الموضوع: ساعات في دبي

خذ لك سيارة بسايقها
تطلع عليك الساعه حوالي 80 درهم

وانصحك انك تروح اتلانتيس وتزور الاكواريوم اللي فيه
وتروح منطقة برج دبي
ياحبذا لو تروحها من بعد 6 مساء عشان تشوف عروض النافورة
وتتمشى بدبي موول

اتمنى اني افدتك

مرحبا الساع مويييد

ممكن تزور دبي مول فيه اكواريوم وااااايد حلو نفس اللي في استراليا لاتفوته

تمشى في الممشى في بر دبي the walk التاكسي يدل بس بالسيارة وبالليل لأن الجو حر وااايد

يدوب بتمر عليك الساعات بسرعة لأن بلادنا زحمة وااااااااااايد وعشان ماتتأخر على رحلتك


ممكن تزور مول الإمارات تشوف الثلج وتتزحلق إذا تعرف أو تاكل في مطعم كرم بيروت مقابل المنطقة الثلجية

مرحبا اخوي
وقتك ضيق - لكن من اهم الاماكن اللى يجب انك تزوره برج دبي ومنطقته
والاتلانتس-
تدري انا راح اعطيك رقم سواق له اكثر من 22 سنه وشخص يدل البلد كويس راح يرتب لك يوم كامل وراح تنبسط معاه كثير - وهو من افضل السئاقين اللي ممكن تشوف اغلب الاشياء معاه في وقت ضيق- راح اعطيك رقمه في وقت لاحق الليله

يعطيك العافيه وماقصرت

شكرا لكم جميعا

الفارس انتظر الرقم

على فكرة وقت وصولي في النهار من 6 صباحا الى الرابعة عصرا

وجزاكم الله خيرا

على فكرة وقت وصولي في النهار من 6 صباحا الى الرابعة عصرا



6 صبااح :114:
بتوصل دبي بوقت ميت :112:

طيب

روح الممشى اللي بمارينا الجميرا بيتش وتمشى فيه لييين 10 او 10.30
وبعدها مايمديك تروح الا مكان وااحد اعتقد
الا هوو اهم مكان
اتلاانتيس
روحه وادخل الاكواريوم اللي فيه وتغدى فيه
وعود المطار
:113:

اخوي mweed
هذا رقم السواق بس رتب معاه من بدري عشان يستقبلك في المطار - ترا سعره غالي شوي لانه موبتكسي - سياراتهم اما لنكون او يوكون جديده طبعا-
عبد الجليل 00971505043132
بس انت راح تنزل في دبي في وقت ميت لانه كل المولات ما تفتح الا الساعه 9 لكن اذا ما تبغا سواق برتب لك ها البروجرام-
انت بتاصل الساعه 6 - علي بال ما تاصل وتمر علي الجوازات والجمرك وتطلع من المطار قول الساعه 7 الصباح
خذ تكسي واطلع لفندق الانتر كونتننتال فسيتفال سيتي- روح لمطعم انيس في الانتر وافطر فيه وتقهو هناك لانه المطعم مره رااايق وجلسته راقيه وحلوه- وريح الي الساعه 8 - اذا الفسيتفال سيتي ( المول ) فتح - خذ لفه بسيطه فيه - بعدين اطلع للاتلانتس بتكون هناك الساعه 9 تقريبا
تمشو فيه وتفرج علي ها التحفه المعماريه -وعندك كوفي شوب بعد الاستقبال علي اليمين اسمه (حاجه وشاي) - وفيه مطعم وكوفي شوب برا مطل علي المسبح وعلي البحر- اسمه نسيمي
اجلسو فيه وتذكرو ايامكم في باريس والشانزليزيه ومقاهيه والمطاعم العربيه واسعارها الغاليه ودزني وورد - جلس فيه الي الساعه 11 ونصف
بعدها اطلع لدبي مول واجلس هناك وتمش في منطقة برج دبي وفي المول الي الساعه 2 بعدها اطلع للمطار- اذا كنتو بتتغدون فا افضل برج الحمام في دبي مول او ميت كو في سوق البحار (بجنب دبي مول- بعدين علي المطار
هذا اذا انت نايم في الطائره وانت لازم تنام صح والا ما راح تستفيد من وقتك في دبي - فا انصحك بنادول نايت او - سليب لس اول ما تركب الطايره في باريس
ودعواتكم ---- بالتوفيق يا رب

جزاكم الله خيرا جميعا

الاخ الفارس وصل الرقم وبارك الله فيك على معلوماتك القيمة ونصائحك

اشرايكم يا اخوان في
Big Bus و هو عبارة عن باص مؤلف من طابقين شكله شكل باصات لندن
سوف ياخذك الباص برحلة لمعالم دبي
ينطلق الباص يوميا اعتبارا من الساعة 9 صباحا و بتواتر باص كل 20 دقيقة و ينطلق الباص الاخير الساعة 5 مساء
ينطلق الباص من امام الباب الرئيسي لمجمع الديرة سيتي سنتر و ايضا من امام مجمع وافي
سعر التذكرة 200 درهم للكبير و 120 درهم للضغير من 5-12 سنة و مجانا للطفل اقل من 5 سنوات
الرحلة يرافقها شرح مفصل عن مدينة دبي و للمعالم التي سوف يمر الباص ضمنها و بعدة لغات و منها العربي

هل ينفعني في هذه العشر ساعات

أخوي إذا إنته عادي عندك تتقيد بجروب كيفك

بس نحن أهل دبي يوم نشوف هالناس وطبعا كلهم أجانب راكبين هالباص نضحك عليهم لأن الجو حااااااار والحبايب راكبين الدور الثاني المكشوف ولا في مخفي على الجامات في الطابق التحتي والباص بطئ وبعدين شو جدولهم ؟؟؟؟؟بتشوف مباني ؟؟؟؟ماأدري والله ماأشجعك إلا إذا تعرف حد خذ الرحلة هاي واستانس

أنا أعتقد جدول الأخ فارس حقك واااااااااايد زين بس أنبهك كل مولات دبي تفتح 10 الصبح ودبي في الشوارع الوقت اللي بتوصلون فيه قمة الزحمة يعني بتتعبون من الجلسة في الباص ووراكم يلسة بعد في الطايرة

تمشوا في دبي مول وشوفوا الإكواريوم أحسن لكم واااااااااايد وانتبه عالوقت واحسب عدل لازم تكون في المطار قبل ساعتين مطارنا كبير وياخذ وقت وااااااااااايد الوصول لقاعة المسافرين

ماأدري عن الإخوان بس أنا شفت أتلانتس وشفت دبي مول وشفت الإكواريوم في كل منهما
إكواريوم دبي مول وااااااااااااااااااايد أحلى وأونس ويستاهل الزيارة والله مابتندم

ركز تخلصون 12:30 أقصى حد علشان الزحمة وتردون المطار يالله توصلون الساعة 1:30 عشان الوقت بس ترا ماتضمن شوارع دبي المكتضة دائما

قمة التواضع جزاك الله خيرا