الموضوع: ايام في فرانكفورت

السلام عليكم جميعا
ان شاء الله بنمر فرانكفورت هالصيف ...وبنجلس 4 ايام ...
معي طفلين كبار وزوجي مايحب المتاحف ....ممكن تقولون لي ايش اهم الاماكن اللي تستحق الزياره؟؟
سمعت عن وجود مهرجان بهالفتره احد عنده فكره؟؟
الله يجزا الجنه كل من بيرد علي.....

مواضيع عشوائيه ممكن تكون تعجبك اخترناها لك:

• جنوب المانيا تجاربكم السريعه
• اخيرا اصواتنا وصلت و وجدت من يسمعها
• بشــاره
• افضل طريقة للمكوث ثلاث ايام في
• يوروب بارك الغابات السوداء استفسار
• ترتيب الرحلة حسب المسافة
• أفضل مكان للسكن في ميونخ
• الاقامة يوم وانتهاء الفيزا والسفر ؟؟؟
• زيارة عمل لألمانيا وعندي خطاب دعوة ارجو المساعده
• اي الزحاليق الصيفيه الافضل؟؟
• احد يفيدني بحجوازتي
• ترتيب من فرانكفورت
• خص وأفضل لتأجير السيارات
• استخراج تاشيره لالمانيا
• استفسار
• ابي فزعتكم فديتكم ضروري
• انا حالياً في أخـــن الالمانية
• المواعيد في الخبر مقفلة
• استفسار
• دوحه فرانكفورت نوفمبر

هنا

http://www.arabtravelersforum.com/travel434878/

تحياتي

جزاك الله خير

السلام عليكم

متابع بشغف ^_^

بكرا هناك ان شاءالله لمدة كم يوم

توصل بالسلامه ...لا تنسى تفيدنا بملاحظاتك

مجمع ماي زايل و ساحة الرومر

السلام عليكم

صباح الخير

وصلنا فرانكفورت والفندق اتوفقنا فيه والفضل لــ الله ومن ثم مشرفنا بوعمر ..

المكان حلو ويبي خرده حق السوق ^_^

ولكن توهقنا في المطاعم العربيه

لوا كنت بروحي كان مافي مشكله ولكن شيبتي ماياكل الا فيها ..

وبعد دواره بين دواعيس شارع المشاه طحنا على مطعم هندي وتعشينا فيه امس ..

وكل ماسأل حد عن المطاعم العربيه ايقولون يمكن فيه عند محطة القطار اما اهنا مافيه يقصدون ساحة المشاه ..

واليوم طلعت كذا مطعم ايراني من النت واحد في شارع المشاه والثاني عند محطة القطارات ..

اموفقين

هلا وغلا شيخنا

الحمدالله ابشرك بخير والوالد بعد عملية العين ايشوفني وايقولي انت بومحمد ولا ام محمد ^_*

توا من اشوي طلعت الشارع الي عليه المطاعم الهنديه والتركيه والباكستانيه والعربيه كلها والبقالات العربيه بعد ..

اسم الشارع Münchener Street

اخوي العزيز القطري السلام عليكم
وسامحني ترا توني انتبهت من قريت تعليق اخونا بو عمر انك هني في فرانكفورت
حيالك الله في فرانكفورت ودعائنا للوالد ان شاء الله يقومه بالسلامه
ياخوك ترا المطاعم العربيه موجوده وقريبه منكم بعد في نهايه شارع التسايل من جهه الكونستابلار فاخه وبالظبط مقابيل محلات c and a هناك توجد بقاله مغربيه وجنبها في مطعم النخيل اضن صاحبه عراقي واكلهم حلال ووجباتهم سريعه واضن في قسم للعوائل تحت في الطابق السفلي
وبنفس الشارع حق ال c and a وعلى نفيس الجهه في مطعم شمس بغداد صراحه اصحابه طيبين وباين عليهم من اهل الله واكلهم حلال والمطعم كبير ماشاء الله مساحته كبيره الاسبوع اللي طاف رحت اكلت عندهم
وياخوك ترا انت في فرانكفورت منت غريب . لك اهل في هالديره ان احتجت لاي شيء ما يردك الا لسانك

وعليكم السلام ورحمة الله وبركاته

هلا وغلا الغالي

تسلم وماقصرت ومافيه شكه انكم اهل واخوان لنا