بداية يسعد لي مساءاتكم وصباحياتكم وكل حياتكم
اليوم بأسترجع بعضا من شريط الذكريات لسفرتي الأخيرة إلى نيوزيلندا.
سافرت إلى هناك في صيف سعودي حارق = شتاء نيوزيلندي قارص.
كانت مدة رحلتي في الطيارة من السعودية إلى نيوزيلندا حوالي 40 ساعة مئوية,, قصدي بس أربعين ساعة عادية.
أول ماانطلقت من السعودية كانت درجة الحرارة 40 وقفت سنغافورة صارت 20 وصلت نيوزيلندا كانت 3 درجات
عندما وصلت إلى المطار النيوزيلندي ...كنا ملزمين بتعبئة استمارة قبل دخول البلاد.
وللأسف كانت انجليزيتي ضعيفة ومحصورة بين كلمة thank you وكلمة Good bay,,,,وأحيانا أخربط بينهم,,في الاستخدام.
المهم بعد ماقريت الاستمارة وعبيت اللي قدرني الله عليه من الخانات ,,تركت الباقي عليهم,
لما قدمت الاستمارة للموظفة رحَبت فيني بابتسامة عريضة وبدوري أنا بادلتها بابتسامه أعرض من ابتسامتها,,
بعد ((حفلة الابتسامات)) اللي صارت بيننا ,,
أشارت إلى خانة في الاستمارة مهمة جدا.
وقالت أنك لازم تجاوب على السؤال اللي فيها!! قلت لها:بصراحة مافهمت السؤال,,بدأت هي تحاول تشرح لي معنى السؤال,,,,قامت تقول:: شئ مثل How long وأيضا have you been in prison=
طبعا سؤالها مش وجيه ومحرج لغاية,,,
,معناه هل سبق وانحبست في سجن وكم مدة سجنك,,,,
,أنا توقعتها تسألي كم راح أجلس في ذاك الديرة(نيوزيلندا).
قلت لها بكل ثقة : yes )) , نعم ثلاث شهور)). قلتها وبكل ثقة وما نسيت ابتسم لها ابتسامه عريضة أيضا...
ولما شفت وجهها تغير وملامحها صارت ما تبشر بالخير ,,قلت لها أنا ماني متأكد من سؤالك هذا ,
هل هنالك أحد يتكلم اللغة العربية هنا , بعد كذا طلعت لي ورقة باللغة العربية,,,
قريت السؤال وإذا فيه سجن وحبس ومدة السجن وبلاوي متلتلة
المهم قلت أنا :NONO NON NO NO يوم شافتني( أنو نو ) قعدت تضحك علي,,,,الله يصلحها
حرام ياناس أنا إنسان مالي بالسجون ولا المشاكل هذي,,,= الثلاث شهور هي المدة اللي كنت بأقضيها في نيوزيلندا.
.
.
.
وصلت لبيتي هناك مع المسئولة عن الهوم ستي من المعهد حقي,,,
تعرفت على أهل البيت وبدءوا يعرفونني على البيت .
وصلنا لغرفة نوم قالت لي: هذي غرفتك وش رأيك فيها!!. بمجرد ماشفت السرير وبكل رشاقة نقزت عليه.
قاموا يضحكون قالوا طيب خلنا نكمل لك البيت تشوفه وبعد كذا ارجع و نم .
قلت:حاليا ما أبغى أتعرف على شئ غير هالسرير.
كانت الساعة 2 الظهر في يوم إجازة ويك إند
قالت لي الأم: وش تبغى عشا إذا قمت من نومك.
قلت اللي يجي منك خير إلا bacon الخنزير نمت وكنت مخطط ماأقوم إلا من بكره ...
لكن مانمت إلا ساعتين وصحيت مع إني جدا تعبان بعد السفر,, بصراحة ما انسجمت مع المكان أول ماوصلت,,
قمت وبدأت أتمشى حول البيت كان فيه نهريين قريبين من بيتي هناك,,
وجبال وخضرة والجو كان ماهوب بارد جدا .
وحتى لو كان بارد في بعض الأيام فإنه يكون رطب وليس جاف مثل بردنا
في البداية كان فيه نوع من عدم الانسجام .
لكن يوم ورا يوم ,,,بدأت تتحسن لغتي وأتعرف على الناس والمدينة وصار لنا ربع وخويا .
كنت ما أتوقف عن زيارات المحلات والأماكن العامة واستغل كل فرصة للحديث مع الناس وبفضل الله ثم هالاختلاط بالناس تحسنت اللغة تدريجيا
بعض الأحيان أقابل أشخاص إذا تكلم ما أفهم كلامهم لكن أمشي السالفة..
إذا ابتسم ابتسمت معه
إن عصب وزعل عصبت معه وسويت نفسي زعلان
وإذا ضحك هو ضحكت معه
وإذا اندهش سويت نفسي مندهش ومنصدم من الكلام
و إذا بدأ يبكي قمت أضحك عليه إيه هين أصيح معه
الزبدة ::خل الحوار ماشي وأسأل من وقت لآخر عن معنى بعض الكلمات اللي تحس أنها مهمة.
وحاول ماتستخدم الكلمات مثل( لغتي ضعيفة) أو( ما أتكلم انجليزي )
لأنه بتقلل من الدافع لديك للتعلم .
في يوم من الأيام طلعت من المعهد وقت الاستراحة ورحت لمحل كتب قريب.
علشان أشتري لي جريده أقراها ,,,
دخلت المحل بسرعة وبكل عفوية قلت وأنا داخل: السلام عليكم. بصوت عالي
لما جيت أحاسب الجريدة شرحت لهم الوضع ومعنى الكلمة هذي,,,,فاستغربوا كيف أنه تحيتنا فيها كلمة السلام,,,,الجماعة يحسبونا إرهابيين.........
في آخر يوم لي لبست الثوب السعودي في المعهد ورحت تغديت في ماكدونالز كنت يومها فرجة لعباد الله ذاك اليوم لكن زاد احترامي للثوب السعودي..... ما أدري ليش
سافرت عدة سفرات داخلية اذكر منها إلى ويلنغتون 4 أيام وكرايس تشرتش 5 أيام وبيلنهوم وتكاكا (صور فيها بعض اللقطات لفيلم لورد أوف ذا رينغ)
ويلنغتون كانت من أجمل الأوقات خلال السفرة كلها,,,,,اتمنى أرجع لها .
في نيوزيلندا حصلت حوادث كثيرة وذكريات جميلة.
هذا بعضها حبيت أشارككم فيه
والسلاممواضيع عشوائيه ممكن تكون تعجبك اخترناها لك:
- نفسي نيوزلنداساعدوني
- طريقة السفر من من مطار اوكلاند الى نابير؟؟؟
- فندق سكاي سيتي اوكلاند
- تبي لغه ومحتار وين تسجل في نيوزلندا تفضل
- دراسة لغة شهور في نيوزيلندا مشورتكم
- بالنسبة لدراسة وبدايتها في
- حساس و الشباب اللي في والنقتون عاصمة نيوزيلاند و اللي عنده خبرة في المدينة
- الخطوط الناقله الى نيوزلندا وبعض الاسئله
- هل شريحة الاتصال السعودية تعمل في نيوزلندا
- شباب نيوزلندا بليزكريستتشيرش
- استفسار بخصوص الجيلبريك والطقس
- استفسااااااااااااااااار
- أستودعكم الله الذي لا تضيع ودائعة برجع السعودية
- النجدة يا أهل نيوزيلاندا
- احب اوضح شي دايم يغلطون الشباب في فهم النك نيم رايح نيوزيلندا
- استفسارات عاجلة تخص نيوزيلاندا
- أستفسار ضروري عن الخطوط السنغافورية لمن جرب او سمع عنها
- اسئله
- استفسار نيوزلندا واستراليا
- ساعدوني يالي رحتو نيوزيلاندا
رد مع اقتباس
[/IMG]
[/IMG]
[/IMG]
المفضلات