الموضوع: مجمع العربيد بالفروانية

السلام عليكم ورحمة الله وبركاته

اليوم ذهبت إلى مجمع العربيد للجلابيات, وموقعه خلف الجمعية التعاونية

وهو عبارة عن طابقين بهما الكثير من المحلات والخياطين ولكن للأسف

مستوى الخياطة سيء للغاية ولم أتوقع أن المجمع بهذا الشكل, فنصيحتي

عدم الذهاب لهذا المجمع ولكم القرار.

مواضيع عشوائيه ممكن تكون تعجبك اخترناها لك:

• نداء عااااجل لأهل الكويت وللخبراء بالغاليه الكويت
• اول زياره لي
• مبروك للكويت وأهلها
• الرجاء المساعده ضرورى
• الفزعه يا اهل الكووويت
• محتاج مساعدة في التراث الكويتي
• مسافر للكويت بالعائلة ولاول مره ومحتاج مساعدتكم
• من ممكلة البحرين أبي جدول يومي يكون رومنسي
• جوانزو بعيون عائلة إماراتيه
• اماكن ترفيهية
• أسعار قرص اللغة الانجليزية في المعهد البريطاني و الامديست و الجامعة الامريكة
• أريد أسامي محلات بيع تشكيلات الولادة و القرقيعان
• بزور الكويت أول مره مساعده في افضل مكان للسكن
• سيرك في هلا فبراير
• استفسار بسيط
• مركز بروي
• فزعتكم يا أهل الكويت الكرام
• اين ابراج الكويت والحديقة الترفيهية وحديقة الحيوان ويوم البحار في الكويت
• ماهو افضل مسجد لصلاة التراويح في الكويت
• لو سمحتوا ، موقع فندق بودل عن طريق قوقل ايرث

[frame="8 80"]هلا وغلا برسالة ود

يعطيج العافية

وشكرا على النصيحة

دمتي بكل الود[/frame]

شكرا لج ونتمني مشاركه هادفه

لا بالعكس حبيبتي
المجمع حلو وخياطه روعه
لكن الخياطين اللحين خاشين ( مخبيين) كل الموديلات الحلوه
و يطلعونها في رمضان والعيد
حتى انا رحت له من يومين خيطت دراعتين
بعد طول بحث.....
بس لازم تفرين محل محل وتدورين عدل....
الاحسن انج تنتظرين الى العيد

والله انا وخواتي ومرت اخوي على طول انفصل عنده
والخياط حلو من ناحية تفصيل الدراريع او العبي

اما المبنى ف صحيح انه قديم
ولكن اللي فيه يستاهل العنوه
لأن اسعاره ارخيصه و عندهم موديلات حلوة

اختج
(ام خالد زوجة يم الدريشه )

العربيد شغله روووعه ولا يعلى على واحسن من المشاغل اللي ينهبون الفلوس بدون ذمه وضمير تخيلي خيطت عند مشغل دراعه 38 دينار لقيتها بالعربيد ب12 دينار من عقبها ما أخيط إلا بالعربيد

ماني عارف عن مجمع العربيد مازرته بس الشباب والبنات دايم يمدحونه

وشو يعني عربيد ؟؟؟

اسمع فيها ونقولها لكن ما اعرف معناها

بالعكس عزيزتي

انا اختلف برالراي معاج

مجمع العربيد بالفروانيه

فيه خياطين متنوعين

خاصين لخياطة الدراريع + العباءه + الملافع

وصراحه مكان يستحق العنوه

وانا كل سنه حق رمضان اروح اخيط عندهم

اسعارهم حلوه ومديلاتهم احلى

...........


ومعنى اسم العربيد = هذي اسم عايله بالكويت اسمها عايلة العربيد مشهوره بالكويت

المشاركة الأصلية كتبت بواسطة يم الدريشة
http://www.arabtravelersforum.com/tr...9/#post1440319

والله انا وخواتي ومرت اخوي على طول انفصل عنده
والخياط حلو من ناحية تفصيل الدراريع او العبي

اما المبنى ف صحيح انه قديم
ولكن اللي فيه يستاهل العنوه
لأن اسعاره ارخيصه و عندهم موديلات حلوة

اختج
(ام خالد زوجة يم الدريشه )



من قرسيت الرد تعقدت وشكيت بنفسي لكن من قريت التنويه اخر شي رد عقلي لي والحمدلله

اهلا ام خالد زوجه محترفنا الغالي بو خالد يم الدريشه

المشاركة الأصلية كتبت بواسطة رسالة ود
http://www.arabtravelersforum.com/tr...6/#post1438573

السلام عليكم ورحمة الله وبركاته

اليوم ذهبت إلى مجمع العربيد للجلابيات, وموقعه خلف الجمعية التعاونية

وهو عبارة عن طابقين بهما الكثير من المحلات والخياطين ولكن للأسف

مستوى الخياطة سيء للغاية ولم أتوقع أن المجمع بهذا الشكل, فنصيحتي

عدم الذهاب لهذا المجمع ولكم القرار.




يا هلا بالاخت رساله ورد والناس اذواق اختي


اولا مجمع العربيد هذا قديم جدا وهو خاص بالتفصيل يعني انتي اللي تسوين الموديل اللي يعجبج ومن بنات افكارج ويا كثر افكاركم انتوا يالحريم

مستوى الخياطه عادي جدا يعني وحده تبي تخيط عبايه اكيد عادي المهم القص وهذا اللي اعرفه بحكم خبرتي مع الزوجه الغاليه تقوللي اهم شي اللي يقص الموديل

في بعد مجمع العربيد بلازا وهو على الشارع العام ايضا فيه محلات عبي وملافع وفي بعد مغاتير

ومثل ما قلت لج الناس اذواق واللي ما يعجبج مو ضروري ما يعجب الناس كلها

شاكر لج تقريرج واتمنى ان ناخذ منج رساله ورد حقيقيه على اسمج

اخوج ناصر كويتي

أشكر جميع من رد على مشاركتي وما عندي علم إن الموديل أنا أختاره لأني من خارج الكويت ومستوى الدراريع المعروضة للبيع كانت سيئة وياليت إذا تعرفوا محل معين وخياطته مميزة تدلوني عليه
وبالنسبة لأخوي ناصر أولا أنا تكلمت عن مستوى خياطة الدراريع وماتكلمت نهائيا عن العبي
ثانيا ياليت ترجع تقرأ مشاركتي أنا قدمت نصيحتي ثم قلت(القرار لكم)يعني ماقلت طالما ماعجبني لازم
ما يعجبكم وأخيرا المشاركة كانت بإسم رسالة ود وليس رسالة ورد

السلام عليكم ورحمة الله وبركاته
في ثلاث مجمعات في الكويت للعربيد
العربيد بلازه في الفروانيه
العربيد جلري في الفروانيه جنب العربيد بلازا
العبيد للذهب
في الفروانيه جنب مطعم المطيري

الي يقول العربيد مو شي ما عندة سالفة

مجمع عادي صراحة ، و الخياطين بالنسبة لي أحسن من هالمشاغل و الحريم اللي يخيطون الدراعة بدبلات أسعارها

انا صراحه يعجبني شغله وسعره حيل رخيص مقارنه في المجمعات الثانيه
ودايم اخذ منه دراريع حق القرقيعان ورمضان

بس صارلي فتره وطيله ما رحتله اكثر من سنتين تقريبا لاني اخر مره شريت من مجمع الأوقاف

واذا عندج موديل او شي معين في بالج يضبطونه لج وهذا عن تجربه شخصيه

انا كويتية ولا مره بحياتي شريت من مجمع العربيد ... هالمجمع له ناسه وهالناس خبره بالخياط والتطريز ولهم خلق انهم يطلعون موديلات ويفكرون وفي النهاية لما اشوف وحده لابسة عباااايه عجييييييييييييبه اسألها من وين تقول العربيد !!!!
الي عنده موديلاات حلوة وافكار يروح هناك

مشكورين على المعلومات

يعطيك العافيه

ها نعم؟
شنو شالشالفه؟
شفيكم شصاير؟

المشاركة الأصلية كتبت بواسطة أم عزيـز
http://www.arabtravelersforum.com/tr...4/#post3038304



بس صارلي فتره وطيله ما رحتله اكثر من سنتين تقريبا







لووووول وطيله

خخخخ بدليه:106:
طحنا عليييج ام عزووز لوول:109:

انا اختي شرت دراريع من الاوقاف واسعرهم دبلات ولقتهم مسكينه بالعربيد بسعر اررررخص بوايد والعربيد لازم اتفرين فيه عدل وطالعين وكل محل غير شغله عن الي جنبه وحتى الحريم الي عندهم مشاغل وينزلون معارض تلاقين موديلاتهم كله من العربيد ويبيعون بسعر اغلى بواايد

طيب عندي سؤال ..

زيارتي قصيره جداً جداً للكويت .. يعني ماقدر ازور العربيد الا مره وحده ..

فـ هل ممكن احصل عنده جلابيات جاهزه؟؟

واذا لا .. وين ممكن احصل الشي الجاهز؟؟

بالعكس مجمع معرووف ..وخاص لعبايات الحريم

هههههههههههههههههههههههههههههههههههه شفيكم تتهاوشون على العربيد الحمدلله والشكر ترا صج مو حلو ويع

الفروانية حي بالكويت
ولا مدينة جنب مدينة الكويت ؟
واللي وده يصل لمجمع العربيد الفروانية وش يسأل عنه
وياليت احد يوصفه لنا باقرب شي مميز حوله

غفر الله لكم

مشكورين على المعلومات الحلوه

وين مكانه هالمجمع بالضبط ؟؟؟
وهل ممكن الاقي فيه ملابس جاهزه ولا لازم افصل ؟؟؟

اختي عايشة الفروانيه حي في الكويت ومو بعيد عن مركز المدينة يمكن ربع ساعة والعربيد فية تفصيل بس فية المولات الي حذالهم كل الي عندهم جاهزة العربيد بلازا واللحمرا مول
والاخت سارة المجمع يكون ورا جمعية الفروانية اذا عندج الجارمن خليه توديج الفروانية وبعدين سوي سيرج على التسوق بيطلع لج كل الاسواق

اذا عن المكان اكيد مو حلوو ،

بس احسن من المشاغل الي ياخذون على اللبس اكثر من 100 و بالاخر ما يسوى شي

و انا يعجبني اذا كان عندي موديل و بغيت احد يسوويه لانه اهني يضبطونه و ما ياخذون اكثر من 25 .. =)

عاد الحريم رايحن جاين علية و يمدحونة

مرحبا انا زرت مجمع العربيد قبل سنتين ولا عجبني وانصدمت بصراحه منه لاني كنت متوقعه راح احصل دراعات حلوة وفخمه
يمكن لان احنى في سعودية متعلمين على الجاهز ونحصلهم باسعار ممتازة وموديلات حلوة.

امممممم انا ولا مره رحت بس رفيجاتي يمدحون المكان وبعدين وايد ارخص من غيره خصوصا بالدراريع تلاقونها دبل سعرهم بره
والعبايات يقولون حلوين هناك
يمكن صارلج موقف بس ما يمنع ان العربيد فيه اشياء حلوه

طيب كم يوم يفصلون يعني ممكن يخلص بيوم يومين

اللي فهمته منكم ان فيه اكثر من عربيد اي واحد افضلهم وافضل المحلات فيهم وين؟


وافضل مكان ممكن الاقي فيه دراريع حلوه وغريبه وجاهزه وسعرها حلو وين وبرضه ميني دراعه ؟

الله يعوض عليج بس اكيد في محلات شغلهم عدل

طيب ياليت تعطونا اسم الخياط المضبوط واسم المجمع وضحوا لنا اكثر خاصه للي من خارج الكويت

العربيد في محافظة الفراونية عبارة عن مجموعه من الخياطين عارضين دراريع للخياطة المبنى قديم جداً ومتهالك بصراحه انصدمت لما شفته على الوصف اللي اسمعه عنه ودراريعه جداً عاديه واسعارها مو رخيصة حيل يعني وسط ومو اي خياط يضبط الموديل والقياس انا خيطت عند واحد خلصهم بيومين بس القياس ابداً مو قياسي لما رديت ديرتي انصدمت حده صغير رحت ودفعت عليه مبلغ اضافي للتصليح
هذا مايمنع انه له زباينه ويقال ان اوقات العيد ورمضان ينزلون موديلات حلوة بس تكون غاليه وترخص بعد العيد مباشرة

السؤال : الكويت مشهورة بدراريعها الكشخه اللي فيها موديلات مثل اللي نشوفها على الممثلات او المذيعات وين اقدر احصلها سواء تفصيل او جاهز ؟

نبي ردود علشان الكل يستفيد

اذا دورتي عدل تلقين موديلات حلوة وخياط مرتب
وفعلا انا أخذت نفنوف من مصممه كويتية ب50 د وبعد مدة شفته بالضبط نفس اللون والخامه وكل شي ب 12 دينار يومها تعقدت وانقهرت وحبيت العربيد أكثر هاهاهاها بس ها مو كل شي حلو مثل ماقلت أغلبهم هلاقه بس دوري السمبل والشيك

المشاركة الأصلية كتبت بواسطة هاهنا
http://www.arabtravelersforum.com/tr...3/#post4250783

العربيد في محافظة الفراونية عبارة عن مجموعه من الخياطين عارضين دراريع للخياطة المبنى قديم جداً ومتهالك بصراحه انصدمت لما شفته على الوصف اللي اسمعه عنه ودراريعه جداً عاديه واسعارها مو رخيصة حيل يعني وسط ومو اي خياط يضبط الموديل والقياس انا خيطت عند واحد خلصهم بيومين بس القياس ابداً مو قياسي لما رديت ديرتي انصدمت حده صغير رحت ودفعت عليه مبلغ اضافي للتصليح
هذا مايمنع انه له زباينه ويقال ان اوقات العيد ورمضان ينزلون موديلات حلوة بس تكون غاليه وترخص بعد العيد مباشرة

السؤال : الكويت مشهورة بدراريعها الكشخه اللي فيها موديلات مثل اللي نشوفها على الممثلات او المذيعات وين اقدر احصلها سواء تفصيل او جاهز ؟





أذا تبين الحلو والكشخه روحي عند السعفة او انسام الخلف في وايد مصممات دشي منتدياتنا وطبي وتخيري بس هااا عاد دفعي مبلغ وقدرة

يعطيك العافية

وين فيه مصممات غيرهم؟؟

امممممممم
ابصراااحة انا متابعه بالطبعات كثير
بس لازم اشتري لامي وعمتي هدايا من الكويت
وماافي أنفع من الدراعات
ابصراااااااحة من لقيت العربيد وانا ارتحت
لانها غريبة مو زي اللي عندنا بالغربية (مكة وجدة)
وكل من شافهم يقولون من وين

واذا تبين كششششخة في بالحمرا مول ماره حلوووو

ويروح ويجي على الأذواق
بس العربيد خياطتهم روووعة