الموضوع: ماهي المسافة بين مطار دبي وشارع الشيخ زايد ؟

مرحبا
عندي استفسار بخصوص المدة بين مطار دبي الى شارع الشيخ زايد ؟؟؟
كم دقيقة بالتاكسي ؟؟؟
وهل استطيع ان اجد تاكسي بسرعة ؟؟؟ وكم اسعار التاكسي من المطار ؟؟؟
علما باني نازل دبي ترانزيت ... ومدته اربع ساعات فقط

مواضيع عشوائيه ممكن تكون تعجبك اخترناها لك:

• ممكن تنصحوني بالسكن
• أستمتع بالعيد في فندق رويال روز أبو ظبي
• استفسار صغنون مره
• إلى أهل أبوظبي مع التحية
• الشاطي روتانا ابوظبي كورال الخوري دبي
• دار المصياف جميرا
• زيادة نزلاء منشآت أبوظبي الفندقية في الربع الأول
• كوبثرون عرب لنك
• لوسمحتو ابي برنامج حق اسبوع طالبكم
• شاهين عند نافورة دبي العالمية صورة
• تكفووووووووووووووون ضرووووووووري
• من جرب السكن فى استديو شقق فندق ادريس
• عاجل جدا ترى السفر باجرماعليكم امر
• إقبال على التسوّق في الأيام الأخيرة من مهرجان دبي للتسوق
• سؤال بخصوص موقع
• سؤال عن دخول وايل وادي للنساء
• العربية للطيران تسير رحلة يومياً بين الشارقة واسطنبول في يونيو المقبل
• استفسارات عن شقة مينك مارينا واستفسارات عامة
• لاتدع الفرصه تفوتكم
• لأصحاب الخبرة أيهما أفضل دوست مارينا أو سلوان للشقق الفندقية

والله يا القفص - 4 ساعات مو كثيره داخل مطار دبي - لان المطار مره كبير ورائع فيه سوق حره كبيره وكوفي شوب ومطاعم - وانترنت لاسلكي في كل المطار -وانت تخاف لو طلعت تواجه زحمه وتتاخر - والمسافه في دبي لا تقاس بالقرب او البعد- بل تقاس بالوقت فيه اوقات الطرق تكون مزدحمه فيها مره واوقات فاضيه - انا انصحك انك ما تطلع من المطار

اذا من مطار دبي الى شارع الشيخ زايد تقريبا 12 الى 15 دقيقه اذا كان ماشي زحمه

واذا زحمه بطول اكثر

اصلن التكاسي وافقه عند المطار يعني سهل تحصل لك تكسي

تقريبا سعر التكسي من المطار الى شارع الشيخ زايد

شارع الشيخ زايد جدا طويل تقريبا اول الشارع بياخذ عنك 25 الى 30 درهم ما اتوقع اكثر بس اذا اخر الشارع بياخذ عنك 40 تقريبا

اذا نازل عقب الساعه 12 الفليل بتوصل بسرعه ولن تتاخر لانه ما شي زحمه واذا في يوم دوامات و زحمه و نص الاسبوع بتكون شي زحمه

وشكرا موفق ان شاء الله

أنا مع رأي أخوي الفارس، المطار فيه كل شئ و أربع ساعات تمشي بسرعه جدا..

البقاء في المطار افضل

المبنى 1 متصل مع المبنى 3

يعني مركزين للتسوق مفتوحين على بعض

وكل واحد اكبر من الثاني

وفيه مطاعم عديده وانترنت لاسلكي

واذا تبون الراحه في 3 فنادق

فندق في المبنى 1

وفندقين في المبنى 3 واحد 4 نجوم والثاني 5 نجوم

واذا ما كنتو تبون فندق فيمكنكم الراحه في قاعة مرحبا بدفع مبلغ 150 درهم تقريبا

اما اذا فكرتو تطلعون من المطار

فما انصحكم بالإبتعاد كثيرا عن المطار

ومن الأماكن اللي ارشحها للزيارة

هي دبي فيستيفال ستي

فهو قريب من المطار مسافة شارع واحد

وبالتوفيق

أنا مع أخوي ولـــــ زايد ــــد المطار سوق الحره حلو
وأقرب للمطار دبي فيستيفال وسيتي سنتر بعد
وأنصح بــ سيتي سنتر لأنه أصغر بس دير بالك من زحمة طابور التكاسي في كل مول

انا من راي الاخوان


اذا 4 ساعات لا تطلع من المطار واصلاً مطار دبي الحين يباله 4 ساعات قبل ما تسافر المطار كبير وايد وفيه كل شي السوق والمطاعم وكل شي