الموضوع: سياحة سريعة يومين في البحرين وجزر امواج

مرحبا اخواني واخواتي ...


حبيت اشارككم رحلتي القصيره جدا الى البحرين ... وكان السبب الرايسي للسفر هو الاستجمام يومين في منتجع ذا دراقون ....
من حظنا ان السفره كانت بتاريخ 29-4-2010 وكان الجو حلو مش حر وبالليل يصير وايد حلو مما شجعنا على التمشي ليلا في جزر امواج ...


خلونا نبدأ الرحله ... بمطار الدوحة الدولي ..



قعدنا في كوستا نتفطر لان رحلتنا الساعه 12 وكنا في المطار الساعه 10 ..



بعدها شلينا قشنا وركبنا طيارتنا وطرنا للبحرين .. اول ماطلعنا من مطار البحرين ... شفنا تاكسي يشبه تكاسي لندن .. قلنا نجربه ونركب ...


وهاي التاكسي من داخل





ومشى فينا التاكسي باتجاه جزر امواج في محرق .. وهي حقيقتاً قريبه من المطار








وقربنا جدا من جزر امواج وصار البحر على يمينا طول الطريق ...



وهاي المباني في جزر امواج بدت تظهر لنا من الشارع العام ..






ودخلنا جزر امواج



والى فندق ذا دراغون وسي لوفت



وصلنا منتجع ذا دراقون وهاي المواقف



ذا دراغون



ونزلنا من التاكسي وحاسبناه .. وبعدها رحنا للريسبشن نستلم الغرفه ..



وهاي صاحب التاكسي قاعد يعد فلوسه



امام باب الرسبشن ...



انتظرونا ... في الجزء القادم تفاصيل السكن ...

مواضيع عشوائيه ممكن تكون تعجبك اخترناها لك:

• مكتب حجوزات الفنادق في الجسر بين السعودية والبحرين ؟؟
• هل الجو بارد في بداية ديسمبر
• شقق قريبه من السيف
• كيف الاوضاع الان في البحرين
• فندق يوجد فيه انترنت واير لس
• حبايبي هل البحرين ممكن تساعدوني
• وكالة تويوتا
• سااااااااااااعدونى
• احلى قصات شعر الرجال في البحرين
• الوضع الأمني في المناطق الشعبية
• كيف الوضع في البحرين آمان؟
• الدبلومات ام الرجنسي
• اذا جيت من السعوديه للبحرين كيف اوصل لمجمع السيتي سنتر
• الله يرضى عليكن أفضل مشغل بالبحرين ؟
• وين أحصل هوتيل بخدمة وايرلس انترنت بالغرف
• استئجار سيارة من مطار الدمام الي البحرين
• ترانزيت ساعات وين اقدر اروح ؟
• مساعده اذا سمحتوا
• زيارتي للبحرين ولأول مرة
• محتاج مساعدكم اول مره اسافر للبحرين

شكرا اخوي مسافر البحرين .. وياهلا باول واسرع رد وصلني ... وطمني ان شاء الله الصور طالعه ...

ماشاءالله بدايه جدا حلوه


الحمدلله على سلامتكم وحياكم الله بالبحرين يالغاليه ..


بانتظار الجزء القادم .. متابعين

اهلا وسهلا بمزون بصراحه اهل البحرين دايما ترحيبهم حار وسريع وبشوشين والظاهر مشرفين بوابة البحرين نفس الشي

كل الشكر لكم على سرعة الرد والتشجيع

ان شاء الله بو احمدي .راح اواصل

اشكرك على ردك اللطيف

دخلنا الرسبشن .. كان صغير نوعاً ما بس فيه جلسه صغيره للإنتظار ..



حجزنا كان سويت غرفة وصاله والحجز عن طريق احد المواقع بالانترنت وكان ارخص عرض شفناه بسعر 800 ريال لليله تقريبا ... ولين رحنا كانت كل السويتات الي بغرفه وحده مخلصه فعطونا سويت بغرفتين نوم وصاله و 4 حمامات ومطبخ ومكتب .. بس قفلو عنا غرفه وحده بحمامها فبقى لنا باقي السويت 3 حمامات + مطبخ + صاله + غرفة نوم + مكتب ....

هاي شنطتنا اليتيمه الصغيره الي كانها مالت هاواي خخخخ اخذها الخادم بالترولي الى الغرفه



من هالممر نروح لحمام السباحه في الجهه المقابله للبحر



وهاي العاب للاطفال (( والكبار مثلنا اذا حبو يلعبون )))



ركبنا اللفت الى الدور الثاني



وهاي صوره للمنطقه المحيطه بالفندق من الدور الثاني ..



هاي المواقف الصوره مأخوذه من الدور الثاني



المزيد من الصور العلويه لمحيط الفندق








ووصلنا الغرفه ... ولحد الحين وانا كنت حاسه ان اثاث الغرفه راح يكون عادي او اقل من العادي مادري ليش ..





ودخلنا الغرفه ... وبصراحه اتفاجأنا ان الغرفه والاثاث وكل شي كان فووووق المتوقع بواااااايد بصراحه حبينا الغرفه والفندق بكبره روووووووووعه ...

خلوني اخذكم بجوله قصيره في السويت ... نبدأ جولتنا بالمطبخ ... هاي البوابه المؤديه الى المطبخ ..



المطبخ من الداخل وفيه كل ادوات الطبخ و غرشتين ماء و عدة القهوه والشاي مجانا ..



هاي الباب الي في الوجه هو باب السويت وهالممر يؤدي الى الصاله ... تعالو حياكم ..



حياكم في الصاله ...



تعجبني اللمسات الجماليه في المكان





طاولة الطعام .. على طرف الصاله



شي حلو وراقي



منظر عام للصاله .. بس اسمحولي عالعفيسه خخ



















وهاي المنظر من شباك الصاله وغرفة النوم يطلع على البحر وحمام السباحه وفي الجهه المقابله فندق سي لوفت














ادري .. كثرت صور الصاله ... لهالسبب بخليكم الحين ترتاحون ... وبعدين ننتقل الى الجزء الاخر من السويت

اتمنى اني مااكون مللتكم

احساس هادئ

ياهلا ومرحبا فيك ...

بخصوص السويتات والاثاث الظاهر مثل ماتقول ان كل غرفه غير بس الطابع العام نفس الشيء

اما بخصوص السعر

السعر بالريال القطري يعني نفسه الريال السعودي

واذا اي استفسار انا في الخدمه

ماشاء الله عليكي تقرير حلو على الزيارة القصيرة و الفندق فعلا مفاجأ فخم و فوق المتوقع و سعرة مناسب جدا على مستوى الصورة و الله يوفكي وكل مواضيعك الى قريتها عنكي ابداع كل واحد احلى من الثاني تسلمين

صور روعههههه مرا
بس حيبت اسئل هل يوجد غرفه وصاله وحمام وبكم
او يوجد غرفه بالحمام حقها بس

المشاركة الأصلية كتبت بواسطة مـزون
http://www.arabtravelersforum.com/tr...3/#post3899043

جزء حلو


يعطيج العافيه اختي ..


ومتابعين معاج



ياهلا ومرحبا فيج اختي مزون مره ثانيه








المشاركة الأصلية كتبت بواسطة بحريني غير
http://www.arabtravelersforum.com/tr...9/#post3899169

تقرير رائع أختي العزيزة وجزر أمواج كانت اختيار موفق لروعة مرافقها وهدوءها وقربها من مطار البحرين الدولي ,, وحياكم الله بين أهلكم وناسكم ويالله ننتظر زيارتكم القريبة طبعاً



جزر امواج في المستقبر بتكون حلوه وروعه بس الحين المشكله في المرافق مافيها شي قريب كلشي لازم تنزل على الاقل لين عراد اذا احتجت شي بس عقب سنتين بالكثير راح تكون روعه شرفني تواجدك واتمنى القاك من المتابعين






المشاركة الأصلية كتبت بواسطة مشوت الضفادع
http://www.arabtravelersforum.com/tr...4/#post3900494

واصلي واحنا معاكي

اتمنى تتكلمين اكثر عن المجمع اكثر واكثر واكثر

لك مودتي



ياهلا فيك وان شاء الله راح اتكلم اكثر واكثر واكثر

وان شاء الله الي بقوله بيعجبك






المشاركة الأصلية كتبت بواسطة violetq8
http://www.arabtravelersforum.com/tr...2/#post3901282

ماشاء الله عليكي تقرير حلو على الزيارة القصيرة و الفندق فعلا مفاجأ فخم و فوق المتوقع و سعرة مناسب جدا على مستوى الصورة و الله يوفكي وكل مواضيعك الى قريتها عنكي ابداع كل واحد احلى من الثاني تسلمين



يشرفني ويسعدني لين اشوف احد الاعضاء دائم التواجد في تقاريري ودايما يشجعني مثلك .. وللعلم انا بعد قريت كل تقاريرك وعجبتني جدا جدا يعطيك العافيه اخوي العزيز






المشاركة الأصلية كتبت بواسطة المسافره2000
http://www.arabtravelersforum.com/tr...5/#post3901335

صور روعههههه مرا
بس حيبت اسئل هل يوجد غرفه وصاله وحمام وبكم
او يوجد غرفه بالحمام حقها بس



اكيد يوجد غرفه بصاله وحمام ... بس بالنسبه للاسعار ماعرف بالضبط لازم تدخلين تشيكين في النت او تتواصلين مع الفندق مباشرة بس حطي في بالك ان الفندق بيعطيج سعر اعلى من الاسعار المتوفره في مواقع النت مثل بوكينق وايزي بوكنق وقت اهوتل .. الخ

قبل ما أبدأ هالجزء حبيت اشكركم كلكم على التشجيع وعلى الردود الحلوه بصراحه تشجعون الواحد انه يكمل ويكتب


اخر شي شفتوه معاي الصاله ... والحين نكمل الجوله داخل السويت .. وباخذكم الحين الى المكتب ...





شوفو الثريا حلوه ...








وهاي حمام المكتب .. وكنت مخصصته لي يعني حمامي خخخ



الحين ننتقل الى غرفة النوم الجميله ...والمريحه ... وبعد لاحظو الثريا حلوه ... بصراحه الاثاث روعه




















داخل الخزانه موفرين لنا روب + 2 سليبر



وطبعا الخزنه موجوده ..



والحين نشوف حمام غرفة النوم وفيه دش + بانيو



وهاي الصابون والشامبو والبلسم والذي منه ..







حبيت اذكر لكم ان الانترنت وايرلس في الغرف برسوم 10 دنانير لمدة يوم كامل ..
وبهاي اكون راويتكم كل مرافق السويت .. والى اللقاء في الجزء القادم ... والمزيد من المنتجع بشكل خاص والبحرين بشكل عام

الأخت احلى من العقد لبــــاســـــــه
أهنيك على الاختيار الموفق للفندق وما شاء الله الصور حلوة وحتى السعر ممتاز
أتمنى انكم استمتعوا بإجازتكم
تقبل خالص تقدير واحترامي

ماشاءالله التقرير روووووووووووعه
والتعليقات احلى
شكراااااااااااااااااااااااااااااااااااااااااااا

المشاركة الأصلية كتبت بواسطة ..كوكو شانيل..
http://www.arabtravelersforum.com/tr...9/#post3902359

ما شاء الله تقرير روعه

الله يعطيك العافيه ..

والحمد لله على سلامتكم .




الله يعافيج وشكرا على الرد ماقصرتي






المشاركة الأصلية كتبت بواسطة bufahad
http://www.arabtravelersforum.com/tr...6/#post3903516

الأخت احلى من العقد لبــــاســـــــه

أهنيك على الاختيار الموفق للفندق وما شاء الله الصور حلوة وحتى السعر ممتاز
أتمنى انكم استمتعوا بإجازتكم

تقبل خالص تقدير واحترامي

ياهلا وسهلا فيك ماقصرت وشكرا على الرد





المشاركة الأصلية كتبت بواسطة الماسة الكويت
http://www.arabtravelersforum.com/tr...2/#post3904332

ماشاءالله التقرير روووووووووووعه
والتعليقات احلى
شكراااااااااااااااااااااااااااااااااااااااااااا



عفوا وحياج الله شكرا على الرد

بعد ماحطينا شنطنا في الغرفة ... اتصلنا على الرسيبشن عشان يطلبون لنا تاكسي لان المنطقة خاليه من المواصلات ...

وصل التاكسي بعد نص ساعة من الاتصال ... وركبنا التكسي واول مكان قررنا نروحه سوق محرق ... وهيا الى سوق محرق





ووصلنا لسوق محرق .. ,وقبل الدخول للسوق فيه مبنى قديم يخص هيئة التراث .. تقريبا مب متذكره الاسم



واحلى شي ... ددعاء دخول السوق في بداية السوق ...





حسب مالاحظت .. ينقسم سوق المحرق الى 3 اقسام تقريبا .. اول قسم للحلوى والمتاي .. والقسم الثاني للملابس الجاهزه البسيطه والازياء الهنديه والقسم الاخير للعبايات و الاكسسوارات النسائية ..













كان لي غرض ابيه من الحواج ... ولقيت حواج في سوق محرق







وهاي اخيرا قسم العبايات ..





السوق كبير ومتفرع ومتشعب ... واحنا بصراحه تعبنا و كنا ميتين من اليوع ... فقررنا نروح لمجمع العالي ... نتغدا فيه ...

وهاي صور من الطريق الى مجمع العالي ..



اعتقد اسمه مركز التجاره ... وجمبه على طول مودا مول ...



















والى اللقاء في مجمع العالي ...

ما شاء الله عليك احلى من العقد
ابداع مستمر وجهد واضح منك
متابعين معاك

ياحيالله بوفهد


اشكرك على المتابعه ماقصرت

وياج يا أخت احلى من العقد

ياحي الله ابو فهد ... سعيده بتواجدك

المشاركة الأصلية كتبت بواسطة احلى من العقد
http://www.arabtravelersforum.com/tr...9/#post3908529

ياحي الله ابو فهد ... سعيده بتواجدك



الله يحيج
لا تطولين علينا بالتقرير

ربي يعطيك العافية أختي أحلى من العقد بصراحة تقرير جميل وممتع وتراك شوقتينا حق السهرة نبي نعرف وين قضيتم السهرة

المشاركة الأصلية كتبت بواسطة bufahad
http://www.arabtravelersforum.com/tr...0/#post3908610

الله يحيج
لا تطولين علينا بالتقرير




ان شاء الله ياهلا فيك





المشاركة الأصلية كتبت بواسطة ابوعزام
http://www.arabtravelersforum.com/tr...5/#post3910575

ربي يعطيك العافية أختي أحلى من العقد بصراحة تقرير جميل وممتع وتراك شوقتينا حق السهرة نبي نعرف وين قضيتم السهرة



ابوعزام اهلا وسهلا فيك .... وان شالله بتعرف اش سوينا في السهره بس خلك متابع ومِشكور عالرد

بعد ماشبعنا دواره في الاسواق رجعنا الفندق وسهرتنا بدت امام شاشة التلفزيون ...

وبعدها سمعنا صوت اغاني من تحت ... طلينا من الدريشه الا نشوف




اكتشفنا ان في الاسفل في حفلة .. قلنا يمكن عرس .. بس عقب عرفنا انهم موظفين في شركة معينه و هاي حفل عشاء عمل ...





ما ستحملنا .. قلنا يالله ننزل نتمشى ونستكشف الاجواء .... ونزلنا من السلم



المكان في النهار هادئ جدا .. وفي الليل هادئ جدا جدا جدا بستثناء اصوات موسيقى خفيفه جايه من حفل العشاء



الضحك علينا ممنوع خخخخ ... شفنا العاب الاطفال جدامنا .. فقلنا هجوووووووووووووووووووم



بصراحه احلى شي الزحلاقيه خخ



وبعدها قمنا نتمشى على البحر قريب حمام السباحه عشان نتطمش على الحفل خخخ



الجو كان حلووووووو حلووووووو حلووووووو برااااد ومطر خفيف







ومازلنا نتمشى داخل فندق ذا دراقون حول حمام السباحه





واكتشفنا باب سري .. ياخذك الى مادري وين يمكن غرفة الكهرباء



بعدها قررنا ننطلق نتمشى في الشوارع العامه لجزر امواج ..





وهاي فندقنا من بعيد



وهاي من الشارع المقابل للفندق



وماودنا نرجع للغرفه نتمشى ومشغلين اغاني من الجوال وسوالف وضحك وركض



وهاي فندق سي لوفت من الامام



واخيرا ... شفنا شي رجعنا لغرفتنا ... شي مرعب ويلوع الجبد خخخ



وبهاي انتهت سهرتنا لليوم .. سهرة بسيطه بس استانسنا وايد .. والى اللقاء لنهار اليوم الثاني ...

احلى من العقد
10 من 10

مشكور ابو فهد عالمتابعه

ماشاءالله اختي شكلها السفره نسائيه بحته ؛)


الحمدلله انكم تونستو واهم شي ان الجو هذيك الايام كان حلو


متابعين معاج يالغلا ..

المشاركة الأصلية كتبت بواسطة مـزون
http://www.arabtravelersforum.com/tr...0/#post3916540

ماشاءالله اختي شكلها السفره نسائيه بحته ؛)


الحمدلله انكم تونستو واهم شي ان الجو هذيك الايام كان حلو


متابعين معاج يالغلا ..



هههه اهلين فيج وتقدرين تقولين سفره نسائيه خخخخخ

شكرا لمتابعتج ولردج






المشاركة الأصلية كتبت بواسطة bufahad
http://www.arabtravelersforum.com/tr...7/#post3917087

الله يعطيج العافية احلى من العقد

ما شاء الله جهد مستمر وصور روعه ....

بإنتظــــــــــار باقي التقريـــــــــــــر

ابو فهد اعجز عن شكرك لمتابعتك وتشجيعك ماقصرت اخوي العزيز

تقرير حلو ورائع بس ياليت اسعفتو الصرصور المسكين هههههههه جبانه انتي واللي معك.. ننتظر الزيد

المشاركة الأصلية كتبت بواسطة ابوعزام
http://www.arabtravelersforum.com/tr...9/#post3918349

احنا متابعينك خطوة خطوة حتى نهاية التقرير الأكثر من رائع وبدون مجاملة بس ياريت تعطينا في نهاية تقريرك ماهي ايجابيات المنتجع وماهي سلبياته إذا ممكن وعن اجمالي التكلفة لأني بصراحة ودي أروح له أنا والعائلة مع ملاحظة أن لدي من الأطفال خمسة ربي يحفظهم وياك وجميع أعضاء هذا المنتدى الرائع



ان شاء الله بوعزام بدون ماتوصي اصلا انا كنت ناويه احط لكم المميزات و المساوء بس اعتقد المميزات مبينه من تقريري .. اما المساوء فاخر شي راح اذكرها ... والله يخلي لك عائلتك ... اجمالي التكلفه في السكن قصدك ولا السفره ككل ؟؟؟





المشاركة الأصلية كتبت بواسطة ماء من السماء
http://www.arabtravelersforum.com/tr...1/#post3918801

تقرير حلو ورائع بس ياليت اسعفتو الصرصور المسكين هههههههه جبانه انتي واللي معك.. ننتظر الزيد



الله لا يلوع جبد احد ... خل يولي الصصرصور او الزهيوي احسن انه منقلب عشان مايركض صوبنا خخخخ

قريت من قبل في المنتدى عن مكان في جزر امواج اسمه ذا لاغون مول & بارك ... و حسب مافهمته انه مول حديث ومكان سياحي حلو ...

اتصلت بالرسبشن اسالهم عن كيفية الذهاب للاغون بارك ... قالت لي الموظفه ممكن نطلب لج تاكسي بس لازم تنطرين نص ساعه لين مايجي التاكسي .. فقلت لها هل مكانه قريب ؟؟؟ وكم يبعد اذا بروح له مشي

قالت لي يعني .. ربع ساعه وتوصلين ... قلت لها خلاص عيل بنروح مشي بما ان الجو حلو ... ودلتني اياه مكانه مايضيع ...

نزلنا من الغرفه بنية الذهاب مشي لذا لاغون بارك ..



هاي فلل الشاليهات التابعه لفندقنا .. وفيها مايزيد عن ال 5 غرف اضافتا الى حمام السباحه الخاص بكل فلا





وبدينا رحلة المشي الى ذا لاغون وطبعا في هالرحله راح تاخذون فكره عن شكل جزر امواج ... بصراحه راح تلاحظون انها مازالت تحت الانشاء







كنا تعبانين ورجولنا ثقيله بسبت الركض امس و السباحه الصبح .. صج مافي لياقه



الساعه كانت ال 3 عصرا ً .. بس اشوه الشمس ماكانت ظاهره ...

لو ملاحظين عدة البناء في كل مكان .. من بعيد ..



ودخلنا للشارع الرأيسي



والمنطقة الي امامكم هي اكثر منطقة معمره وجاهزه في جزر امواج .. اما الباقي مازال تحت الانشاء



قربنا من الدوار الي عليه الافته المؤدية الى ذا لاغون






اتوقع المنطقة في المستقبل راح تكون رائعه ... وقربنا خلاص من الهدف ...



شوفو من بعيد ... هاي فندق ثاني في مقدمة جزر امواج ... بس اعتقد مايطل على البحر ..





وبدينا نتعب بس قلنا خلاص قربنا بالذات ان احنا ضيعنا شوي والرطوبة زادت



ووصلنا لشارع الفنار الي يقع عليه ذا لاغون



شوفو جدام على اليمين هاي هو ذا لاغووون



كنا ناوين نتغدا في ذا لاغون .. بس حاولنا ندخل .. وجربنا هالباب ...




لقيناه مسكر .. وجربنا غيره وبعد مسكر والمكان مغبر وكانه مهجور .. اختي تقولي اصلا مبين انهم لين الحين مافتحوه وانا اقولها لا افتحوه قريت في المنتدى كاتبين انهم افتحوه وفيه مطاعم و محلات .. وركبنا من صوب المواقف عشان نشوف باب مفتوح



رحنا فوق وطلينا عالمكان من الشارع .. واكتشفنا ان المكان لين الحين مش مفتوح ولا فيه محلات ولا مطاعم والمكان تعصف فيه الرياح على قولتهم ..



عصبو علي وقالو لي الواحد ماياخذ على كلامج ... اش ذنبي اذا انا قريت ان المكان مفتوح عدنا ادراجنا وصار الجو حااار الظاهر احنا بدينا نحرق كالوريز عشان هالسبب احترينا



وهاي مجموعه من البيوت والشاليهات ذات الملكيه الخاصه .. بس بصراحه شي حلو





ووصلنا الفندق وطلبنا من الرسبشن يتصلون لنا على تاكسي ... ونطرنا نص ساعه



ووصل التاكسي .. وانطلقنا الى ..... ستي سنتر




اتمنى مره ثانيه .. اذا في شي مب جاهز لاتقولون انه جاهز لان احنا رحنا ضحية هالكلام هخخخخخ اراكم قريبا

من موقع
otel.com
تقدر تحصل سويت بغرفتين نوم مع الفطور بـ 370 دولار لليله .. طبعا هاي سعر شهر 7
booking.com
تقدر تلقى سويت 3 غرف بـ 637 دولار لليله
ولك حرية الاختيار وممكن تتصل دايركت للفندق وتسالهم عن الاسعار وهاي رقم تيلفون الفندق
0097316033833
وهاي العنوان الالكتروني للفندق
http://www.dragonresorthotel.com/

المشاركة الأصلية كتبت بواسطة bufahad
http://www.arabtravelersforum.com/tr...3/#post3923613

احلى من العقد ما عليه صارت الصكه براسج

وديتيهم المكان وطلع مصكر ..... يالله ما عليه كورس لياقة ببلاش
مشكورة على تقريرك المتواصل

ايه يالله مره تفوت ولا حد يموووت ... كل الشكل لك وعلى متابعتك





المشاركة الأصلية كتبت بواسطة ابوعزام
http://www.arabtravelersforum.com/tr...2/#post3923962

ربي يخليك أختي أحلى من العقد حقيقة لاأعرف كيف أشكرك لكن أدعو الله سبحانه وتعالى يحفظك من كل سوء وأعتقد أني أستحق البشارة بشأن تثبيت الموضوع ! شرااااايك



اكيد تستاهل البشاره افا عليك .... وشكرا لك على متابعتك ماقصرت

يعطيج الف عافيه على هالتقرير
صراحه كذا مره اجي مره البحرين ولا مره فكرت ازور هالمكان
صراحه مكان رائع وتحسين انج مو بالخليج

المشاركة الأصلية كتبت بواسطة marzouq
http://www.arabtravelersforum.com/tr...9/#post3926379

يعطيج الف عافيه على هالتقرير

صراحه كذا مره اجي مره البحرين ولا مره فكرت ازور هالمكان

صراحه مكان رائع وتحسين انج مو بالخليج

صح كلامك بالذات اذا كان الجو حلو ... بس في الصيف اعتقد ان الواحد ماراح يحس بحلاة المكان خبرك الحر ومايسوي ,,,, شكرا للرد واتمنى اني اشوفك من المتابعين





المشاركة الأصلية كتبت بواسطة سارووونه
http://www.arabtravelersforum.com/tr...5/#post3932625

الله وناااااااااااسه ..

شكل الرحله نسائيه من جد عشان كذا طالعه حلوه

عجبتني هالصوره ..




أخر روقاااااااااااااااااااااااااان



هههههههههههههههههههه


اكيد ... بالذات اذا مافيه حد ينغص عليج عيشتج خخخخخخخخخخخخخخخخخ


شكرا لمتابعتج الي سرتني

تقرير يشجع على المتابعة

يااهلا وسهلا فيك وفي متابعتك

المشاركة الأصلية كتبت بواسطة planazur
http://www.arabtravelersforum.com/tr...1/#post3933641

الســلام عليــكم ورحمة الله وبركاته


تقرير رائـــع بعد غياب طويل تقرير اكثر من رائــع


بارك الله فيــــك


منتجع رائــع واكثر شي يميزه الهدوء...




شي جميل حتى في قطر اتحصلها





هههههه امتحـــان






لكن غريبة نصف ساعة حتى يجي التاكسي...


عموما تقرير رائــع


منتظرين الجزء القادم ان شــاء الله




تحياتي



اهلا وسهلا فيك اخوي ... ويشرفني قرائتك للتقرير ... وبالنسبه للتاكسي فعلا هاي احد المساوء الى راح اذكرها في الفندق وانت ماشاء الله عليك لاحظتها ... شكرا لمتابعتك





المشاركة الأصلية كتبت بواسطة ابوعزام
http://www.arabtravelersforum.com/tr...4/#post3934354

احنا متابعين التقرير خطوة خطوة وننتظر الجزء الأخير على أحر من ( جو الدمام هاليومين ) هههههههه



هههههههههه ... الله يعيننا على هالحر وان شاء الله الجزء القادم يعجبك ... وشاكره لك متابعتك

متابعييييييين واياك ...
اول مره اتابع رحله بنوتيه ..

خوش تقرير
استنتعت حيل و انا اقراه
و احلى شي انكم كلكم بنات (قمة المتعه هاهاها)


الريزورت وايد حلو و شكله فخم حيل من داخل
و البحر و حمام السباحه شكلهم مغري

عليكم بالعافيه
و ناطره جسميز "ذكريات الطفوله هههه"

المشاركة الأصلية كتبت بواسطة سارووونه
http://www.arabtravelersforum.com/tr...0/#post3940100

بارت حلو ..

مجمع الستي سنتر يجنن بكل مكان ...سواء بدبي او عندكم بالدوووحه

عقبال مايفتح عندنا بالخبر ...




جسميز ..... عليه شيكن برجر ولا احلى ...



حتى البيف برجر حلووووووووووو


مشكوره على الرد حبيبتي





المشاركة الأصلية كتبت بواسطة برد اليقين
http://www.arabtravelersforum.com/tr...2/#post3940222

متابعييييييين واياك ...
اول مره اتابع رحله بنوتيه ..




اتمنى ان الرحله اعجبتك وماعليك البنات بعد مثل الشباب يفلونها ويستانسون لي راحو بروحهم خخ






المشاركة الأصلية كتبت بواسطة hambka q8
http://www.arabtravelersforum.com/tr...8/#post3945518

خوش تقرير
استنتعت حيل و انا اقراه
و احلى شي انكم كلكم بنات (قمة المتعه هاهاها)


الريزورت وايد حلو و شكله فخم حيل من داخل
و البحر و حمام السباحه شكلهم مغري

عليكم بالعافيه
و ناطره جسميز "ذكريات الطفوله هههه"



ااه على جسميز لذيذ وشهي

شرفني وجودي واستمتعت بقراءة ردج مشكوره على الرد

مشكووووووووووووووووره اختي
التقرير يجنن
عقبال ماتكميلينه
بتوفيق

اختك حلا~

المشاركة الأصلية كتبت بواسطة حلا~
http://www.arabtravelersforum.com/tr...0/#post3973490

مشكووووووووووووووووره اختي
التقرير يجنن
عقبال ماتكميلينه
بتوفيق

اختك حلا~





اي والله نسيته بس مشكوره انج ذكرتيني


وياهلا فيج

مبدعه كالعادة ورحلة نسائية بحته أحلم بتجربة رحلة مثلها

ننتظر الباقي من التقرير

يااهلا وسهلا غردينيا واشكرج على الرد اللطيف

تقرير جميل ومرتب وفعلا المنتجع جميل
وبعيد عن صخب وضوضاء المدينة
وياليت تحذفي الصور الشخصيه لان
فيه برامج توضح ماخلف المنيو

الف شكر

ما شاء الله تقرير أكثر من روووووووووعه

بس متعنيين العالي عشان الابراج !!

كان يمكم بالمحرق وهو اجدد فرع للمطعم حلوو ودورين

ويمه سينما وماكدونالدز يعني تقدرون تدخلون المطعم وبعدها سينماا

يالله ان شاء الله المره الجايه تروحوون له ..

وننتظر جزء جسميـــــــز معشوووق الكل

رحلة موفقة .. وأتمنى أنكم أستمتعتم ..

مع أن البحرين تدورينها بساعه لو معكم سيارة . . لانها صغيرهـ مرهـ .. لو مستأجرين سيارة يمكن أحسن ..


تراني ما أحب مياهـ الخليج العربي كلش ..

أحب الـبـحـر الأحـمـــر لانه صدق بحر يرد الروح .. بنسماته ..

وخاصة اذا طلعتوا رحلة بحرية .. وأكلتوا من صيدكم يا سلام ..


موفقين ..




.


.

المشاركة الأصلية كتبت بواسطة المشاغب
http://www.arabtravelersforum.com/tr...5/#post3979845

تقرير جميل ومرتب وفعلا المنتجع جميل
وبعيد عن صخب وضوضاء المدينة
وياليت تحذفي الصور الشخصيه لان
فيه برامج توضح ماخلف المنيو

الف شكر



اشلون يعني ماخلف المنيو هههههههه

لاتخاف الي بيشوف ماخلف المنيو بيتخرع وبيحرم يتعنى ويطلع الاشكال هههههه

والشكر كله لك وياهلا ومرحبا







المشاركة الأصلية كتبت بواسطة ..كوكو شانيل..
http://www.arabtravelersforum.com/tr...7/#post3982107

ما شاء الله تقرير أكثر من روووووووووعه

بس متعنيين العالي عشان الابراج !!

كان يمكم بالمحرق وهو اجدد فرع للمطعم حلوو ودورين

ويمه سينما وماكدونالدز يعني تقدرون تدخلون المطعم وبعدها سينماا

يالله ان شاء الله المره الجايه تروحوون له ..

وننتظر جزء جسميـــــــز معشوووق الكل



احنا كنا قاصدين عالي عشان نتمشى عقب لين السيف ونضيع الوقت بالتمشي في المجماعات بصراحه ملينا من السينمات وبعدين اعتقد اسهل نلقى تاكسي من المولات ... واااه على جاسميز وان شاء الله اكمل الجزء الباقي اليوم لاني مصختها من زمان ماكتبت

مشكوره كوكو شانيل على الرد






المشاركة الأصلية كتبت بواسطة mr.light
http://www.arabtravelersforum.com/tr...7/#post3982307

رحلة موفقة .. وأتمنى أنكم أستمتعتم ..

مع أن البحرين تدورينها بساعه لو معكم سيارة . . لانها صغيرهـ مرهـ .. لو مستأجرين سيارة يمكن أحسن ..


تراني ما أحب مياهـ الخليج العربي كلش ..

أحب الـبـحـر الأحـمـــر لانه صدق بحر يرد الروح .. بنسماته ..

وخاصة اذا طلعتوا رحلة بحرية .. وأكلتوا من صيدكم يا سلام ..


موفقين ..




.


.



صح كلامك اختي قالت المره الجايه بنستاجر سياره وهي بتسوق .. اوفر واحسن لان في يوم من الايام وصل حساب التاكسي 500 ريال .. وطبعا مافي مقارنه بين البحر الاحمر و بحر الخليج ... بس عاد وين انا ووين البحر الاحمر .. والخليج مايقصر

مشكور وكل التوفيق لك

تقرير يجنن اختي وجميييييل ووضحلي البيتش في الدراقون

سوا لي استغربت السعر الي وضعتيه 800ريال امس كلمت قالو 1500 والبوكينق قريب منه هذا اصغر سويت؟؟؟؟؟

المشاركة الأصلية كتبت بواسطة ..كوكو شانيل..
http://www.arabtravelersforum.com/tr...7/#post3982107

ما شاء الله تقرير أكثر من روووووووووعه

بس متعنيين العالي عشان الابراج !!

كان يمكم بالمحرق وهو اجدد فرع للمطعم حلوو ودورين

ويمه سينما وماكدونالدز يعني تقدرون تدخلون المطعم وبعدها سينماا

يالله ان شاء الله المره الجايه تروحوون له ..

وننتظر جزء جسميـــــــز معشوووق الكل




يعطيك العافية كوكو شانيل ممكن توصفي طريق مطعم الأبراج اللي بالمحرق مع خالص شكري وتقديري
وبالمناسبة مالاحظتي أن اختنا أحلى من العقد مو راضية تكمل الموضوع لكن الله يسامحها ممكن تكون مشغولة لكن حننتظر الموضوع يعني حننتظر هههههههههه

مع انها قصيره الا انها كافيه ووممتعه
بس زعلتيني منك
من اخر صورة بصفحة 3 (--- عندها فوبيااا
الله يستر

المشاركة الأصلية كتبت بواسطة f77d
http://www.arabtravelersforum.com/tr...1/#post3985821

تقرير يجنن اختي وجميييييل ووضحلي البيتش في الدراقون





سوا لي استغربت السعر الي وضعتيه 800ريال امس كلمت قالو 1500 والبوكينق قريب منه هذا اصغر سويت؟؟؟؟؟




بصراحه كل الي اقولهم السعر يقولون لي السعر وايد زين .. بصراحه مادري شلون حصلنا هالسعر هههه يمكن لان الصيف موسم مثلا .. واحنا كنا رايحين اول شهر 5 والمكان فاضي فالسعر كان اقل .. وبالمناسبه السعر من الفندق مباشره اغلى من السعر في مواقع النت ...







المشاركة الأصلية كتبت بواسطة ابوعزام
http://www.arabtravelersforum.com/tr...5/#post3986135

يعطيك العافية كوكو شانيل ممكن توصفي طريق مطعم الأبراج اللي بالمحرق مع خالص شكري وتقديري
وبالمناسبة مالاحظتي أن اختنا أحلى من العقد مو راضية تكمل الموضوع لكن الله يسامحها ممكن تكون مشغولة لكن حننتظر الموضوع يعني حننتظر هههههههههه




ههههه اسفه والله كل يوم اقول اليوم بكمل والهى مع التخطيط والشغل للسفره الجايه باذن الله ... بس ان شاء الله اليوم اكمل ولا يهمك








المشاركة الأصلية كتبت بواسطة وشوشني .!!
http://www.arabtravelersforum.com/tr...3/#post3986323

مع انها قصيره الا انها كافيه ووممتعه
بس زعلتيني منك
من اخر صورة بصفحة 3 (--- عندها فوبيااا
الله يستر




اي كافيه وزياده اخر يوم قعدنا بدون مانسوي شي بس نشرب كوفي ونتمشى عالفاضي ... ولا تزعلين الي تقولين عنه كلنا عندنا فوبيه منه ههههههههه

اسمحولي على التأخير ...


والحين ..نكمل معاكم اخر جزء وألذ جزء


جااااسميززززز



هو مطعم وجبات سريعه مافي منه الا في البحرين ويقال ان صاحب المطعم سيدة بحرينيه وهي الي مبتكره الوجبات فيه ....




في ليله كان البدر فيها غائبا خخخخ حسينا ان احنا جواعه .... وماكنا متعشيين ... فاتصلنا بالفندق و طلبنا تاكسي ..



وطرنا الى اقرب مطعم جاسميز ,,, وهو الي يقع في محطة عراد ...






كان المكان مزدحم .... والطابوووور طوووويل ويمكن جدامنا فوق ال 10 سيايير .. فقلت بنزل داخل اكيد المكان اخف ... ولين نزلت تفاجئت بالزحمه ... يمكن 50 شخص اذا مب 100 قبلي ناطرين يطلبون ....


استسلمنا للامر وقعدنا في السياره ننطر يجينا الدور ونطلب ...

وجى دورنا وطلبنا كل مالذ وطاب ...






كنا محتارين اش نطلب .. لاننا كنا حابين نذوق انواع جديده وبنفس الوقت مانبي نفرط في السندويش شيكن سبايسي ... اخترنا الي اخترناه ورجعنا للفندق .. وبدأنا الاحتفال بالوليمه ..


هاي الوليمه ... قبل مانفتحها ..







واهني الاكل الشهي ...






ونبدأ استعراض الاكل ... وشرح السندويجات ...


طلبنا 3- سبايسي جكن برقر

1- ماشروم بيف برقر ...

1- جيكن ناقتس ..


وكل الاكل وااااو والسندويجات كلها ااااه عذاب العاشقينا









وطبعا واخير هاي السبايسي جكن من داااخل ...








ومن زود المتعه والروقان كنا ناكل ونشوف فلم ابيض واسود لفاتن حمامه خخخخخ



وقبل ماانهي معاكم هالجزء خلوني اقولكم عيوب الفندق .. بما ان الاجزاء كلها تتكلم عن المميزات ...


وهاي لستت العيوب بالنسبه لي ...


1- جزر امواج حلوه بس للاسف مازالت تحت الانشاء ومافيها شي غير الفندقين وشاليهات خاصه وباقي المكان كله بيوت وبنايات تحت الانشاء ومافيها شي .

2- صعوبة المواصلات داخل جزر امواج وعشان تروح لاي مكان وماعندك سياره خاصه تضطر تنطر نص ساعه لين مايوصل التاكسي ..

3- سعر التاكسي من الفندق الى ستي سنتر او العالي او سوق محرق او اي احد المولات (( حيث ان اماكنهم جمب بعض تقريبا )) يوصل الى 8 دينار .. الى 9 دينار .. واذا حسبنا الطريق رايح وراد .. يطلع الحساب بحدود الـ 17 دينار يعني 170 ...

4- يقع المنتجع في منطقه بعيده عن الاماكن الحيويه .. حيث اقرب مكان حيوي هو عراد .. وياخذ تقريبا ربع ساعه بالسياره ويصعب الذهاب له مشياً (( يعني لاتفكر تروح عراد مشي ))

5- بعض المطاعم مايوصلون الاكل الى جزر امواج بعتبارها بعيده ..


وبس هاي العيوب في المكان ... وتتلخص في

البعد - تكلفة التاكسي من والى الفندق - المنطقه مازالت تحت الصيانه


اما الباقي 10 على 10 ....


وبهاي اقول لكم تم بحمد الله الانتهاء من التقرير واسمحولي على التقصير

المشاركة الأصلية كتبت بواسطة ..كوكو شانيل..
http://www.arabtravelersforum.com/tr...8/#post3988518

أحلى من العقد

يعطيك العافيه على الجزء الاخير

جسميز من الذ مطاعم الفاست فود وانظفها ..

وانا اللى اعرفه ان مالك المطعم هو شخص بحريني واسمه جاسم والمطعم نسبه لاسمه

وبعدين لو جيتوا مره ثانيه ان شاء الله تعاملوا مع تاكسي عادي

لان تاكسي لندن يحسب بالعداد وياخذ زياده دينار والعداد صعب عندنا مع الزحمه الفضيعه

والتاكسي اللى ياخذك من الفندق يحسب اكثر !!

اعرف وحده سكنت بفندق موفنبك وخذت تاكسي من الفندق للعدليه بـ 8 دنانير

ورجعت من نفس المكان للفندق بـ دينارين !! شفتي الفرق

من امواج لين ضاحية السيف المفروض مايزيد المبلغ عن 3 دنانير يعني روحه ورجعه بـ 6

يالله ان شاء الله تنتبهين مره ثانيه ...

وتسلمين على التقرير الرائع ..




هلا اختي .. اكيد كلامج انتي الي صح بخصوص مطعم جاسميز .. لاني انا ماعرف بالضبط بس الي اعرفه انه لشخص بحريني

وبالنسبه للتاكسي احنا فقط خذنا تاكسي لندن من المطار الى الفندق بس الباقي بالتكاسي العاديه .. بس عشان يجونا للفندق لازم نتصل فيهم لان منطقة الفندق مقطوعه ومافيها تكاسي .. وكنا نرجع من المجمعات لين الفندق عن طريق التكاسي الواقفه خارج المجمعات والسعر هوه هوه اذا مش اكثر ... اكيد انتي ماتركبين تكاسي في البحرين بعتبارها بلادج فماتعرفين عدل التسعيره .. الله يعين ... ومشوره على الرد نورتي المكان

جزء لذيـــــــــذ يمي يمي


عليكم بالعافيه ونورتو البحرين بزيارتكم ..


بالنسبه للتاكسي وايد السعر احسه مبالغ فيه ..


لكن اذا قارنته بدبي احس نفس الشي ويمكن دبي اغلى بعد ..


لكن اذا لج زياره ثانيه ارسلي لي رساله قبلها وان شاءالله اضبط لج موضوع المواصلات


شكرا لج اختي عالتقرير المميز ..

الحمدالله على السلامه ..

بس احلى شي في الموضوع صورت السي لوفت الشاليه ..
ذكرني يوم رحت البحرين سكنت فيه ..

الله يسلمك وياهلا ومرحبا فيك

مشاء الله تقرير جميل

يا اخوان البحرين حاره وصغيره ما أدري ةش إلي جاعل الناس ينهبلون عليها وطوابير السيارات على الجسر تقول إن القيامه قامت عندنا
وش ذا ؟

المشاركة الأصلية كتبت بواسطة m1moh
http://www.arabtravelersforum.com/tr...1/#post4068751

يا اخوان البحرين حاره وصغيره ما أدري ةش إلي جاعل الناس ينهبلون عليها وطوابير السيارات على الجسر تقول إن القيامه قامت عندنا
وش ذا ؟





نعم البحرين حاره وصغيره .. بس لما تروح في الشتاء تصير صغيره وجوها حلو ... بالنسبه لي ليش على قولتك منهبله على البحرين .. مجرد ارتباط وثيق واحساس باني في بلدي بس رايحه اغير جو في منطقه ثانيه وبالنسبه للجسر والزحمه عليه .. بعتباره المدخل البري الوحيد للبحرين فاي حد حاب يسافر بلبر ماله الا الجسر وفي حل اذا مب حاب الطابور على الجسر .. تعال بالطياره وياهلا فيك






المشاركة الأصلية كتبت بواسطة أبو فيصل 2007
http://www.arabtravelersforum.com/tr...1/#post4046931

مشاء الله تقرير جميل




مشكور ابو فيصل واهلا وسهلا