الموضوع: من يعرف عن ولايت وبالخصوص بوستن

السلام عليكم ورحمة الله وبركاته



ياجماعه يزاكم الله ألف خير لمن يساعدني



بعده طول إنتضار تمت الموافقه و السماح للوالد بالسفر إلي أمريكا والعلاج في الولايه المذكوره وبالخصوص في بوستن

وفي شارع 55fruit street

وطلبي الرجاء أعطاءي معلومات عن هذه الولايه وبالخصوص أسعار الفنادق أو الشقق الفندقه أو شل حل مدة البقاء 3 شهور



والمطاعم توجد عربيه وطبيعة الحيات في هذي المنطقه وأي معلومه تفيدني

الوالد بيعالج في مستشفى بنفس أسم الولايه


وجزاكم الله ألف خير

مواضيع عشوائيه ممكن تكون تعجبك اخترناها لك:

• ما هي الأماكن السياحية التي يجب دخولها بتذاكر في كاليفورنيا
• مدينة انديانابوليس
• ماهي الاغذيه الممنوعه من دخول امريكا
• مشرفنا اللي مانستغني عنه استفسار ضروري الى امباكت
• انتهت فيزتي من شهر وناوي أطلع فيزا سياحية
• احتاج مساعده ضروري
• مشكلة في شراء رمز الدخول
• إستفسارات مهمة نرجوا من مشرف الولايات المتحدة الامريكية الرد عليها
• ابشركم قالت مقبول على الفيزه
• حبيت اسأل عن النقاب في لوس انجلوس ضررروري
• مشكله في كشف الحساب لذوي الأختصاص
• ابي احسن طريقه للسياحه بامريكا
• استفسار بخصوص عدم ظهور الصور في طلب الفيزا
• كيف اوزع السفره على ولايات بليز مساعدتكم
• سؤال لاهل الخبره بالتمور جون هوبكنز
• استفسار للضرورة
• أرجو المساعدة فندق في اتلانتك ستي ومدينة هيرشي
• سؤال عن اجار سيارة
• عاجل جدا استفسار عن موقع تأجير سيارات هل هو صحيح أو لا ؟؟؟
• أبشركم أخواني وخواتي قدمت على الفيزا وطلعت

أنا قعدت ببوسطن 6 شهور واي شي انا حاضرة بس معلومة صغيرة الاجارات عندهم نوعين (طبعا قصدي الشقق) فية long term rentاجار من سنة وطالع وهذة تكون رخيصة وفية short term rent اجار مدة قصيرة يعني تبونها باليوم او 3 شهور او6 شهور والافضل تاخذون ال3 شهور ارخص وايد من اللي باليوم يعني مو تأجرون وتقولون احنا ما ندري بالضبط جم بنقعد وتري بوسطن أغلي ولاية بالسكن والارخص من450 (بدون اثاث)الي900 (بأثاث عادي) وطبعا بتلقون أغلي وانتم اول ما بتروحون للمكتب الصحي بتلقون شكثر خليجيين وراح يساعدون والكل يخدم ونظام القطارات سهل ويوديكم كل مكان واي شي عن بوسطن حاضرين

اذا بتعالجون بالماس الافضل تسكن بجوار المستشفى
اغلب الاصدقاء اللي يعالجون بالمستشفى هذا ساكنين يمه
طبعا المنطقة حلوة و راقية جدا و ناسها اجتماعيين
اسعار المعيشة جدا ممتازة باستثناء اجار الشقق اللي طبعا غالي نسبيا
بس طبعا الشقق نظيفة جدا و خاصة في المنطقة اللي بالقرب من مستشفى الماس
اما المطاعم العربية صعب تلاقيها و نادرا ما تحصل مطعم عربي بس فيه بقالات عربية حلال
انا حاليا في بوستن لان مساعدة

المشاركة الأصلية كتبت بواسطة غلا امها
http://www.arabtravelersforum.com/tr...8/#post1770878

أنا قعدت ببوسطن 6 شهور واي شي انا حاضرة بس معلومة صغيرة الاجارات عندهم نوعين (طبعا قصدي الشقق) فية long term rentاجار من سنة وطالع وهذة تكون رخيصة وفية short term rent اجار مدة قصيرة يعني تبونها باليوم او 3 شهور او6 شهور والافضل تاخذون ال3 شهور ارخص وايد من اللي باليوم يعني مو تأجرون وتقولون احنا ما ندري بالضبط جم بنقعد وتري بوسطن أغلي ولاية بالسكن والارخص من450 (بدون اثاث)الي900 (بأثاث عادي) وطبعا بتلقون أغلي وانتم اول ما بتروحون للمكتب الصحي بتلقون شكثر خليجيين وراح يساعدون والكل يخدم ونظام القطارات سهل ويوديكم كل مكان واي شي عن بوسطن حاضرين




تسلمين أختي والله لايهينج


عفونا 900 دولار ولا دينار وهذا بالشهر ولا بشنوي بالظبط ؟


وأشلون الطريقه من المطار لي وين بالظبط يروحون ؟

وأني كنتي هناك علاج ولا دوره وعلى حساب الحكومه او أحسابج ؟

وجم يعطون المريض والمرافق ؟

==== تمنع الاداره وضع الايميلات و ارقام الهواتف====
والله لايقطج بظيقه ساعدينى :110:

وسلامتج

انا راجع بتاريخ وصول والدك !!!!!!!!!!!!!!!!!!!!!
بس ما عليه ادليك على اشخاص كويتيين يقدرون يفيدونك و لا يهمك
شوووف يا الطيب طيارتك راح تطب دايركت في نيويورك و بعدها تكون مضبط حالك من الكويت على طيران داخلي ينقلك بوستن يعني تقريبا نص ساااعة بالطيارة و بتكون وااصل بوووستن بإذن الله و التكاسي مكودة عند المطار تنقلك للسكن او للفنق مؤقتا و يكون افضل
اما اسعار الشقق طبعا تتراوح ما بين 2500 دولار و توصل لغاية 4500 دولار طبعا الدفع يكون شهري
حاليا عندنا فندق الماريوت مسوين عرض حلووو حق السويت اذا كنتو شخصين الليلة ب 170 إذا كاسرتهم و موقعه ممتاز و في شباب كويتين
بخصوص المطاعم العربية ما صادفتها في بوووستن منذ وصولي صراحة
يمكن شفت مطعم ايراني متوااااضع جدا و بقالة فلسطينية و عندها كورنر للاكل صغير
بس لا تحاتي الاكل اهني مو طبيعي و صدقني ماراح تسأل عن المطاعم العربية
و إذا تبي في بقالات للأرمن يعني من طقت اللبنانيين بس ممتازين عندهم طبخات حلوة خفيفة و كل الاكل عندهم و الاجبان العربية يعني جنك داش جمعية بالكويت
بس اذا تبون ييب معاك ماش لان الشباب اهني ما يحصلونه و دقوس قراش لووول لان اذبحونه فيه
انا عن نفسي ما يبت معاي و لا شي من الكويت لان كل شي اهني متوفر حتى العيش اخذته من جمعياتهم خوووش عيش لوول
و قول للوالد لا يحاتي من يطب المستشفى بيشوف الكويت كلها

و إذا تبي اعطيك رقم واااحد من الشباب (( بو فهد )) يقدر يفيدك بوااايد شغلات و يقدر يدبر لك شقة و الشباب اهني دايمه يسئلونه عن الشقق
بس شلون احط رقمه و شلون الطريقة ؟

انا طولت اسفة بس توني شايفة الرد ...السعر بالدينار الكويتي وللشهر والاسعار تري نار وانا كنت مع زوجي كان عندة دوره بس شكثر تعرفنا علي اللي جايين للعلاج واعتقد يعطونهم مبلغ زين كل اسبوعين ومكفيهم بس ما ادري بالضبط جم وانتم اول ما توصلون لمطار كينيدي (نصيحة لا تكثرون الجناط اللي تشيلونها بالطياره لان من طلعة الطيارة للجوزات مسافة طويلة وما في كراسي )بتروحون للطيران الداخلي لمطار لوغان مسافة قصيرة وهناك المطار مجكنم وبتلاقون تكاسي شكثر وفيهم مغاربة ومن الصومال يودونكم وين ما تبون ونصيحة لو تحصلون فندق جم يوم علي ما ترتاحون وتشوفولكم شقة وايد احسن وتري بوسطن فيها كل شي بس المطاعم العربية قليلة جدا فية مطعم حمص وفلافل بالحي اليهودي (رامز)ببروكلاين وفية مطعم تركي بنفس المنطقة واكثر المسلمين يشترون اغراضهم من الهاي ماركت (اسأل وبتلاقي اللي يدلونكم) وبوسطن الاجارات غالية والاكل غالي بس امان واهلها حلويين وخدوميين وبوصيكم بالبيجامات الداخلية للوالد عسي ربي يشافية صعبة تلاقونها

المشاركة الأصلية كتبت بواسطة Lawyer_81
http://www.arabtravelersforum.com/tr...1/#post1782111

انا راجع بتاريخ وصول والدك !!!!!!!!!!!!!!!!!!!!!
بس ما عليه ادليك على اشخاص كويتيين يقدرون يفيدونك و لا يهمك
شوووف يا الطيب طيارتك راح تطب دايركت في نيويورك و بعدها تكون مضبط حالك من الكويت على طيران داخلي ينقلك بوستن يعني تقريبا نص ساااعة بالطيارة و بتكون وااصل بوووستن بإذن الله و التكاسي مكودة عند المطار تنقلك للسكن او للفنق مؤقتا و يكون افضل
اما اسعار الشقق طبعا تتراوح ما بين 2500 دولار و توصل لغاية 4500 دولار طبعا الدفع يكون شهري
حاليا عندنا فندق الماريوت مسوين عرض حلووو حق السويت اذا كنتو شخصين الليلة ب 170 إذا كاسرتهم و موقعه ممتاز و في شباب كويتين
بخصوص المطاعم العربية ما صادفتها في بوووستن منذ وصولي صراحة
يمكن شفت مطعم ايراني متوااااضع جدا و بقالة فلسطينية و عندها كورنر للاكل صغير
بس لا تحاتي الاكل اهني مو طبيعي و صدقني ماراح تسأل عن المطاعم العربية
و إذا تبي في بقالات للأرمن يعني من طقت اللبنانيين بس ممتازين عندهم طبخات حلوة خفيفة و كل الاكل عندهم و الاجبان العربية يعني جنك داش جمعية بالكويت
بس اذا تبون ييب معاك ماش لان الشباب اهني ما يحصلونه و دقوس قراش لووول لان اذبحونه فيه
انا عن نفسي ما يبت معاي و لا شي من الكويت لان كل شي اهني متوفر حتى العيش اخذته من جمعياتهم خوووش عيش لوول
و قول للوالد لا يحاتي من يطب المستشفى بيشوف الكويت كلها




و إذا تبي اعطيك رقم واااحد من الشباب (( بو فهد )) يقدر يفيدك بوااايد شغلات و يقدر يدبر لك شقة و الشباب اهني دايمه يسئلونه عن الشقق
بس شلون احط رقمه و شلون الطريقة ؟









يعطيك ألف عافيه وإن شاء الله توصلون بالسلامه وتنورون الديره
بس حسافه الوالد مابلحق عليكم
وجودك بالموضوع زاده نور

وبالنسبه للأشخاص ألي قلت عنهم كيفيت الوصول لهم

وبخصوص الشقه إلي ب2500 دولار في عفش ولا خاليه وين مكانها ماعليك أمر وهي تكون بجانب المستشفى لأنه الوالد بيروحون معاه الوالده وختي وأثنينهم الله بالخير بالأنجليزي ميح حدث ولا حرج

علشان جذي نبي شي قريب علشان التضيع


وحبيت أسأل في موتيلات

ولاتنسى أخوي الشقه إذا عندك رقمهى أو كيف الوصيل للحجز


وسلامتك من الشر

المشاركة الأصلية كتبت بواسطة غلا امها
http://www.arabtravelersforum.com/tr...3/#post1783953

انا طولت اسفة بس توني شايفة الرد ...السعر بالدينار الكويتي وللشهر والاسعار تري نار وانا كنت مع زوجي كان عندة دوره بس شكثر تعرفنا علي اللي جايين للعلاج واعتقد يعطونهم مبلغ زين كل اسبوعين ومكفيهم بس ما ادري بالضبط جم وانتم اول ما توصلون لمطار كينيدي (نصيحة لا تكثرون الجناط اللي تشيلونها بالطياره لان من طلعة الطيارة للجوزات مسافة طويلة وما في كراسي )بتروحون للطيران الداخلي لمطار لوغان مسافة قصيرة وهناك المطار مجكنم وبتلاقون تكاسي شكثر وفيهم مغاربة ومن الصومال يودونكم وين ما تبون ونصيحة لو تحصلون فندق جم يوم علي ما ترتاحون وتشوفولكم شقة وايد احسن وتري بوسطن فيها كل شي بس المطاعم العربية قليلة جدا فية مطعم حمص وفلافل بالحي اليهودي (رامز)ببروكلاين وفية مطعم تركي بنفس المنطقة واكثر المسلمين يشترون اغراضهم من الهاي ماركت (اسأل وبتلاقي اللي يدلونكم) وبوسطن الاجارات غالية والاكل غالي بس امان واهلها حلويين وخدوميين وبوصيكم بالبيجامات الداخلية للوالد عسي ربي يشافية صعبة تلاقونها





أختي حمد الله على السلامه ويعطيج ألف عافيه


إنزين الشقه إلي ب900 أشلون أقدر أحصلها وإلي ب450مافيها أثاث كلش


والشقه إلي ب900 قريبه وين موقعها من المستشفى لأنه مثل ماقلت إلي رايحين مع الوالد الله بالخير من ناحية الأنجليزي فنبي شي قريب

وإذا عندك طريقه للحجز غير طريقت الأتصال بالمكتب العربي


شي حلوي حمص وفلافل هذا المطلوب لأنهى أكلت الوالد المفضله ولأنه الوالد فيه الوباء الكبدي فمسكين مو أي شي يقدر ياكل

ولمن قتله فلافل وحمص هيص تسلمين على هل معلومه إلي تساوي 100 دينار لوووووووووووووووووو



والله يسلمج ولاتحاتين وصيت الوالده وقلت لها على البجايم ماتقصر درزن


ومشكوووووووووووره وسلامتج من كل شر

بنت الصقوووووووووووووور
وباجي الأخوه الأعزاء

الرد سريع ماعليج أمر

حاولت أدز رساله بالخاص لج ماعرفت


أختي بغيت خط تلفون لأمريكا أبرايج من وين أشتريها من المطار ولا من المحلات

وشنوي أحسن نوع خطوط عندهم




أختي بتودي كمبيوترها أشلون أيدخلونه المطار يقولون لازم قطع الغيار أصليه ومافيه كوبي
ويقولون لازم يكون البرامج إلي فيه أصليه مادري ماعرف سوالف الكمبيوتر



أبي فندق قريب مؤقت رشحولي ماريوت الشباب بالمنتدى ماقصوري أشرايج في أقرب منه أو أحسن منه

وإذا في عنوان أحجز عن طريق الكمبيوتر ماتقصروووووووووون يالغالين


ولكم من الوالد أأأأأأأأأأأأأأأأأأأأأأأأأأألف سلام وشكر على هذي المعلومات

شكرااا لك بس ماعطتيني المعلومات اللي انا ادورهن
انا من الكويت ماعندنا مكتب صحي بوسطن وبعدين هل يوجد عرب يضبطونك بالسكن وينكرونك بالمطار وعلي قولتهم مايخدم بخيل،،،،،
او عند احد عنوان فندق او شقق مفروشة وللعلم سبق ان رحت مايو كلنك بولاية منسوتا عام 2006
بس بوسطن مازرتها من قبل، شلون الجو بشهر 4 وشرايكم اقوم بتاجير سيارة او مايحتاج المواصلات متوفرة والسكن قريب للمستشفي علي قولتك
وشكرااااا لك ماقصرتي والله يشفي مرضانا ومرضي المسلمين اللهم امين

اخوي الناس اللي تعرفنا عليهم كويتيين وفية مكتب صحي بمستشفي بوسطن للاطفال وانا كلمت ناس هم كانو مراجعين المستشفي وجبت هالرقم 6173553547 وهالرقم لوحدة بالمكتب اسمها نبيلة مصرية وعنوان المكتب هو international health serivices 300 longwood avenue boston ma 02115 وبالنسبة للسفرانتم راح تروحون مطار كنيدي ومنها راح تروحون طيران داخلي لمطار لوغان اللي ببوسطن واول ما تنزلون روحو اي فندق (لانكم راح تتكسفون من السفر تقريبا 14-15 ساعة طيران ) فية وايد من سواق التكاسي مغاربة او صوماليين -نامو وارتاحو ومن تصبحون ان شاء اللة روحو للعنوان اللي كاتبتة لكم (اكتبة وعطة سايق التاكسي ) وهناك بالمكتب الخليجيين كلهم بتشوفهم وما يقصرون مع احد وهم يعلمونك عن كل شي وبصراحة ما ادري عن الجو لاننا رحنا بشهر 7 وكان حر بس بالليل جم طويل حق بنيتكم والسيارة علي حسب ما تسكنون بعيد ولا مشي (لو سكنتم بالعمارة اللي قلت عنها اعتقد ما يحتاج سيارة) وتري استعمال القطارات وايد سهل ويوفر عليكم وما تشوفون شر ان شاء اللة

الاخت - غلا امها

جزاك الله خير ابي الرقم الدولي كامل مع فتح الخط حق نبيلة المصرية ابكلمها من الكويت

ومشكورة وماقصرتي وحاولي تدورين رقم الاستقبال بالعمارة ودي اروح للعمارة دايركت ممكن وسلامتك

احمد تروح وترد بسلامه انا انصحك غير الكلام عن الي قالوه الشباب انا سكنت فيها مع اخوي في بوسطن في مدينة تبعد عن بوسطن 15 كيلو بعيد عن الزحمه ودوخه وصوت سيارات الاسعاف وعلي فكرة مراجعاتكم مش كل يوم يعني يمكن بلسبوع مره مدينة رخيصه وهاديه (قوينسي ) مادري مضيع الحين اهي علي الساوث او علي النورث في عماير علي طريق كويري ستريت رخيصه علي الف وخمسمية غرفة وصاله ومطبخ وانصحك اتاجر سيارة اهناك وتشتري جهاز توم توم ماجلان لان بصراحه الولاية حلووة سيف الماجلان علي البيت والمستشفي وين تبي تروح روح والمدينة فيها مطاعم عربية ومحلات عربية ومناظر طبيعيه احلا من بوسطن واي خدمه عندي اخوي يدرس بجامعه هارفرد في قوينسي يضبطك وتحياتي

ألله يشفي كل مرضي المسلمين قولوا امين والله يفك ضيقت كل محتاج اللهم امين

بصراحه اشعر بالفخر والاعتزاز لما اشوف روح التعاون والمحبه وتقديم المساعده للكل حبيت بس اعبر عن اعجابي

مدينه بوسطن مدينه تاريخيه فيها معالم اثريه وجامعات عالميه هارفرد و ام اي تي وبصراحه من كثر العرب فيها ماراح تحسون بغربه

انا شفت اماراتيين كثير بثيابهم الوطنيه عادي ولا احد صوبهم ان شاء الله الوضع ماتغيير بعد الاحداث

تمنياتي لكم جميعا بكل خير والله يوفق الجميع يارب معليش حبيت بس اشكر الجميع وابداء اعجابي بالروح الحلوه

المشاركة الأصلية كتبت بواسطة بنت الصقور
http://www.arabtravelersforum.com/tr...9/#post1877549

ابوفيصل ، انت تتكلم عن التسعينات .. الحين مافي شي من هالكلام خفوا كثير العرب ... مع انه الوضع عادي جدا و أمان زي أول



اي والله كنك داريه كان فيها اخوان كثير من مصر والشام والمغرب العربي (التكاسي اكثرهم يامغاربه يا افارقه حسب الفندق والمنطقه كل جاليه مسيطره بمكان)

تحمد الجوو الحين بااردانا كنت العام بنفس الوقت ماحسينا بدفا الا اخرشهر ابريل وعلي فكره بردهم لا تقول مو مثل بردنا بررررررد يشق الوجه وتحياااتي للجميع...