الموضوع: ايام اين اقضيها

انا جاي الاربعاء رحلة الظهر انشالله الوصول 2ونص الظهر

والعودة الساعة 9ونص الليل الجمعة

خلال هذه الفترة

فين تنصحوني اروح في الكويت

فين اقضي هاليومين

افضل الاماكن وامتعها



نقطة --

يوم الجمعة ودي اصلي الجمعة في مسجد يكون الامام الشيخ العفاسي

ايش المسجد الي يصلي فيه يوم الجمعة


واكون شاكر لكم

واسف لو ثقلت عليكم

مواضيع عشوائيه ممكن تكون تعجبك اخترناها لك:

• فلل منتزه الخيران
• اول مره أسافر الكويت ياليت تساعدونا وتفيدونا
• بخصوص واشياء اخرى ؟
• رحيل الفنان الكبير غانم الصالح
• ابحث عن شاليهات قريبه للمجمعات التجاريه
• السفر الى الكويت بالهوية الوطنية
• مدينة الأحمدي قديماً وحديثاً بعدسة عسل
• معانــي مناطق دولة الكويـــت استفيد لو احد سئلك
• اول سفره للكويت و نبي شوركم
• افتتاح مدينة كيدزانيا الثالثة عشرة حول العالم في الأفنيوز
• أفضل الأماكن لـ جيت سكي
• فريج بن عاقوووول
• أخي الباب العالي مطلوب للأهمية
• ‎ ‎ ‎‎
• ستنخفض أسعار الشقق في شهر
• استفسار بخصوص الوقود
• اشاده بالمنتدي من فبل صحيفة الوطن الكويتيه
• الفزعة يا اهل الكويت
• ممكن نسافر الكويت يوم الثلاثاء برا و الشوارع خطرة بسبب الامطار؟؟
• كل ماتحتاج معرفته عن الكويت؟

اخوي جاي مع العائله الكريمه ولا جاي لحالك ؟؟؟ عشان نقولك وين تروح احسن ؟؟؟ العفاسي ماندري عنه

اماكن الزيارة كثيرة عندك الاسواق والمجمعات بعض المعالم المهمة والتي تعتبر مشهورة مثل ابراج الكويت والمدينية الترفيهية والمركز العلمي منتزه الشعب سوق المباركية وقرية يوم البحار اخذ جولة في مدينة الكويت للاطلاع على بعض المعالم المهمة مثل المسجد الكبير مجلس الامة وبرج التحرير ةقصر السيف وبوبات سور الكويت

وبالنسبة للمجمعات الحديثة تم افتتاح اكبر مول بالكويت وهو الافنيوز وهو يعتبر من اضخم المجمعات في الخليج

هلا اخوي


حياك الله بالكويت وانشالله تقضي وقت حلو وممتع عندنا



بالنسبه للمجمعات الافضل تروح : الافنيوز - مارينا مول - سوق شرق - المهلب وعندك بعد الكوت بس بعيد شويه


والاماكن الترفيهيه الافضل تروح : ابراج الكويت - المركز العلمي - حديقة الشعب



ماعندي فكره عن اي مسجد يصلي فيه الشيخ مشاري العفاسي بس اذا تبي تصلي صلاة الجمعه عندك المسجد الكبير


واي خدمه ثانيه احنا حاضرين لاتتردد ؟

الملاهي تاخذ منك يوم كامل مثل المدينة الترفيهيه والشعب وغيرها

ام المجمعات تشتري لاهلك هداي المجمعات اللي ذكرتها روان

واذا تبي مطاعم وااااايد ولا كل منطقة فيها ملاين المطاعم الله لايسقط علينا

وعااااد ان شاء الله تفرح بدولتك الثانيه واهلا وسهلا والله

مشكوررررررررررين وماتقصروا

الف شكر هذا العشم فيكم يا اهل الكويت

بس الي يعرف فين يصلي العفاسي يقلي

واكون شاكر له

وانا شااااااااااب لحالي

صحيح بجي يومين او بالاحرى 3

نفسي اجلس اكثر

لاني نفسي من زمااااااان ازوووووووور الكويت

اخي الكريم القاري مشاري العفاسي ليس امام مسجد ولا خطيب جمعه ولا يؤم الناس الا في رمضان فقط

اول شي حياك الله ونتمنا لك طيب الاقامة في بلدك الثاني اما بالنسبة للاماكن:101:

في ابراج الكويت الغذا حلو فيها + فندق راديسون ساس في مطعم داخل اكبر سفينة بوم في العالم +في رحلة بحرية لجزيرة فيلجا في مراسي مجمع مارينا مول +تقدر اتحجز تذكرة رحلة هليكوبتر وماكنها بالقرب من مطعم مركز سلطان على شارع الخليج + طبعا المطاعم اللي على شارع الخليج اكثيرة وحلوة + وانصح بالنسبة للسينمات سينمات مجمع الفنار وذلك لان المجمع فية اكثر عدد سينمات في الكويت تقريبا 6 سينمات بالمجمع + في متحف عالمي عن اغرب عجايب العالم وهذا ان شاء الله بعجبك في منتزة الشعب الترفيهي + المدينة الترفيهية

مع تمنياتي بطيب الاقامة واذا في اي استفسار انا حاضر :101:

ألف الف شكر

كفيتو ووفيتو يا اهل الكويت

هذا العشم فيكم

وانشالله انبسط في ارضكم

وانا في خدمتكم عن اي شئ بالسعودية وتحديدا جدة

وحياك متى ماتجو

ومشكورين وماقصرتوا

الافنيوز
المدينة الترفيهية
المركز العلمي

وين اماكنهم

اخوي فيصل هذا وانت خبير بالكويت

الظاهر انك من زمان ماجيت لكن

المدينه الترفيهيه قديمه شلون ماتعرفها

اقولك اخوى الغالي فيصل

المركز العلمي على شارع الخليج

بعد اشارة شوبيز ( لا تقول ما اعرفها )

الافينيوز اذا انت جاي على طريق

الملك فهد ( الله يرحمه ويغفر له ) من النويصيب

متجه للعاصمه راح تجيك جسور عرضيه تسمى

بالدائري راح تبدى بالسابع ثم السادس ثم

الخامس اللي ( يسمى بجسر الساعه )

اسلك الطريق هذا متجه الجهراء خلك ماشي

لين تشوفه على اليمين مجمع كبير وملاصق

له ايكيا

اما المدينه بمنطقة الدوحه القريبه من الجهراء

لكن مالها لوحات ارشاديه يعني روح كأنك رايح

الجهراء وقبل الجهراء بتجيت لفتها واذا سلكت

نفس طريق الافنيوز وصار علي يمينك تقدر

تكمل سيده وتتبع لوحات الجهراء لين تقربك

منها وهناك تقدر تسأل بس قبل لاتدخل الجهراء

وبالتوفيق ان شاء الله

فعلا زمان من الكويت وغير الكويت
لي تقريبا 3 سنوات لم اسافر الا للبنان وسوريا خلال هذه الفتره
ونسيت كل شي

المدينه الترفيه قديمه نعم لكن نسيت

ما ادري هل الكويت تغيرت او لا

اخوي الكويت كل مالها وتحلوو اكثر من قبل ...

والان فيها عمران رهيب .. كل شي قاعد ينبني من جديد ..

وبطرق حديثه ..

ان شاء الله تستمتع ...

وعمار ياكويت عمار

احب هالبلد واهله..ليش ؟اي دونت نو:106:

الله يطول بعمرك