الموضوع: مساعده الله يوفقكم

السلام عليكم
اللله يخليكم يا اعضاء المنتدى
انا مسافر بعد شهر و10 ايام ان شاء الله لنيوزيلندا لمدين هاميلتون وابدخل معه وايكاتوا بجامعة وايكاتوا بس عندي اسئله
منها الجو وماادري اجيب من اللبس صيفي والا شتوي لانه هل بردهم مثل بردنا قارس وماادري اكثر من الصيفي والا الشتوي..
ثانيا وش رايكم بمدينة هاميلتون ؟؟
وثالثا اللاب توب هل يصادرونه اذا كان البرامج فيه مقلده
علما ان نسخة الويندوز اصليه ....
وش تنصحوني بمكاتب الطيران ؟؟
وهل هناك مكاتب خطوط بالرياض للكاثي سيفك والسنغافوريه ؟؟ واتمنى واحد يقولي وينه بالرياض (يوصف لي )
والاكل عندهم هل هو يشبع والا لا يعني دسم ولالا؟؟مثل اكلنا بالسعوديه
اعذوروني لانه اول مره اسافر برا وحبيت اسال عشان ارتب اموري ومشكووورين وماقصرتوا انتظر ردودكم ...

مواضيع عشوائيه ممكن تكون تعجبك اخترناها لك:

• استفسااار
• مــحـــتـــاج مــســـاعـــدتــكـــم مــحـــتـــاج فــنـــدق فـــي أوكلاندا
• بحثت عن الجامعه اسمها مساعده لوجه الله
• الى خبراء اوكلاند
• افضل وارخص تذاكر طيران الى نيوزيلاندا
• افاااااااا والله
• نار يا عملة نيوزلندا ليه
• تكفون ياحقين نيوزلندا فزعتكم
• ساسافر مع عائلتي لنيوزلندا ولدي بعض الاستفسارات
• هل تطول الفيزا للذهاب الى نيوزلاندا عن طريق استراليا
• كم يستغرق الوصول بالطائرة من دبي إلى أوكلاند و أسئلة أخرى
• اسعار معهد نهيورازن نيبيار
• ساعدوني يااخواني
• لمن سبق له اسفر الي نيوزلندا لدراسه
• الله يوفق من يساعدني بالدنيا والاخره تكفووون
• الكاثي باسيفك والترانزيت ؟
• متى يبدأ دوام المعاهد في نيوزلندا
• ماهي أشهر الصيف والشتاء في نيوزلاندا
• عاجل جدا تخصص أشعه في الجامعات النيوزلنديه
• استفسارات فروع معهد ؟؟ مدينة ويتيانغا ؟؟

بالتوفيق وإن شاء الله الشباب يفيدونك

السلام عليكم
عزيزي اول شي بس حبيت اخبرك
انا قريبا راح اسافر حجزت يوم 31\1
طبعا لأوكلند لان جامعتي تبدأ دراستها يوم 15\2

بالنسبة للجو الشهر الثاني
تقريبا ربيع او نهاية الربيع على ما اتوقع ,,
يعني نفس ملابسك العادية ..
بس عندك الشهر السابع اكيد
راح تلبس ملابس بحياتك مو لابسها بالسعودية
اكيد لانو مو متعودين على البرد ..

صراحة عن مدينة هاميلتون ما اعرف اجاوبك عنها
اخليها للشباب الي راحولها .. ان شاء الله تتوفق فيها

بالنسبة لمكاتب الطيران صراحة انا بحثت بالمنتدى كثير
وسئلت الشباب هنا قبل ما احجز
1. ما احد نصحني بالكاثي باسفيك
لان مو مريحة والمقاعد ضيقة والخدمة تعبانة ( على حسب قول الشباب *)
2. نصحوني بالاماراتية والسنغافورية
علما انو الاماراتية تمر باستراليا وراح يحتاجلك
تطلع فيزا استراليا يسموها ترانزيت فيزا او فيزا مرور فقط
صحيح هي بسيطة بس يحتاجلها وقت تقريبا اسبوع الى اسبوعين
..
اما السنغافورية كثير نصحوني فيها
تمر من دبي - سنغافورة - اوكلاند
قالو فيها الخدمة روعة والمضيفات ابتسامة على وجههم تفتح النفس
ووو الخ
صراحة كل هذا انا مو مجربهم يعني من كلام الشباب
بس حبيت افيدك

انا توكلت على الله وحجزت على السنغافورية يوم 31\1

حسب بحثي بلمنتدى وقرائتي لمعظم المواضيع
جميعهم قالو انو ما يفتشون اللابتوب
يعني ما يفتح اللابتوب يفتح بداخله
اكثر من واحد سئلته وقالو عادي دخل وشنطة اللابتوب على ظهره
بس خلي بالك في احتمال يفتشون سيديات مستنسخة
اذا كنت ماخذ عدد لابأس بيه ممكن يفتشوها
لا تاخذ سيديات برامج .. افضل لك
او جازف واذا عارضو قوللهم ما اريدها
خلي يصادروها بس افتك منهم

هنا المشكلة هههههه الاكل
اكلهم خفيف وغالبا ما يأكلون وجبتين فقط هههههه
يعني مين فينا تكفيه توستاية على الفطور هههه
شاي مع قطعة توست بالقشطة او الجبنة ههههههه
احنا اذا مو بيييض وزيييت وخبز وووو يوووه
على العموم كل شي تعويد اكيد
وراح تتعود على اكلهم
طبعا العشا عندهم عادي وسط
مو دسم ولا خفيف
الخفيف الي فيه هو التونا او المارتديلا او السوسج
والوسط هو وجبات الهمبرجر والبطاطاو هاي الاشياء

ما عندهم شي دسم هع

** اعذرني حاولت اغير لهجتي قدر استطاعتي
انا عراقي مو سعودي بس عشان تفهم علـي

** اعذرني ما اعطيتك اجابات مؤكدة لان انا ما رحت سابقا
بس دورت كثير وسئلت كثير وهذي الاجابات الي حصلتها منهم
كل هذي اجابات كانت على استفساراتي اعطيتها لك

ان شاء الله يجي شخص من هاميلتون ويساعدك

بالتوفيق بالسفرة .. وتوصل بالسلامة