الموضوع: سؤال عن مكتبات الكويت؟؟

اخواني أهل الكويت

السلام عليكم ورحمة الله وبركاته

انا رايح للكويت بأذن الله الأسبوع القادم من الدمام ...

والرحله هدفها الرئيسي شراء بعض الكتب من الكويت

ولكن هذا أول مره اروح الكويت ولا اعرف المكتبات الكبيره فيها

عشان كذا اتمنى منكم تزويدي بأسماء المكتبات الممتازه في الكويت وعناوينها

وخاصه المكتبات اللي تتوفر فيها كتب الفيزياء والكيمياء والرياضيات



انا سمعت عن مكتبة البابطين بس يقولون ماتبيع الكتب بس تصوير ... هل الكلام صحيح؟؟


وشكرأمقدماً

مواضيع عشوائيه ممكن تكون تعجبك اخترناها لك:

• موفنبيك البديعاستفسار عاجل
• عرض زين المجاني لايطوفكم باجر وعقبه
• الرهش الكويتي حلويات الكواكب
• دلوني اعانكم الله
• سؤال عن فندق
• عندي سؤال لو سمحتو ؟؟
• بداية تنفيذ المشاريع السياحية في جزيرة فيلكا
• استفسار عن الملافع والحجابات والشنط
• بنت نجد تبي مسااعدتكم ياهل الكوويت الحبيبه
• بخصوص مولات الكويت
• للكويتيات او الي عندهم خبره فقط
• صور لبعض المجمعات التجاريه الجديده بالكويت
• ـ‗ღ أحلى الأجواء في الكويت ღ‗ـ
• رأيكم في هذه الشقق الفندقية في السالمية و حولي لمن جرب السكن بها
• سؤالين عالطاير
• شروط تأجير السيارات بالكويت
• جدول رحلتي ليومين الي الكويت باختصار
• «كيدزانيا العالمية» تبرم اتفاقية حصرية مع شركة الشايع
• فندق بلازل اثنيه
• مبروووووك المطر

السلم عليكم ورحمة الله

حياك الله اخي الكريم في الكويت

مجمع المثنى اللي مقابل فندق ماريوت

في العاصمه يوجد فيه شركة المكتبات الكويتيه

ومخصصه لبيع الكتب

وعندك حولي لو سألت عن شارع المكتبات راح يدلونك

لكن اعتقد ان اكثرها مخصص للكتب الاسلاميه اذا مو كلها

اما البابطين ما اعرف عنها شي والله

وحياك الله مره ثانيه

بارك الله فيك اخوي

وشكراً على المعلومات

دعواتي لك

هلا اخوي سالم




حياك الله بالكويت


عندك مكتبة جرير بحولي وعندك بعد مكتبة ذات السلاسل بالمطار و لها اكثر من فرع



وعندك بعد جريدة الوطن وجريدة الرأي العام بالشويخ تقدر تروحلهم عند الارشيف تحصل كتب بس تصوير ماتقدر تاخذهم



وعندك بعد مكتبة الخالديه المركزيه التابعه لجامعة الكويت بكلية الهندسه بمنطقة الخالديه متخصصه بكتب الفيزياء والرياضيات والكيميا تقدر تصور منهم



ومكتبة البابطين مكتبه متخصصه بالشعر والادب والنثر اذا انا مو غلطانه بس ماعندي فكره اذا بس يصورون او تقدر تشتري



بالاضافه للمكتبه اللي بمجمع المثنى وباجي مكتبات حولي العجيري ودار العروبه والفلاح



هذا اللي اعرفه وانشالله اذا في شي يديد راح اضيفه

هلا والله ببنت الكويت

وفيتي وكفيتي وبارك الله فيك

دعواتي لك

دام تبي كتب متخصصه كيمياء ورياضيات وفيزياء ..

روح مكتبه الطالب بجامعه الكويت الشويخ ... راح تلقاها وتشتريها .. اوقات دوامهم من 8 الى 1 ونص ظهرا

حياك الله اخوي بالكويت بلدك الثاني

المكاتب منتشرة بكل مكان بالكويت وذا تبي تشتري كتب عندك شارع المثتى بحولي كله مكتبات وتقدر تحصل كل اللي تبيه هناك

عندك مكتبة ذات السلاسل عندهم فرع بالمطار وبالمارينا مول

بس مكتبة البابطين ماتقدر تشتري منها كتب بس تصوير او استعارة

يوجد شارع في منطقة حولي خلف نادي القادسيه يوجد فيه الكثير من المكتبات الإسلاميه والتسجيلات الإسلاميه

أما بالنسبه للمكتبات المتخصصه بالكتب الإجتماعيه والسياسيه فتجد عناوينها على النت

عن المكتبات في الكويت وقلتها
ويوجد ردود باللغة العربية
http://www.kuwaitism.com/2007/05/21/...kuwaiti-malls/

حياك الله اخوي

الاخوان كفوا ووفوا

مثل ما قالوا الشارع اللي خلف نادي القادسية بحولي كلا مكتبات متخصصة بالكتب
وشارع المكتبات اللي مقابل مجمع النقرة الشمالي بحولي هم فيه كتب خصوصا مكتبة العجيري

وعندك مكتبة جرير فيها كتب عديده ومقسمة على حسب التخصص
وعندك بعد فيرجن ميقا ستور في المرينا فيه كتب ومقسمة على حسب التخصص

ومكتبة ذات السلاسل في السالمية في الشارع المقابل لمارك سبنسر قبل الاشارة بشوي

ومثل ما قال الاخ البدو في مكتبة الطالب في جامعة شويخ فيها كتب عديدة ومتخصصة وتقدر تشتريها وفي مكتبة مركزية اخرى للمطالعه بنفس الجامعه وتقدر تصور من الكتب

اضافة الى المكتبات العامة في معظم مناطق الكويت وفيها كتب عديده تقدر تستعيرها او تصور منها
في بيان وضاحية عبدالله السالم والدعية والشامية واغلب مناطق الكويت الاخرى

نتمنى انك استفدت والف حياك الله في الكويت

ماشاء الله الشباب ماقصرو معاك
بس المكاتب الى بحولي خلف نادي القادسية اغلبها اسلامة او ادبية الى بالمثني ممكن تحصل فيها الى تبية مع اني اذا احجت شي اقرب زيارة لي للرياض اشتري من هناك هناك المكاتب كبيرة وضخمة وتحصل فيها شغلات وايد عكس الكويت ويمكن اكبر مكتبة الحين هي مكتبة جرير الى بحولي