هلا اخوي بو باسم
تروح وترجع بالسلامه ان سبق واني رحت للمغرب مرة وحده ,,وكانت بين كازا وطنجه
افضل الخطوط ما ادري من ناحيت ايش اذا انت من السعوديه فالافضل تطلع ع الخطوط السعوديه رحلاتها مباشره سواء
من الرياض او جده وان كنت من الشرقيه تطلع من الدمام الساعه 8 الصباح وع الساعه اعتقد 12 ونص الظهر تطلع من جده الي كازا بس الزين انك توصل ع الساعه 5 العصر ,, الرحله طويله والدرجه السياحه الله يعينك ع فكره الدرجات السياحه في اغلب الخطوط زي بعض
تقدر تطلع علي طيران الاتحاد فيه عدت خيارت للأنتظار علي من 2 ساعه الي 6 ساعات حسب المواعيد ,,
التنقل -- من مطار محمد الخامس الي كازا عن طريق القطار التذكره سعرها زين حوالي 40 درهم للشخص الي محطة المسافرون في الدار البيضاء ومنه خذ طكسي صغير اللي لونه احمر (فيه نوعين من التكاسي صغير لونه احمر وكبير ولونه ابيض وهو نوع مرسدس بس قديم وسعره اغلي لانه يشل اكثر ) الي الفندق او الشقه ,
التنقل اذا كانت رحلتك اولي تنقل داخل المدينه بالطاكسي في كازا متوفره التكاسي اما اذا كنت عارف الديره فاجر سياره احسن واسهل بس لازم يكون معك عمله معدينه لان المواقف ماهي مجانيه ,,
صرف العمله اصرف من المطار اذا وصلت ولا تدفع بقشيش سو روحك ما تفهم مع انهم في الرجعه بيشلفطونك هههه نقطه مهم انتبه للمبلغ اللي شايله معاك في اعلي حد من المبالغ النقديه اللي ممكن تشيلها معاك مش فاكر كم بس تقدر ترجع للتقارير في البوابه يا 2000 يا 5000 دولار كحد اقصي او يصادرون دارهمك انتبه ,,
4 - وشو الي نأخذه معنا من الاغراض مش موجوود قي المغرب خصوصا اننا مانأكل في مطعم نهائياً
والله الاكل المغربي لا يعلي عليه واحسن من ها الرزوز والكبسات حقتنا اللي ما وراها الا السكري والكروش ههههه
اذا بتسكنون في شقه وهي تقدرون تحصلون عليه بس نصيحتي خذو يومين في فندق ودور علي راحتكم وخذو اللي يعجبكم وراح تحصلون كل الشقق فيها خدامه وهي مسؤله عن الشقه وتطبخ خصوصا اذا كانت امينه راح تحفظ الشقه واللي فيه وراح تطبخ لكم ذيك الطواجن اللي يحبها قلبك حنا كنا اثنين ونعطيها في اليوم 200 درهم حق الفطور والغدا
واحلا طبخ من ايد اسماء الله يذكرها بالخير . بس اذا تحبون الرز خذو كيس رز والبهارات والقهوه والهيل وبقية الاغراض متوفره هناك .
6 - وش تنصحونا في مدينة ثانية وثالثة نروح لها في المغرب
انا رحت غير كازا طنجه والاخوه الاعضاء

مواضيع عشوائيه ممكن تكون تعجبك اخترناها لك: