشي كثيرا

وكذلك هل يوجد شارع مخصص للالكترونيات واذا مافيه ابي محلات جوالات واجهزة ملاحة وايكوم

شكرا اخوي eyesmax
افدتني كثير يعطيك العافية