الموضوع: محتاج مساعدتكم للضروره

سلام عليكم


شلونكم شخباركم




حجزنا الله يسلمكم في كوبثورن دبي ونبي الله يسلمكم جدول حلو وجميل لمدة خمسه ايام بشرط انه يتضمن الجدول على الاقل شاليه فيه حمام سباحه خاص + مطعم بحري حلو ويطل اطلاله حلوه من اي مكان مرتفع


ملاحظه مهمه : هل تنصحون بتأجير سياره من المطار ام من الفندق وكيف هي الاجراءات وماهو افضل مكتب تاجير للسيارات من المطار

للعلم المطار هو مطار الشارقة
المغادرة يوم الثلاثاء القادم باذن الله


ملاحظه شفت صور لبعض الشاليهات مثل ديزرت بالم

وشفت فندق ميناء السلام والقصر وشي رهيب صراحه هل تنصحون اتوجه لها من اجل الغداء او العشاء

مواضيع عشوائيه ممكن تكون تعجبك اخترناها لك:

• اللي حجز قبل كذا من موقع البوكنج
• اتمنى منكم اخواني الامارتين المساعده
• فيستفال سيتي استفسار ضروري
• فزعتكم يا أهل الامارات الطيبين
• اسعار البنزين
• شوية استفسارات خاصه في شقق فندقية
• طلب مساعده من خبراء دبي
• مطاعم الأسماك ؟ ؟ ؟
• اجازة في مدينة العين ؟؟
• دبي
• الفرعه وكل عام وانت بخير
• السكن في برج خليفه بدبي
• ارغب بشراء سيارة مستعملة ونظيفة من الامارات ماارخص المعارض وافضلها ؟
• تكفون فززعتكمم
• هارد روك كافيه دبي ينتقل إلى فستيفال سنتر، دبي فستيفال سيتي
• مين سكن في ادرس دبي مول الجديد
• لمحبي الراحة والاستجمام سبا و مساج
• ابي مشورتكم لاتقصرووووون
• الاستفسار عن مدينة ملاهي
• عندي ترانزيت في دبي ساعات اين اذهب

السلام عليكم

اول شي اخوي اهلا فيك في بلدك الثاني الإمارات

وبالنسبه للجدول

اقترح عليك تزور الأماكن التالية

1- مول الإمارات ( فيه سكي دبي وفندق كمبنسكي واكثر من 450 محل ومطاعم متنوعه)

2- ابن بطوطة سنتر (توجد فيه اكبر سينما في اإمارات وبها 21 صالة إلى جانب الآيماكس)

كما يوجد به تصاميم لعدة دول منها مصر والأندلس والصين وإيران)

3- الوايلد وادي ( حديقة مائية)

4- دبي دولفيناريوم (عرض دلافين في حديقة الخور ويفضل الذهاب يوم الأثنين بحكم ان سعر التذاكر 30 درهم في يوم الأثنين فقط)

أما الأيام الباقية ب 120 درهم والفي آي بي 150 درهم

5-مدينة مدهش (إذا كان معاك أطفال)

6- أوت ليت مول (على طريق العين ومعروف الآوت ليت برخص أسعاره)

7- الدراجون مارت أو السوق الصيني


اما بالنسبه لتأجير السياره فأعتقد انه من المطار احسن

وحاليا المكاتب اللي اذكرها في المطار هي ثريفتي لتأجير السيارات

وغدا ان شا الله بشوف شو المكاتب الموجوده وبخبرك

اما بالنسبه للمطعم البحري فأنصحك ببوم دبي

وبالنسبه لمكان ذو اطلالة عالية

فأنصحك بمطعم الدوار

الذي يقع في أعلى فندق حياة ريجينسي

وبالنسبه لمينا السلام

فأنا أقول لك المسار افضل

واي استفسار انا حاضر

السلام عليكم


الرابط فيه بعض الأماكن السياحية:
http://www.arabtravelersforum.com/travel191790/


-تأجير السيارة من المطار أفضل.

-انصحك بالغداء أو العشاء في مطعم المنُى(بوفيه) في فندق ميناء السلام :24: المكان راااائع
سعر الشخص بحدود 150درهم. ولبوفية له اوقات معينة.وبعد الغداء تقدرون تركبون العبرة(المركب) وتتجوهون للسوق ولكوفيات.

وإذا تريدون الأرخص مطاعم سوق جميرا(تابع لميناء السلام والقصر) المكان جداً رائع :24:
عالنهر الصناعي ولمطاعم ولكوفيات متنوعة. . معلومات أكثر فالرابط.



-مطعم سيفود في مطاعم مرسى دبي(المارينا) اطلالته وجلستاهم حلوه لاكن مش في مكان مرتفع.


-مطاعم برج العرب إطلالتها حلوه لاكن مش رخيصه بعض المطاعم سعر الشخص =350درهم
وبعضها =500درهم.


-يوجد مطعم (أكلات بحرية) في وسط البحر في فندق القصر وتوصل له بممر خشبي من الشاطئ إلى داخل البحر .للأمانه ماجربته وماعرف عن أسعاره.


-وإذا ماتمانع مطعم (أكلات بحرية) لاكن ديكوره عادي ، مطعم الشوكة الذهبية وأسعاره ممتازه بالذات عندهم اللوبستر بالجبن :24:



وأي سؤال ثاني نحن حاظرين



.

خيارات جميله

شكرا ولد زايد + بنوته الامارات


أصيل العود

اسال عن شاليهات غنتوت على طريق ابو ظبي

خارج دبي

شكرا ولد زايد + بنوته الامارات + makntosh



ابشركم قضينا احلى و امتع الأوقات وكل اللي قلتوه 80 % رحنالهم وفعلا الامارات من اروع الاماكن اللي زرتها


طبعا كان حجز السياره بالمطار وكان كل المكاتب اسعارها فوق 200 درهم


اخذت كورولا 2006 ب120 درهم والسعر اشوفه عندي مناسب حيييل


اما الفندق فكان اسمه كوبثورن دبي عند سيتي سنتر


الشي اللي طافني كان السوق الصيني مع العلم اني كنت قريب منه لكن ما ادري شنو اللي نساني ومارحتله مع العلم انها كانت اول سفره لي للامارات

بس حسيت كاني في وسط ديرتي وماضعت نهائيا ولا شي كله على اللوحات والخريطه اللي معي اللي استلمتها من مكتب التاجير



ان شاء الله انها مو اول مره ولا اخر مره باذن الله راجعلها:113:

حمدلله على السلامه

ونبي تقرير مصور

واذا ما كنت مصور سولفنا عن السفره

وش اللي اعجبك وش اللي ما اعجبك

وش اكتشفت لنا من جديد ؟

بالعربي عطنا علومك