الموضوع: ممكن مساعده ياهل الديره الطيبين

معليش الله يعافيكم ابي اسأل عن اشياء:106:اول شي انا جايه الكويت ان شالله بعد عشرة ايام تقريبا وبقعد فيها يومين وابي ثياب حلوة حقت الحجاب وابي اغرض واشياء القرقيعان مرة وحدة وين تنصحوني اروح:101::36_3_11::smile001:

مواضيع عشوائيه ممكن تكون تعجبك اخترناها لك:

• ابي فزعتكم يابنات الكويت
• الكويتية تفتتح الحجز عبر موقعها بالانترنت
• سااعدوني
• زيارتي الاولى للكويت
• دورات تجميل للمحترفين
• ابي شقه رخيصه في الكويت
• فزعتكم يابنات الكويت
• منتزه مرح لاند الصباحية الترفيهي
• لو ممكن طريق سوق الجمعه
• الوشيعة
• فنادق الكويت تستعد لمهرجان هلا فبراير
• الخطوط التايلاندية مباشرة من الكويت إلى بانكوك
• يا اهل الكويت فزعتكم
• صور من منتجع وفندق النخيل الجديد بالكويت
• عرض الصيف لمنتجع كمبنسكي الجليعه ب دينار كويتي مع الافطار
• ارجو المساعدة يا اهل الكويت انا محتار في الفنادق
• استفسار عن تأجير السيارات في الكويت
• استفسار
• اذا امكن عروض الفنادق حق هالصيف
• سكن رخيص طلبت

السلام عليكم وحياكم الله في ديرتكم الثانية الكويت

بالنسبة حق ملابس المتحجبات كل مكان في حق محجبات عندج مرينا مول+ سوق شرق+ الفنار +البستان + المهلب + الافنيوز هذا مجمع جديد وتوه مفتتحينا + وعندج الكوت + المنشر + الراية + الصالحية

اما بالنسبة حق القرقيعان عندج بمنطقه حولي مقابل مستشفى دار الشفاء في محل كل شي فية حق تخرج وقرقيعان واعراس ومواليد وورود وحق كل المناسبات واسمه (بياع الورد) بجانب بن الملوك

والصراحه انا كل مناسبة عندي اخذ منه وانصج اتروحيلا وانشالله يعجبج واذا بقيتي شي انا حاضرة

وادعيلي ان الله يرزقني الذرية الصالحه

هلا اختي


حياج الله بالكويت



عندج الافنيوز في محل اسمه سفيره واغلبية محلات الافنيوز بتحصلين فيها وبعد عندج بالمهلب اوكسجين وعندج بسوق شرق اريفا وشويس وانوتا



واذا تبين شغلات للقرقيعان في علب يبيعونها بسوق بو 100 وهذا السوق موجود بالاسواق الشعبيه اللي بحولي وفي بعد بالسالميه اليديده سوق المعلم بس مااعتقد عندهم شي الحين لو تنطرين قبل رمضان افضل


اتمني اني فدتج واي خدمه ثانيه احنا حاضرين ؟

اول هلا والله اختي بالكويت ترحب فيج بالورد والياسمين والفول

اولا لبس الحجاب الحمدلله كل اسواق الكويت ومجمعاتها فيها الحجاب

اما لبس القرقيعان مايجن الا اذا جا القرقيعان وفي خياطات عندنا يفصلون لج لبس قرقيعان

والهدايا تشوفينها بكل مكان اما الملابس شوف نيو فاشن لبننج الكبيرة لان لبسهم حيل حلو في الفحيحيل وبعد للصغار ومانجو في المجمعات حيل حلو اعتقد ان مانجو مشهور في دول الخليج وفي زارا حلوو حيل وانا شريت منه بنطلون جنز حلو والله والمهم ادخلي المجمعات عيونج تكون قلب على كل محل
هههههههههههههههههههههههههههههههههههههههههههههههههه هههههههههههههههههههه

واغراض عن شنوو بالضبط

السلام عليكم حياكم الله في ديرتكم الثانية الكويت

عندج المجمعات كلها في حق محجبات مثل : مارينا مول+ الفنار +البستان+ سوق شرق + الصالحية + الراية + المهلب + الافنيوز اكبر مجمع بالكويت وتوهم مفتتحينا + الكوت +المنشر وفي وايد بعد ماني ذاكرتهم بس هذيل المجمعات فيهم كل شي


اما بالنسبة حق القرقيعان عندج بمنطقه حولي مقابل مستشفى دار الشفاء محل "بياع الورد" بجانب بن الملوك كل شي موجود فية حق قرقيعان ومواليد وزاوج وتخرج والخ...... وانا بنسبة لي كل مناسبة عندي اروحلا واخذ منه واسعاره وايد مناسبة وانصحج اتروحيلا وانشالله يعجبج

واي خدمه انا حاضرة وحياكم الله

وادعيلي ان الله يرزقني الذرية الصالحة

الله يعطيكم العافيه حبايبي ماقصرتو والله وشكر خاص للأخت روان بنت الكويت بصراحه صدق ماتقصر انا كل مادخلت على بوابة الكويت وسئلت تجاوبني على طول مشكوره حبيبتي...وللاخت لندنيه مشكوره على مرورك حبيبتي وانا قصدي عن اغراض القرقيعان بس...تحياتي

الله يعافيج العفو ماسوينا شي




واي خدمه احنا حااضرين لايردج الا كيبوردج

حياج يا الغاليه بالكويت ما جيتي الا عند اهل وماشاء الله الاخت روان ما قصرت يعطيها العا فيه بس ما اقول الله يعينج علي الحر يا انج بتسيحين

بيتي بوب

حبيبتي هذا واجبي احس اني ماسويت شي لكم

المهم الاغراض شوفي ابو ميه لانه فيه جياس باربي وكراتين للرسمات وفي طيور الجنه فيها اشياء للقرقيعان في اوقات الرمضان وفيها شرايط علشان تربطينهم فيها الوان وفيها كلام يعني مثل : كل عام وانتم بخير يعني كذا

والقرقيعان تشترينه وتحطينه دااخل الجياسه او الكراتين وحطيهن بالسله وتطلع كانج مسويته عند محل بس نصيح تكتبين بالكمبيوتر قرقيعان عاد الاسم اللي تبينه وتروحين تدبسينه بالجياس

مشكورين اختي الدبلوماسيه على المرور ويارب يرزقك بالذريه الصالحه امين ويبلغك فيهم يارب انت واحنا وجميع المسلمين والاخت مسافره كويتيه مشكوره حبيبتي عالرد:101:

مشكوره حبيبتي غلا امها الله يحيك و يبقيك ترى ماعليك الكويت ديرتي الثانيه واحبها واحب شعبها ودمتم بخير

العفوووووووو حياج الله ما سوينا الا الواجب

واحنا حاضرين وبالخدمة

يا هلا بأهلي وضيوف أهلي


:101:

أختي المحترمه يمكن الجو في شهر سبعه وثمانيه اشوي حار بالكويت والكويتين معظمهم مسافرين :

بس في هالشهرين هناك سلبيات وإيجابيات بالنسبه للضيف :

من الإيجابيات :

1- تكثر عروض التنزيلات بالمحلات التجاريه .

2- تكثر العروض الترفيهيه بالأماكن الترفيهيه مثل المدينه الترفيهيه وحديقة الشعب ......

3- من الممكن الحصول على طاولة طعام في أي مطعم راقي بسهوله .



من السلبيات :

1- الزحام على الواجهه البحريه بعد الساعه السابعه مساءا خاصه الأجانب الذين يعملون بالكويت يجدون هذا المكان متنفسهم الوحيد الذي يمرحون فيه دون تكبد مصاريف .

2- كثرة الشباب المتسكعين في الأسواق بعد الساعه السابعه مساءا لأن في جزء منهم عنده دور ثاني بالدراسه .....وجالس بالكويت لا شغل ولا مشغله .



لذلك أنصح من جاء للكويت في هذه الأيام يختصر أماكن تسوقه بالآتي:

1- التسوق في سوق مجمع [ الأفينيوز ] الكائن على الدائري الخامس فهو أكبر سوق بالشرق الأوسط ويوجد فيه ملابس ومستحضرات تجميل وحتى سوبر ماركت [كارفور ] وما يحتاجه الكبير والصغير فهناك تختصر مجمعات الكويت ، ولكن الأفضل التسوق من الساعه الحاديه عشر صباحا وحتى السابعه مساءا لأن المجمعات تفتح من العاشره وحتى العاشره ليلا .....

2- بالنسبه للدراريع [الجلابيات ] والملافع والعبايات .......فلها أماكن كثيره متفرقه ولكن تستطيعين اختصارها بمنطقة الفروانيه خلف جمعية الفروانيه مجمع الرجعان أو مجمع الدبوس ، وكذلك يوجد مجمع الحمرا مول

والجلابيات المميزه .....بمجمع الأوقاف ... بمنطقة شرق ..... ولكنها غاليه اشوي وتستطعين مساومة البائعه حتى إلى نصف السعر فكوني متسوقه محترفه ... فخذي نظره على المحلات والجلابيات وأشكالها وأسعارها أولا ثم بعد ذلك قرري شراء ما يعجبكي ويتناسب مع محيطكي ...والحد المالي الذي وضعتيه للتسوق .

3- بالنسبه لألعاب الأطفال توجد في منطقة شرق شارع خالد بن الوليد ....أما ألعاب البلي ستيشن والجيمز فهي متوفره في مجمع الرحاب بمنطقة حولي .....

4- بالنسبه لملابس الرجال مثل الغتر والشمغ فمصدرها السعوديه .....ولكن يوجد سوق مشهور بها بمنطقة المباركيه اسمه سوق الغربللي أو سوق المباركيه

5- وتستطيعين اختصار المطاعم في ثلاثه اللبناني [ ميس الغانم أو برج الحمام على شارع الخليج]

الهندي..... [مغل محل ..... خلف سوق المارينا بالسالميه أو بمنطقة حولي خلف السنترال.... أو مطعم أشاز ...بسوق مجمع المارينا بمنطقة السالميه على شارع الخليج ]

الأسماك.... ولكن للغداء مطعم النوخذه بفندق كراون بلازا بمنطقة الفروانيه بوفيه الشخص تقريبا ثلاثين دولار أو مائه وعشرين ريال ...... ومطعم المرسى.... بفندق الماريديان على شارع الخليج بمنطقة بنيد القار

أخيرا لا تستعجلي بالشراء واشرطي على البياع [ إمكانية تبديل أو استرجاع البضاعه واحتفظي بالإيصال ]

وتذكري أن ما هو موجود في بلدك لا يستحق أن تتكبدي مشاق حمله ......

الدينار الكويتي= 12 ريال تقريبا

وبالتوفيق :115:

مشكورة kow80 وماقصرتي كفيتي ووفيتي وبصراحه هذي مو اول مره اروح فيها

الكويت طبعا وهذي ديرتي الثانيه..

يا هلا وغلا نورتي الكويييت ..

افادووج خواتي بالمجمعاات " مو خبره ولا اعرف بمجمعاتنا غير الافينيوز والكوت وشرق ومارينا ... الخ " ..

بالنسبه للقرقيعااان :

1. بياع الورد ..

2. سوق ابها في شارع تووونس اهو يبيع لبياع الورد " تلقييين ارخص من بيااع الورد " ..

3. بيت الهدااايه مقابل المعهد التجاري ..

4. بيت الهدااايه بالبلوووكات عاااد هذا ما اعرف اوووصفه بس سألي عنه ..

5. المعلم بحولي ..

6. في مكاان بالفرواانيه بس ما اعرف شسمه يمكن يفيدوونج فييه خواتي ..

7. في مكاان حده ايين ورخييييص بالبلووكااات رقم البلوك " 2 " ..

هذا اللي طلع معاااي حاااليا :110:

افكر ولي عوده بإذن الله :115: