الموضوع: السفر لي اوروبا ميونخ علي طيران الاتحاد

شوف انا عام 2009 نزلت ميونيخ واليوم التالي مشيت الى انترلاكن بسويسرا والطريق ياخذ من تقريبا 5 ساعات بالكثير وقعدت اسبوع وبعدها مشيت الى زيلامسي والمسافة تقريبا 6 ساعات وبعد قعدت اسبوع وبعدين رجعت لميونيخ والمسافة بينهم 1:30 ساعه ونص .وفضل تروح زيلامسي على طول من ميونيخ وتكنسل انترلاكن لانه نفس المناظر والطبيعه والنشاطات والاختلاف قليل وفي صالح انترلاكن بس زيلامسي راحة نفسيه افضل بالنسبة لي من كفيهات ومطاعم وتمشيات.
فنصيحة دام اجازتك 12 يوم اقضلك يوم الوصول بميونيخ وروح للمارين بلاتز والحديقة الانجليزية واليوم الثاني الظهر توكل لزيلامسي ساعه ونص ونشاءلله واصل وذا معك سيارة نصيحة اسكن بكابرون جوها احلى وطبيعتها احلى وهي في الجهه المقابلة من البحيرة لزيلامسي مشوار بالسياره ربع ساعه والسكن ارخص .وقضلك اسبوع زور فيها البحيرة اول يوم وبعدها واليوم التالي شلالات كرميل واليو الي بعده زور قمة الثلج كابرون ويوم للمحمية الطبيعية وزور الزحليقة .
والمطاعم عندك مطعم علي بابا مشاوي على كيف كيفك في زيلامسي وبعد فيه مطعم ايطالي عنده بيتزا وسبقيتي محله في شارع ضيق في زيلامسي ولا تنسى تتسوق من سوبرماركت بيلا ارخص وافضل وابتعد عن السوبرماركت الكردي مادري الاتراك غالي اشوي بس ميزته يفتح الى وقت متأخر.وقريب منه مطعم هندي لا تروحله صح انه يتكلم عربي يسلم عليك وحتى تلقى ولد يدور عنده البحيره يعزمكم على مطعمهم من اول مره تقول هذولي مسلمين بس طلع هندوسي كذاب عنده في المحل خمر ونتو بكرامه لحم خنزير ويقول حلال .
اما ايجار السيارة فخذ من سيكست بمطار ميونيخ ارخص ايجار سيارات في المانيا وشترط عليهم ديزل توديك مسافات اطول وارخص وتكون تماتيك اريحلك ولاتنسى تكون الكيلوات مفتوحه والسيارة مأمنه .
وحاول تأجر من بلدك عشان تحط شروطك وتحتاج الى رخصه دولية وفيزا معك.
وبعد اسبوع حافل في زيلامسي ترجع لميونيخ عاد عندك قرية قارمش يقولون حلوه انا مازرتها قريبه من ميونيخ رح تمشى فيها وبعده ارجع ومر على مطعم ردسي ماكولات بحرية حلو وبعدها تسوق بالمارين بلاتز ورحلة موفقه .

شكرا اخوي جنتلمان على المعلومات

والشي الثاني اللي اريد اعرف يوم استاجر سياره هل قيمه التامين تكون نفس قيمه الايجار

هلا فيك

اولا المخطط يكون كالاتي

النزول مطار ميونخ ومنه مباشره الى غارمش الالمانيه الجميله 3 ايام ويفضل ان يكون الوصول بالنهار ثم سالزبورخ 3 ايام ثم كابرون 5 ايام ثم ميونخ يومين للتسوق والعوده منها ..

ثانيا تقيتك ممتاز من كل شي ..

ثالثا السكن انا كاتبه بالموسوعه النمساويه والالمانيه مثبتين بصدر البوابات

ثالثا التأمين لا يشترط يكون نفس سعر التأجير
وتقبل تحياتي

اذا تبغى من ميونخ الى ميونخ

هذا المخطط ممكن

ميونخ - سالزبورغ - كابرون - كونستانس - رست - ميونخ

اكبر مسافه تكون 300 كلم وشوي

السلام عليكم

شكرا للرد علي من الخوان والخوات بس في اي مكتب تنصحوني حق تاجير السياره وابغي اعرف تعتقدون ما شي مجال حق سويسرا وشو رايكم لو اخلي ميونخ بدال يومين ثلاثه

اذا انت تحب المسافات الطويلة اطلع من زلامسي الى انترلاكن تقريبا 5 ساعات واجلس فيها 3 ايام وبعدين اطلع منها على مونترو بسويسرا تقريبا 4 ساعات ومن منترو لجنيف 56 كيلو عندك شركة الموا اعتقد اسمها كذا بمطار ميونيخ سعرهم جيد ومعاملتهم حلوة بالتوفيق

المشاركة الأصلية كتبت بواسطة كابرون 1
http://www.arabtravelersforum.com/tr...4/#post4809894

اذا انت تحب المسافات الطويلة اطلع من زلامسي الى انترلاكن تقريبا 5 ساعات واجلس فيها 3 ايام وبعدين اطلع منها على مونترو بسويسرا تقريبا 4 ساعات ومن منترو لجنيف 56 كيلو عندك شركة الموا اعتقد اسمها كذا بمطار ميونيخ سعرهم جيد ومعاملتهم حلوة بالتوفيق





شكرا على الرد لكن المسافات وايد طويله

خليت لك كم يوم ترتاح بعد المسافات الطويلة بس ترى متعه لا تطوفك العفو وبالخدمة

المشاركة الأصلية كتبت بواسطة كابرون 1
http://www.arabtravelersforum.com/tr...0/#post4810040

خليت لك كم يوم ترتاح بعد المسافات الطويلة بس ترى متعه لا تطوفك العفو وبالخدمة



المسافه طويله

مع المناظر الطبيعية ما راح تحس بطول المسافة والاستراحات كثيرة على الطرق

يا جماعه شو احسن مكتب تاجير سيارات وكيف ارد السياره لاني مب محتاجنها اخر ايام في ميونخ

نصيحتي لك اذا كنتوا عائله استأجر السياره من المطار وسلمها بالمطار بدل الشحططه

وانت بميونخ وقف السياره بمواقف الفندق واختار فندق مواقفه مجانيه وممكن تستخدم السياره اذا تبغى تروح لقارمش او الحديقه الاولمبيه وغيرها

لان موكل الاماكن توصل لها المترو والترام
عندك كمان مجمع ريم اركادن لازم سياره
السياره لاتستعملها بالسنتر والمقصود فيه الساحات كارل بلاتز وغيرها

احسن شي من خلال تجربه مرتين سكست

كلام الاخت بنت حواء صحيح السنتر فقط ما راح تحتاج سيارة عندك شركة سيكست والمو بمطار ميونيخ

شكرا يا جماعه على الرد

وفعلن توني مشيك على الموقع وتقريبا ارخص واحد بعد

بالنسبه لعربه الياهل اروم اوديها معاي