الموضوع: ياحبني لكم ياحبايب زيزا هلموو الي فديتكم ربي لايحرمني منكم

أولا السلام عليكم ورحمة الله وبركاته
ويارب تكون هذي السنة الجديدة سنة خير علينا وعليكم وعلى الامة الاسلامية والله لايفقد لنا ولكم اي حبيب وصديق

أمــا بعد ...

ياحبايبي انا من زمان وانا بهذا المنتدى الرائع واستفدت الكثير منكم ومن الاقسام الثانية في سفراتي السابقة بس ضاع حسابي الاول وسويت لي حساب جديد وراكم وراكم
مابغى اطول عليكم حبايبي ...
انا أن شاءالله وان ربي كتب لي حياة بيكون زواجي ان شاءالله بعد عيد الفطر بأسبوع
وقعدت أفكر .. وافكر .. وافكر وين أقضي أحلى شهر بعمري ,
جات في بالي تركيا
ولندن
والمانيا
وأخيرا زيزا الزيزا
دول اوروبا هذي انا رحت لها قبل كذا وجدا معجب فيها بس متردد منها بحكم انه شهر عسل
ماليزيا انا مارحت لها واسمع عنها انها حلوة لشهر العسل
وانا قلت مالي غنى عنكم انكم تفيدوني بمميزاتها لشهر العسل وهل هي تصلح او لا واذا ماتصلح وش الافضل بنضركم لشهر العسل غيرها
انا ان شاءالله ناوي اروح بعد زواجي بكم يوم كذا يعني على يوم 11 او 12 شوال ان شاءالله
أدري انه بدري من الأن بس انا ودي احجز بدري عشان تعرفون اسعار التذاكر والفنادق ارخص كل ماحجزت بدري
اللي ابغاه منكم ياحبابيب قلبي
انكم تفيدوني بـ ..
شهر شوال كيف بيكون الجو
ووش افضل طيران و ( أرخص ) للذهاب الى ماليزيا
وياليت لو تنصحوني بطيران حلو ورخيص لاني احب طيران الامارات وشيكت عليها لقيتها بـ 3100 ريال تقريبا للشخص وانا اشوفه مبلغ كبير مدري هل يرتفع على كذا ولا ينزل لان اسعار التذاكر مره فوق ومره تحت ياليت لأهل الخبرة يقولي وقت حلو تنزل فيه اسعار التذاكر
وكم يوم تستاهل القعدة في ماليزيا
وياليت لو تقترحون علي بجدول مناسب لها
وبالنسبة للفلل الخاصة بمسابح خاصة هل الاقي متوفره هناك مثل اندونيسيا ام لا
وبالنسبة للفنادق ياليت لو كل مدينة تكتبون لي الفندق المناسب لها
وأسف ادري اني طولت عليكم وكثرت الاسئلة .. لآكن تحملوني

ولكم مني أجمل التحيات ... ودمتم ,

مواضيع عشوائيه ممكن تكون تعجبك اخترناها لك:

• طلب مساعدة من إخواني المشرفين
• أفضل فنادق نجمة واحدة في بينانغ - غيورغيتون
• كيف تحجز فندق بأرخص الأسعار ... شرح مصور .... بقلم وافي
• فزعتكم بالفنادق
• الباصات في سيلانجور
• هايدي العضوه الجديده ليها بعض الاستفسارات
• برنامج سياحي متكامل مع الفنادق والجولات واقتصادي شخصين
• الفرنجي باني او لنكاوي لاجون
• حيييرة ما لها إلا المسافرون العرب
• تكفووووووووون تكفووووووون عطوني رايكم لشهر العــثـــل
• انا وصاحبي الان في ماليزيا باختصار
• تاااااااااااااااكسى
• ما استغني عنكم يانبع العطاء جديده في قوافل المسافرين
• مساعدة لا هنتم
• ماليزيا في ثمان ليالي ؟
• الأنشطه والأماكن الترفيهيه اللي تحتاج حجز من قبل ؟
• استفسار بسيط عن موعد الرحله
• استفسار بخصوص شركه
• مقترحاتكم لرحله عائليه الى ماليزيا غدا لمده آيام
• فزعتكم هل ستة أيام تكفي بميزانية كبيرة ؟؟

الف مبروك اخوي وبالتوفيق


بالنسبة لاجواء ماليزيا ثابته طوال السنة بما انها منطقة استوائية
فتكون رطوبة مع بعض الحرارة والامطار اغلب شهور السنة تهطل وتزيد في شهور وتقل في اخرى

بالنسبة للطيران عندك طريقين

اما يكون دايركت وعندك الماليزية وهي غالية والسعودية وتلاقي عروض عليها تصل الى 2200 ريال للشخص الواحد شرط الحجز بدري

وعندك الخطوط الاخرى ولكن لابد من وقوف في نفس الدولة وتختلف اسعارها

ولكن اذا بتحجز بدري انصحك بالسعودية ممكن تلاقي سعر كويس

انصحك بماليزيا تكون مدتها 14 يوم من غير يومي الذهاب والعودة

وتقسيمها بما انك عريس

2 بورت ديسكون منتجع جراند ليكزس بمسبح خاص

3 لنكاوي عندك الويستن او بلانجي بيتش واذا تبغى شي نظيف ورائع بس غالي فندق ذا دانا

3 بينانغ هولدي ان او جولدن ساندس

2 كاميرون هاي لاند لي فترة طويلة عنها لكن اسال عن فندق دي لفرانس اذا باقي بنفس المستوى والخدمة

6 كوالا منها يوم تروح لسيلانجور من الصباح للمساء تروح لملاهي الصن واي لاقون

فندق تريدارز اطلالة على البرجين

وبعده رويال شولان

بالتوفيق اخوي

ابو عبدالرحمن

شكرا اخوي ابو عبدالرحمن
انا شفت تقريرك عن ماليزيا وحببني كثير فيها تقرير مميز
بس بالنسبة لسلانجور انا اشوف كثير من الناس اول يومين يجلسوا فيها واشوف اقتراحك انك مستبعد الجلسة فيها
هل هي تستاهل الجلسة فيها او لا زي ماقلت
وبالنسبة لجنتنق انا سمعت انها مقفله لموسمين قدام بس هل فيها شي يستاهل الذهاب لها عشان الجو فيها ممتاز او لا
وبالنسبة للطيران اعرف ان طيران الامارات والاتحاد ترانزيت بس بالنسبة للاسعار كم توصل تقريبا اذا راح احجز على شهر 4 هجري
والله يعطيك العافية

-

ان شاءالله احنا مثلك بنروح ماليزيا بشوال شهر عسل بس قبل بكم يوم
2 سيلانجور
2 بينانغ
3 لنكاوي
2 كاميرون
4 او 5 كوالا

المشاركة الأصلية كتبت بواسطة حبيب لندن
http://www.arabtravelersforum.com/tr...3/#post8120953

شكرا اخوي ابو عبدالرحمن
انا شفت تقريرك عن ماليزيا وحببني كثير فيها تقرير مميز
بس بالنسبة لسلانجور انا اشوف كثير من الناس اول يومين يجلسوا فيها واشوف اقتراحك انك مستبعد الجلسة فيها
هل هي تستاهل الجلسة فيها او لا زي ماقلت
وبالنسبة لجنتنق انا سمعت انها مقفله لموسمين قدام بس هل فيها شي يستاهل الذهاب لها عشان الجو فيها ممتاز او لا
وبالنسبة للطيران اعرف ان طيران الامارات والاتحاد ترانزيت بس بالنسبة للاسعار كم توصل تقريبا اذا راح احجز على شهر 4 هجري
والله يعطيك العافية




حياك الله أخوي

بالنسبة لسيلانجور هي اذواق

وانا وضعت لك بورت ديسكون كاستجمام بما انك عريس

وانا عني من الناس الي ما اشوف سيلانجور مهمة كثير

يمكن اهم شيئين فيها العاب الصن واي لاقون مع شرط انه تروح لها بدري حتى تستفيد منها قبل الزحام وتبتعد عن المناظر السيئة فيها

وسوق البراميد جنبها

واشوف انه يوم واحد تكفيها

عني انا ووجهة نظر مني ما قد جلست فيها كل سفراتي اروح لها وارجع في نفس اليوم

وارجع واقول وجهة نظر

لكن وضعت لك البورت ديسكون منتجع تقضي مع زوجتك في المنتجع راح تنبسطوا بوجود المسبح الخاص فيكم

واستجمام من تعب السفر

بالنسبة لجنتنغ انا تعجبني كثير

لكن بدلت لك بدالها الكاميرون لانها احسن منها من ناحية الاجواء والجمال ولكن يعيبها البعد تاخذ من بينانغ او كوالا حوالي 4 ساعات وشوي لكن تستاهل الروحة لها

بالنسبة للطيران انا حجزت لقريب لي قبل ثلاث اسابيع على السعودية وزواجه في شهر 8 عربي

بسعر مرة حلو 2200 ريال مع اني استعرضت اغلب شركات الطيران وجدتها لاتقل عن 3500 ريال

لكن نصيحتي حاول تحجز على السعودية مبدئيا وبعدها ولاتقطع التذاكر خلال الفترة هذه ابحث لعل تجيك عروض ممتاز في الامارات او الماليزية

اذا ماوجدت وقبل انتها موعد قص التذاكر ان قدرت تجدد الحجز بحجز اخر بنفس السعر او الله يعينك تقدم وتشتريها وتتوكل على الله

وانا افضل لك السعودية لاني جربتها اخر مرة مرة كانت ممتازة بعكس المرة الي قبلها

وميزتها انها على طول بدون توقف

سامحني طولت عليك

لكن هذه وجهة نظري

وتقبل تحياتي

ابو عبدالرحمن

الله يعطيك العافية ياخوي وماقصرت
لاكن السعودية حاولت اني احجز عليها بس قالي لازم رقم الجواز لي وللمدام والمشكلة ماطلعت لها جواز الى الان
هل اقدر احجز بدون رقم الجواز لها ويكتفي برقم جوازي انا فقط
وشكرا ...

الله يعطيك العافية ياخوي تعبتك معاي
لاكن قبل شوي دخلت على موقع السعودية وحجزت وسجلت كل شي بالاخير يطلب مني تاريخ الميلاد ورقم الجواز وتاريخ انتهاء الجواز وانا المشكلة الاهل ماعندهم جواز ولا اقدر اطلع لهم الحين
لذلك شكلي بخليها على شهر 4 هجري ان شاءالله ويارب الاقي سعر مناسب
شكرا لك من القلب اخوي ابو عبدالرحمن

اخي الكريم تستطيع الحجز برقم الهوية الوطنية او رقم الإقامة
المهم الاسم صحيح كما في الجواز الذي ستستخرجه
بعد استخراج الجواز تستطيع تعديل المعلومات
توكل على الله و أحجز

شكرا اخوي طارق
انا دخلت على موقع السعودية الان وحجزت قالي بالبداية الاثبات جواز سفر او بطاقة
حطيت بطاقة هوية وحجزت وكل شي بس قالي بالبداية اذا كنت من مواطني دول الخليج ومسافر الى احد دول الخليج اختار بطاقة الهوية واذا مسافر على دول ثانية اختار جواز السفر
وانا حجزت بالهوية الوطنية مدري هل فيها اشكالية او لا ؟؟

والحين اتصلت على موظف الحجز يقول لازم رقم الجواز للمسافرين للدول غير دول الخليج وفيه قسم متابعة الحجوزات راح يشيكون على حجوزاتك بعدين واذا شافوه مخالف راح يلغونه لك

و الله اخي الكريم انا اول مره اسمع انهم يشيكون على ارقام الجوازات و الحجوزات و هذا بدو نظام صعب او مستحيل للربطبس بكل الأحوال اذا حجزت خلاص ادخل و عدل معلومات المسافر الى رقم جواز سفر و اترك رقم الهوية حتى لو سألك اعمل حالك منت عارفو لا أظن ان بإمكانهم إلغاء حجزك بدون سبب و بدون إعلامك اذا أردت التأكد اتصل على السعودية للطيران و اخبره انك تريد تعديل رقم الجواز فقط لانه خطا و انظر ما سيجيبك سيخبرك بانه لا مشكلةانا أحجز عدة مرات للأصدقاء لي و اكتب اي رقم جواز و اي تاريخ ميلاد ثم أعود و اصححه لاحقااخبرني بمستجدات الأمور لديكوفقك الله

يعطيك العافية أخوي