الموضوع: ابشركم قدمت على فيزا الشنقن من السفارة الالمانية

بسم الله الرحمن الرحيم




السلام عليكم ورحمة الله وبركاته



رحت اليوم الصباح الساعة 9.15 الى المكتب اللي مدري وش اسمه اللي في طريق الملك فهد.. وماخذ معي ملفات من الطلبات كني معقب...لأن في النت كل واحد يقولك طلب واحد يقول لازم تعبئ اثنين ابليكيشن لكل جواز والمرافقين تعبي لهم اثنين بعد وكل واحد له صورتين وصورتين لكل جواز والصفحة الثانية وصورة كل صفحة في الجواز وصورة دفتر العائلة وصورة بطاقة الاحوال وصورة لبطاقات الائتمان وبطاقة الصراف اللي عليه حسابك وكشف حساب لثلاثة اشهر ومدري ايش...


ياجماعة الدعوة اللهم لك الحمد والشكر سهاله.. طلباتهم بكل بساطة :
1-تعبئ الابليكيشن اللي من موقعهم لكل جواز +الاقرارين (بتلقونهم في موقعهم).
2-وصورة الصفحة الاولى للجواز.(وتسلمهم الجوازات ويكون التوقيع في الجواز مطابق للتوقيع في الابليكيشن).
3-تأمين الشنقن من التعاونية.لثلاثة اشخاص لمدة شهر (370ريال).
4-صورة 3.5 *4.5 خلفية بيضاء بدون شماغ لكل شخص صورة وحده.
5-حجز الفنادق.
6-تذكرة طيران.(انا اللي تليقفت وقلتله تبيه وقال هاتها).
7-وعطاني ورقة مدري وش سجل فيها وخلاني اوقع عليها.
8-اخذ مني (270ريال).

وقال الموعد في السفارة يوم الاحد وخذ معك 660 ريال قيمة الجوازين والطفل مجاناً...وقبل ماتروح للسفارة في نفس يوم المقابلة او قبلها بيوم تجي للمكتب عشان نعطيك اوراقك تاخذها معك للسفارة.
وتجي بعد المقابلة بأسبوعين تستلم الجوازات من عندنا.


وعسى الله يسهل وتطلع الفيزا

مواضيع عشوائيه ممكن تكون تعجبك اخترناها لك:

• وصلت ميونخ اليوم وتفاجئت بالإسواق مغلقه العصر
• الى خبراء اوربا بليز مساعده
• أول مره ازور المانيا وتحديد ميونخ
• ما الافضل في رست بين فندق و
• مشكله في الفيزا
• يا اهل الخبرة في المانيا اطلبكم مساعدة
• القري الريفيه القريبه من فرانكفورت
• ممكن ترسلولي ابليكيشن السفاره الالمانيه
• باقي على السفر كثير بس حبيت اخد رايكم
• سفرتي شهر عسل أبريل ارجو المساعدة
• يوروب بارك الغابات السوداء استفسار
• يا اخوان ابي رايكم ومشورتكم
• ناويه اسافر المانيا والنمسا لمده اسبوعين
• ü رأيكم في هذا الفندق
• ما أفضل الطرق للذهاب من مطار فرانكفورت الى ميونخ
• اخترت هذي الفنادق في بادن بادن ايهم افضل
• ساعدوني الله يجزاكم خيرر
• يوم في أوروبا البداية من ألمانيا مطلوب جدول أوروبي
• افضل واقرب فندق على شارع كالرز بلاتز
• مارغ بورغ جسر مائي فوق نهر من يفيدني عن مكانه

فيه شئ مهم نسيته بعد

تعريف من العمل بالانجليزي موضح فيه الراتب ومسمى الوظيفه

مشكور اخوي
والله المكتب الي في الدمام حاسنا حوووووووووووووس
احنا 4 عوائل
طلع فيزا حق عايلتين بعد 15 يوم من اخذ الاوراق
و العايله الثالثة جاب جوازاتهم قبل السفر 5 ايام
والعايلة الرابعه قبل السفر بيوم
بالصراحة المكاتب وقت الزحمة تنكب الواااااااااااااااحد

الله يسهل امووورك

وحيدة اهلها و
http://www.arabtravelersforum.com/user251227/

شاكر لمروركم

والله دائماً ننبه على ان الواحد المفروض يخلص اموره قبل السفر اقل شئ ب3شهور عشان ياخذ راحته بالتخطيط والتنسيق..ولو حصلت امور طارئة يكون عنده وقت يتصرف..ويكون عنده كم كبير من الخيارات وبأسعار اقل بعد..

الله يسهل ان شاء الله

اخوي هلابك وش اسم المكتب او رقم تلفونهم انا وزوجتي وطفلين مسافرين كم بياخذ علينا وهل يحتاج لتعريف بالعمل

على ما أظن اسمه المكتب المشترك وهو مكتب موكل رسمياً من السفارة الالمانية
ورقمهم :
014065387 وهذا رقم ثاني 014065190
لابد من التعريف من العمل مبين فيه مسمى الوظيفه والراتب باللغة الانجليزية وموجه الى السفارة الالمانية

وبالنسبة للمكتب ياخذ على كل شخص 90 ريال سواء له جواز لحالة او مضاف(مثال بنتي مضافه مع امها ياخذون مبلغ على صاحب الجواز والمضاف) .
يعني بياخذون منكم 360 ريال

وبالنسبة للفيزا الطفل مجاناً والكبار كل واحد الله لايهينك 330 ريال وتدفعها في السفارة.

ادق عليهم مايردوون ذبحوني ممكن توصف لي مكانهم ومتى دوامهم

اليوم رحت للسفارة الالمانية كانت عندي المقابلة الشخصية

بس للأسف ماكان فيه نظام ..
موعدي الساعة 11.3 الصباح ووصلت عندهم الساعة 11 وحصلت فيه ناس مواعيدهم بعدي قلت ياشباب موعدي قبلكم قالو النظام تصف سرى ياحبيبي...قلت ياجماعة موعدي قبلكم ..قالو انت تفهم ولا لا..خفت منهم وقلت امري لله اصف سرى...

المهم جت المقابلة ...وكان اللي يقابل معي سوداني كبير في السن بشوش اخذ اوراقي وسئلني اول مره تروح ليش بتروح كم لك موظف ...وفي الاخير أخذ مبلغ الفيزا وقال انتظر اتصال من المكتب.


بس بصراحة ضيق صدري عدم الالتزام بالوقت اللي عطونا...لكن الحمدلله ماكان قدامي إلا 10 اشخاص

عزوزي حبيبي هذي صورة موقعهم



وعملهم من السبت الى الاربعاء من الساعة 9 صباحاً الى 4 العصر
وهذا رابط موقعهم على النت..تقدر تدخل وبتحصل كل شئ تبيه
http://de.vfsglobal.sa.com/Arabic/index.aspx

الله يعطيك الف عافيه