عندي ثلاث نقاط بقولها بإيجاز

لأنها تكررت آلاف المرات




المراسله ..


ما يبيلها ألا تكون لغتك جيده .. وترجمة قوقل ماتقصر معك ..

وترسل لهم باختصار

أنك ناوي تدرس عندهم من الفتره ..... للفتره ..... والأفضل يكون أسبوعين إلى شهر بالكثير

وأن أعجبني المعهد راح أمدد معكم .. وأبي هومستي لنفس الفتره

وأبي الأسعار بالتفصيل

وهم بيرسلون لك التفاصيل

نفرض أنك وافقت

أرسل لهم أني وافقت .. وأطلب الفاتوره (بعض المعاهد لازم تدفع قبل تجي عشان يبحثون لك عن هومستي والبعض مو لازم .. إذا وصلت تدفع)

بيرسلون لك الفاتوره

حول لهم المبلغ عن طريق تحويل الراجحي مثلاً

بعدين أرسل لهم أيميل وقل أني حولت لكم المبلغ .. وإذا وصل لكم أرسلوا لي ورقة القبول

وبس

ولا تنسى قبل السفر تعطيهم موعد وصولك عشان الاستقبال بالمطار





أيهم أفضل قريه أو مدينه ؟؟


بالنسبة لي أفضل القريه .. مو لأنها أفضل لتعليم اللغه .. لأني ما أحب الازعاج .. وأحب إذا مشيت أشوف جبال وخضار حولي

ولا تحسبون قراهم زي قرانا .. مافيها أحد .. ولا فيها ألا بقاله وحلاق

بالعكس فيها كل شي .. لكن بالتأكيد مو زي المدينه .. القريه مثلا المطاعم .. ما تحصل خيارات كثيره

وحاجه أعجبتني بالقريه .. أنهم مترابطين أكثر من المدينه

زي مثلاً يوم كنت بواناكا ولأنهم قليل ما يشوفون عرب .. أو سعوديين بالأخص

كل من درا أني سعودي قعد يسألني عن السعوديه .. وما يعرفون عنها ألا أنها صحراء ونفط

وهذا أفادني

يعني باختصار أنت وش تحب أو تفضل ؟؟




الفيزه


يعطونك بالمطار 3 شهور

لازم .. لازم .. لازم .. تذكرة العوده تكون 3 شهور وللإحتياط أقل

ومن هناك تمدد الفيزه والتذكره



وبالتوفيق

مواضيع عشوائيه ممكن تكون تعجبك اخترناها لك: