الموضوع: حجزت فندقين والثالث عليكم يهمني رأيكم

السلام عليكم
باختصار انا طالع دبي في شهر اغسطس 9 ايام ( شهر عسل )

وحجزت اول ثلاث ايام في فندق رافلز دبي ( حسيت انه مناسب للعرسان وفخم وعليه عرض )
رابع يوم وخامس يوم في فندق اتلانتس
باقي 4 ايام ومحتار فيهم :114: قلت ابي رأيكم في فندق قريب من المولات والمطاعم وتكون غرفة واسعه ورومنسية وفطورهم حلو ومحتار بين هالفنادق
( العنوان - القصر المدينة القديمة - كمبنسكي - القصر مدينة جميرا - ميناء السلام - المنزل او قمر الدين )
ومدري بصراحة شو الافضل عندكم مول الامارات ام دبي مول

انتظر اقتراحاتكم مع ذكر السبب ودمتـــم

مواضيع عشوائيه ممكن تكون تعجبك اخترناها لك:

• ضعف الدولار يعزز تنافسية القطاع السياحي في دبي
• إلى أهل دبي الاعزاء ارجو المساعدة
• فيد واستفيد
• نشاطات لمحبي الرياضة في أبوظبي
• فيزة سياحة لدبي
• ممكن برنامج أسبوع في رأس الخيمة
• سؤال موجه لعرب لينك
• اهل الإمارات ودبي لاتبخلوا باالإجابه
• انا في دبي كيف اطلع على طريق العين وحتا
• استفسار عن الخياطين
• فندق في دبي البرشا ممتااااااز
• مهم جدا عن فندق
• عاجل بخصوص فنادق دبي
• خريطة دبي ودفتر التخفيض
• الاماكن العائلية
• ارجو المساعدة الرياض الكويت دبي الرياض
• ساعات انتظار في مطار ابوظبيوين احط الكمبيوتر والكاميرات؟؟
• الأخوة أهل الامارات عندي استفسارات بخصوص
• استفسار لعشاق التصوير في دبي
• ألف زائر لحدائق دبي خلال يومين

بالبركة عليكم مقدماً والله يسعدكم إن شاء الله طوووول العمر


ماشاء الله اختيارك حلو للفنادق...وكل فندق أحلى من الثاني الواحد يحتار



الرافلز راقي اختيار حلو .



القصر (مدينة جميرا ) عن تجربة فخم ... وفيه سوق ومطاعم، وتقدر تدخل الألعاب المائية.
وأيضاً برج العرب فري عن طريق الفندق.
بس إنت حجزت في اتلانتس وتقريباً نفس المنطقة.
إذا في مجال تغير للقصر وتخلي اتلانتس زيارة فقط وتتغدى فيه عندهم مطعم بوفية ممتاز.
في نظري غرف القصر أفخم للعرسان (مجرد رأي)



الفندق الثالث...(منطقة برج دبي)
عشان تغير كل فندق في منطقة إما العنوان The address وأيضاً عن تجربة حلو،وفطورهم كثير منوع وممتاز
تقدر تشوفه في تقريري.

أو القصر المدينة القديمة إذا كنت حاب تغير لستايل شوي.


رحلة موفقة بإذن الله.

كمبنسكي...

هلا والله


اخوي ياليت تعطيني معلومات رابط عن الفندق
رافلز دبي


انا مثلك سفرتي 9 اغسطس والى الان ماحجزت


واستفسار اخر كيف حجزت وعن طريق اي مكتب

ألف مبروك مقدما أخوي كنج لوف .....

وإن شاء الله تستمتع في شهر العسل .....

اخوي كنج لوف -
الف مبروك - وعقبال50 سنه
انا انصحك بالقصر المدينة القديمه لكن خذ سويت خذ سويت دبلوماسي مساحته 105 متر -
شي عجيب - من تجربه خاصه - قمه في الفخامه - والفندق صغير 6 ادوار تقريبا 242 غرفة وسويت - وموقعه ممتاز - بجانب دبي مول -

لو تقدر تحجز في الكمبينسكي بدل رافلز يكون أفضل لأنه ملاصق لمول الامارات

يومين اتلانتس و غالبا بتقضيها في نفس المنتجع ما بين الاكواريوم و السبا و الووتر بارك

4 أيام القصر مدينة جميرا مع انه قريب من اتلانتس الا انه افخم منه بمراحل

لو تحجز في مدينة جميرا بدل اتلانتس افضل لك .. لانها افخم و تنفع اكثر للعرسان ..

اتلانتس تكفيه زياره (وجهة نظري)

و الايام الاخيره في كمبنسكي ..



موفقين

المشاركة الأصلية كتبت بواسطة mzoon
http://www.arabtravelersforum.com/tr...8/#post2972118

لو تحجز في مدينة جميرا بدل اتلانتس افضل لك .. لانها افخم و تنفع اكثر للعرسان ..

اتلانتس تكفيه زياره (وجهة نظري)

و الايام الاخيره في كمبنسكي ..



موفقين





كلام مزون 100 %

سلااااااام عليكم ..... مرحبا اخويه فالبدايه الف مبرووك وزواج سعيد انشالله ... بنسبه لموضوعك عن احلى الفنادق فخواني وخواتي ماقصرووو وياك عن اعطائك اهم التفاصيل للفنادق الموجوده فدبي وختيارك موفق للفنادق ... انا اقترح عليك انك تحجز في ميناء السلام وو والقصر ....واما بنسبه للمولات فمول الامارات ودبي مول من اجمل المولات وافخمها فتسوق وترفيه .... اتمنالك رحله سعيدة موفق...


تحـــــــــــــــــياتي.....شمس البداوه

جزاكم الله الف خير ياللي فوق واتحفتوني بردودكم
واسف عالتأخير ولي رجعه للرد على كل واحد منكم بس لضيق الوقت احب اضيف الاتي :

- الاتلانتس لابد من الاقامه فيه لأني وعدت المدام وكنت افكر غرفة فخمة . ( انزنقت على قولتهم )
- الرافلز بشهادة كثيرين فخم ويصلح للعرسان .
- اخر الايام من الاقامة شكلي بثبت على فندق العنوان .. بس مدري سمعت انه فيه اثنين العنوان بنفس المنطقة ؟ ايهم افضل؟ وشو الغرفة الحلوة عندهم الديلوكس ام الجاردن ؟ او اغير من العنوان اشوف غيره .. وش رايكم ؟

- بالنسبة للرافلز ( اقرب مولات له وسينما - افضل مطاعمه شو - افضل مطاعم وافي مول )

دمتم

دامك استقريت على رافلز و اتلانتس الفندق الثالث انصحك يكون القصر مدينة جميرا حتى لو كان قريب من اتلانتس يضل أفخم و أحلى من ذا ادريس و اتلانتس

كنج لوف راح انزل صور القصر بالكثير يوم الاحد لا تحجز الى ان تشوف الصور وانا متاكد راح تغير رايك صدقني القصر المدينه القديمه (دبلوماتك سويت )لا يقارن لا بالعنوان ولا برافلز انا جربتهم كلهم

الف شكر لك اخي الفارس - والقصر اللي تقصده المدينة القديمة ام الجميرا ؟
وننتظر الصور ربي يوفقك

اقصد القصر المدينه القديمه(ذا بالاس اولد تاون)

السلام عليكم

بعد إذن صاحب الموضوع

أخوي الفارس-99

بناء على كلامك حجزت سويت دبلوماسي في القصر ..
بس يا ليت توضح أكثر وش مواصفاته .. وش اللي أعجبك فيه بزيادة .. كيف فطورهم .. وهل يطل على النافورة الراقصة ؟

وبعدين وين الصور اللي وعدت إنك بتنزلها :110:

يا ليت تعجل بها الله لا يهينك ..

وشكراً لك ..

وينك أخوي الفارس-99

:11ccer:

المشاركة الأصلية كتبت بواسطة 6am 6am
http://www.arabtravelersforum.com/tr...0/#post2970930

لو تقدر تحجز في الكمبينسكي بدل رافلز يكون أفضل لأنه ملاصق لمول الامارات

يومين اتلانتس و غالبا بتقضيها في نفس المنتجع ما بين الاكواريوم و السبا و الووتر بارك

4 أيام القصر مدينة جميرا مع انه قريب من اتلانتس الا انه افخم منه بمراحل




:24::24::24::24::24::24::24: