الموضوع: فزعتكم يا شباب مسافر لأول مره ماليزيا

السلام عليكم ورحمة الله وبركاته



يا جماعة الخير ترا خويكم متورط
أنا أول مره بسافر ماليزيا ان شاء الله السفره لشخصين أنا والمدام وبنتي عمرها سنتين ونص الخطوه الوحيده اللي سويتها هي حجز الطيران على الخطوط الإماراتية
بتاريخ 12 اغسطس من مطار الدمام الساعه 4 الفجر الترانزيت في دبي 4 ساعات الوصول كوالا 9:45 الليل
والرجوع البلد 26 اغسطس الانطلاق من كوالا الساعه 10 الصباح والترانزيت على دبي 3 ساعات ونص و الوصول الدمام الساعه 5 الا ربع







غيركدا ضايع ومانا عارف أسوي ولا حاجه فزعتكم يا شباب
علما بإن سفرتي 13 يوم بدون يومي الروحه والرجعه


تكلفة الطيران 8400


ومشكورين مقدماً


أبو أسيـل

مواضيع عشوائيه ممكن تكون تعجبك اخترناها لك:

• ارتفاع ونزول اسعار فنادق بوكينق
• افيدوني جزيتم خيرا
• باقي ثلاث ايام على السفر محتاج مساعدتكم
• أفضل توقيت لحجز على الخطوط القطرية
• بارك رويال ولا البافيو بينانق اخوووووكم محتاااار
• اهم الاماكن وبعض الاستفسارات لرحلة مدتها يوم
• محتاج الى ارقام سواقين
• جدول سياحي 15 يوم للعرسان 2018
• ضروري يا شباب
• لـ اصحاب الخبررره ممكن مساآعدده
• افضل فندق تكون شاليهاته مطله على الماء في لنكاوي الفرق بين حجز مكتب سياحي وبوكينق ؟
• سفره عائليه ارجو ارشدي هذا الشهر
• ابي مساعدتكم يا شباب
• تــم الترتيب ولـــكن لا نستغني عن اقتراحاتكم
• سفرتي قريب إن شاء الله إلى كوالامبور وأحتاج مساعدتكم من الكل
• اخووي ولايهونون بقية الاخووان العمالقه
• الرجاء منكم مساعدتي بترتيب رحلتي
• أرغب بالسفر لماليزيا وأرجو تقديم النصح والمساعدة
• اول مره اركب طياره واول مره اسافر تكفوون ابي مساعدتكم
• ساعدوني في اعداد البرنامج اليومي

نفس مدة رحلتي وباذن الله بسافر بتاريخ 28-8


وبعض مشورت الاعضاء هنا


يومين سلانجور - 3 لنكاوي - 3 بياننج - 5 كوالا :: ومن بين ايام كوالا يوم تروح جنتنق

ياهلا وغلا يابو أسيل ...

أبشر بالخير والله ... كل امورك تمام بأذن الله

طالما حجزت الطيران الدولي ... كل أمورك تمام .. وقطعت نصف المشوار

باقي عليك تحجز الفنادق والطيران الداخلي من النت ... وكلهم باللغة العربية ...

تحتاج فقط ( بطاقة فيزا ) لك أو لأحد معارفك ... وأحنا معك خطوة بخطوة بأذن الله

نأتي الأن للجدول :

عندك ( 14 يوم ) ... أنصحك تقسمها بالشكل التالي :

يومين سلانجور ... فندق البيراميد

ثلاثة أيام لنكاوي ... فندق البلانجي بيتش

ثلاثة أيام بينانغ ... فندق القولدن ساندس

يومين جنتنغ ... فندق الفيرست وورلد (غرفة وورلد كلوب )

أربعة أيام كوالا ... فندق الرويال شولان

طريقة التنقلات بين المدن :

* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )

* من بينانغ إلى جنتنغ ... الباص بسعر ( 35 رنقت ) والمسافة أربع ساعات ..

* من جنتنغ إلى كوالا ... تاكسي بسعر ( 90 رنقت ) والمسافة ( 45 دقيقة )



إذا عجبك الجدول ... نكمل الخطوة التالية ... ونبدأ الحجز بأذن الله

راح أعطيك الروابط ( فندق فندق ) مع طريقة الحجز ... ولايهمك

http://img832.imageshack.us/i/7scn.png/

اتفق مع كلام وافي 100%100

تحياتي للجميع وشكرا لكم

انا الان جالس انتظر بطاقة فيزا من بنك الرياض كملت شهر ونص وانا اطارد معاهم تخيلوا
بيني وبينكم هدا اكثر شي معطلني
انا عندي بطاقة الاهلي ماستر كارد اللي تشحنها وبصراحه جربتها في حجز التداكر صارت لي حوسه بين البنك و وشركة الطيران الحمد لله تم الحجز بعد شق الانفس


وانا الحين بدخل على البوكنج وبشوف الفنادق ذي وراح اشوف هل تناسب ميزانيتي و وضعي
الشي الثاني اخي العزيز وافي كيف تصير الرحله 14 يوم ؟ قصدك يوم الوصول يعتبر ليله ؟ علماً بإن الوصول في الليل يعني بيكون اليوم ضايع
انا كنت حاط في بالي انها 13 ليله فقلت اول يوم اوصل تاريخ 12 احجز في سيلانجور ارتاح من تعب السفر ويومين زياده(13 , 14) لان يوم الوصول ضايع بعدها لنكاوي بتاريخ (15,16,17,18)
بعدها بيننج (19,20,21)
ومن 22 الى 26 كوالا واطلع يوم منهم جنتنج
بس بصراحه انا ماعندي خبره واخاف تقسيمي ولا حسابي للايام مو صح



ومشكورين ماقصرتوا

السلام عليكم ورحمة اللهكل عام وانتم بخير تقبل الله صيامكم وقيامكم


اخواني الأعزاء
انا مو عارف ارتب التواريخ وكيف احسب عدد الليالي في الفنادق مثلا لو بقعد في سيلانجور ليلتين كيف احدد تواريخهم بالضبط


سيلانجور
انا بوصل يوم الاثنين الليل12 اغسطس ,
الثلاثاء 13 كامل بظل في سيلانجور
والاربعا14 بنتقل الى لنكاوي بالطائره
بناء على هالكلام يصير كم ليله احجز في الفندق من تاريخ كم لكم ؟
وبالنسبه للفنادق
البيرميد اللي قلت لي عليه
لقيت غرفه مطله على المحيط شامله الافطار 600 تقريبا الى الليله الواحده
و Holiday villa subang غرفة ديلوكس مشتركه مزدوجه او توأم شامل الافطار 388 يعني نصف السعر
وكمان فندق mines شاليه + الافطار 388


وانا ابغى مكان سعره مناسب لاسيما إني ماراح اطول فيها


فايش رايكم ?


لنكاوي
الاربعاء 14 اوصل
اجلس الخميس 15 والجمعه 16 والسبت 17 والاحد 18 اطلع
نفس السؤال كم ليله يصير الحجز ولحد تاريخ كم ؟


بالنسبه للفنادق
البيلانجي بيش سعر الليله 823
وفي مكان اسمه villa molek لقيته ب 633 لكن مكتوب ممنوع دخول الاطفال دون سن الـ 18 !!


انا كان ودي اسكن في فندق اسمه برجايا نظام اكواخ وسط البحر بس طلع الفندق كله محجوز فهل فيه شي مشابه له ؟




بيننانج
اوصل الاحد 18 واظل الاثنين19 والثلاثاء20 والاربعاء 21 والخميس22 امشي
فكم ليله احجز


الفنادق
الفندق اللي قلت لي فيه سعره مبالغ فيه مره بحدود الالف ريال في الليله
مافي فندق سعره مناسب اكثر ؟


كوالا
أوصل الخميس 22 واظل الجمعه23 , السبت24 , الاحد 25, الاثنين 26 اتجهز للرجوع الى البلد


كم ليله احجز ؟
والفندق اللي قلت لي فيه لقيت الليله ب 498


واعدروني ع التاخير لاني حاولت ادور في الفنادق بموقع البوكنج وحاولت اعتمد ع نفسي شوي علشان لااتعبكم معاي


اتمنى منكم الرد على استفساراتي لاني ابغى احجز بكرا ومانا عارف


ابو أسيل

هلا حبيبي ( أبو أسيل ) ...

أنت عندك فعلا ( 14 يوم ) .. لانك تصل يوم 12 بالليل ...

اليوم هذا تحجز فيه فندق في سلانجور ... وتأخذ نهار 13 كاااامل ... ويوم 14 تتجه إلى لنكاوي ...

وتفضل الجدول بالتواريخ :

12 - 14 ( يومين سلانجور )

14 - 17 ( ثلاثة أيام لنكاوي )

17 - 20 ( ثلاثة أيام بينانغ )

20 - 22 ( يومين جنتنغ )

22 - 26 ( أربعة أيام كوالا )

http://img507.imageshack.us/i/xct.png/

اخي العزيز وافيالحمد لله انك لفت انتباهي لعدد الايام كان في بالي انها 13 يوم !!
حلو طالما ان المده زادت يوم ,,
طيب لو جنتنج مابروحها يومين بروحها يوم من كوالا كيف يكونوا الايام
وهل هي تستحق الزياره لمدة يومين ؟

وبالنسبه للفنادق مارديت علي عزيزي
واسمح لي بتعبك معاي

حياك أبو أسيل ...

أسمع كلامي ... وخذ رأيئ ... وبأذن الله ماتندم

جنتنغ ( سحر ) ... وتستاهل يومين بكل جدارة ...

منطقة كلها خضرة وأمطار ... وغيوم ... وضباب مد البصر ... شيء خيال

أما الفنادق .. عطني الميزانية عندك وأعطيك الأنسب بأذن الله

http://img843.imageshack.us/i/0skt.png/

السلام عليكم ورحمة الله وبركاتهاخي وافي ابو هلا يعطيك الف عافيه وانا خلاص بسمع رايك وبجلس يومين في جنتنق شورك وهداية الله
بالنسبه للفنادق فأنا أفضل انها تكون اكواخ او شاليهات او اي شي وسط طبيعه او بين بحر مااحب الجدران والاثاث الفخم بدون طبيعه
على سبيل المثال عجبني في سيلانجور الماينز
ولنكاوي برجايا و هوليدي فيلا بس برجايا سعره مبالغ فيه لو فيه شي مماثل بسعر انسب يكون تمام
وبيننج في فندق اسمه بارك رويال عجبني بس مااعرف عن سعره
وانت شوف وش المناسب ودي في فنادق معتدلة السعر جيدة الاطلاله ومايكون رخص السعر على حساب الراحه
ميزانيتي للفنادق في حدود الـ 7000 ريال تقريباً


وفي الاماكن اللي بسكنها ابغى اعرف هل بتكون غرفه ولا اكثر وانا عندي طفله لو بغيت سرير طفل كيف الترتيب وهل يفرق في السعر


ومشكور ماقصرت

هلا والله أبو أسيل ...

أرشح لك هالفنادق .. أسعارها متوسطة وراقية جدآ ...

سلانجور ( إمباير ) ... لنكاوي ( فوربوينت شيراتون ) ... بينانغ ( هوليدي إن )

جنتنغ ( الفيرست وورلد ) ... كوالا ( البارك رويال )

أختار غرفة واحدة ... وأطلب سرير أضافي مع الحجز ... وتكفي بأذن الله

http://img534.imageshack.us/i/i1ue.png/

هلا أبو هلا



اممم طيب الان مع ادخال جنتنج ليلتين كم تواريخ السكن في جنتنج وترتيبها مع كوالا


والطيران الداخلي ابغى من كوالا الى لنكاوي طائره


ومن لنكاوي الى بيننج بالفيري
ومن بيننج الى كوالا بطائره
ومن كوالا الى جنتنج بتاكسي او باص مااعرف


كيف اختار اوقات الطيران وقبل كم ساعه اروح المطار في الطيران الداخلي وكيف احجزهم وكيف احجز الفيري من هنا ولا من هناك والباص كيف الحجز
ولو ماعليك كلافه ابغى ترتيب للفعاليات اللي بسويها في كل منطقه
انا قرأت كثير في المنتدى وكلكم ماقصرتوا بس لسه احس الافكار مو مرتبه في بالي
وماابغى اروح هناك واتوه
والرحله الجايه ان شاء الله معاك يا وافي وش رايك

هلا حبيبي ( أبو أسيل ) ...

والله قدام ... الرحلة الجاية سوا ... جهز أمورك

بخصوص التواريخ كتبتها لك في الصفحة السابقة ... وراح أعيدها لك هنا

وأنصحك من قلب ... تعتمد ترتيب جدول الأول ... لأنه الأنسب لك

هذا الجدول :

12 - 14 ( يومين سلانجور )

14 - 17 ( ثلاثة أيام لنكاوي )

17 - 20 ( ثلاثة أيام بينانغ )

20 - 22 ( يومين جنتنغ )

22 - 26 ( أربعة أيام كوالا )

وهذه طريقة التنقلات :

* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أفضل من العبارة البحرية

* من بينانغ إلى جنتنغ ... الباص بسعر ( 35 رنقت ) والمسافة أربع ساعات ..

* من جنتنغ إلى كوالا ... تاكسي بسعر ( 90 رنقت ) والمسافة ( 45 دقيقة )

توجيهات تهمك :

* الطيران تحجزه من air asia ... وموقعهم باللغة العربية وسهل الحجز

* أفضل وقت للرحلات الداخلية ( 1 الظهر أو 2 الظهر ) ... حتى تصل للفندق وقت الدخول الرسمي

* الباص من بينانغ إلى جنتنغ تحجزه من محطة الباصات قبل الرحلة بيومين او يوم

* أحجز باص ( vip ) لأنه الأفخم والأريح ...

http://img689.imageshack.us/i/2eb.png/

السلام عليكم احبتي جميعاً

واخيراً ضبط عندي المنتدى صار لي فتره احاول ادخل المعرف حقي مو راضي ومادري انا شكلي كنت ناسي الباسوورد ولا كيف




اخي العزيز وافي
تم الحجز في
سيلانجور فندق الماينز شاليه ب 903 ليلتين
لنكاوي هوليدي فيلا غرفه بريمير ديلوكس مزدوجة او توأم 1500ثلاث ليالي لكن بدون افطار مالقيت مع افطار
بيننج هوليدي ان 2259 ثلاث ليالي
جنتنج فيرست وورلد غرفه وورلد كلوب 786 ليلتين
كوالا بارك رويال جناح استديو 2407 اربعه ايام


وحجزت الطيران الداخلي من كوالا الى لنكاوي تاريخ 14 اغسطس الساعه 2 على الخطوط الماليزيه المبلغ لشخصين وطفل 446
ومن لنكاوي الى بيننج حجزت الفيري الساعه 2 ونصف بتاريخ 17 اغسطس السعر 175 رنجت


هل بقى لي شي ثاني
و ايش الخطوة الجايه الان ؟


والفنادق انا حجزتهم حجز مسترد وقلت ابغى ابدلهم قبل السفر بغير مسترد علشان يقل السعر بس كيف الطريقه ؟
والف شكر لكم

السلام عليكم ورحمة الله وبركاته

جدول الأخ وافي رائع


بس حبيت أنوه على نقطة جنتنق
يومين كثيرة / صحيح خضره وطبيعة وجو خيالي بس حرام يضيع يوم علشان يجلسوا بالجو الرائع
إلا إذا كان في أنشطة غير الملاهي وما شابه ماهو موجود بكاميرون هايلاند ف أكيد الأخ وافي أدرى بذلك

هذا مجرد رأيي لا يزعل علينا الأخ وافي


والله يوفقكم يارب وتوصلوا وتردوا بالسلامة يارب

المشاركة الأصلية كتبت بواسطة MedRezeq
http://www.arabtravelersforum.com/tr...7/#post7957227

السلام عليكم ورحمة الله وبركاته
جدول الأخ وافي رائع
بس حبيت أنوه على نقطة جنتنق
يومين كثيرة / صحيح خضره وطبيعة وجو خيالي بس حرام يضيع يوم علشان يجلسوا بالجو الرائع
إلا إذا كان في أنشطة غير الملاهي وما شابه ماهو موجود بكاميرون هايلاند ف أكيد الأخ وافي أدرى بذلك
هذا مجرد رأيي لا يزعل علينا الأخ وافي
والله يوفقكم يارب وتوصلوا وتردوا بالسلامة يارب

كلام راقي جدآ ... وأتفق معه كثير ...

ياهلابك يامبدع في منتدانا الشامخ ... نتشرف بوجودك والله

تحياتي لك يالأمير ... الله يسعدك يااارب في الدنيا والآخرة

http://img9.imageshack.us/i/kdlu.png/

medrezeq

مشكور اخي العزيز على ابداء رأيك
لكنني حجزت وخلصت وان شاء الله انبسط هناك لاسيما إني أحب الجو البارد والخضار


اخي العزيز وافي , اخواني الاعزاء
انتظر ردودكم على ماتبقى لي
مابقى على السفر شي واحس اني لسه متخوف
ومو واثق من كل شي

الشكر موصول لكم جميعا
تحياتي
ابو اسيل

وهل تكفي ميزانية مصروف جيب من غير الفنادق ولا الطيران ولا اي شي 13000 ريال سعودي ؟

ماشاء الله تبارك الله

أمورك كلها ممتازة ان شاء الله لا تشيل هم وضعك في السليم ان شاء الله
المتبقي فقط انك اول ما تصل بينانج ان شاء الله تحجز لك باص vip أو تاكسي. يوصلك
إلى جينتق
أو انك الان تحجز طيران من بينانج الى كوالا ومن المطار تأخذ تاكسي يوصلك الى جينتنق

وبالنسبة للفنادق ان أردت تحويل حجزك من مسترد الى غير مسترد
قبل الرحلة بشهر أو 15 يوم
شوف الأسعار لغير المسترد ان كانت الأسعار جيدة بالنسبة لك توكل على الله واشحن الفيزا
ان كانت مسبقة الدفع وحجز من جديد في نفس الفنادق ونفس التاريخ وبعد ما تتأكد ان حجزك
تمام. الغي حجزك القديم المسترد وبكذا تكون حولت حجزك ودفعت للفنادق

بالنسبة ال13 ألف ان شاء الله تكفي وتزيد لكن هذا يعتمد على طريقة صرفك انت هناك

نقطة أخيرة
بعد هذا اللي سويته كله أنصحك تقرا في تقارير الأعضاء وتجاربهم سواء في هذا المنتدي
أو غيره من المنتديات الأخري حتى تصير عندك فكرة واسعة عن هذا البلد اللى راح تزوره
وتعرف اهم الأماكن المناسبة للزيارة التى تتناسب مع ميولك ورغباتك
وأيضاً حتى ما تكرر أخطاء وقع فيها غيرك. من باب أخذ العبرة من تجارب الاخرين
وان شاء الله أمورك. متيسرة ولا تشيل هم من الموبايل

nsr max
ماقصرت اخوي

بالنسبه لـِ جنتنج بحجز باص خلاص علشان ابي أجرب كل انواع المواصلات من فيري وطيران


وباصات ,,, وممكن صحيح رحلة الباص طويله 4 ساعات بس اكيد راح تكون شي ممتع ان نمشي


عبر المناظر الخلابه ,, انا كنت من البدايه بحجز طائره لكن غيرت رايي






والفنادق اخي العزيز كيف الغي الحجز القديم وش هي الطريقة ؟






والف شكر لك اخوي ماقصرت الله يبشرك بالخير ويعز مقدارك


وكل الشكر والتقدير للأخ وافي تحملني وصبر علي ,, والشكر أيضاً موصول لباقي الاعضاء ,,


ولهالمنتدى الرااائع بلا منافس






اخوكم


ابو أسيـل

هلا ابو اسيل يا حظك بتكون في جينتينق يومين


اشتقت لهذيك المدينه الرائعه فوق جبال الضباب يا رباااه بس


اول يوم جوله في الفرست وورلد و الالعاب الداخليه و ثاني يوم العاب خارجيه لين الظهر وبعدين جوله للفراوله و البوكيت تنجي قريبه من هناك بتاكسي تروحلها




للتغلب على الملل في الباص بتكون الرحله خمس ساعات طبعا و هي نفسها لو رحت بتاكسي احسب وقت روحتك للمطار + وقت الطياره 40 دقيقه و الخروج من المطار وتاكسي ساعه ونص لجينتينق


بس انا اتغلب على الملل في اياباد او الجالكسي تاب وتحط فيه شريحة بيانات وتصفح المنتدى و نمواضيع ولا تحس فيها




بالنسبه لحكرة الغير مسترد سويتها السنه الماضيه وفرت علي كثير الصراحه


شوف انت مثلا حاجز فندق في كوالا مسترد ( الغاء مجاني ) وسعره 500 ولقيت بنفس اليوم 350 رنجت غير مسترد


اول شي تتاكد من سياسة الالغاء في الحجز المسترد ( لانه ممكن يكون مسموح الالغاء قبل 7 ايام من تاريخ السفر ويكون مر عليك هخالمده يعني خليك حريص فقط )


الامور صارت طيبه تروح تحجز الغير مسترد و تطبع الفوتشر و بعدين تكنسل المسترد ( ابو الالغاء المجاني ) وهكذا مر على الفنادق انتبه تغلط بتواريخ الغير مسترد يريد له تركيز عالي وهدوء في الغرفه الغلطه بمشكله ما تقدر تعدلها بسهوله

حياك الله اخوي العدني نورت صفحتي
صراحه حمستوني لجنتنج مررره


والفنادق حالياً عملت هالحركه لكوالا و صار الفرق حوالي الـ 200 ريال
وراح اكمل باقي الفنادق ان شاء الله
ودعواتكم لي

ياجماعة الخير فندق الفيرست وورلد جنتنج اقلقني كل شوي يرسل لي رساله ان بيانات الفيزا غير محدثه
وكلامه مو صحيح لاني حاجز فيها كل شي
وارجع اكتب له البيانات ويقول اوكي ويرجع بعد كم يوم يرسل لي رساله ع الايميل ؟؟




شغله ثانيه الفنادق اللي انا حاجزها ع البوكنج لما افتح عليها يكتب لي من فوق
قمت بحجز إقامة هنا يوم( تاريخ اليوم)-07-2013
.
لكن لما افتح حجوزاتي يكتب لي اوغست شلوون يكتب 7 اجل ؟؟؟!!!

بوكينج مخرف شكله

طيب ااتصل على بوكينج برقمهم المجاني وكلمهم على المشكلتين راح يحلوها لك بسرعه


راقين جدا اعجبني التعامل معهم

السلام عليكم ورحمة الله و بركاتهاتصلت للbooking
قال لي حجوزاتك صحيحة ماعدا الفندق الاخير كان مشكك في بياناتي
والحمد لله تم الحجز
بالنسبة لسرير الطفل كل فندق طلب سعر غير في فندق 80 واخر 45 رنقت في الليلة !!!


باقي لي البرنامج السياحي انا قريت كثير من التقارير في هالمنتدى الرااائع بس الحقيقة مانا عارف اقرر
و لأن توقيتي يفرق فيه اشياء كثيرة مثلا في بعض الفعاليات اول مااوصل سيلانجور مفروض يوم الثلاثاء اروح الصن واي لاجون
قرأت انها راح تكون مغلقه للصيانه كل ثلاثاء والآن محتار
ومو عارف كل منطقه وين اروح وكيف ارتب الاوقات لاسيما إني مااعرف كل معلم سياحي كم يحتاج من الوقت


ومشكورين اخواني الأعزاء

بالنسبة للصنواي لاقون. أصبحت الان تفتح يوم الثلاثاء. على حسب كلام الإخوان
وبالنسبة لبقية المناطق
الأفضل دائماً ان تعمل برنامجك انت بنفسك لانه راح يكون متوافق تماماً مع ماتريده انت
وفق رغباتك
انا لا أؤيد ان يقوم الشخص بطباعة جدول محدد بالوقت ويمشي عليه وكأنه أله من الموبايل

تروح وترجع بالسلامه
ماقصروا الاعضاء معك
دخلتوا فكرت حجز غير مسترد في راسيء قبل السفريه احجز والغي
المهم بالنسبه للمبلغ المحدد لك 13 الف اقسموا على عدت الايام ويكون هو مصروفك اليومي هناك وخلي التسوق اخر يومين ف كوالا اتمنى اني افدك بشيء

السلام عليكم ورحمة الله و بركاته
غدا بمشيئة الله في مثل هذا الوقت ستقلع بنا الطائره الى ماليزيا

وابشركم كل الامور طيبه لحد الآن ولله الحمد
ماعدا شغله

حجزت في ملاهي الصن واي لاقون تذكرتين لي وللمدام وانخصم من حسابي في الفيزا المبلغ وقالوا لي راح يرسلوا التذاكر ع الايميل
بعد ٢٤ ساعه وصار لي الان اليوم رابع ومااشوف شي

ماارسلوا لي غير رساله وحده محتواها الآتي

Dear ،،،،،,

Welcome To the Sunway World Club.

Your login identity : ،،،،،،،،،،
As a member, you will be enjoying fantastic discounts, invitations to
concerts, free newsletters that will keep you informed on all the latest
and coolest events at Sunway.

Thank you for joining and please feel free to tell your friends about


Have a nice day!!!

Team Sunway World Club

وماادري انضحك علي ولا شلون ؟!!!



تحياتي
ابو اسيل

هلا بالغالي ....

طبعا لازم تراسلهم ... وتخبرهم بأن التذاكر ماوصلت .. أخاف يجحدونك هههههه

والرسالة الأخيرة عبارة عن دعاية لأنك ( عضو ) سجلت وحجزت من عندهم ووافقت على النشرات البريدية

لكن على فكرة :

أفتح في إيميلك الرسائل المهملة ( junk ) ممكن تلقى التذاكر فيها ... بأذن الله

http://img829.imageshack.us/i/3og.png/

السلام عليكم

كل عام وانتم بخير ،، عيدكم مبارك
ابو هلا كل عام وانت بخير

انا كلمت البنك واخذت كشف حساب اتضح ان الرساله جات بس كذا ان انسحب المبلغ وهو ماانسحب ولا تم الحجز

وخلاص ماراح احجز الا لما اروح هناك حتى لو زياده في السعر لكن اريح من وجع الراس


الان سين سؤال متى الوقت اللي اغادر فيه من بيننغ الى جنتنغ وهل فيه مواعيد ثابته

وايضا السؤال الثاني متى ارجع من جنتغ الى كوالا

هلا أخوي أبو اسيل ..
بالنسبة لملاهي الصن وي لاقون
هم ما يرسلون التذاكر لك يجيك منهم فاوتشر فيه أسمك و عدد التذاكر و هو اللى تطبعه
و علشان تتأكد إذا كان حجزك تم أولا أدخل على موقع Sunway Lagoon online Ticketing
و أعمل Login على اسم المستخدم و الباسوورد و بيطلع لك كل حجوزاتك
http://www.sunway.com.my/onlineticke...urchasehistory
للمعلومية ترا في بعض الأحيان يتأخر خصم المبلغ بسبب عطلة نهاية الأسبوع لدى البنك في ماليزيا
و هذي الملاحظة مكتوبة في موقعهم
You will only receive the ticket voucher via email from us once your payment has been accepted/processed by the bank. We will need at least 24 hours to confirm the status of the payment. Subsequently, the ticket voucher will be delivered to your email address as registered at our web site with conditions as below:-

هذا اللى حبيت أوضحه لك علشان تتأكد من الخصم من البنك و من أيميلك قبل ما تشتري تذاكر جديدة إذا وصلت بالسلامة

بالتوفيق