الموضوع: البحرين دار الزين في ليلتين

السلام عليكم ورحمة الله وبركاته
بعد كل رحلة وعند مشاهدتي للصور في كاميرتي الرائعة .. اقرر ان اكتب تقرير هنا في منتداي الرائع
سواء في بوابة مصر او دبي او الكويت .. ولكن انشغل وتمر الايام واقول ان السفرة صارت قديمه
والغي الفكرة لكن رحلتي هالمره لان مدتها ماتجاوزت الليلتين والصور مهب كثيرة
تحمست اني انزل التقرير وعلى دفعات خخخخخ

سبق اني زرت البحرين اكثر من مره ودائماً اسكن في اليت سويت .. وكل مره اقول انه رااائع جداً (كم اتمنى لو يكون له نسخه في القاهره) ..
المهم ..
اخر سفره لي للبحرين قبل مايقارب الثلاث سنوات .. و لاني احس اني طولت عنها قلت نبغى نغير السكن
وشفت تقارير عن الراية سويت واعجبني جداً وتحمست اننا ناخذ فيه .. اول ماوصلنا البحرين توجهنا له وسألنا الاستقبال قال لنا 900 وشوي على ما اظن ..
فألغينا الفكرة .. وقلنا مردنا لك يا اليت سويت .. فتوجهنا لهم على طول وهم قريبين جداً من الراية
ولقينا غرفة فيها دورتين مياه ما ادري وش الحكمه .. شكلهم توهقوا في المساحه وقالوا مالنا الا نحطها دورة مياه..
مالكم بطويلة ..
اخذناها ب550 ريال سعودي مع الافطار .. وصورت لكم كم صورة قبل نحوس الغرفة وحبيت انزلها في بداية التقرير
عشان احمسكم شوي .. خخخخ
https://s.yimg.com/qn/travel/data_tr....jpg[/img]
فيه شي بالصورة قوي الملاحظة بس هو اللي بيطلعه


وهذي صورة من جهه اخرى

وهذي من جهه اخرى ايضاً

طلبنا منهم سريرين للاطفال وباسرع وقت جابوها لنا


صورة للوبي الفندق

صورة من جهه اخرى

صورة للاصنصيرات

الفندق رائع جداً من ناحية النظافة .. والاستقبال الرائع و سرعة الخدمه
فطورهم جيد جداً فيه اغلب الاصناف .. مافيه شي غريب او مميز ينتهي الساعة 10:30
يعيبهم انه الانترنت غير مجاني .. الساعه بدينارين و ال24 ساعه بستة دينار وعن طريق كيبل يعني مهب واير لس
انتظروني بتكملة تقريري عن البحرين بليلتين.

مواضيع عشوائيه ممكن تكون تعجبك اخترناها لك:

• الأخوات في البحرين طلبناكم المساعدة والمشورة
• عبور أول مركبة بالهوية على «الجسر»
• استفسار عن طريقة الدخول من السعودية الى البحرين ضروري تكفون
• استفسار عن مطاعم الهدايا في البحرين
• محمية العرين في البحرين معلومات و صور
• يا اخوان بني مشاركتكم
• أحسن شقق فندقية للعزابية
• سؤال بخصوص دخول الخدم الي البحرين
• توني رجعت من البحرين دار الزين
• الموقع الألكتروني لجسر الملك فهد
• فخامه الاقامه في فندق إليت سبا البحرين
• حالة الطقس على مملكة البحرين الشقيقة هذا الاسبوع بمشيئة الله تعالى
• مطعم الصواني
• ’؛’جيت لأهل الجـــــــــــــود والكرم ’؛’؛
• لي عتب عليكم يابنات البحرين
• سوف اذهب لوحدي الى البحرين ؟واكره الوحدة؟ وش السواة
• ترانزيت في البحرين ارجو الرد على اسئلتي فضلا لاامرا
• أبحث عن شقة فيها جاكوزي
• ميركيور جراند البحرين
• برنامج الماجستير في جامعات البحرين

/
هلا والله
وعليكم السلام
حلو سعر الغرفه
حمستينا نزلي الباقي


آهممم شي اللي ب الصوره يآحبي له
حلوه الصور بدايه موفقه
ننتظرك :$

الغريب فيه واحد يبحث عن اسرار الفندق بالادراج
^_^
يعطيك العافيه وونتظر الباااقي

مشكوووووورة على التقرير البداية الروووووعة

ومتااااااابعة

والشئ الغريب هالولد أسم الله عليه محقق كونان يفتش بلدروج هههههههه الله يخليه لكم

الشجرة اللي جنب السرير ،، بلاستك أو حقيقية ؟؟


شكرا للطرح الرائع.

يعطيك العافيه وونتظر الباااقي

شكراً للجميع على الردود الجميلة
الاخ وحداني ومسافر : هذا اكثر شي شدك بالتقرير هههههههه الشجرة صناعية طبعاً
راح انزل باقي التقرير قريباً

يعطيج العافيه اختي وجود


تقرير من بدايته حلو ويبشر بالخير ..


بالانتظار يالغلا

مساء الخير عليكم جميعاً مره أخرى ..
شكراً لكم على الردود الجميلة .. حبيت اني اكمل التقرير واتكلم عن الاماكن اللي رحنا لها ..
انا وزوجي من عشاق الاكل الهندي .. واي مكان نروح له لازم ندور فيه مطعم هندي ، واحد الاعضاء مدح مطعم اشاز اللي بالسيتي سنتر .. فاقترحت عليه اننا نروح له ..ووافق

اول مادخلنا وشفت المنيو .. تذكرت اني سبق واكلت منه لكن في فرعهم اللي بالكويت وتحديداً بالمارينا
طلبنا كباب .. وشوربة دجاج للاطفال ( اكثر من شرب منها انا) لذيذه بصراحه وفيها شي ابيض مبشور معطيها طعم ..
وزوجي يقول فيها طعم غريب ، لما قعدت امضغ هالشي الابيض حسيت اني قاعده اكل دابر املا ..
طلع هالشي جوز هند مبشور وهو اللي معطيها هذي النكهه الحلوه والغريبه بنفس الوقت بس انتبهوا تاكلون الجوزهند..


هذا الكباب .. طعمه حلو
وطلبنا برياني ونوعين مسالا .. وبعد الاكله الحلوه قلنا لازم نهضم .. راح ابو نورة يلعب نورة ورحت انا اتمشى واتسوق
العابهم تشبه كثير العاب مول الامارات اللي في دبي عندهم لعبه اعجبتنا مره ولا شفنا مثلها بالرياض على انها بسيطه جداً
وهي عباره عن مساحه كبيره نوعاً ما وحولينها سور و الدخول لها ب 25 رياال لمدة ساعة وممكن يدخل مع الطفل المرافق اللي معه
ومليانه كور من فلين وفيه مثل المدافع والمسدسات اللي تعبها من هالكور ويبدون الاطفال يرمون على بعض ولا يتعورون لان الكوره من فلين وفيها بعد زحليقا كبيرة ..
ولما كنت ادور لقيت مكان خاص بلعب البولينق .. وبما اني بالسعودية استحي العب قدام العالم خاصةً اذا فيه شباب
قلت ابقول لزوجي نجي نلعب .. وفعلاً رحنا وكانت اللعبه ب25 يعني يمكن درهمين ونص وعطوني وانتم بكرامه جزمه وهذي من اساسيات اللعب ( اتوقع عشان مايزلق اللاعب )
ومايحتاج اقولكم اني فزت باللعبه طبعاً
ماكنت متوقعتها بهالصعوبه كل مارميت كوره تروح على الجوانب ولا تلمس ولا وحده .. وعجز زوجي وهو يفهمني اللعبه ومافيه فايده ..اخر شي قام هو يلعب



وهذي صور من السيتي سنتر



صوره اخرى

مرحبا .. كتكات
المطعم مافيه ذاك التميز .. المسالا اخذنا نوعين جيده ، الكباب لذيذ
راح اتكلم بالجزء الاخير عن مطعم جمب اشاز لكن راااائع .. انتظروني

يا و جود الفندق سعرة مناسب و شكلة حلوو و جميل
و الاكل الهندي اكيد له نكهتة الخاصة مو طبيعي

الله تقرير عن البحرين فرش ....الموجود في الصورة فضولي الله يخليه لج قاعد يفحص المكان هههههه ....والفندق هذا اللي في سنابس قريب من الدانة ريزيدنس اللي سكنت فيه بعد الدوارة وحتى الاليت ما حصلت فيه بس كان روعة وزحمة ....... والستي سنتر يهبل .......عليكم بالعافية

مشكوووووووووورة التقرير روعة
والفندق غني عن التعريف

واصلي ومتااااااااااااااااااااابعينك

وعساك ع القوة

المطاعم الهندية مالها حل بالذات الماسالا يممممي
بالنسبة لسعر الفندق جداً ممتاز وخصوصا ان السعر يشمل وجبة الافطار 0

تقرير خفيف ومميز
متابعين

الفندق رائع جدا وين موقعه بالضبط؟؟
متابعينك

اشكركم واحد واحد على الردود الجميلة..
طلعنا من السيتي سنتر تقريباً الساعة تسع .. وتوهقنا ماندري وين نروح ، السيف قلنا بنخليه بكرا وشفت رامز وحبيت اني امره بس قلت برضه بخليه بكرا..
وحنا ندور بالسيارة لقينا العاب على الكورنيش اسمها مملكة الطفل .. قلت لزوجي خلينا نروح لها نقضي الوقت..
والملاهي عبارة عن نطيطات و العاب كهربائية وقطار صغير وفيه صالة كبيرة فيها العاب فيديو
ولما راحت نورة تلعب جلست انتظرها بالكراسي وكان جمبي اخت بحرينية قعدت اسولف معها ودار هذا الحوار بيني وبينها:

قلت لها : وش فيه اماكن حلوه تنصحينا نروح لها .. واذا فيه جلسات على البحر
قالت : ماعندنا .. الكورنيش صار اغلبه ملكيات خاصة مافيه الا اماكن بسيطه على البحر مباشرة وقالت لي عن مكان نسيت اسمه.
قلت لها : طيب اسواق عندكم محلات حلوه غير المراكز الكبيرة
ردت : مافي اصلاً احنا نجي نتسوق من عندكم .. فيه بالخبر محل حلو واسعاره رخيصه دايماً نشتري منه
قلت انا : انتم تجون عندنا واحنا نجي عندكم
قالت : انتم ارخص بكثير احنا دايماً نجي ناخذ المواد الغذائية من عندكم
انتهى الحوار.


وخلصت نورة لعب وطلعنا من الملاهي .. وقلت لزوجي انا بديت احس بالجوع وش رايك نشتري من جسمز
قال فكرة حلوه .. واخترنا بالجارمن جسميز وطلع قريب من عندنا ولما وصلنا المكان طلع مجمع البحرين
يعني طلع المطعم جوا السوق .. نزل زوجي وجاب لنا اطيب برقر ..

رحنا اكلناه بالفندق ونمنا ..


اليوم الثاني
نزلنا افطرنا .. بعدها طلعنا على السيف نلعب العيال .. وبعدين رحنا نتغدى بالسيتي سنتر
ووقع اختيارنا على مطعم كوشي باشي .. وهو مطعم تركي قلنا خلينا نجرب الاكل التركي
وبصراحة مطعم رااااااائع جداً


طلباتنا كانت: تبولة .. كبة .. صحن شاورما .. ريش غنم ..حمص باللحمة




اطعم كبة ذقتها بحياتي .. ماهي مثل الكبة الشامية او اللبنانية لا .. كبتهم لينة شوي ورطبة ومدورة مثل ما انتم شايفين
طلبنا منها مره ثانية .. وطلبنا برضه صحن شاورما ثاني لانه برضه كان رائع
وتبولتهم فيها طعم حلو .. كأنهم حاطين فيها دبس رمان
الزبدة ان المطعم اكله رائع واسعارهم مناسبة وخدمتهم حلوه ..
بعدها رجعنا للغرفة لأن العيال اخذوا قيلولة .. وطلعنا بعد المغرب متجهين لرامز
اشتريت منه اشياء بسيطة .. صحون صغيرة و العاب .. وكان زحمة شوي لانهم قاعدين يشترون للمدارس
وعندهم اشياء حلوة .. دفاتر وتلاوين ومقالم وسبورات وكل شي يعني مثل ابو ريالين عندنا بس مافيه شي بريالين
واجهزه كهربائية .. ومواد غذائية وملابس يعني كل شي..


بعدها طلعنا ودرنا شوي بالجفير ودورنا شارع الشيراوي لان احد الاعضاء مدحه
قلنا نبي نشوف الشارع والمطاعم اللي فيه .. ودخلنا وعلقنا لان الشوارع ضيقة جداً يعني سيد واحد
واذا قابلتك سيارة لازم يا انت يا السيارة الثانية ترجع .. واغلب الشوارع مسدودة
بالصعوبه طلعنا شكلهم قاعدين يرتبون المكان
بعدها رجعنا للفندق عشان نريح و نستعد لسفرنا بكرا
ومن الصباح افطرنا وسوينا تشك اوت وانطلقنا على الجسر وبعدها على الرياض الحبيبة
اتمنى التقرير البسيط نال على رضاكم واشكر كل من رد وحمسني اني اكمل التقرير باسرع وقت


الى اللقاء في تقارير ثانية بإذن الله

لم يسبق لي تجربة مطعم ( كوشي باشي) لكن بعد مديحك له سوف اجربه المرة القادمة
وعلى فكرة الشاورما هي اكلة تركية فهم الي يتقنونها 0
وشاكر لك على التقرير الجميل 0

.
.
متابع وبقوه
من زمان عن البحرين لكن سؤال سيتي سنتر فتحوا فيه سينما ؟

^
^

ايه فتحوا ..

وجود الريــاض ..

تقرير سريع بس حلوو

وشهيتيني على الكبة والكباب

ان شاء الله هالمره اجرب المطعم التركي ..

وبالنسبه للكورنيش عندنا مشايات على البحر وفيها جلسات والعاب بسيطه للأطفال

الحمد لله على سلامتكم ونورتوا البحرين

تقرير حلو
و بالنسبة للمطاعم الهندية في مطعم في البديع (لانترنس) و مطعم في ام الحصم (نسيت اسمه يمكن اسمه جمني) يمكن المكان مو نفس رقي الستي سنتر بس الاكل احلى بوايد
و هالمرة ان شاء الله لما تزورونا روحوا شارع العدلية الجديد شارع فيه مطاعم و كوفي شوبات
و بالقرب من مجمع العالي في بعد مطاعم و كوفي شوبات
و الاسواق الشعبية عندج سوق محرق و بوكوارة

الحمد لله على السلامة وشكرا على التقرير الخفيف السريع

شكراً على الردود الجميلة ..
ترى اذا حمستوني زيادة ممكن انزل تقرير دبي خخخخخخ

الله يعطيج العافيه عالتقرير الخفيف والوافي


بانتظار تقرير دبي :d

اعتذار بحجم الكون لردي المتأخر يا قلبي وهذه ترضية لكِ استمتعتُ كثيراً بتقريرك السلس البسيط الممزوج بلهجتنا القصيمية المحببة ،وبشرحكِ الوافي رغم قصر التقرير، سفرتكم ممتعة بوجود العصفورين الجميلين الله يخليهم لكم ويمتعكم بصلاحهم يارب
ننتظر منكِ تقرير دبي فلا تتأخري دعواتي لكِ ولأبو نوره[ ولا يهون عبدالله]بالسعادة وفقكم الله وأقر أعينكم بالغايبين ودمتم بحفظ الرحمن.

شكراً .. لكل من أسعدني بمروره او تعليقه على تقريري المتواضع ..
وشكر خاص لخالتي الغالية ..على تعليقك اللي طاااال انتظاره .. كل يوم ادخل اقول اكيد علقت
مرورك لحاله يكفي انه يغمرني بالسعاده .. فما بالك بتعليق جميل وراقي
الله يجمعنا دائماً على خير يارب.. ويخلي لنا ويخلي لكم الاحباب

رحلة رائعة وتقرير أروع * أنا كنت منزلة موضوع أستفسار عن فندق إليت سويت وماقصرت بعد قلبي مزون عطتني رابطك * وعذريني حبيبتي وجود بتعبك وياي شوي * بنسبة لفطور الفندق هل دايم يكون من تبع الغرفة ولا اللي يبغي لإن أحنا حجزنا من النت ومافهمنا هل مع الفطور ولا كيف يعني أني كل مرة تسكنون فية مع الفطوروهل يخيرونكم بالغرفة بلفطور أو بدون لأن بسوي لنا جدول معين لجيتنا البحرين ولا أبغي اتفاجأ ويخترب ترتيبنا * وياليت أدا عندك صور للفطور وجلستة تزودينا *وذا ماعندك فقولي لي أش يحتوي علية؟ وعذرااا حبيتي على هذرتي الزايده وتراصص الكلام لأني أكتب من الجوال *ألف شكر لك

هلا حبيبتي
انا سكنت بالفندق ثلاث مرات .. كلها كان الفطور مجاني لشخصين ، واكيد مكتوب بالحجز حقكم اللي من النت هل فيه فطور ولا لا
يعني تقدرين تستفسرين انتي من نفس الموقع .. عشان تتاكدين وتتطمنين
فطورهم جيد مافيه انواع كثيرة مرررره لا فيه الاساسيات
البيض .. بان كيك و كورن فليكس و هوت دوق و فول و كم نوع اجبان و لبنة زيتون والخبز انواع
و فواكه وكيكات صغيرة .. و بطاطس مره مهروس ومره مقلي و خبز فرنسي و فيه انواع ثانية
هذا اللي اتذكره
واي استفسار انا حاضره وللاسف ماعندي صور .. عموماً المكان حلو وشرح ونضيف ومرتب
طبعاً ماهو مثل الفنادق الخمس نجوم العالمية لا بس راح يعجبك ببساطته

مشكوره على التقرير الحلووو حمستيني اذوق كبة المطعم التركي

شكرا ً لك

تستحق التجربة .. واضمن لك انها راح تعجبك

ماشاء الله تقرير مع انه مختصر لكـن رااائع ,,,

بـــس احد يوصل البحرين ومايرووح سينما وخاصة السيتي سنتر كنتوا فية بـس ماعلية مرة ثانية انشاء الله

ومشكووووورة ع التقرير تحياتي لكـ ,,,

ألف شكر لك ياقلبي ماقصرتي وعساك على القوة

ما شاء الله تقرير متميز ، يعطيك الف عافية

شكرا اوووي اوووي .... وللمعلوميه اليت جراند احلى من الرايه لاني اشوووفكم تطلعون بدري وترجعووون تناموووون يعني حلووووو 550 ربي يوفقكم ان شاء الله ويرزقكم رزق حلال ويبارك لكم فيه

يعطيك العافية عالتقرير

ماشاء الله تقرير مع انه مختصر لكـن رااائع ,,,

بـــس احد يوصل البحرين ومايرووح سينما وخاصة السيتي سنتر كنتوا فية بـس ماعلية مرة ثانية انشاء الله

ومشكووووورة ع التقرير تحياتي لكـ ,,,



نروح السينما ومعنا الصغار الله يصلحهم .. كان يطلعون كل اللي بالسينما او يرجعوننا السعودية خخخخخ

شكرا اوووي اوووي .... وللمعلوميه اليت جراند احلى من الرايه لاني اشوووفكم تطلعون بدري وترجعووون تناموووون يعني حلووووو 550 ربي يوفقكم ان شاء الله ويرزقكم رزق حلال ويبارك لكم فيه

الله يجزاك خير ..وياك وجميع المسلمين

تقرير رائع جدا

ومختصر ومفيد

شكرا لك

تقرير متميز ألصراحه يعطيك الف عافية

الشكر لكم ..