الموضوع: بزور الكويت في شهر 7

المشاركة الأصلية كتبت بواسطة غموض الحياة
http://www.arabtravelersforum.com/tr...2/#post1249058

السلام عليكم أخواني

ناوية على شهر الحر شهر 7 ازور الكويت ..

وبصراحة عندي خلفية ان السياحة بالكويت كله بالاسواق

واني وحدة مالها خلق الاسواق كثر ما أحب اشوف معالم البلد السياحية والاثرية

وعلى هالاساس بغيت منكم مساعدة تعنونون لي اسامي الاماكن السياحية والاثرية والترفهية اللي بأمكاني التوجه لها وكذلك أذا فيه مكان للرحلات البحرية آمنة ومزودة بخدمات الغداء لو العشاء

وهذا الطلب أوجه للبنات أكثر لأن اعرف ان الخبرة عندهم أكثر .. أبي اعرف الاماكن اللي يبيعون فيها أدوات وخامات الاشغال اليدوية بأسعار مناسبة

أدري ان المنتدى مليئ بالاماكن والمواضيع الشيقة بس مدلولكم لي بيوفر علي الكثير من الجهد

وسؤال ثالث / شنو الشي اللي حلو أشتريه هدية للاهل من الكويت كرمز للبلد خلاف الرهش الكويتي ..


(( والله ما بصدق اني بشوف الكويت الا لمن تنزل رجلي عليها ... حلم صعب ))

وفي النهاية أكون لكم من الشاكرين ...



هلا اختي غموض الحياة


حياج الله عندنا بتنورينا


الاماكن السياحيه بالكويت :
1- المركز العلمي
2- ابراج الكويت
3- المدينه الترفيهيه
4- حديقة الشعب
5- مرح لاند
6- حولي بارك
7- جزيرة فيلكا
8- متحف كي لاننسى
9- بيت ديكسون
10- سوق المباركيه

وبالنسبه للمجمعات انصحج تروحين الافنيوز والمارينا وسوق شرق والكوت والمنشر والمهلب وكويت ماجيك

هذي روابط مواضيع للاماكن السياحيه بالكويت :
http://www.arabtravelersforum.com/travel81556/

http://www.arabtravelersforum.com/travel116803/

http://www.arabtravelersforum.com/sh...d.php?t=117603

http://www.arabtravelersforum.com/sh...ad.php?t=90646

وبالنسبه للاماكن اللي يبيعون فيها ادوات وخامات الاشغال اليدويه انصحج بالبلوكات راح تحصلين فيه جميع انواع الكلف والادوات وباسعار زينه

وتقدرين تاخذين درابيل كهديه للاهل

عموما اذا تبين هدايا تذكاريه للاهل عندج سوق المباركيه في وايد شغلات

انشالله اكون فدتج واي خدمه احنا حاضرين لاتترددين ؟

اهلا اختي غموض بالنسبه للاشغال اليدويه عندك محل بركات بالسالميه والفحيحيل وايضا تجدين في بلوكات , حياج الله في الكويت

حياج الله حبيبتي
الاحسن انج تشوفين مواضيع الاعضاء في بوابتنا:بوابة الكويت
لكن أهم وأحلى الاماكن السياحيه:
المدينه الترفيهيه
حديقة الشعب
المركز العلمي


التسوق:
المباركيه
المارينا مول

الهدايا:
أشياء كثيره: مثل:
الزبيدي هههههههههههههههه(سمعت انه مو موجود بالسعوديه) هههههه لا أضحك معاج..
والله ما ادري... أنزلي السوق وشوفي اللي ينفع هدايا..مثلا .. أكسسوارات أحذيه شناط .. و غيرها

هلا اختي تذكرت اقولج عن الشواطئ مثل شاطئ الشويخ او يوم البحار تقدرين تروحين لهم



وعندج الاكوابارك ومدينة المسيله المائيه



واذا على الهدايا تقدرين تاخذين لهم بقصم