بسم الله الرحمن الرحيم
اولا اشكر اخوي ALI_Q8 على تعاونة الكبير والواضح وعسى ان يكون في ميزان حسناتك
ثانيا اشكر هالمنتدى الشامخ العريق بالمستوى الراقي والعجيب . واشكر الاعضاء والمراقبين الذين اثبتو وجودهم قي هالموقع لتسهيل ومساعدة المسافرين لا سيما على تقاريرهم وتجربتهم في السفر ..... واقول يعطيكم العافية ومنها للاعلى ..
موضوعي بارك الله فيهم انا راح اسافر في اول مايوم والمدة 20 يوم تقريبا ... الاقلاع من الكويت والوصول الى المانيا مطار ميونج وبعدها على طول تأجير السيارة اكيد وعلى طول الى الجنوب ( النمسا 8 ايام و سويسرا8 ايام) لكن السؤال ....
من وين ابتدي في النمسا اولا او سويسرا والعكس صحيح ؟؟
انا قريت كثير من التقارير العجيبة وخذيت اماكن وافكار حلوة من الناس اللي بالمنتدى لكن انا ما عندي فكرة بالمسافات والاوقات بينهم وطبعا اهل التجربة هم الادرى في هالموضوع .... انا خذيت اماكن كثير وكتبتها واتمنى منكم انكتم تساعدوني
والامـــــــــــــــــــــــــــــــــــــــــــــ ـــــــــــــــــــاكن هي :
1 - zell am see النمسا
2 - شلالات الكريم النمسا
3 - EIS RIESEN WELT النمسا
4 - الزحلاقية الصيقية وفي ثنتين على ما قريبت النمسا
5 - بحيرة walchsee النمسا
6 - قرية Hallstat النمسا
7 - قمة كابرون الثلجية
8 - التلفريك St. Gilen النمسا
9 - الخوانق المائية النمسا
10 - ساعة المارين
11- القرية الجبلية Werfen
12 - في حديقة الحيوانات في زلمسي يا ريت احد يفيدني فيها اكثر
13- بحيرة المونترو سويسرا
14 - مصنع الشوكولات سويسرا
15 - بحيرة Oeschinennsee سويسرا
16 - البحيرة الزرقاء Blausee سويسرا
17 - جبال jungfraujch سويسرا
18 - الانترلاكن ---------- اتمنى التوضيح على هالنقة لاني مو فاهمة هي منطقة ولا اللعاب ولا شنو
19 - كهف St. Beatus سويسرا
20 - بحيرة Sarnen سويسرا
21 - luzern ------------- حاب اخذ فكرة اكثر عليها
22 - شلالات نهر الراين سويسرا
23 - منزل هايدي الجميلة سويسرا
هذة هي الاماكن اللي قريت عنها وكالعادة الناس تروحلها الاهم ؟
انا راح اسافر مع زوجتي . وبنتي 6 سنوات و ولدي 4 سنوات حفظهم الله وحفظكم .
من هالاماكن اللي اخترتها لا تصلح للاطفال على ما قريت مثل الكهف الثلجي والارتفاعات .. اتمنى نصيحتكم لاني راح اللغي من هالاماكن عشان الاطفال .
ويا ريت احد يقول كم اجلس في المناطق بس مو شرط يقولي الفندق الله يخلي بوقنج بس الاهم يقولي اسكم في هالمنطقة .
وبعدها راح ارجع الى اللمانيا 3 ايام للتسوق لاني قريت ان اللمانيا افضل تسوق من النمسا وسويسرا ....
والى هنا اختم مناشدتي لكم اخواني فالله اتمنى فعلا المساعدة الشديدة لاني اول مرة اروح اوروبا واول مرة اسوق سيارة في اوروبا وانتم عارفين الخوف لما يكون معاك عائلة فاتمنا الترتيب معاي للمساعدة .
وجـــــــــــــــــــزاكم الله جــــــــــــــــزيل الشكرمواضيع عشوائيه ممكن تكون تعجبك اخترناها لك:
- احتاج مشورتكم ورآيكم بخطة السير هل هي مناسبه لـ يوم
- تم الدخول لألمانيا بفيزا تشيكية
- الاقامة يوم وانتهاء الفيزا والسفر ؟؟؟
- قارمش الالمانيه
- الفزعة يا جماعة منكوب في ألمانيا
- ابي برنامج تسوق في ميونخ
- لوسمحتوووووو ضروررررررررري
- ارتفاع اسعار الفنادق في اكتوبر؟
- القطارات بين ميونيخ وفيينا
- مخطط سفر و عن طريق قارمش روست
- يــــــســـعدني ويشرفني أن أهنـــئكم
- استخدام الانترنت في اوروبا عن طريق شريحة
- مساعده منكم وجزاكم الله خير
- محتاج اجابة ضرورية بالنسبة للفيزا الالمانية
- اريد المساعدة من خبراء المانيا
- البلاك بيري في ميونخ
- احداثيات مطار ميونخ
- عاجل أخوي فيه فقر مرض الدم و أريد أفضل مستشفى في المانيا و أسرع فيزا للحصول عليها
- اقتراحاتكم ياااهل الخبرة والمشورة
- من مطار فرانكفورت لشارع تسايل
رد مع اقتباس
المفضلات