الموضوع: زوار وخبراء واهل دبي

السلام عليكم ورحمة الله وبركاتة
عنوان الموضوع يمكن شدكم شوي
لكن خير بأذن الله
الموضوع وما فيه انا بأذن الله جاي دبي يوم الخميس
والمشكلة اللي محيرتني
عندي بنيه الله يحفضها عمرها ستة اشهر
ولا ادري وش اسوي اخذها معي او اخليها عند جدتها
انا ودي اخذها بس خايف عليها من تقلبات الجو وبعض الأماكن مراح اقدر اخذها لها والشمس واغلب الوقت راح نكون خارج الشقه وبكذا راح تتعب الضعيفه ماراح تتحمل البهذلة :110: .
وش رأيكم وش اسوى :114:
احيانا اقول اخذها معي واخذ الشغالة واخليها معها بالشقة بس مدري وش الإجراءات علشان اخذ الشغالة هل يحتاج لها فيزه علشان تدخل الإمارات وتأشيرة خروج وعودة واجراءات تدوخ الراس :112:.
واحيانا اقول اخليها عند جدتها
واحيانا اقول خلني اخذها يمكن القى حاضنة (بيبي ستر )تهتم فيها وقت خروجنا لكن مدري كيف ابي القى الحاضنة :114:
واحيانا واحيانا مدري وش اسوي:108: .
اخوانها ودهم :bounce8: فيها وامها محتاره مثلي :114: .
ودي تعطوني رأيكم .
ودي ارتاح :surf

:surf .

مواضيع عشوائيه ممكن تكون تعجبك اخترناها لك:

• أبغا مساعدتكم شباب بنات
• شقق روز قاردن هل تصلح لشهر العسل ؟؟
• غرفه مع جاكوزي
• اريد شراء شقة فى الشارقه
• ذا نودل هاوس يرفع عدد مطاعمه في دبي إلى خمسة
• ابي احد يرتب رحلتي في دبي لمدة 10 ايام
• هل بإمكاني أسوق وأستأجر سيارة بالرخصة السعودية في دبي ؟
• رحلات البوم في حديقه الخور متى وقت الرحلات
• عاجل قبل السفر يجب الدخول إلى هنا
• أرجو الأفاده
• تفضلوا هنا
• استفسار بخصوص السفر للامارات
• دانة الدنيا
• السفر من دبي الى مسقط كم يستغرق يكلف هل هو آمن ؟
• مـا الـفــرق بـيـن البنـزين السعودي والامــاتــي ؟
• ياليت يتساعدوني بجدول حلو
• مساعدة يااهل الامارات
• تم الحجز في الادريس غرفة بريمر مطلة على النافورة
• حديقة الحيوان
• إستفسار بخصوص سكن في دبي فالمارينا

تبي نصيحتي خذها معك ومافيه احن من الأم على عيالها

والشي الثاني تقول تقلبات جو جوهم مثل جو السعوديه هذا لو تبي تروح

لديره جوها بارد ممكن تخليها عند جدتها ولاتاخذ الشغاله معك علشان تاخذون راحتكم

انت وعيالك وأم عيالك الله يخليهم لك ويخليك لهم وأهم شي لو تطلعون اي مشوار

اضربو حساب بطانيه ولا ملابس متينه لأن بعض المجمعات والأسواق بررررررررد على الأطفال

والله الله بأم العيال لاتخلي سوق اومجمع او حديقه الا وتمربها عليها

وأتمنالك رحله سعيده

وماااااااااافيه احن من الأم على عيالها !!!...

انا مع الاخ فهد خذوها معكم حرام اصلا مني الام ماراح ترتاح ولاتتهنا بشئ اذا خلتها ويمكن تقلب السفرة مناحه :110::110::110:

بعدين انتم رايحين لديره جوها مثل جونا واهم شئ خذوا معكم عربيه اريح لكم وللصغيرة :24:

وملابس ثقيله للمجمعات والعلاجات الضروريه

وبعدين عمر ست شهور والله تفهم راح تفقدكم وانتم بعد راح تفقدونها من غير شر انشاء الله

الله يخليكم لبعض

دعواتي القلبيه لك بالتوفيق ودمت لمن تحب:smile:

خذها معك خلها توسع صدرها وان شاء الله مافيه الا الخير

والعربيه الي بدفها فيها اكيد لها غطا تحميها من الشمس واكثر اماكن دبي اصلا مو مكشوفه مافيه ان شاء الله خوف


ورحله موفقه ان شاء الله انت وعائلتك الكريمه

اخوي فهد شكرا على مرورك ونصحك
ويوفقك ربي على كلامك الطيب
بس عجبني كلامك ( والله الله بأم العيال لاتخلي سوق اومجمع او حديقه الا وتمربها عليها )
ههههههههههههههههههههههههههههه .
الله يعين .

اختي استاهل الدلع شكرا على مرورك ونصحك
وشكرا على دعواتك .

المشاركة الأصلية كتبت بواسطة التاج988
http://www.arabtravelersforum.com/tr...2/#post2831546

خذها معك خلها توسع صدرها وان شاء الله مافيه الا الخير

والعربيه الي بدفها فيها اكيد لها غطا تحميها من الشمس واكثر اماكن دبي اصلا مو مكشوفه مافيه ان شاء الله خوف


ورحله موفقه ان شاء الله انت وعائلتك الكريمه



اخوي التاج 988 هلا بك
وشاكر مرورك ونصحك
والله يعين على دف العربيات :109: .