الموضوع: انا رايح فرانكفورت تستأجر سيارة ولا راكب؟

انا اول مرة اسافر المانيا وتحديدا اوربا
اجرت سيارة من شركة ايفيس 9 راكب جير عادي شامله الضرائب وبها تأمنيين ضد السرقة وضد الحوادث
بس الشباب قالوا لي ما دام عائلتك 7 اشخاص ليش ما خذيت سيارة 7 راكب .... تراك راح تتأذى في المواقف
والموظف يقول لي السيارة ام تسع ركاب راح تاخذ راحتك في حمل الحقائب وتكون واسعه للعائلة ......
والله ما ادري ...بعد ان قالوا لي ان الشركة تعطيك السيارة اللي متوفر عندها يوم وصولك ...يمكن يعطونك سيارة صغيرة تكون تسعه راكب
ويمكن يعطونك سيارة بحجم سيارة المقبرة "فان شفر"

مواضيع عشوائيه ممكن تكون تعجبك اخترناها لك:

• محتار ثلاث ايام في رست فين اروح فيها
• طلب مساعدة لرحلة الى ميونخ
• مارأيكم بهذا التوزيع للأيام
• الفورم الموجود في موقع السفاره الالمانيه يختلف عن الموجود في موقع مركز التاشيرات
• خط رحلة من باريس الى ميونخ بالسيارة
• سؤال عن مطار فرانكفورت
• الفيزه المانيه او نمساويه
• السكن تكفووون
• مسافر لاول مرة الى اوروبا لغرض العلاج والسياحه ارجوا المساعدة لمن لديه خبرة
• تحديث الصفحة تحذير تحذير من شقق في المانيا
• الاخ ابوعمر سؤال سريع وعلي الطاير
• أفيدونيبخصوص جارميشمسافر بعد أيام
• ساعدوني يامشرفين اوروبا
• جدول سياحي يرجى التعليق
• رايكم يا شباب بمخطط ليلة في المانيا النمسا
• برنامج ألمانيا وسويسرا لمدة أسبوعين
• كيف انتقل من بادن بادن الى يورو بارك
• من بيروح ميونخ في عطلة نصف الترم الثاني ؟؟؟
• ممكن رايكم ومساعدتكم ؟؟؟؟ بوعمر مشرفنا بليز ساعدني
• هل سبق لأحدكم التنقل بالقطار من مدينة في ألمانيا إلى محطة القطار في مطار فرانكفورت ؟

الاخ سفاري الكويت
ان عرفت القانون الالماني راح يسهل عليك الاختيار بين سياره 9 او 7 راكتب
انت طبعا بتوصل فرانكفورت ومع العائله وبتاجر السياره وبتتوجهون للمدينه اللي انتو قاصدينا طبعا وهنا لازم اتفكر انو الشنط اللي معاكم اول يوم الوصول والعفش كله بيكون معاكم لين وصولكم السكن وبيصادفكم اكيد الطريق الخارجي
السياره سواء تسعه او سبعه راكب لا تتوقع انه بيكون فيها مكان كبير للعفش والشنط لان السيارات الكبيره هنا الفان مخصصه بالتصميم فقط لنقل الاشخاص يعني حجم المكان اللي بتخلون فيه الشنط بيكون صغير نوع ما فان استاجرت سبعه راكب هنا تواجهك مشكله الشنط ولا تخلي في بالك انه ممكن تخلي الشنط على الكراسي وممكن الصغار يجلسون جنبها او معها لان ساعتها ان شافوك الشرطه او حتى لو شافوك الالمان اللي بيكونون بالشارع ساعتها هم اللي بيتصلون بالشرطه ويبلغون لان هذي مخالفه كبيره هنا ومافيها مجال تسامح خصوصا في حاله الاطفال لازم يكونون بمقاعدهم الصحيحه والاطفال الصغار بالعمر لازملهم مقاعد اضافيه اطلبها من شركه السيارات احتمال يفروها لك لان الطفل لازم يجلس على مكان مرتفع ويكون واضع حزام الامان طبعا حزام الامان هذا على جميع ركاب السياره الانتباه له

فانا وبتفكير بسيط وبديهي سياره التسعه راكب هي الافضل ولو كنت مكانك ماني مخاطر خصوصا ان العدد كبير واتوقع الشنط بيكونون كثار بعد

اما اذا كنت مرتب امورك وعارف انه مافي عفش كثير معاهم يعني ثلاث شنك بالكثير ساعتها احتمال يمشي الامر في صندوق السبعه راكب ولكن ايضا مش اكيد تعتمد على نوع السياره

طيب ياابابيل مساك الله بالخير

انا عندي سؤال مهم جدا وجوابك بيحدد لي وش السياره اللي مناسبه لي
انا حجزت سياره واجن مكتوب انه ل 5 اشخاص وحنا 6 اشخاص 4 بالغين و2 اعمارهم 9-14 واحجامهم نحيفه يعني معصقلين والسياره خمس ابواب واشوف حجمها مناسب بس ماادري هل عليها مخالفه انه شخص زايد حتى لو مافيه زحمه بالسياره

بو منصور
سوف ياخوي
خمسه راكب وانتو سته ومساله مخالفه اي نعم مخالفه ان انتبهو لكم والحظ ما حالفكم
ولكن بما انك خلاص اجرتها وانتها الموضوع اعطيك بعض النصايح وهي ان المقعد الامامي اللي جنب السايق انتبه ان تجلس فيه اثنين انحاف او من هذا القبل امام ما بيجلسون غير السايق واللي جنبه بكل حال من الاحوال هذي مافيها اي تفاهم
والباقين خلف ورب العالمين هو اللي يحميكم قدر الامكان ان شفتو سياره شرطه حواليكم خل واحد من العيال ينزل راسه او يتخبى المهم يكونون اللي يبانون في الامام اثنين وخلف ثلاثه واتوكل على الله وانشاء الله تتسهل الامور


توضيح بالنسبه لقانون المخالفات الالماني حتى تفهمه اكثر هنا يحاسبون على الراكب اللي ما شاد حزام الامان وبما انو السياره لخمس ركاب معناتها كراسيها مخصصه فيها فقط خمس حزامات امان مدري حزام امان مدري كيف تنجمع
المهم
ولكن ايضا لازم تعرف انو الصرامه في تطبيق القانون الالماني يفرق من منطقه لمنطقه اخرى يعني مثلا في مدن الجنوب هذيل ناس عوووووذ بالله منهم مكاين مهم بشر من ناحيه القانون اما الشمال والغرب فذيل شوي يغضون النضر ان شافو حالات مافيها خطوره كبيره طبعا هذي هي صفات والفروقات بين الالمان نفسهم سواء شرطه ولا مواطنين عاديين

مشكوووور اخوي على الرد وعلى النصايح و بيستر الله ولا ينتبهون لاني ما احب سواقة الفانات الكبار احس انها غثيثه حتى في المواقف

شوف اخوي احنا 9 اشخاص مره اذ1نا فان مرسيدس بصراحه كان ضيق ومكان ا لشنط صغير والمره اللي بعدها اخترنا هالسياره




من فوكس واجن روعه وواسعه ومكان الشنط اكبر انصحك فيها

المشاركة الأصلية كتبت بواسطة دمـوع الوجـد
http://www.arabtravelersforum.com/tr...0/#post5557860

شوف اخوي احنا 9 اشخاص مره اذ1نا فان مرسيدس بصراحه كان ضيق ومكان ا لشنط صغير والمره اللي بعدها اخترنا هالسياره




من فوكس واجن روعه وواسعه ومكان الشنط اكبر انصحك فيها



هذي حق تسعه ولا حق سبعه
على العموم انا قلت حق المكتب يغير لي اياها الى 7 لان الجماعه اكلوا قلبي من الحنه

هذي حقه 9 اشخاص

أخي سفاري الكويت انا حاجز من نفس الشركة بالكويت على تاريخ 8 يوليو ان شاء الله

عددنا ست أشخاص وأجرت سيارة 9 أشخاص

ياخوي اسمع نصيحتي تكفى

غير الحجز الى 9 راكب وارتاح وريح الركاب اللي معاك

واحد يبي ينسدح واحد يبي يمدد رجوله واحد يبي ينام شنط هنا وهناك ترى والله حوسه

اسأل مجرب وخل عنك ربعك اللي حنوا عليك ترى غلطانين والله