الموضوع: والله مالي غير الله ثم انتم ساعدوني

السلام عليكم ورحمة الله وبركاته

ياخوان للحين جالس ابحث عن معهد وسكن وطيارن لنيوزلندا اوكلاند
والله العضيم ضايع ضيعه لا يعلم بها الا الله سبحانه


ضايع بين السكن والمعهد انا افكر اني اطلع سياحه واخذ لي فتره اسبوع ابحث بنفسي باوكلاند واضبط نفسي بمعهد وترتيبات السكن لدى عائلة يعني اول 3 ايام او اسبوع اكون بفندق



2- ضايع بين الطيران الان مو هي تحتاج فيزا لاستراليا او هونغ كونغ ؟ ماهي الخطوط الي توصل هونغ كونغ وهل احتاج الى فيزا ؟ وافضل خطوط الاتحاد او الماليزيه

ماني عارف ابيدها شلون لان بصراحه صعبه رحله متواصله من البحرين الى نيوزلندا تعب افضل ترانزيت على هونك كونق

ياليت احد يفيدني بمعلومات

مواضيع عشوائيه ممكن تكون تعجبك اخترناها لك:

• إستفسارات ؟
• ترقبوا قريبا
• جوازات نيوزلندا و الفندق
• المتطلبات الجديدة للسفارة النيوزلندية
• حجز التنقلات الداخليـه داخل الاراضي النيوزلانديه متوهق
• الى خبراء نيوزيلندا ارجو الدخول للاهمية استفسار عن سؤال السجن في كرت الدخول
• هل من جولات سياحية في مطار بارنوي ؟
• استفسارات ضرورية عندي
• استفسار: ماجستير الأحصاء الأجتماعي في استراليا
• لمحه عن اوتاقو
• خبراء سياحة نيوزلاندا افيدوني
• مركز اتصالات إليكتروني للتواصل مع المبتعثين
• استفسار akl ٣ أشهر
• حساس المحتاس
• طلبتكم يا اخواني ارجوا المساعده للضروره
• اللي يبي يلتحق بالبعثة قبل فوات الاوان لأي دولة
• عدة استفسارات عن نيوزلاندا
• استفسار عن waikato وهل هي مدينة أم قرية
• كم الوزن المسموح بع على الطيران السنغافوري ؟
• ناوين نيوزيلاند للدراسة إن شاء الله تفضل وعطني نصيحتك

أخي الكريم

أسأل الله لك التوفيق وأن يسهل أمورك كلها ويجعل النجاح حليفك

أولا وقبل السفر ، تأكد أن السفر وتعلم اللغة في نيوزيلاندا هو الخيار الأمثل والأنسب لك ، ولازم تدرس الأمر بعناية .

ثانيا: إذا كنت راح تجلس فترة طويلة هناك ، فأرى أنسب طريقة كالتالي:

قبل السفر حاول تاخذ فكرة واضحة من خلال المنتدى وغيره عن المعاهد في أوكلاند ، وتحد الأنسب منها لك ، وتسجل عناوينها عندك .

بعدين تسافر وتخلي الأسبوع الأول تعرف فقط يعني بدون ما تسجل في أي معهد ، وخلال تواجدك تزور المعاهد اللي اخترتهم ، وتشوف الوضع على الطبيعة ، وتاخذ فكرة أكثر من الطلاب اللي يدرسون في المعاهد ، وعلى ضوء هذا تكون عرفت أنسب معهد لك من ناحية الجودة والسعر والمكان والتسهيلات .

بالنسبة للطيران : ادخل على موقع اكسبيديا وعن طريقه حاول تشوف أنسب وأفضل طيران يودي هناك .

أتمنى لك التوفيق ،

http://www.expedia.com/Flights

وتذكر أنك ستكون سفير متنقل تعكس صورة دينك وأمتك ووطنك ، فلا أوصيك أخي الكريم.

^
^
الله يزاك خير اخوي لكن والله ياخي تعبت من المعاهد واحد يمدح معهد وواحد يذم فيه المعهد مومشكله حتى لو كان في Christchurch

بالنسبه للموقع بالحقيقه ماعرفت اتعامل معه

ومشكور على دعواتك الطبيه اخي العزيز فرحتني

هلا وغلا أخوي

حنا لك وأنت لنا يالغالي

طبعآ المعهد لازم تآخذ العلم من واحد مجرب الدرآسه فيه

ونصيحتي لك تروح المدن الصغيره مثل تارونقا روتورا زي كذا أفضل

خاصة في هالوقت ممكن ماتحصل معك الإ سعودي واحد وممكن ماتحصل أحد

لكن حتى لو درست في أي مدينه مو مشكلة أهم شي ( طبعا رآئي الخاص )

أنك تذآكر ساعه وحده باليوم والباقي قضيه دجه وتعرف على الشعب

بلياردو وبولينق ومن هالكلام لاتخلي شي في نفسك طبعا لاتنسى ساعه المذآكرة يوميا

والله ما راح تندم بإذن الله وخاصة راح تتكتسب سبيكنق جيد لإنك كل يوم تتكلم مع واحد

وفي مواضيع مختلفة

وبالنسبه للخطوط أنا والله رحت على الماليزيه والله أنها روعه يعطونك فندق وقت الترانزيت

ومنها وأنت رآجع تجيبلنا هدآيا منها بحكم رخصها

وآي إستفسار إحنا بالخدمه

أخوك / نايف

وعليكم السلام ورحمة الله وبركاته

بالنسبة للمعهد والعائلة .. مستحيل تحصل معهد الكل متفق أنه معهد ممتاز .. لأن كل واحد ورأيه وتجربته

يالغالي المسأله يبيلها شجاعه شوي ومجازفه .. وأنك خلاص تتخذ قرار وتتوكل على الله

الأغلبيه ترددوا في اختيار المعهد .. لكن في الأخير لازم تجازف

هذا مو معناته أنك تعطيهم كامل المبلغ .. للمده كامله

لا

هذا خطأ .. أنت عطهم حق اسبوعين .. شهر على الأكثر .. أن أعجبك كمّل أو أبحث عن معهد آخر

منها تكون طورت لغتك ولو قليل .. وعرفت المعاهد الجيده من احتكاكك بالطلاب هناك




بالنسبة للطيران .. ايضاً لا تتردد .. وكان تبي رأيي خذ الأرخص والأقل فترة ترانزيت (وانتبه .. الاماراتيه تحتاج فيزه لاستراليا)

من خلال موضوعك اشوف أن ودك بفترة ترانزيت .. الرحلة أساساً متعبه وبرأيي الترانزيت الطويل يتعّب زياده



احس ان ناقصك الصمله بس



موفّق يالغالي

الله يجزاكم خير جميعا ومشكورين على الردود الي تفتح النفس واعتذر لكم اني مراديت على كل شخص

لكن لابد ياشباب نشوف تجارب الاعضاء مع المعاهد التي تركز على الدراسه من ناحية توصيل المعلومه لطالب سبق وقلت لايهمني لاشكل المعهد ولا يهمني نسبه العرب بالعكس لانك راح تحصل عون لك والي يبي يصيع يصيع والي الجاد يفلح

اما الصمله في بصراحه انا صاامل جداا وودي اروح قبل راس السنه لاني متعود كل سنه احضر الاحتفالات والمهرجانات تقريبا بكذا دوله

انا الحمدالله اللغة عندي جيده من ناحية الاستماع والتكلم يعني افهم لكن ودي اطور اللغة وبنفس الوقت ودي ابدا من اول level ابي ائسس من جديد

بالنسبه اختياري للترانزيت انا متعمد لسباب مرضيه وتتعبني جدااا الرحلات الطويله فابي اعرف ماهي الخطوط المريحه الي تطلع من مطار البحرين وتوقف بهونج كونج ثم تطلع لنيوزلندا ؟ من ناحية راحة الكراسي والخدمه داخل الطياره وهل هونج كونكج تحتاج فيزا مرور ؟ مثل استراليا ؟

اهلين اخوي

شوف بخصوص الطيران انا خويي ساكن بالجبيل بالشرقية وراح للبحرين وسافر على الكاثي باسيفك

المنامة - هونغ كونغ - اوكلاند ويمدحها صراحه ولا تحتاج فيزا ولا اي شئ

وبخصوص المعاهد افضل طريقه انك تراسلهم عن طريق النت وانا اشوف الدراسة بالقرى انسب واريح

والله يوفقك ولا تنسى تدعي لنا

^
^
حبيبي مايحتاج دعواتي لكم من قلب

الله يزاك خير

طيب ياخوان باقي المعهد و السكن امرها هين المهم الطيران الان ماهي الخطوط المريحه تطلع من البحرين الى هونج كونكج ترانزيت 9 ساعات اقل شي لاني ابي اريح ثم تروح لااوكلاند كاثي باسفك كلمتهم اليوم لكن بصراحه ابي كراسي مريحه ووسيعه ماهي تجاربكم ؟

والله شوف حبيبي

اذا تبي ترتاح وماعندك مشكلة من ناحية المبلغ
روح درجة أولى

والله الكاثي باسفك الدرجة الاولى الكرسي يمتد يصير سرير
وكل كرسي معزول عن الآخر مع شاشة بلازما
طبعا غير الخدمات الاخرى

اما اذا كان المبلغ يهم
فأقولك الكراسي حلوة وغير مريحة لأنه ماتنسدح كثير وصعبه تنام جالس
لاكن فيه وسادة للرقبة لعلة تساعدك شوي
تحصلها تباع بأغلب المطارات

وترى ممكن تصادف رحلتك مافيها ناس واجد
يعني تقدر تنسدح تنام على اربع كراسي بالوسط

طبعا كلامي كلة عن الكاثي بحكم اني لم اجرب سواها

ربي يسلمكم جميعا والله يحفضكم

بالنسبه لكاثي باسفك اتصلت عليهم وقالو لي درجة رجال الاعمال حدود7000 ريال روند تريب لكن الي ابي اعرفه درجة الاعمال تفرق عن الاكينومي السياحيه ؟ من ناحية الكراسي ؟ والراحه ؟ ولا فقط اضافات؟ لان الفيرست كلاس بصراحه ماعندي اي استعداد ادفع حدود 12 الف كلها يوم ووواصل عشان كذا ابي اسئل بين الاكنومي و البزنس شنو فرق بينهم ؟وشاكر لكم يشباب على التفاعل الله يكتبها بموازين حسناتكم يارب

يعطيكم الف عافية

صراحةً المعلومات كثير فادتني

وأنا إن شاء الله وقالها

رايح على نيوزيلاند

وأرجو للجميع خالص التوفيق كما إني أرجوه لنفسي

وأشكرك حساس على هذا المرور المتواضع وكل من شارك وأفادنا بمجمل خبرته دون إستثناء شخص عن آخر

واسأل المولى عز وجل أن يوفقكم لما يحب ويرضى سبحانه وتعالى

ويجعل سفرنا إلى خارج بلداننا الإسلامية سفر خير وبركة

وأن يبلغنا أياماً حسان نستشعر فيها بإننا نسدي لديننا الحنيف خالص الود والإحترام وعظيم المثابرة في إيصال الإسلام إلى جميع أرجاء العالم بواسطة الخبرة والفهم

ولكم مني أجمل التحايا أحبتي الأعضاء والزوار...

والله انا بوجهه نظري خذ الاماراتيه وطلع معاك فيزا لاستراليا منها تشوفها على الدرب وانت راجع

وراح تطلعلك يمكن ب 6 الاف ريال يعني بسعر مناسب

وخذلك منطقه بالجزيره الجنوبيه حسب علمي احسن وخصوصا القرى

والمعهد خذ ساعات قليله واستفيد من العايله والتحدث مع الناس .......


وبالتوفيق

ما اتوقع ان درجة رجال الاعمال بـ 7000 ريال

اكيد فيه سوء فهم


انا قالوا لي 11 الف ريال وكمان oneway

^
^
والله هذا الي قاله لي واحد اسمه انير او منير عندي وقال لي بعد التخفيض 7400 تقريبا

راوند تريب درجة البزنس

اخوي روح ع خطوط بروناي الطيران جديد ورخيص والترانزيت ماياخد اكتر من ساعه ونص قيمه التذكره ع الدرجه العاديه


5200 وادا انت من جده راسلني واعطيك رقم الشخص اللي موجود في مكتب الطيران واعطيه اسمي ويعطيك تخفيض ان شاءالله

المشاركة الأصلية كتبت بواسطة wd3tk allah
http://www.arabtravelersforum.com/tr...8/#post4583378

اخوي روح ع خطوط بروناي الطيران جديد ورخيص والترانزيت ماياخد اكتر من ساعه ونص قيمه التذكره ع الدرجه العاديه


5200 وادا انت من جده راسلني واعطيك رقم الشخص اللي موجود في مكتب الطيران واعطيه اسمي ويعطيك تخفيض ان شاءالله



اسف اخوي على المداخله اذا ماعليك امر انا ناوي احجز هذا الاسبوع فاذا تقدر تساعدني اكون شاكرلك
######
وشكراااااااا




|||||

يمنع نشر الايميلات أو التلميح لها بأي طريقة كانت

المظلوووم

|||||

ابشر اخوي ماطلبت شي


انتي من جده اخوي ؟

راسلني ع الخاص عشان اقدر اعطيك رقمو

الاماراتيه ما تحتاي فيزا نحن حاجزين على أخر الشهر
تأكدنا من الطيران والسفاره الاستراليه قالو ما يحتاي فيزا
لان الترانزيت كله ساعتين يعني حتى ما تطلع من المطار ولا السوق الحره

وحاليا لايرباص a 380 توصل على اوكلاند
ومسوين خصم 15 % على البزنس

أتمنى مراجعه الرد التالي
*أسامه

^^

لا تنكب نفسك وتنكب العالم معك .. لاااااااازم فيزه ألا للي يحمل الجواز الدبلوماسي

والدليل هالرابطين من موقع الاميقريشن الاسترالية

http://www.immi.gov.au/visitors/transit/771/

http://www.immi.gov.au/visitors/transit/no-visa.htm

المشاركة الأصلية كتبت بواسطة الطرقا ~
http://www.arabtravelersforum.com/tr...8/#post4586838

الاماراتيه ما تحتاي فيزا نحن حاجزين على أخر الشهر
تأكدنا من الطيران والسفاره الاستراليه قالو ما يحتاي فيزا
لان الترانزيت كله ساعتين يعني حتى ما تطلع من المطار ولا السوق الحره

وحاليا لايرباص a 380 توصل على اوكلاند
ومسوين خصم 15 % على البزنس



هلا اخوي كلامك غير صحيح انا من قبل كم يوم اتصلت على الامارتيه قال لي ضروري فيزا مرور لاستراليا

المشاركة الأصلية كتبت بواسطة الطرقا ~
http://www.arabtravelersforum.com/tr...8/#post4586838

الاماراتيه ما تحتاي فيزا نحن حاجزين على أخر الشهر
تأكدنا من الطيران والسفاره الاستراليه قالو ما يحتاي فيزا
لان الترانزيت كله ساعتين يعني حتى ما تطلع من المطار ولا السوق الحره

وحاليا لايرباص a 380 توصل على اوكلاند
ومسوين خصم 15 % على البزنس

أتمنى مراجعه الرد التالي
*أسامه




لا تنكب الرجال الله يجزاك خير
قبل شهر في المطار قالو لي ما عندك فيزه ترانزيت مع اني مطلعها بس قال ما لقيت شي
الا الحمدلله اني كنت طابع الرساله اللي رسلوها لي السفارة واعطيه الورقه ومشينا
مع اني جلست ساعة مو ساعتين