الموضوع: أفضل مطعم بخدماته ونظافته وبسعرهالخ

سلام عليكم جميعا ..
انا مستغرب محد تكلم عن مطعم ميس الغانم توني مطلع تلفونه
2460457 او اخر شئ 6
وعلى فكرة السبت عندهم اجازة للتنظيف والراحة ..من حقهم !

فعلا يستحق الاشادة .. مطعم مشويات لبنانية من خدماته :-
خدمة وقوف السيارة مجاني
الخبز ساخن على مدار الوقت
استقبال ممتاز
مشويات طازجة
موقع ولا احلى منه على البحر
يوجد مسجد

مكان لالعاب الاطفال ( مجاني ) وفي بعض الالعاب الالكترونية تدفع لها
مكان وجو عائلي 90%
لاتوجد اغاني صاخبة

خدمة تنظيف امام عينك
الطلبات ياخذها منك العامل ويرسلها عن طريق الجهاز اللاسلكي الالكتروني يعني مافي تاخير

اسعاره مقبوله نوع ما

ما دري شنو نسيت لكن فعلا ممتاز بالنسبة لي
تأتيه كل شهرين كافي

والله الموفق

واللي عنده راس ثاني فيه فليتفضل .. او عنده مطعم لم نعلن عنه هم يتفضل


انشالله رايحله وبتغدا فيه

بالهناء والشفاء لنا جميعا

ملاحظة ( لاتوجد مظلات للمواقف ) ولاتنسى ان السبت مغلق
مكانه وانت رايح الابراج ومخلي البحر على يسارك يكون على اليمين مخشوش صعب تشوفه انتبه

مواضيع عشوائيه ممكن تكون تعجبك اخترناها لك:

• مكان سكن؟؟؟
• ياأتباع محمد الدال على الخير كفاعله
• الى العاصمه الكويت
• نداء عاجل الى الاخوات الكويتيات
• الفزعه ياأهل الكويت القنيط محتاجكم
• اين اصالت الكويت ؟ ؟ ؟
• فزعتكم في السكن والاماكن
• زيارة لدولة الكويت
• السكن في شقق جامايكا إن
• شقق ممتازه
• أمطار غزيرة وبردي على الكويت
• استفسار ضرووووري
• هل السياحه مرتبطه بالصيف ؟
• كيفية سفر الخادمات للامارات
• ساعدوني بترتيب أيامي
• اول مره ازور الكويت وابغا مساعده
• تفصيل جلسات عربية
• بالصور بوتيك دريس فان نوتن في الكويت
• ياليت احد يفيدني تكفون
• صـور مـن كـــويــــت الـماضـي

يعطيك العافيه اخوي حمد



وميس الغانم مطعم لا يعلى علييه رووعه



عوافي يارب

يعطيك العافيـــــــــــــــــه
فعلا حلو
بس فيه أعضاء كثيرين تكلموا عن المطعم
و عليكم بالعافيه

موقعه

و انت جاي من دوار دسمان باتجاه الخليج العربي
تاخذ فرعي يمين

راح يكون على يمينك على طول عالبحر بعد السفارة السعودية علطول..










اما اذا كنت جاي على الخليج العربي من سوق شرق
بعد الاشاره اللي جنب مستشفى السكر على طول على اليمين بجانب السفاره السعودية







اما اذاكنت جاي من الخليج العربي
من السالميه
عدي الابراج
و على طول الاشاره اللي بعد الابراج Uturn
و تلقاه على يمينك






^^

يعطيك العافية اخوي

المشويات اللي عنده من اروع المشويات اللي كليتها بحياتي

روان بنت الكويت , المرام , Hambka Q8, alrashedq8

اشكركم على التفعيل والمرور

ابشركم فعلا خوووش وقت قضيته ، كل اكله حلو طبعا اطباق منوعه ، اول مادشيت حصل اسمي موجود
قلتله طاولة محجوزة باسم حمد قالي تفضل ... بدون دور ولا انتظار الحمد لله
لان طريقة الاكل مشتركة ( سويناها بوفيه ) واللي عجبني اكثر عرايس بعلبكي تصير عرايس بدبس الرمان

وكذلك طبق كباب ميس الغانم ( كباب مشكل )
اتصلت على اخوي ومر علينا متغدي وطلب ام علي ...صراحة روعة طبعا ماكليت معاه لكن تذوقتها
وللاسف طلبت ايس كريم بالقهوة الاسبرسو يعني مقبولة للي يحب القهوة
وعلى فكرة تقدر اذا بقى شي من الاكل وانت حاس انه حرام تخليه يروح عليك تقدر تقوله باخذه معاي
يغلفه لك بشكل حلو
اسعاره تقريبا مقبولة بمعل متوسط 3من - الى 4.500 دينار للشخص تقريبا
ومن افضل مزاياه انه في كورت لالعاب الاطفال ماشفناهم خلي الخادمة وياهم بس تطالعهم
ولاتنسى الخدامه لازم تاكلها لانها بذمتنا ....
اسالكم الدعاء لي ولوالدينا

سلام..عزا الله انه خوش مطعم(نضافه.اكل نضيف.اسعار معقوله حيل)يوم طلبت فاتورة الحساب ماصدقت لاني كنت حاسب حسابي على اكثر من كذا بكثير..عموما الكويت تستاهل من يدفع فيها لانها بصريح العباره بلد راقي واهله راقين..

بالعافية ياحمد

ميس الغانم مطعم معرووف جدا ونظيف وخدمته رووووووعة

وحبيت اضيف بعد مطعمين من وجمه نظري من افضل المطاعم

قيصر وله كذا فرع

ومحا مغل ( هندي ) وله كذا فرع

ويعطيك العافية

المشاركة الأصلية كتبت بواسطة ssskkk
http://www.arabtravelersforum.com/tr...3/#post1375673

سلام..عزا الله انه خوش مطعم(نضافه.اكل نضيف.اسعار معقوله حيل)يوم طلبت فاتورة الحساب ماصدقت لاني كنت حاسب حسابي على اكثر من كذا بكثير..عموما الكويت تستاهل من يدفع فيها لانها بصريح العباره بلد راقي واهله راقين..



وعليكم السلام
فعلا الاكل يسوى التكاليف
وعيونك الراقية يا خوي وبسواعدكم نرتقى للافضل :101:

المشاركة الأصلية كتبت بواسطة مسافرة كويتية
http://www.arabtravelersforum.com/tr...1/#post1376441

بالعافية ياحمد

ميس الغانم مطعم معرووف جدا ونظيف وخدمته رووووووعة

وحبيت اضيف بعد مطعمين من وجمه نظري من افضل المطاعم

قيصر وله كذا فرع

ومحا مغل ( هندي ) وله كذا فرع

ويعطيك العافية



فعلا كلامك و المفروض منتدى السفر للكويت نقلبه مطعم قيصر من كثر ما تكلموا عنه الاخوان:101:
يستاهل المدح وعلى فكرة اسعارهم مقاربه لقيصر ..

بالفعل ميس الغانم من المطاعم القديمه اولا والمشهوره بالكويت وموقعه المميز والحلو اللي فيه ان اداره المطعم ما حاشها الغرور مثل باقي المطاعم اذا اشتهروا نفس المنيو ونفس الاسعار

عميدنا تراك عازمني او نسيت

كل الشكر لك اخي حمد 123

والله يعطيك العافية

بس ياجماعة هل فيه كباين خاصة حق العايلات

المشاركة الأصلية كتبت بواسطة ناصر كويتي
http://www.arabtravelersforum.com/tr...5/#post1377395

بالفعل ميس الغانم من المطاعم القديمه اولا والمشهوره بالكويت وموقعه المميز والحلو اللي فيه ان اداره المطعم ما حاشها الغرور مثل باقي المطاعم اذا اشتهروا نفس المنيو ونفس الاسعار



حياك الله بوباسل ياعميد
والزين فيهم اكو اطباق يومية في المنيو كل يوم معين يسوولك شئ
اشكرك على المرور

المشاركة الأصلية كتبت بواسطة الباب العالي
http://www.arabtravelersforum.com/tr...9/#post1377759


عميدنا تراك عازمني او نسيت

كل الشكر لك اخي حمد 123

والله يعطيك العافية



وياكم عزموني مايرد الكريم اللا اللئيم يا مشرف
اشكرك على المرور يا الباب العالي
نورت البوابة

المشاركة الأصلية كتبت بواسطة السائح الكويتي
http://www.arabtravelersforum.com/tr...9/#post1377809

بس ياجماعة هل فيه كباين خاصة حق العايلات



حياك السائح الكويتي ...
شوف الوضع عائلي محد صوبك كلمن لاهي في اكله لان الاكل يطغي على الديكور الحلو
ونصيحة اطلب طاولة على الزاوية او داخل لاتن فيه قسل للعائلات وانصحك تتاخر شوية من الزحمة يعني
خلك 3 وفوق او مبكر الوقت يعني ورى صلاة الظهر شغل بدون ريوق :101:
لانه مافي كبائن عائلات ....

حلووووووووو

hamad 123

مشكور على هذا التقرير الحلو و الكافي عن مطعم ميس الغانم

انا اشهد انه خوش مطعم والاحلى من هذا الخدمه والسرعه شيئ حلوووو جدا

مع تحياتي ،،،

ميس الغانم من اقدم المطاعم اللبنانية في الكويت
ولا يزال بذات التميز وخاصه بعد انتقالهم الى فرعهم الجديد

فعلا ميس الغانم مطعم يستحق الإشادة,,,,,,,,وعلى فكرة كثير من الأعضاء تكلموا واسهبوا في مدح ميس


الغانم

شكرا على الموضوع

المشاركة الأصلية كتبت بواسطة فهد الكندري
http://www.arabtravelersforum.com/tr...7/#post1382137

hamad 123

مشكور على هذا التقرير الحلو و الكافي عن مطعم ميس الغانم

انا اشهد انه خوش مطعم والاحلى من هذا الخدمه والسرعه شيئ حلوووو جدا

مع تحياتي ،،،



تسلم على المرور اخوي فهد
فعلا سرعة في الطلب حتى من سرعتهم نسوا يجيبون طبق اليوم وعتبت عليهم وجابوا الطبق الناقص
فنصيحة اذا كانت طلباتك كثيرة ارجو ان تسجلها على جنب
سلام عليكم

المشاركة الأصلية كتبت بواسطة فارس الكويت
http://www.arabtravelersforum.com/tr...2/#post1382622

ميس الغانم من اقدم المطاعم اللبنانية في الكويت
ولا يزال بذات التميز وخاصه بعد انتقالهم الى فرعهم الجديد



بس لو يفكونه من الارجيلة واحنا بخير
شكرا على المرور يا فارس الكويت

المشاركة الأصلية كتبت بواسطة المتفائل جدا
http://www.arabtravelersforum.com/tr...4/#post1383294

فعلا ميس الغانم مطعم يستحق الإشادة,,,,,,,,وعلى فكرة كثير من الأعضاء تكلموا واسهبوا في مدح ميس


الغانم

شكرا على الموضوع



الله يعطيك العافية
صراحة بحثت في البحث المتواضع ولم اجد موشوع او احد تطرقله
يمكن كان بحثي متواضع السموحة وشكرا على المرور

هلا وغلا اخوي حمد
فعلا المطعم من افضل المطاعم بمنطقة الخليج وفي كل زيارة للكويت لابد من زيارته اكثر من مرة في كل زيارة
كذلك مطعم كبابجي بطريق الفحيحيلالسريع مطعم حلو وايد وافضل بكثير من الموجود بالرياض


دمت بكل الود

المشاركة الأصلية كتبت بواسطة عنود الرياض
http://www.arabtravelersforum.com/tr...6/#post1386776

أوكي المطعم حلو .. بس في أحلى بكثيـــر

يعني ميس الغانم أحس أنه ماخذ سمعه بزياده

برايي برج الحمام موقعه احلى وأكله ألذ وألذ وقعدته بعد أحلى من ميس

بس من جد أنا قبل لا أروح الكويت وانا اسمع عنه ويوم رحت الكويت وأشوف الطابور الطويل عنده

ولا طابور مدرسه خخخخ بس يعتبر جدا" عادي بالنسبه لمطاعم الكويت الثانيه أحسها احلا بكثير

وبدون مقارنه بعد ....


والله اشتقنا للكويت



اهلين عنود ...
صحيح في احلى منه و لو تشابهة الاذواق لبارت السلع كل واحد له ذوق
لانه اهم شئ راحته انفسية ولو وضعيتين في ارقى المطاعم ..لكن اكله مايعجبني لاني جاي برتاح
اكل و اتمتع واغير جو :101:
والطابور المدرسة يدل على قوة و ان المطعم ممتاز وزباينه كثيرة

احنا اللي اشتقنالكم الكويت واهل الكويت يا عنود :106:

المشاركة الأصلية كتبت بواسطة deerpy
http://www.arabtravelersforum.com/tr...8/#post1387538

هلا وغلا اخوي حمد
فعلا المطعم من افضل المطاعم بمنطقة الخليج وفي كل زيارة للكويت لابد من زيارته اكثر من مرة في كل زيارة
كذلك مطعم كبابجي بطريق الفحيحيلالسريع مطعم حلو وايد وافضل بكثير من الموجود بالرياض


دمت بكل الود



deerpy نورت البوابة واشكرك على المشاركة البناءه

فعلا المطعم حلو ويستاهل الناس الطيبين
وكبابجي ممتاز اللي موجوج في الكويت ... لكن انا اشوفه في جده غير مشهور وعادي وليس عليه اقبال
ويسوي دعايات والظاهر في منافسين اقوى منه مثل الوزارن وغيره

نشوفك انشالله في الكويت:24:

ماشاءالله

كل شئ قلتوه عن المطعم ..

بس بقى شئ واحد وهو

ان في الطابق الثاني

ممكن تستمع انت وعايلتك بالهواء الطلق

والشئ الحلو يسئلك مع شيشه او بدونها

لان الشيشه لهم مكانهم الخاص (( بس توصلك الريحه كونك قاعد فوق ))

وخدماتهم حلوه واكلهم لذيذ واحب سلطة الجرجير

وطبق مشكل مشاوي اللي عندهم (( مشكل ميس الغانم))

واسعاره حدها مناسبه ..

مطعم ميس الغانم---- غني عن التعريف ..

تسلم ..

مطعم ممتاز وشوقتونا نروح له ,,
شكرا

بالعافية ضوئي
الحين اسوي دعاية للمطعم وادليكم ....
محد عزمني
والمطعم ماعطاني خصم او وجبة مجاني :ّ(
لكن ماعليه دام كلمن يدعيلي كافي
وعلى فكرة في خصومات 10% على فاتورة المطعم
على حسب البطاقة الائتمانية واسأل الكاشير ( هذي فيوق البيعه)

انشاء الله عجبكم المطعم :Pp
الكويت حلات جوها الحين

وجهة نظر:
ولا عمري حبيت اكلهم
بالنسبة لي فيلا فيروز والمطعم الي بالمرينا كرسنت
افضل منه بوايد

مطعم ميس الغانم غني عن التعريف بالنسبه لنا .. وياليت زوار الكويت وضيوفها يجربونه
مطعم مشهوووور جدا واكله لذيذ ونظيف وتستغربون اذا قلت لكم احب زيتونهم احس طعمه غير !

بس في عيب واحد ومشكله كبيره بعد ! الزحممممممممممممه !! خصوصا بالاعياد والعطل الرسميه والويك اند نوعا ما !
يعني اذا تبي تتعشى روح مبجر حييييييييييل علشان طابور السيارات اللي جدامك يكون اقصر

وبصراحه يستاهل المطعم امتياز مع مرتبه الشرف

ودي اضيف بعد من المطاعم اللبنانيه اللي تعجبني بالكويت فيلا فيروز يمي مي راقي ونوعا ما هادي ولذيذ وقعدته حلوه اهو بالشعب وله فرع ثاني باسم الميجنا بس بعيد شوي في مجمع الكوت
وبعد المطاعم اللبنانيه اللذيذه ايام زمان بصراحه حده عجيب ونظيف خصوصا اللي بالهوليداي ان الي بالسالميه وله فرع ثاني بس قعدته نوعا ما قديمه والاكل نفس الطعم لذيذ بكراون بلازا الفراوانيه بس ترى اكلهم شويه يعني ما ايي راهي وايد على اساس تطلبون منهم مقبلات وايد ومتنوعه
من المطاعم اللي احبها وقعدتها راقيه وهم نفس الاكل لبناني مطعم الطربوش اللي في الشيراتون بس احس اكله تغير نوعا ما واسعاره غاليه بالنسبه للمطاعم الثانيه
وعندي مطعم لبناني بعد عجبني حيل واسعاره حدها رخيصه ونظيف وقعدته حلوه اللي اهو صاج اكسبرس بس مكانه صاد من المطاعم اللي ورى الكنيسه بشرق
وبعد من هالمطاعم اللبنانيه واللي اسعارها زينه ورخيصه وقعدته لاباس فيها مطعم قصر السرايا اللي جبال المركز العلمي تقريبا واهو تابع حق الديك الرومي بس اكله روعه
بس نصيحه مني لاتطلبون اي مطعم منهم توصيل للبيت .. الطعم يختلف حييييييييييييل عن لما تاكلونه بالمطعم !

واتمنى اضفت شي من اللي في بالي حاليا ودايما اكل عندهم هالمطاعم واللي عنده اضافات للمطاعم اللبنانيه والمشاويات يقول

تحياتي

انا بعد احب قيصر وصج جربت مطاعم وايد بس لازم من فترة لي فترة ارد واكل منه واتذكر ايام الطفوله

افضل مطعم فريج صويلح وانا من عشاق هالمطعم لانه اكله كويتي مئه بالمئه واذا مارحته مارحت لكويت

صراحه المطعم لا يعلى عليه من حيث الخدمات ومن حيث النظافه و التنظيم والترتيب ما حصل لنا انه نتمشى ونكتشف الاماكن المختلفه للمطعمه دايركت رحنا الطابق الثاني الي مخصص حق الشيشه والدخان ..... بس ان شاء الله اليايات اكثر من الرايحات .

اكيد مطعم ميس الغانم عريق ولذيذ

عريق كونه من زمان شغال بالكويت وسمعته طيبه

ولذيذ فيه اكلات لبنانيه تعجبك .. بس اللي ما عجبني فيه ان لازم تنطر دووور عشان ايي اسمك

ومره نطرنا ساعه الا ربع لاعت جبدنا كل ما أسأل الجرسون يقول عشر دقايق بس بالاخير طالع ساعه ال ربع ناطرين بس

صراحه اكله خيال وعلى كثر المطاعم اللي دخلتها ما فيه مثله لا في الطعم ولا الخدمه

صراحة فوق اكله و نظافته القعده و المنظر على البحر ترد الروح
لان واجهته زجاج وصايرة على شارع الخليج روعة

المشاركة الأصلية كتبت بواسطة hamad123
http://www.arabtravelersforum.com/tr...1/#post2611291

صراحة فوق اكله و نظافته القعده و المنظر على البحر ترد الروح
لان واجهته زجاج وصايرة على شارع الخليج روعة



ما صكرت عليه المطاعم الجديدة؟
جني آخر مرة من زرته قبل سنة شفت بنيان مصكر المنظر عليه!!

مووووفقين
............

على كثر ما أمر يمه إلا إني كلش ما فكرت أدخله وآكل منه مادري ليش :114: ...

لكن عقب هالتقرير الحلو عنه لازم أمره إن شاء الله :101: ...

يعطيك العافية وماقصرت ..

إلى الأمام ...

المشاركة الأصلية كتبت بواسطة bu-fatoma
http://www.arabtravelersforum.com/tr...0/#post2611730

ما صكرت عليه المطاعم الجديدة؟
جني آخر مرة من زرته قبل سنة شفت بنيان مصكر المنظر عليه!!



لا اخوي اعتقد خبرك لما يعدلون الواجهه البجرية ...
كلش تطلع منه تعبر الشارعين و انت على اليال طبعا قبلها ممرات خضراء
و فيه اسكله بس صايره على اليسار بعيده شوية

مادري يمكن حبيت هالمطعم علشان نظافة اكله و حركة و لويه:24:

المشاركة الأصلية كتبت بواسطة ام هند
http://www.arabtravelersforum.com/tr...3/#post2614923

مووووفقين
............



وياكم ان شاء الله:101:

المشاركة الأصلية كتبت بواسطة MADE IN KUWAIT
http://www.arabtravelersforum.com/tr...0/#post2615830

على كثر ما أمر يمه إلا إني كلش ما فكرت أدخله وآكل منه مادري ليش :114: ...

لكن عقب هالتقرير الحلو عنه لازم أمره إن شاء الله :101: ...

يعطيك العافية وماقصرت ..

إلى الأمام ...

حبيــــــــــــب والله :8888:
بس انصحك تتغدا فيه افضل لاسباب منها : منظر خارجي حلو + بالليل يشغلون الشيشة و تكثر في الدور الثاني
بس لا يطوفك دخلته صعبه شوية
وعلى فكرة تعطيهم سيارتك عند الباب و انت اخذ رقم و انزل مجاني

بصراحه انا اشوف انه تغير عن الاول من ناحية الطعم

الجلسة والخدمة حلوه

المشاركة الأصلية كتبت بواسطة المراسم الملكية 1
http://www.arabtravelersforum.com/tr...6/#post2634916

بصراحه انا اشوف انه تغير عن الاول من ناحية الطعم

الجلسة والخدمة حلوه

وازيدك من الشعر بيت فيه مكان للعب الاطفال ( كور و قلعة ) مجاني و في مكينة ام مئة فلس ومعاهم مشرفة فلبينية تراقبهم يعني اكل وانت مرتاح

اعتقد سويتله دعاية و مايحتاج دعاية ( ما احب الزحمة):110:
لكن حب لخيك ماتحبه لنفسك وعليكم بالعافية ولاتنسونا بالدعاء الطيب ولكم بالمثل :101: